في أحد يعرف التيتان [الأرشيف]

عاشق الجبل

12/08/2005, 10:02 PM

وعليكم السلام ورحمة الله وبركاته

وش خليت ياعاشق التيتان ( نيسان و 8 سلندر )

المشكلة أنه مصنوع وجاهز للتصدير لكن ربعنا مانعين دخوله حتى الأن !!!!

وهذه هي صور قاهر الشواص اللي تهرب زيوت من الدبل وتكسر كارونات :)

http://extrememotors.theautodealer.com/images/items/17a6132b-c466-4db8-8c3d-6555d299e133/39/m39717.jpg

عاشق الجبل

12/08/2005, 10:18 PM

وهنا ايضآ

http://www.grandprixcities.com/000sitepics/nissan2005texastitanpic.jpg

http://www.alumi-tech.com/images/Nissan%20Titan%20Crew%20Cab%202004.jpg

http://www.titantonneaus.com/images/nissan-titan022.jpg

http://www.titantonneaus.com/images/nissan-titan011.jpg

مكينة 8 سلندر ( مرعبة )

http://www.truckworld.com/Truck-Tests/04-4way/Nissan-Titan-Engine-studio-.jpg

عاشق التيتان

12/08/2005, 11:21 PM

السلام عليكم ورحمة الله وبركاته
من جدك مانعينه ربعنا الحمراني ولا مين؟؟ :confused: تصدق إني قد كلمت ديلر في أمريكا (كاليفورنيا) علشان أشتريه :mad:

عاشق الجبل

12/08/2005, 11:35 PM

صدقت التيتان موجود في أمريكا من فترة

وعسى الله يجيبه علشان نكسر رووس بعض الناس :)

عاشق التيتان

12/08/2005, 11:42 PM

إي والله الله يجيبه لكن من جد ممنوع دخوله السعودية أنا كنت ناوي أشتريه و أشحنه للسعودية :(

عاشق الجبل

12/08/2005, 11:48 PM

سمعت أنه ممنوع

لأن التيتان هو نفس الأرمادا ولكنه ونيت

يعني للتهريب على كيف كيف اللي مايخاف الله :)

عاشق التيتان

12/08/2005, 11:59 PM

إن شاء الله إن الكلام اللي سمعته غير صحيح فيه جموس وفوردات 8 سلندروقوية وما منعوها

فتى التويم

13/08/2005, 12:04 AM

السلام عليكم ورحمة الله وبركاته
أقول يا أخوي التايتان موجود في معرض العربه اللي في التحليه وموجودفي معرض الصقر في النسيم

عاشق الجبل

13/08/2005, 11:51 AM

تسلم يافتى التويم على هالمعلومة

لكن كم يسوى ؟

عاشق التيتان

14/08/2005, 11:52 AM

السلام عليكم ورحمة الله وبركاته
شكرا يا فتى التويم على المعلومات
رحت لمعرض الصقر و هوا على المكتب و أنا أقول وين التيتان وين التيتان طلع ما يعرف وشو التيتان
المهم شغلت المايباخ راجع للبيت و أنا كلي خيبة أمل :(
وحانت مني إلتفاته الى الناحية الثانية من الشارع و أنا أسوق
و شفت التيتان في معرض السلطان و أوقف البنتلي في أقرب موقف وأروح أسأل بكم قال بـ 160 ألف ريال SEغمارتين

نفس الموديل والمواصفات من أمريكا واصل للسعودية 127ألف ريال
أنا ان شاء الله ناوي اجيب XE (أقل مواصفات) غمارة ونص يكلف تقريباً 104 ألاف ريال واصل السعودية.

المهم .... رجعت وشغلت المازيراتي وعلى الاستراحة وأنا مبسوط...

الله يعطيك العافية يا عاشق الجبل
وانت يا فتى التويم.....

من زيكم في المنتدى :good:

ماجد الشمري

15/08/2005, 01:33 AM

اخوي عاشق التيتان ...
لاتستعجل ابدا فلدي احد اصدقائي لديه صديق بالوكالة قال له ان التيتان بينزل في 2006 من الوكالة وبيني وبينك لو جابته لوكالة احسن بيصير له قطع غيار وبيطلع ارخص ...
والسيارة ممتازة جدا وفيها مواصافات وحركات جعلت بعض مجلات السيارات تطالب بوجودها في كل السيارات لما لها من تسهيل في القيادة .....

اخوكم ماجد الشمري

غيّام

16/08/2005, 06:24 PM

يالربع لاتعلمون العاشق من اليوم وهو يعذرب في الشاص ويمدح هالتيتان التيتان التيتان التيتان :D

لكن ياعاش الجبل مردك للشاص اذكرك كلامي اذا غزيت الرمله وخرب عليك حساس والا شئ ثم قلت الله لايعيد التيتان وينك يالشاص ثم ماتدري الا صفيره اللي يبري الراس وهو يطرد له ارنب تقوم تشر له ياراعي الشاص ياراعي الشاص ثم يترك صيده ويوقف ويناظر ويشوف وش ذا الموتر ذا الظاهر انه من حقين ارامكوا تدري خله بس اخاف يبلغ علينا ثم يفز الشاص وتصمع صفيره ويروح في فاله ناصي القعد اللي يقصر التيتان من دونه

تراي امزح وانا اخوك لايجي في خاطرك وان جا حقك علي اظلل لك التيتان نيكل :D

http://www.mekshat.com/pix/upload/images10/mk7099_hy.jpg

KEA2003

16/08/2005, 08:51 PM

الي يبيه يجيبه من برا أحسله
ما أضنه يجي بالمواصفات الي تبي لأن الوكيل خابرينه بيسرق الجنوط ويحط حديد والمكينه 6 سرندل والحوض بدون غطا وكل النواقص تعرض للبيع لحالها ما عدا المكينه
موجود ثلاثه في معرض سلطان بالنسيم

ماجد الشمري

16/08/2005, 08:55 PM

اخوي كيا ...
السيارة اساسا ما تجي بمحرك 6 سلندر والسيارة اساسا رخيصة لأقل نوع فما اعتقد ان الوكيل راح ينقص كثير بالبداية ...

اخوكم ماجد الشمري

عاشق الجبل

16/08/2005, 11:32 PM

الغالي : غيام

ترى كل السيارات الجديدة فيها حساسات مرتبطه بالكمبيوتر :)

وأنا وياك والوعد قدام وأنت على أبو مطناج وأنا على الفيتك الـ 4800 ولايردنا إلا حد عمان :)

لكن خذ معك وأنا أخوك زيت أحتياط للدبل وكارونه سبير وعامود فقري وضلعين :)

تراني أمزح يالغالي :)

غيّام

17/08/2005, 12:49 AM

ايه الله المستعان هذا اخرتها مع الشاص الحين التيتان شكله مايأهل انه يروح للبران والشاص مزكى من هل البر
على العموم ابذكرك هالتيتان اللي معجبك والله اركب شاص مطربل ولا اركب تيتان لون احمر والا اسود والا بعد برقالي
الوعد القعد
الله يحرم وجههك وكل من يقراء عن النار ووالدينا يابعدي

عاشق الجبل

17/08/2005, 11:33 AM

آمين يالشيخ غيام

تدري تعال تحت :)

تايوتا وبس :)

خطير

17/08/2005, 04:27 PM

يعطيك العافيه
ولايهمك اخوي غيام التايوتا شيخ المواتر وشيخ المعارض
والشيك شيك لايهمك الباترول اذا شريته لازم يصير عندك
ورشه تربيط محل قطع غيار ولو التيوتا مافيه خير كان ماحصلته
مع البدو والشركات . . . وشكرا للجميع .. .. ..

أبو ثا بـت

18/08/2005, 03:12 PM

الا هو أمريكي والا ياباني ...هههههههههههههههههه

أمزح لاتقولون وش الغشامه .. بس حبيت أسأل .. الماكينه تبع التيتان كم حصان ... ولكم جزيل الشكر ..

(( ولاتزعل ياعاشق )) إخترت لك شعار جديد للتيتان ,,, (( التيتان للشجعان ))

عاشق الجبل

18/08/2005, 03:32 PM

الأخ خطير : الله يسامحك كنك بديت تغلط على طير شلوى ( النيسان ) :)

هلا بفص فص ( ذكرتني باناجه ) اللي يبيع الفصفص ياعليه سوق ماشاء الله :)

والتيتان مدري والله كم حصان :(

عاشق التيتان

19/08/2005, 03:24 AM

السلام عليكم ورحمة الله وبركاته

التيتان موتر بر وديرة يا بعدي...
اسمعوا كلام عاشق الجبل تراه فاهم. :good:

والتيتان 305 حصان :good: :good:
8 سلندر غمارة ونص أو غمارتين يعني عفش وركاب
الغمارة ونص صحنه مترين :good: :good: :good:
والغمارتين متر وثمانين.

والموتر موتر عسى الله يجيبه بس :D .

وسلامتكم ....

عاااااااااشق .... التيتان!

خطير

19/08/2005, 03:46 AM

اخوي عاشق التيتان انا اقترح بدل التيتان 160 الف
اشترلك هدد 2006 فل كامل ب 140 الف و 20الف استثمرها
وبعدين اذا ركبت الهدد قالو وش هالشيخ مهو وش هالددسن ..........
اللهم اعد عشاق النيسان الى رشدهم . . . امين . . .

محب الشمال

21/08/2005, 11:46 AM

اقول اذا ماكينة التيتان زي الباترول حقت الفتك فهي قويه وسيارة على كيفك
بعدين ابلشتونا بتويوتا
تويوتا خلااااااااااااااااااص هذاك اول الحين تويوتا حقت منظر لا اكثر ولا اقل
التويوتا صار صديق للورش
التويوتا يصير ولا شي بالبران بالنسبة للباترول
بالطعوس مع تنسيم الكفرات يا دوب
العزم مشي حالك يا دوب القومه خصوصاً مع الاكسسورات حقتها الي ما لها داعي
التويوتا مضحوك عليكم كله يتركب في جده وياليته يركب قطع ياباني كله صيني من الجناح للرايدو للرفوف للدعاسات للمسجل لطلبلون وانت ماشي حتى المراتب تتركب بجده يعني يضحك على اهل الاندكروزر
اما الباااااترول صنع في اليابان
ما شاء الله تبارك الله
اقوى ماكينه
اقوى عزم
اقوى دفرنس
اقى دبل
اقوى شاصي
اقى احصنه

فالباترول افضل من الاندكروزر في كل شي ماشاء الله تبارك الله عليه
خلاص ابلشتونا بالاندكروزر هذا زمان وجبر انتهى الى ان ترجع الشركة كما كانت في السابق وتبطل تضحك على زباينها

عاشق الجبل

21/08/2005, 11:56 AM

تسلم ياعاشق التيتان وعسى الله يسهل أمورك وتشتريه :)

الأخ : خطير تظهر عليك العنصرية :) وبعدين وأنا أخوك لاتحكم على السيارة بقيمتها وأنت مابعد ركبتها وجربت :)

وكلٍ بموتره راضي :)

الأخ : محب الشمال مايعرف قيمة النيسان إلا دولتي قطر والأمارات وذلك من واقع التجارب وقوة الوكيل .

على العموم وسع صدرك لأننا وأنا أخوك نتحرم وجهة نظر الأطراف الأخرى بدون تعصب :)

عاشق التيتان

21/08/2005, 08:17 PM

السلام عليكم ورحمة الله وبركاته

أخوي محب الشمال التيتان مكينته 5600 سي سي، أو 5.6 لتر، وهي مكينه أكبر من الفيتك.
وصح لسانك . كل ما قلته عن التيوتا صحيح.
أنا عندي لاندكروزر 2005 GXR . والحقيقة أنه طلع مقلب :mad: .

يعني شكل خارجي جميل جداً :good: أما من الداخل (على كلامك) كل شي صيني الصنع :no2: وبعضه مركب في جدة وبين على الجودة انها خرطي.

أما في البر وعلى الرمل فحدث ولا حرج. الموتر مااااا يواجه وثقيل بالطعوس ويالله تنسم له على الجنط الا سنتي.

ويااااااليت اني ماخذ باترول سوبر سفاري :( .

لكني عازم باذن الله على التيتان ... موتر البران... ما يختلف عليه ...اثنان (عقال :D )

مع الاعتذار للحبايب خطير وغيام واحترام رأيهم وعدم مصادرته، لكن عبداللطيف جميل (رحمة الله عليه) بدا يخور ويلعب في السيارات ولا عاد هي تويوتا الأوله. وان كنت صامل على تويوتا خذ خليجي...

وسلامي على النشاما

عاشق الجبل

21/08/2005, 10:30 PM

كلام جميل :):):)

alkhowaiter

23/10/2005, 11:10 PM

سلام
انا معي تيتان 2005 من اكثر من ثلاثة اشهر
الموتر ممتاز بكل معنى الكلمة بر وديرة
هاذي بعض الملاحظات:

الموتر من قدام اطمن من ورا (لازم كعكات موازنة)
الرادو نظام امريكي ( ما يعطي ارقام زوجية)
القزوز فيها دبات البيئة (تكتم على الموتر) ولو ازلتها تولع لمبة المكينة ولا تطفا
تانكي بنزين واحد
لا يوجد ثلاجة

2500HD

24/10/2005, 04:17 AM

اخي عاشق التيتان
السيارة لاهي ممنوعة ولاهم يحزنون
انا طلبت سيارة وجايه ان شاء الله خلال 45 يوم
شرح كامل عن التيتان http://www.mekshat.com/vb/showthread.php?t=37087

هوى

24/10/2005, 05:15 AM

امحق مووووترررررر شكله بيخرب من أول طلعه للبر ***

alkhowaiter

24/10/2005, 11:23 AM

قل ماشالله يا هوى شكلك بتصكه عين من خط الثمانطعش :)

بن نويشر

24/10/2005, 11:52 AM

طيب ليش ما تشوف الرام من دودج ، أعتقد راح تلقى جميع المواصفات . منظر وقوة وغمارتين أو غمارة ونصف وألوان يحبها قلبك وبسعر أقل والضمان 7 سنوات أو 100000كم أيهما أقرب . وأذكر أحد الزملاء لدى والده زيه بس موديل قديم يقول أنه يدخل النفد ويسبح سباحة من دون الدبل من قوة الماكينة .

لا تستعجل رح شفه وصدقني ما راح تندم أبد .. هذا رأي صراحة في الموصوع وأنت أبوها وسمها .

على فكرة ترى يسمونه في الخارج بالوعل الجبلي أو التيس الجبلي .

alkhowaiter

24/10/2005, 01:05 PM

الدوج دجًوا اهله باسبوع :)

صدقني من تجربه

بعدين الاشكال الجديده بس منظر والا قوة..................... ماهناش

خصوصاً اللي فيه اجنحه فايبرجلاس في البدي

امر جمبهم في الخط وانا اضحك

عاشق التيتان

25/10/2005, 02:04 AM

السلام

خوووووش كلام
خوش كلام والله...

الخويطر الله يعطيك خيره ويكفيك شره.
وانت يا 2500hd
الله يسهل عليك وتاصل السيارة.
محاكيك ايضا طلبت السيارة وبانتظار وصولها خلال 30-45 يوم.
شريتها من تكساس بس والله تعبت على بال ما لقيت من يتكفل بأمور الشرا والشحن.

وان كتب الله اذا وصلت صورتها وحطيتها في الموضوع..

عااااااشق ....التيتان.

alkhowaiter

25/10/2005, 09:28 PM

الاخ عاشق التيتان
الله يعقله بالسلامة و يعطيك خيره ويكفيك شره وانشالله انة بيبرد كبدك وتراه يستاهل الانتظار
انا انتظرت 3 شهور وليتني داري يومك تطلبه كان سهلت عليك امور واجد
بس ترا التيتان يبغاله اضافات عشان يعطيييييييييييك....... وهاذي بعضها :
good CAI kit : NISMO, AEM , Volant or K&N
PRG leveling kit
good exsust sustem : , Banks, borla, or magnflow

عاشق التيتان

26/10/2005, 02:51 AM

كفو والله يالخويطر .. ما نستغني عن خبرتك.

والله ما عرفت شي من اللي قلتهن. لكن تدري وشلون؟

اذا وصل بالسلامة باذن الله طقيت لك رسالة خاصة وسألتك عن اللي ذكرت.
على فكرة انا شايف كم صورة فيها تعديلات نسمو. هذي وين يسوونها؟

واذا ممكن من وين شريت السيارة وكيف تم الشحن الخ الخ.

أخوك
عاااشق.... التيتان.

alkhowaiter

26/10/2005, 01:24 PM

هلا واالله
قطع نسمو للتيتان ما بعد نزلت بشكل تجاري الى الان
مافيه الا غطا اللديتر وفلتر الهوا او شي من هالقبيل..... اصبر على نسمو الى ان ينزلون هيدرز او سوبرتشارج شد بلد

انا شريته عن طريق معرض في دبي تكفل بكل شي واشهد بالله انه رجال سنافي ....كان دارس بامريكا وجا وصار يستورد سيارات من امريكا .....مخه نظيف وتعامله انظف..قليل ان يوجد مثله في تجارة السيارات..... الشحن والجمرك والمواصفات جت زي ما ابي وازود

alkhowaiter

28/10/2005, 08:12 PM

السلام عليكم
هذا رابط منتدى عن التيتان فيه كل شي
TitanTalk.com (http://www.titantalk.com/forums)

وهذي الصوره اهداء

http://www.mekshat.com/pix/upload/images11/mk2626_titan_umljmajm.gif

عاشق التيتان

30/10/2005, 04:21 AM

الخويطر

ما شاء الله تبارك الله.
الله يطعمك خيره ويكفيك شره.
ومشكور على الرابط فيه معلومات جداً مفيدة.

على فكرة طلبي ما فيه OffRoad Package
صارت Popular Package المطلوبة.

salehhd

01/11/2005, 10:14 PM

السلام عليكم

ما شاء الله موتر رائع

حسب كلام احد الاشخاص في الوكالة ان قطع غيار الارمادا تركب على التيتنان سواء محرك او قير او انوار امامية وشبك وخلافة

ومبروك مقدماً بس ماقلت لنا الي طلبتة غمارة ونص ولا غمارتين

عاشق التيتان

04/11/2005, 02:38 AM

الأخ الحبيب salehhd

أولاً الله يبشرك بالخير. قطع الغيار كانت مقلقة و كان عندي أمل أن الأرمادا يركب.
والآن أنت أكدت ذلك.

الله يبارك فيك ويرزقك مثله وأحسن.
طلبت غمارة ونص. كنت راغب في الغمارتين لكن سعة الغمارة ونص وطول حوضه اغرتني.

alkhowaiter

22/11/2005, 12:23 PM

الخويطر

ما شاء الله تبارك الله.
الله يطعمك خيره ويكفيك شره.
ومشكور على الرابط فيه معلومات جداً مفيدة.

على فكرة طلبي ما فيه OffRoad Package
صارت Popular Package المطلوبة.

على العموم مافيه فروق كبيره بين الاثنين حسب علمي غير الآتي:
التصفيح السفلي (اللديتر والقير) في ال أوفرود
مقاس الجنوط يكون 17 في الoffroad و18 في غيره وكلها 6 مسامير (مع ملاحظة ان جنط 17 غير متوفر بعكس 18 متوفر بسبب انه يركب للارمادا) هذا الكلام ل2005 اما ال2006 صار ال اوفرود يجي 17 ب7 مسامير
الديفلوك موجود بالoffroad ولا يوجد بالانواع الأخرى
مساعدات رياضية من شركة رانشو في ال أوف رود------ لاهي رانشو ولا يحزنون ما فيها من رانشو غير الاسم!!!!!!
معدل نقل القير الى الرابع ابطأ في الأوفرود عن العادي