مساعده من اهل الجبيل

[ود التوبي]

بسم الله الرحمن الرحيم

السلام عليكم ورحمه الله وبركاته وبعد

كيف حالكم يا اخواني وكل من يتواصل مع منتدى مكشات

ابي مساعده من اهل الجبيل او من يعرف الجبيل عدل

انا سمعت عن المردومه ولكن ماادري وين تصير او وين تصير

انا عرفت انها بمنطقه الصناعيه حوالي الفنادير وراس ابو علي

انا ادري ان راس ابو علي بصريح ولكن الحين التصاريح كلهم توقفوا لان نقلوا الفرضه للجبيل



ولكني ادور على المردومه انا رحت دورتها من قبل شهرين وما شفت حاجه ما شفت الا الفنادير وجربت هناك ولا شفت صيد ولا حتى نقد وجربنا على شاطئ النخيل وهم كذالك لا يوجد شيئ


عموما اخواني العزاء الي يعرف المردومه عدل يوصفها ويا حبذا لو يكتب اسماء الشوارع او ارقامهم وهي تكون قريبه من اي منطقه بالجبيل او اي حي يكون قريب لها


ومشكور اخواني الاعزاء وبالتوفيق بالصيد الكثير



وبالتوفيق للجميع يا الله بسبيطي حق الغذى :d

[catchfish]

ان شاء الله بيجوبوك الشباب و ما بيقصروا

[safii]

اخوي بالنسبة للمردومه هي قريبه من حي المخيمات يعني في شارع بين حي المخيمات والمردومه
وللاسف خبرتي بالجبيل مو قويه بس لوتوصل لحي المخيمات كأنك وصلت لها
والصيد فيها جيد بنسبة ٦٠ ٪ المكان يصلح للي يصيدون بالربيان
تحصل فيه شعوم وقرقفان ووحر واذا تلفح نسبة ٥٠ ٪ يضرب معك قد (عقام)

[ود التوبي]

حي المخيمات ما دليته بالجبيل

مشكور على المرور

هل هذا الحي قريب من الفنادير او لا

[White_Shark]

السلام عليكم

المردومة هي نفسها ( السطحات أو البلكونات ) كما يسميها الجميع .

عند دخولك لمدينة الجبيل الصناعية .. لما يجيك الكبري اللي يوديك لمبنى الهيئة الملكية واللي تنزل منه إذا بغيت تروح لشاطيء النخيل , هذا الكبري تعداه ...... بيجيك بعده مباشرة كبري ( طريق المسجد ) تركب فوق الكبري ثم تاخذ يسار مباشرة مع أول إشارة .. بتجيك إشارة بجانب ( محلة الفردوس ) تعداها .. ثم بتجيك الإشارة الثالثة تاخذ معها يمين .. بعد ماتمشي مسافة راح تلقى مردومة على يدك اليسار ( واضحة من البلكونات ومركز خفر السواحل ) .

بس إذا بغيت نصيحتي : كثر من روحاتك لمردومة في عز الشتاء .

[القنصل,,,]

يارجال ترى المردومه ماهي على قد ماتسمع بالشهر يضرب عليك مزيزي
لاتعب روحك وتروح هنا دور احسن من هالمكان اخوي حداق بالجبيل مافيه لاتحاول
لاكانك بتصيد كبير روح للفناتير اوقات الموسم

[عوام 5]

ان شاء الله افادك القرش الابيض

[ود التوبي]

اما صياد الجبيل جالس يحبطني ههههه

ما عليك يا صياد هو ضرب مزيزي لو ضرب ابو شنب

انا اروح ارفه عن نفسي وبنفس الوقت نحدق اذا صدنا كان بها ما صدنا دقينا حنج الين ما نمل

الجبيل اقرب من المنيفه بواجد وصلنا الكويت وما وصلنا المنيفه وما تبينا نجي نحدق عندكم

لاتخاف ما بنشيل البحر عنكم بس بنطعم السمج الي عندكم :>
وبنرجع بعدها واذا في وحده تبي تجي ويانا صوب القطيف بنجيبها لو حرسون على قولت صاحبي


ومشكور على المرور

[ود التوبي]

اما القرش الابيض مشكور على التوضيح كذا الي يوصف مو مثل خوينا

يقول خذ يمين ويسار ويمين ويسار بتلاقي بقاله الين ما وصلنا الى الشاليهات حق الشركات

يله بالتوفيق لكل من يصيد ببحر الجبيل

[مهند220]

:sيظهر والله أعلم إن المكان قريب من ميدان الفروسية
أي بمنطقة المخيمات
وعلي قولتهم البدوي يسأل
لا جيت نادي الفروسية أقرب واحد عند الإشارة يوصف لك
مع التحية

[alsadiq]

المردومه بدون تصريح وانشاء الله الشباب يفيدوك

[السهران1]

وعليكم السلام والرحمه

تفضل اخوي صورة من قوقل ايرث ارجو ان تكون واضحه لك
http://www6.0zz0.com/2010/09/20/16/954106241.jpg

[accentkool]

ان شاء الله الاخوان يفيدوووووووووووووك

[nasser a]

هلا اخوي حياك ربي في الجبيل المردومه من الاماكن الزينه في الجبيل

خذ ها الوصف ومراح تضييع

شفت كبيري الهيئه خل مبنى الهيئه على يمينك واطلع يسار من تحت الكبري اول اشاره اطلع يمين وامشش سسسسيده لما تحصل المردومه على يسارك

ونا بالخدمه ياخيي لو تبي مكان حلو روح عند جزيرة بوعلي قبل نقطة التفتيش عا اليسار مكان زوووين

بالتوفيق يا الغالي

[nasser a]

وصفي نفس الي في الصوره الي حطها الاخ السهران 1 بس مايحتاج تدخل يسار للهيئه من الكبري اسهل لك

[alsadiq]

الله يرزقكم الصيــد الوفيــر

[القنصل,,,]

اما صياد الجبيل جالس يحبطني ههههه

ما عليك يا صياد هو ضرب مزيزي لو ضرب ابو شنب

انا اروح ارفه عن نفسي وبنفس الوقت نحدق اذا صدنا كان بها ما صدنا دقينا حنج الين ما نمل

الجبيل اقرب من المنيفه بواجد وصلنا الكويت وما وصلنا المنيفه وما تبينا نجي نحدق عندكم

لاتخاف ما بنشيل البحر عنكم بس بنطعم السمج الي عندكم :>
وبنرجع بعدها واذا في وحده تبي تجي ويانا صوب القطيف بنجيبها لو حرسون على قولت صاحبي


ومشكور على المرور
والله انا اقصد ماودي انك تتعب اجل خذ راحتك في بحرنا ههههههه
وعليك بالطعم الزين حق سمكنا

[A B D U L L A H]

ماقصروآ الشباب

رح الفناتير مثل ماقال صيآد الجبيل

كنت ساكن بالحي اللي جنبه على طول قريب من المحطه

يارجال مافيه شي ( تبي وحر ؟ ) رح

والا جدود حتى مو على طول بس موسمه تشوفه حول المغرب ينآقز على الميد

وبالتوفيق لك وللجميع

[حياتي البحر]

ما قصرو الشباب