انتبهو يا اخوان

[ريحه سمر]

السلام عليكم


ومساء الخير


اليوم ودي اكلمكم عن البناشر وما يحصل فيها من نصب على انواعه من النصب في وتفاوت اسعار الكفرات اللي تحصله يرفع بالسعر واللي ينزل والعمليه صارت في مزاد
واللي في بورصه


وايضا مرورا في الزيت والتشييك على زيوت الدفرنسات فالبعض من العماله لازم توقف


على راسه عشان يشيك على الزيوت اللي تقوله عليها


وفيه حاجه ثانيه هي ( رقع الكفرات ) فيها نصب كثير
وانا صارت معاي قصه مع بنشر وهي ان السياره اللي معي بنشرت عند البنشر بالضبط


( مدري حظي كويس والا السياره مشتاقه للبناشر ) :D:Dالمهم قالي العامل يبغى للكفر رقعه داخلية قلته ركبها وقالي شوف تراها اصليه وقيمتها ب 30 ريال قلت مافيه مشكله


ومشت الامور وفي الصباح وانا خارج الدوام الا اشوف الكفر كنه منسم شوي قلت اورح فيه مشوار بسيط وارجع


وارجع برضه احصله منسم مره وما قدرت ارجع للبنشر الاول لانه بعيد ورحت بنشر
قريب للبيت وفكينا الكفر لقينا الر قعه تجاريه صينيه ( حسبي الله عليه ) الغشاش


وا حط رقعه اصليه ( المانيه ) ومشت الامور على خير


ورجعت للبنشر الاول وقلت له انتم ماتخافون الله كيف لو سافرت بالسياره ومشيت على الكفر وضرب علي تروح فيها ارواح عشان رقعه تجاريه وبعدين قالي بكل برود( اصلا ينسم الكفر بس ماتنقلب اليساره ) :mad::mad::mad::mad:


والله يا جماعه خير اني بغيت اضربه بس اني تمالكت اعصابي وقلته هات فلوسي والا اشتكيكم على وزاره التجاره ( اللي نايمه في العسل ) :mad:والا الشرطه واعطاني الفلوس


والله يا جماعه خير انتبهوا وانا نزلت هذا الموضوع للتنبيه عشان ما يكثر النصب


ومشكورين واسف اني طولت عليكم

[ذيب الزور]

جزاك الله خير اخوي

فعلا لازم تقف على راسه عشان يظبط الشغل خصوصا في تغيير الزيووت

الله يعطيك العافيه على التنبيه

[ريحه سمر]

مشكور اخوي على مرورك والله يسلمك

[You Like Me]

الله يعطيك العافيه
ويجزاك خير يالغالي على حرصك وإهتمامك
بس حبيت استفسر بخصوص الرقع الداخليه هي تجي مقرطسه ولا توجد عليها
اي كتابه او اي دليل يوضح اسم الشركة المصنعه او المنشأ وبلد التصنيع
فمادري كيف اعرف انها المانيه او صينيه او غيره
اذا تعرف يليت تفيدنا
بارك الله فيك

[ريحه سمر]

مشكور اخوي على مرورك
اما بالنسبه للرقع يالغالي فيه نوعين

اصلي تجي رقعتها سوداء وعليها كتابه اسم الشركه باللون السماوي طبعا مكتوب عليها المانيا بلد الصنع

اما التجاري رقعه سودا بس حوافها برتقاليه هاذي ابعد عنها

هاذي اللي اعرف ويمكن فيه احسن

وتقبل خالص تحياتي

[سوبر مكشات]

ويين مكان البنشر

فييييه عرابجه فاضييين بالحاره

ابخليهم يدورون وظايف عنده

الوصف لاهنت واستمتع بمشاهده البنشري ينجلد

[ن م ر]

قالي بكل برود( اصلا ينسم الكفر بس ماتنقلب اليساره )


بجاحه ما بعدها بجاحه واستهتار بأرواح الشعب ماله مثيل

هذا حقه كف يخليه يروح لـ صعده على سيكل بالريوس <<< أمزح تراني ضد العنف

على قولة الشاعر : ابومطرقة حقه على راس مسماره

[رسمال]

اعتقد عند رقع الكفر فية ثلاث اشياء تلعب الدور الاساسي بثبات الرقعة وهي:

1- اهم شيء نوع الغراء يكون من نوع ممتاز وثابت يعني ما تتغير قوته مع الحرارة او الزمن او حركة الدوران واللارتطامات التي يتعرض لها كفر السيارة

2 - طريقة التركيب اذا لم تتبع الطريقة الصحيحة مثل حك مكان الرقعة بشكل مناسب وضع الكمية المناسبة من الغراء التثبيت والضغط للمدة المناسبة

3 - ثم اخيرا الرقعة بحيث تكون من نوع جيد

ومن تجربة احسن من يرقع الكفرات الطيار وعندهم احسن سعر

[عيش صحاري]

مشكور على النصيحه

[خواهش مي كنم]

جزاك الله خير على النصيحه
وانتبهو عند غيار الزيت والله بعضهم ما يخافون الله الله يكفينى شر من فيه شر وخبث حسبي الله عليهم ونعم الوكيل وتقبل مروري

[هويدي]

حسبي الله عليه واشكاله

كان معي جمس اعدموا علي وجيه القير والدبل بسبب زياده الزيت

مريت اشيك وزاده الله لايوفقه علشان 40 او 50 ريال حسبي الله عليه

[صامولي]

مشكور أخوي على التنبية
وفعلا كلامك صحيح

[ريحه سمر]

اشكر الجميع على المرور على الموضوع

وتقبلوا خالص تحياتي

[gihad]

حسبي الله لا إله إلا هو عليه توكلت وهوه رب العرش العظيم