مشكلة حرارة ربع تويوتا

[ابوملاك 2008]

السلام عليكم
اخواني نا عندي ربع 2008 حرارته مهي ثابته اذا وقفت رتفعت
وعطيكم وضعه اذا وقفت عند البيت تكون حرارته ع ربع واطفي المحرك وبعد خمس دقائق الي عشر دقائق اشغل سورشت القاء حرارته النصف
وغيرت له رديتر اردني وبعد اسبوعين صار فيه تنسيم ورجعت للبكستاني وضبطه لي وبعد اسبوع رجع ينسم وفيه ناس يقولو انه راس في ظغط هواء ومدري وش المشكله
للمعلوميه مركب عليه بلف ديزل
وانا فكر اني ابيعه بس اخاف الله اني اغش رجال الي يشتريه

[سايق الريم]

طيب ليش تغير رديتره اصلاً

كل المواتر كذ1 لاطفيتها ورجعت تشغلها تشوف الحراره مرتفعه شوي ويرجع وضعه الطبيعي

اخبر الرديتر الاردني يضبط ع الباث موب الربع !!!

[ابوملاك 2008]

مشكور اخوي
للرفع

[فهد الميهوبي]

نصيحه ركب رديتر الوكااله شد بلد
وانسا الحراره

[ابوراكان تبوك]

كل الجيوب الربع التـويوتا كذا اذا جيت من مشـوار طويل افتح الكبوت وخله يبرد
ونصيحة رجع الرديتر الأصلي

[ابوملاك 2008]

ياخوان ارديتر الاول خربان الانه الجيب قبل فتره ظربة حرارة اتش
وملاحظه ثانيه اليوم شغلت الجيب وفتح غطاء رديتر والماء يطفح بشكل بسيط ومافيه فقعات يعني طفح بسيط بس والماء لايقف عن طفح

[رفيع المقآم]

يالغالي اجل تقول ان حرارته وصلت الاتش معناه ان الرااس انشعر ياما تخرطه ياما تغيره والدليل الرديتر الجديد نسم مرتين يعني عندك هوااء

[ابوملاك 2008]

منوتي شاص مشكوووور احساسي يقول كذا
بس انا ابي العب براس المكينه لمى اتاكد

[قناص*07]

يا اخوي ترى الحرار طبيعيه على النص وانت واقف
والنسبه للارباع ترى مكاينها ما شاء الله عليها تتحمل حتى لو وصلت ال h وانا قد صارت معي قبل فتره طويله والحمد لله كشف على الراس طلع سليم.
رجع رديتر بلاده بعد ما تكشف عليه وتسيخه وسوي غسيل للمكينه وفير البلف وحط ماء اصلي امريكي وزيده ماء مقطر.

[ابوملاك 2008]

يااخواني اليوم رحت عند ورشة راديترات المروحة
خبره 43 عام في الدمام العامل اردني مدري سوري شايب وقالي المشكله
من قزقيت راس المكينه بس هل المحل الي انا جيته احد يعرفه او هل كلامه مضمون
وانا مدري وش هو قزقيت راس المكينه

[mgs71]

اخوي نصيحه روح عند اكثر من ميكانيكي وخليه يفحص اذا تاكدت انه الراس سليم
ركب بلف حراره اصلي ورديتر اصلي وغطاء اصلي من الوكاله عندك قطع غيار مايز جيده ورخيصه عن الوكاله تقريبا نصف السعر والافضل الوكالة

[رفيع المقآم]

يااخواني اليوم رحت عند ورشة راديترات المروحة
خبره 43 عام في الدمام العامل اردني مدري سوري شايب وقالي المشكله
من قزقيت راس المكينه بس هل المحل الي انا جيته احد يعرفه او هل كلامه مضمون
وانا مدري وش هو قزقيت راس المكينه


حلو قازقيت راس المكينه يسبب حرارة لكن قل ابغيره ولكن على مسؤليتك وتبي الصراحة وبيني وبينك انا متاكد يانه من الراس او من قازقيت الراس والله يعينك

[قناص*07]

اذا متأكد 100% امسح الراس بالمخرطه اذا يحتاج و غير وجه الراس ( قازكيت)

[ابوملاك 2008]

بس ياخواني هل له ضرر في مسح راس فيه ناس يقولو العزم مايطلع زي اول وانا رجال راعي خطوط الشرقيه وتبوك كل شهر اروح واجي

[عمير]

لا لا تمسح الراس
لأن فحص الراس بسيط وإذا شيكوه و قالوا لك إنه سليم غير القازقيت اللي هو وجه الراس لأنهم إذا فكوه لازم تغيره لأنه لو كان البلا منه ممكن يجر عليك مشاكل أقلها توظيب كامل لأن عطب القازقيت يهرب الضغط من السرندل إلى ممرات الماء والزيت ويخرب عليك السبايك ويوسع السرندلات وتصير المكينه مابها عوض إلا وزنها معدن

الله يعينك إن شاء الله وتلقى حل

[ابوملاك 2008]

مشكوووووووووور عمير

[gihad]

حسبي الله لا إله إلا هو عليه توكلت وهوه رب العرش العظيم

[ابوملاك 2008]

مشكووووووور

[RIFA3Y]

نصيحتي لا تلعب بالراس لانه ما اتوقع يكون من مرهـ ولا مرتين ينشعر الراس


و شيك يمكن فيه تهريبان ولا شي ما تتلاحظ و خلك على رديتر الشد بلد احسن لك

شوف الطرمبه بعد

لك ودي
رفاعي

[ابوملاك 2008]

مشكور كل من شارك في الموضوع
جزاكم الله خير

[عاشق بدويه]

ياخي انت منسم يا بو ملاك انت رجال راعي هدرز وتفتفه وفلاتر واسلاك رياضيه واشياء كثيره والمقفص الي معك موديله 2008 وشكلك تشب على الموتر بالنفوووووودوماتشيك على الاديتر ليييييييييييييين يتبخر الماء من الضغط الهائل الي يجي المحرك وهذي تحدث بعد مرور وقت × وفجئه تظهر الحراره
صحيح لا تقول لا

الجيب صنع للطرق الوعره والطويله
ما صنع للعب وتوليف على المحرك اكيد بيخرب

[ابوملاك 2008]

عاشق بدويه وش هل كلام الي تقول منسم وانت راعي فلاتر تفتفه اربض ترا بنيتي ملاك تدرس سنه ثلاث ابتدائي
الي يشوفك تقول انك تعرفني
هذا وش بلاه يااعضاء ههههههه حبيبي ياعاشق بدويه بس لاتكررها

[خوي الريح]

اخوي اذا الراس خرب تلقاء ماء الاديتر اذا فكيت الغطاءالماء يثور على براء وكذلك بعد متوقف اذا لاحضت ان خراطيش المياه فيها انتفاخ بمعنا انك لاتستطيع ضغطها فهذا ان الرس تقدر تقول خرب

[هيار النفود]

من الطبيعي ان ترتفع الحرارة اذا طفيت السيارة وشغلت ,

لأن الترمو متر يقيس حرارة الماء داخل المحرك وعندما تغلق دوران المحرك من الطبيعي ان يبقى الماء داخل المحرك ويسخن

واذا شغلت ثواني وتعود كما كانت على طبيعتها , لان الماء البارد الموجود داخل الأديتر دخل إلى المحرك وخرج الماء الساخن الموجود داخله

[عاشق بدويه]

100%80الجيوب بالسعوديه ملعوب فيها معليش ش يابو ملاك اذا زعلت الموضوع شدني شويات
يعني الي بيشري جيب يشريه من واحد يعرفه
استعجلت في قراري عليك

[ابوملاك 2008]

يارجال العلم سلامتكم
هل في ضرر في مسح راس من ناحيت في المستقبل والعزم
في ناس قالو لي بيعه وبري ذمتك للمشتري بس انا خسران عليه واجد مابي ابيع
ولا اغير راس المكينه الله الله بردود لاني خلاص طفشت ياني اصلحه او ابيه
تكفوووون ردودالطيبه

[المغيليث]

خوي شيك على تما تيك المروحه وثاني شي رجع الا اديتر الا اصلي فيه وشيك على حساس الحراره يمكن مو مضبوط ويعطيك قرائه غلط واهم شي تكون الخراطيش الا اصليه لا ان التجاري ينصفط مع الحراره واذا كان من الراس الله يعينك اخرط الراس وادبله وجه راس كل الشغلانه حول 450 ريال تقريبان ولا تعبيه المويه الحمراء او الخضراء الا من الوكاله لا ان محلات الزينه مويتهم مغشوشه ترفع حراره السياره وشف بعد غطا الا اديتر يمكن ما يفتح مع الضغط