سيارتي محجوزه لها شهرين

[/ غير البشر /]

السلام عليكم

يا شباب قدر الله وسويت حادث وسيارتي انحجزت وعلي فلوس لرجال الي صدمته ما سددتها لي شهرين بسبب ظروفي والحمدلله اتفقت مع الرجال اقصدله الدراهم وننهي الموضوع وابطلع سيارتي من الحجز ومدري كم ياخذون على الشهرين الي جلست عندهم اتمنى تفيدوني الله يجزاكم خير

وترى انا قاطع اشاره بنفس الحادث وسمعت انه لازم بعد اسدد حق قطع الاشاره عشان تطلع السياره

[/ غير البشر /]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[صامولي]

يفيدونك الأخوان ان شاء الله

[/ غير البشر /]

افا يالعلم 120 زياره مافيه الا رد واحد معقوله ماحد يعرف

[ساحووق]

والله مدري

يالغاااالي

[اسير الغضا]

اخوي كل اللي زاروك مايعرفون
وانا واحد منهم

[مجنون عسل]

اخوي الحمدلله على سلامتك والله يسد لك حاجتك ويرزقك من حيث لا تحتسب
بالنسبه للحجز مر عندهم واسألهم عن سبب عدم اخراج سيارتك من عندهم واذا هي على انها تحجز الى ان تسدد صاحب السيارة هذا الكلام غير صحيح تحول قضيتكم على الحقوق المدنيه ويجيبون كفيل غارم وحضوري في حال عدم سدادك هذا والله اعلم والسيارة ما تنحجز ابد وعند الانتهاء من السدد تراجعهم حتى يسون لك مخالصه يعني انتهى من القضية
وتقبل فائق احترامي

[الصيادالمليح]

أتصل على المرور وهما يفيدونك أكثر لأن الأغلبية ما مر بحالتك

وربنا يرزقك من فضله إن شاء الله

[white heart]

الله يعينك ويقويك والله ياخوي ماعندنا اي معلومة

[CARL ZEISS]

فك الله أسرها

[gihad]

حسبي الله لا إله إلا هو عليه توكلت وهوه رب العرش العظيم

[weeeeeeb]

اتوقع لك مدة اول شي

بعدين يحسبون عليك على اليوم 10 ريال

[ابو سعود1981]

عزيزي
اولاً الحادث المروري وقطع الاشارة لاتستوجب حجز سيارتك في النظام الا اذا كنت هارب من موقع الحادث وتارك السيارة ولايترتب عليها سوء رسوم السحب فقط ومافيها ارضية موقف فالحجز للدوله والسحب للشركه من 100 الى 150 حسب البعد عن الحجز ولاتحجز السيارة الافي حالة التفحيط وبعض المخالفات مثل عدم وجود لوحات او تغيير معالم المركبة

ثانياً سيارتك تراجع وتحظر معك كفيل حضوري غرمي وتعطيها الي عنده القضيه وتقول له سلمني سيارتي اذا ماسلمك السيارة وقال تسدد الي عليك قله حولني على المحكمة بالنسبة للمبلغ ويصدر لخصمي صك فيها

ثالثاً اذا ضغط عليك وطلع مايفهم اطلع لمديره وقدم عليه معروض وورده رسمي في الاتصالات عندهم ووضح فيه انك راجعت اكثر مره لاستلام السيارة دون تجاوب منهم
وانك سوف تلجاء الى ديوان المظالم وترفع دعوى ضد المرور وتتطالب في الضرر الي لحق بك من جرى حجز سيارتك لديهم وصدقني راح تخلص ويسلمونك سيارتك على طول

[/ غير البشر /]

الله يجزاكم خير جميعآ

والف شكر لك يابو سعود على التوضيح الكامل بيض الله وجهك

وصادق انا مشيت من موقع الحادث وسجلوها هروب

كفيت ووفيت والله يوفقك

[سالم11]

الله يعينك ويسهل امرك هذا حقك علينا الدعاء

[adil_rajeh]

ليه وانا اخوك تهرب

مهما كانت الاسباب لاتهرب هذا قدرك ومكتوب لك

وعلى فكره اش استفدت من هروبك غير عقدت الموضوع اكثر

لازم تكون مؤمن بقضاء الله وقدره

ياخوان نصيحه لكم لاتهربو من الحوادث او اي مشكله لانها ابتلاء من الله

والله اذا احب مؤمن ابتلاه ليخفف من ذنوبك بارك الله فيكم

واسف على الاطاله

[تشتاق]

الله يعجل بفك كربتك اخوي

لو عندي علم افدتك