خبرتكم يا هل الخبره بالجيوب

[...المغيدر...]

الله لا يهينكم فيه جيب gx_r2004 خليجي مواصفاته فل الفل مكيفين ونش فتحة سقف ثلاجه الخ ....خالي من الصدوم والرش والموتر ماشاء الله نظيف وماشي ميه وخمسه 105 الااااااف ودي اشوف كم يسوى وراعيه شاورته في الصور لا تعرضه في النت اشتر ولا توكل قلت سم ودي اشوف حق الموتر والموتر نظيف مرة

[...المغيدر...]

ونست اقولكم انه قير تماتيك ودفلك والخلفية لكزس واللون ذهبي

[ابوهمام2004]

ماذكرت اللون
لكن

على عرفي أنا يسوىمن ((90 إلى 98)) ويزود وينقص على حسب نظافة الموتر والشراي إذا كان خاطب الموتر
وايضاعلى صاحب الموتر بعضهم مغلي سيارته غلا ومبالغ في سعرها

أنا عرض علي 2005 سعودي ((أبيض )) فل الفل على قولتك ونش دف لك فتحة خلفية قير أتوماتيك

نظيف بدي ومحركات ماشي 238000 حـده راعيه علي 105
عاد أحسب الفرق انت فرق موديل وهذا سعودي والسعودي أشوف أرغب بالبيع من الخليجي

(وايضا واحد عرض على 2004 سعودي فتحة دف لك أبيض ماشي 300000 وشوي حده على 105سلامااات) شف التفاوت بالاسعار

هذا رأي وللعلم لاني شريطي ولاشي

بس لي حول شهر وأنا أبحث عن موتر وخذيت فكرة عن الاسعار

وماحصلت لكن التيسير على الله

والشباب راح يفيدونك أكثر هم أعرف
لكن أحببت إن أدلي بدلوي

والله يوفق الجميع

أستغفرالله وأتوب إليه

[حنون2000]

118الف..................
والله اعلم

[...المغيدر...]

ماذكرت اللون
لكن

على عرفي أنا يسوىمن ((90 إلى 98)) ويزود وينقص على حسب نظافة الموتر والشراي إذا كان خاطب الموتر
وايضاعلى صاحب الموتر بعضهم مغلي سيارته غلا ومبالغ في سعرها

أنا عرض علي 2005 سعودي ((أبيض )) فل الفل على قولتك ونش دف لك فتحة خلفية قير أتوماتيك

نظيف بدي ومحركات ماشي 238000 حـده راعيه علي 105
عاد أحسب الفرق انت فرق موديل وهذا سعودي والسعودي أشوف أرغب بالبيع من الخليجي

(وايضا واحد عرض على 2004 سعودي فتحة دف لك أبيض ماشي 300000 وشوي حده على 105سلامااات) شف التفاوت بالاسعار

هذا رأي وللعلم لاني شريطي ولاشي

بس لي حول شهر وأنا أبحث عن موتر وخذيت فكرة عن الاسعار

وماحصلت لكن التيسير على الله

والشباب راح يفيدونك أكثر هم أعرف
لكن أحببت إن أدلي بدلوي

والله يوفق الجميع

أستغفرالله وأتوب إليه

مالك لوا الجيوب تحكمها نظافتها اولا ثم مشيها ثم موديلها وكلهن مرغوبات

[...المغيدر...]

118الف..................
والله اعلم
تهقى بـــ118 والله انا ودي اسومه 120 لانه الموتر وقفه ماشاء الله والمحركات توب نحتري الردود

[عاشق بدويه]

حده 80 الى 90 الف اذا الموتر نظيف لا تنسى الموديل متئخر 2004 والان حنا بندخل 2011

[عاشق الطرمبه]

95 الى 100
120 قيمة 2006 فل
وبالله التوفيق



....................


الحظ عجه والجماعه قراطيس ... من يجمع القرطاس وقت العجاجي



.............................

[ابوهمام2004]

مالك لوا الجيوب تحكمها نظافتها اولا ثم مشيها ثم موديلها وكلهن مرغوبات


أولا : هذه وجهة نظر لست ملزم تأخذ بها

ثانيا:السعودي مبييعه أرغب من الخليجي ولايقارن وهذه مانشاهده بمدينتنا
أضف إلى ذلك إنك تتوهق بعض قطع الخليجي وماتحصلها

(( في رمضان بيع جي أكس آر 2007 جايه سمكرة لكن بيع ببخس يعني بتراب الفلوس حراج وكانت المشكلة الظفيرة محترقها والعدادات الداخلية والإشارات مافيه صاحبه يقول وديته لوكالة تويوتا وعجزوا عنه يقولون هذا خليجي ولم يجد له ظفيرة فلذا باعها ببخس أمام عيني بالحراج))

ثالثا : الموديل له أثر كبير بفرق سعر السيارة ولايشك في ذلك

رابعا: مادام الموتر عاجبك لهذه الدرجة توكل على الله

سمه بــ120 ألف وأشتره بـــ130 ألف

والله يعطيك من خيره ويكفيك شره

أما بالنسبة لسعر الموتر فانظر لردود الشباب مقاربه لم ذكرت

وأخيرا: هذه وجهة نظر صواب تحتمل الاخطاء و خطأ تحتمل الصواب


والله يوفق الجميع لكل خير

وأستغفرالله وأتوب إليه

[ذيب العيالي]

قيمته من 88000 الى 96000 لاينقص ولايزود طال عمرك

[راشد الحربي]

والله اذا انت راغب الموتر بالمرة وعاجبك لاتعطيه اكثر من 105 بالكثيرررر .. هذا لانك خاطبه ..

[شروكي500]

قيمته ياطويل العمر
من 90 الى 95

[واحد مبسوط]

تراه جي اكس ار يعني 6 سلندر
سعرة مايتعدى 100 الف

[RPM..5800]

سلامااات120 ..!!!


أخوي الموتر من 88 إلـى 97

ولا تنسى .. اللون ذهبي .. قيمته ماهي مثل قيمة الابيض <<< يعني أقل ..

[حنون2000]

.................

[جعفر112]

اخوي مايتعدى الميه بس لاتتهوروخل الرجال يحده عليك

[حنون2000]

اذا نظيف مره اخذه بـ 118 وادعلي ويمكن يزود 5الاف بعد

للمعلوميه ياشباب وللنظيف
99النظيف قيمته 100الف
97 النظيف قيمته 83الف (سلق)
2006 النظيف 135وطالع
ولكم القرار
2008 160 وطالع بعضها بـ 120الف

[...المغيدر...]

بلاكم ما شفتوا الموتر تقولون بـــ97 اليوم الموتر شافه شريطي وسامه 122 الف وسومة شريطي وانا ابا افرق السوم والله لو تشوفون الموتر كان تقولون مليون وفيه جي اكس ار 2001 مبيوع 96 وانتم تقولون 2004 نظيف ثم نظيف ثم نظيف بـ97 واللي ما شاف الموتر هو اللي سامه 97

[حنون2000]

عطيناه حقه 123الف تابع الرد17

[المعشي99]

ان طقته الحمى سعره لا يتجاوز 95 الف النظيف جدا" وبدي وكاله وفل كامل هذا للمستخدم وغير هسعر لا تاخذه لموديل 2004 حنا الان في 2011

[259]

مايتعدى ال90 وسلامتك

[ياوجودي]

بلاكم ما شفتوا الموتر تقولون بـــ97 اليوم الموتر شافه شريطي وسامه 122 الف وسومة شريطي وانا ابا افرق السوم والله لو تشوفون الموتر كان تقولون مليون وفيه جي اكس ار 2001 مبيوع 96 وانتم تقولون 2004 نظيف ثم نظيف ثم نظيف بـ97 واللي ما شاف الموتر هو اللي سامه 97

والله الإخوان اللي قالوا مايتعدا الـ 97.000ريال عين الصواب.
ولكن أحيانا العين يصيبها الإعجاب بالسلعه فتتمنى إن الإجابه تأتي على هواها حتى تتمكن من إمتلاك السلعه.
صدّقني أخوي السعر اللي قلته إنت حسب كلام الشريطي (122.000)سعر 2008 جي إكس 6 سلندر.
والله أخوي لو إنه الـ2004 فكسآر كان قلنا يمكن واليمكن ذي تحتها ألف خط أحمر.

عموما تراه يسوا 150.000ريال الله يبارك لك فيه << هذا اللي انت تبيه :good2: