المساعد الشخصي الرقمي

مشاهدة النسخة كاملة : ابي فزعتكم في حل ريحة البنزين في الهايلكس


مشعل العيسى
21/09/2010, 12:36 AM
السلام عليكم ورحمه الله وبركاته ،،،

اخواني الكرام ...

عندي مشكلة في الهايلكس موديل 98 ... وهي اني قبل كم شهر اذا عبيت بنزين فل يجي ريحه قوية للبنزين داخل السيارة ... وصرت ما اعبي فل ابد .. والان حتى لو اعبي بعشرة ريال صارت الريحة قوية مره لدرجة انك ما تقدر تسوق الموتر ... والريحة ريحة بنزين وهي طالعه من عندي فتحة التانكي من فوق يعني من المكان اللي اعبي البنزين منه ...

ابي فزعتكم بحل هالمشكلة ؟

ووفق الله الجميع لكل خير
وضح النقى
21/09/2010, 12:43 AM
يمكن الغطاء محتاج تغيير
أو فيه مشكله في اللي بين فتحة الغطا والتانكي
أو مشكلة في لي الراجع يجي قريب من فتحة التانكي
أرجو إني أفدتك والأخوان ما يقصرون بعد
مشعل العيسى
21/09/2010, 12:53 AM
يمكن الغطاء محتاج تغيير
أو فيه مشكله في اللي بين فتحة الغطا والتانكي
أو مشكلة في لي الراجع يجي قريب من فتحة التانكي
أرجو إني أفدتك والأخوان ما يقصرون بعد


اخوي وضح النقى

الله يوفقك دنيا واخره ويرحم والديك على هالمعلومات القيمة ..

بالنسبة للغطاء انا غيرته من الوكالة ومازالت الريحة موجودة ...

سؤال : كيف اعرف انه من اللي ؟
أبوصقر
21/09/2010, 12:55 AM
وش نوع البنزين الي تعبيه..إذا هو 91حاول تصفي موترك منه وتفضية..وعب لك 95ونطحه خط وتروح الريحة..لاكن إذا كان البنزين95شف لك ورشة تشوف لك وش علمه..لأن واحد من الربع معه هايلكس وطلعت له نفس المشكلة وحلها بهالطريقة..
مشعل العيسى
21/09/2010, 12:59 AM
وش نوع البنزين الي تعبيه..إذا هو 91حاول تصفي موترك منه وتفضية..وعب لك 95ونطحه خط وتروح الريحة..لاكن إذا كان البنزين95شف لك ورشة تشوف لك وش علمه..لأن واحد من الربع معه هايلكس وطلعت له نفس المشكلة وحلها بهالطريقة..

الغالي ابو صقر

بيض الله وجهك ....

بالنسبة للبنزين انا اعبي 95 ... رحت قبل فترة لواحد هندي وما عرف وش المشكلة ...
تخبر لي ورشة زينه ..

وفقك الله ابو صقر ..
أبوصقر
21/09/2010, 01:04 AM
الغالي ابو صقر

بيض الله وجهك ....

تخبر لي ورشة زينه ..

..
ووجهك ماسوينا غير الواجب..
ومن ناحية الورشة وين موقعك..
مشعل العيسى
22/09/2010, 03:06 AM
الغالي ابو صقر
انا في الرياض
ابوعابد1
22/09/2010, 11:59 AM
غير فلتر البنزين واحد من الشباب حصلت لة وغير فلتر البنزين ونجحت العملية بعد 5شهور والمحاولات اليائسة نجح بعد الفلتر
مشعل العيسى
23/09/2010, 12:19 AM
اخوي ابو عابد
جزاك الله خير ؛ غيرته على كلامك ومازالت الريحه موجوده ؛؛؛
الصيادالمليح
23/09/2010, 05:15 AM
أخي الكريم .. هل تواجه مشكلة في صرفية البنزين ؟؟ فمعناه هناك تسريب في وصلات البنزين ويحتاج معاينة تهريب شاملة من التانكي و طرمبة البنزين و الليات و عاين فتحة التعبئة يمكن المشكلة من الفتحة وليست الغطاء ويبي لها سمكرة

و ربنا يوفقك إن شاء الله