طرالي تفكير مضحك هههههه ؟ ادخلوا وشوفوا التفكير :}

[السلوم 2005]

سلام عليكم :

اقول ياجماعه امس قاعد اهوجس باللي يروحون للسودان ويطردون الغزلان بالسيارات انا الي فكرت به وراه مايطردون الغزلان بـ\ دباب { البانشي } دباب مامثه سريع ويمديك تهدي من سرعك وتلف مع الغزال اذا لف واذا راح مثلا زبن بنفود يمديك تلحقه وانت تضحك دباب البانشي مهب موقفه غراز وكان تتقولون وشلون يرمي وهو يسوق انا اقولكم تقدر توديه لأي محل حداده يحطلك صندقه عليه ويخليه مجهزه لنفرين اللي يسوق قدام واللي يرمي وراه وطبعا مع بعض التعديلات المناسبه

هههههههههههه آرائكم . . . . .

[هدد688]

اقول لا عمرك تهوجس المرة الثانية >>> هههههههههههه>>>> امزززززح

والله اقتراح وننتظر اهله يردون ...

[حرف الـ ع ـين]

هههههه والله الهواجيس تسهرك الليل الضاهر

[1من الناس]

علبة فشق مشكله الواحد لصار يهوجس يطلع افكاااار جوهنميه عموما انا هذاي ابروح لاقرررب حداد ...هههههههههههههه يعطيك 1000عافيه يالذيب.

[ابوقبلان الرس]

هذي اول مشاركه لي في هذا المنتدى الجميل:

ماودك بعد نحطله دبل علشان مايغرز
ههههه وتوفير للبنزين بعد
مشكور

[بريداوي اصليm]

هههههههه والله أنك علبة فشق << دام هذي هواجيسك
:D:p:D لاعاد تهوجس وأنا أخوك علشان ماتصير كارثه

[مكرم الضيف]

بس وين تروح من الاسود لاحكرتك بعدين خل البانشي ينفعك.

نصيحة خلك على موترك ازينلك

[الحركساب]

قبل 10 سنين نقنص الرمله ومعنا دباب ممتاز

[سلفاريو]

هلا بك بصراحه فكره جهنميه جدا ....ومويد لك بقوه بس بشرط انت بتكون اول واحد يطبقها بالصوت والصوره وبعدها وتعطينا اجابيات سلبيات ومهوب هنا المشكله الكلام ياطويل العمر لنفرض انت تطرد وخذيت لفه وجبت وحده على جنب وكان قريب منك(يعني اسد وحش من الي مزحهم شين وش موقفك )هل تعدل الدباب ولا تتفاهم معاه ...؟الله يسعدك هلا بك وتقبل مروري

[دل البحار]

ما ينفع اذا بتاخذ خد نينجا ما يميدي الغزال يشرد الا وأنت ماسكه مع رجوله
لالا فكره حلو وبعد فيها توفير

[kkhaled]

يعطيك العافية على الاقتراح الحلو
بس اقول ليت النوم جايك احسن
بعض التفاكير تضيع صاحبها
ههههههه

[غيهب 999]

لا عاد تعودها هههههههههههههه
فكرة حلوه بس ماضني الدباب بيلحق الغزال!!!

[مكرم الضيف]

وقتها مافيه تفاهم

خوينا والصيد راحوا

مايبقي غير ملك الغابة والدباب

[مكرم الضيف]

http://www.freefoto.com/images/01/28/01_28_1---Lions_web.jpg?&k=Lionshttp://www.google.com/imgres?imgurl=http://www.freefoto.com/images/01/28/01_28_1---Lions_web.jpg%3F%26k%3DLions&imgrefurl=http://www.freefoto.com/preview/01-28-1%3Fffid%3D01-28-1&h=400&w=600&sz=40&tbnid=-xY4Xmayea_dVM:&tbnh=90&tbnw=135&prev=/images%3Fq%3Dlions&zoom=1&q=lions&hl=en&usg=__gVGBsfVIWxC24F_UPHcZS4gOJu0=&sa=X&ei=onKYTPStGIOKlwe9l7UM&ved=0CC4Q9QEwBA

[بريداوي اصليm]

مكرم الضيف
هههههههههههههههههه
تصدق محد طاحبه غيرك

[محب ابها]

ههههههههه مشكور

[بـو بـدر]

السلام عليكم ورحمه الله

اخواني الكرام

بالعكس الفكره جيده جدا والبانشي من الصوت والله منت لاقي اسد

علي فكره

اغلب مقناصنا بسوريا خاصتا بالكروم ( مزارع العنب ) او بالاراضي الوعره

نروحلها بسيكل -- دباب -- ونصيد الارانب علي اليت

السواق يسوق والي ورا يرمي

ويجونك اهل سوريا يفيدونك بالطريقه

تحـــياتـــي

[أبو فهـــد]

عزالله عليك هواجس

علبة فشق طلع اللي بجيبك ولا احد شاف

ههههههههههههههههههههههههههههه

والله جابها مكرم الضيف

الاسد لا فز يصيد اثنين

الله الله غزال وانسان مرة وحدة ياسلام سلم

(صراحة افكارك جهنمية اتحفنا بافكار غيرها بس لاتقول تصيد سمك بشوزن )

مزوح يالغلا

هاجس في محله

[مكرم الضيف]

بو بدر ياخوي كلامك صحيح سوريا مافيها اسود
تلف على رجليك سوريا كلها مايطلع لك سبع.

لكن السودان غير والله ماتلتفت غير سمبا قدامك يقول:d حياك الله

[مكرم الضيف]

اخوي علبة فشق
الله يرحم والديك ويجزاك الجنه
والله المقصد الوناسه
لك مني كل الشكر والتقدير ولايهونون الاخوان

[ساحووق]

هههههههههههههههههه

الاسد مايلحق البانشي صح ولالا

بعدبن عزال وانسان يبا يفلها الاسسد هههههههههههههههههههههههههه

اضحك الله سنك

[ولاعة]

ما قصرت فكره حلوة وكل ما هوجست بهواجيس زي كذا كلمني على الخاص هههههه
بس اخاف ما تفضا ابد

[مكرم الضيف]

لا شوفوا ياخوان نبي نحط فكرة الاخ علبة فشق قدامنا ونطورها كيف؟

اولا: لازم تكون دبابات البانشي مصفحة.
ثانيا: لازم يكون فيه سيارات مراقبة بالدرابيل من بعيد لو فيه خطر يخبرهم.
ثالثا:اجهزة لاسلكية للتواصل.
هههههههههههه(والله صارت حرب هذي ماهو مقناص) المهم ماعلينا.

يالله عطونا افكاركم لتطويرها.

وترى حقوق الاختراع محفوظة لاأخونا علبة فشق

[مكرم الضيف]

ولاعة الله يسامحك بس والله مابغيت اعتدل من الضحك ههههههههههههههههههه

[حماد 10]

هههههه وسع الله صدرك ، هقوتك ان ملك الغابة بيبيع الدباب .

[مكرم الضيف]

بس خويك اللي ورا بالدباب اخاف تلتفت ماتلقاه منهوش وانت مادريت.

يادافع البلا بس

[مكرم الضيف]

حماد 10
يارجال مهو دباب واحد قول دبابات. ويكتب لوحة محلات سمبا لبيع الدبابات البانشي:d:d:d

[ابو مقعد511]

استغفر الله ..لاآلــه الا الله ....

[ساحووق]

مكرم الضيف

يكن يتفق سمبا مع شراااااااار ويسوون هجوم ههههههههههههههه

[ابو عقل]

هههههههههههههه
ياعيني على التفكير
محاولة جميلة
وادي يكون في موضع مثبت للافكار الجهنمية مثل الفكرة اللى فوق

[مكرم الضيف]

Pda4zULB3EA

[مكرم الضيف]

شوف المقطع اللي فوق تهقا البانشي اسرع من الضبع. لا واثنين راكبين يعني عزومه.

[عاشق-القمرى]

أخى كلامك صحيح والله .. عندى 4 من الأصدقاء مره بالكويت دخلوا على أرض شبه محميه والسيارات ما تقدر تدخلها .. ويذكرون فيها الحبارى اجوال وقاموا ودخلوا كل 2 على بانشى وتخيل معلقين البندق ورا والطيور مسوين لها اوكار على الرفرف الأمامى زما تتخيل شلون شكلهم .. وفعلا راحوا وهدوا على 12 حبارى لقوهم جميع .. وفعلا البانشى له فوائد عده .

[مكرم الضيف]

عاشق القمري

كلامك صحيح ولكن نقصد انه فكرة اخونا طيبه وممتازة لكن الاحتياط واجب.

وحنا خلينا الموضوع وناسه وسعة صدر الله يجزى راعيه والسامعين الجنة

[السلوم 2005]

ياناس قايل لكم ترا منب سهل هههههههههه

بس ياجماعه اتوقع اذا مسيييت البانشي مايمديه يوصلك الأسد
ولا احد يقولي بياكلك قلنالكم نبي نضبطه عندالحداد . . خخخخخخخخخخ تقول بكرا بنمشي على هالتخطيط

ومشكورين على الردوود والتفاعل ومكرم الضيف هين وعدك لامننا مشينا للسودان منب مركبك معي هههههههه

[عطب المظاريب]

اقول لا عاد تكثر من الكبيسه وتنام
شكلك حلمان ما هو هوجاس هذا
ههههههههههههههههههههههه
بتوفيق للجميع

[مكرم الضيف]

علبة فشق
مساك الله بالخير وجعل ايامك كلها سعادة والله اتشرف بخوتك بس اعزم وعلمني.

بس يخوك البانشي نقنصبه هنيا حول المحميات قريب وآمن هه وش رايك.

وان عزمت توكلنا على الله السودان وكينيا ومزمبيق وزبابوي ومورتانيا كلها مقناص

ومعنا نعرج على المغرب ناكلنا كسكسيه ونجي معودين.

تم تم

[مصفق القمري]

هههههههههههههههه حلوة بس لا تعيده ثاني مره
مشكوووور على الهاجوس

[السلوم 2005]

اقول ياجماعة الخير انا من يوم ماشفت قفزة الأسد وش طوله ونا غاسل ايدي. . . . بس كم توقعون سرعة الأسد؟ اما البانشي انا امشي 160 وبجنبي واحد من ربعي يعني نفرض ان البانشي يمشي 150كم \س كم تتوقعون الأسد؟؟؟؟؟

[مكرم الضيف]

اقول العافية زينه
تقول 150 يبي يطوفكم سلام سلام وهو يضحك.

بعدين خل السرعة والله من متسمعه يزأر غير تقوم تراقل رجيلاتك وتنسى الدركسون والبنزين وتخلي الدباب كله.
وتذكر بس الشهادة ان خلاك تذكرها.

ديرتنا ترى زينه من الذيب وانت نازل مقدور عليهوا.

[السلوم 2005]

عز الله ان العافيه زينه واحمد الله عليه

[شري97]

ههههههههههههههههههه اجل بانشي شكلك توك نازل من البانشي يوم تمخمخ تحسبك بنفود بريده ماعندهم نفد اضحك الله سنك

[abo fahd 06]

يعطيك العافيه وانا عن نفسي اذا جيت بروح السودان لازم اخذك معي تحياتي

[الساهر_33]

والله ماهي شينه بس البانشي خطير

بس مو لازم بانشي اي سياره صغيره او كذا

وان شاءالله نشوف تطبيق للفكره

[طرابيش]

انا اقول تعال لمي وجب معك اخشبه بطرفها مسمار امزح معك لاكن
ورا مانقول تاخذ معك بقي البقي هذا اكبر من الدباب يجي مصفح وسريع
واحد من العيال الي يرهمون مصلح بقي ومكينة مكسيما هذا يصلح
والثانيه وشلون يجيك الاسد ومعك اسلاح دبل عليه كل ال 11 طلقه والسلام ختام

[هوا]

قيد الدراسة ههههه

[برادي البرادي]

فول ___مطبق ___ معصوب

حدد وش أنت آكل قبل ما تفكر

[القحويان2]

http://www.freefoto.com/images/01/28/01_28_1---lions_web.jpg?&k=lionshttp://www.google.com/imgres?imgurl=http://www.freefoto.com/images/01/28/01_28_1---lions_web.jpg%3f%26k%3dlions&imgrefurl=http://www.freefoto.com/preview/01-28-1%3fffid%3d01-28-1&h=400&w=600&sz=40&tbnid=-xy4xmayea_dvm:&tbnh=90&tbnw=135&prev=/images%3fq%3dlions&zoom=1&q=lions&hl=en&usg=__gvgbsfviwxc24f_uphczs4goju0=&sa=x&ei=onkytpstgioklwe9l7um&ved=0cc4q9qewba
هههههههههههه واحد للسواق واحد للراكب

[اهل الردات]

هههههههه يزين الهواجيس وشتبي بدباب لجك عطي الله الجيب ياهدد او جكسار او فكسار او او نيسان

[العاذر]

يعطيك العافيه على الهواجيس الرائعه

[ذيب الخد]

ياحليلك هواجيسك هينه انا افكر اطرد الرهو بلهيل كبتر ههههههههههه الله يكون في عون القناص ياقام يهوجس

[مكرم الضيف]

فاضيلك اليوم ياعلبة فشق تعال ابغيك بكلمة راس وعلمني عن طواري البارح .
والله ان طواريك تودي بداهيه.

هاه وش الاخبار

[جرناس الصحاري]

حلوه المواضيع تونس

[ابوحسن ...]

فكره جميله هههههههه

[مكرم الضيف]

الاخ/طرابيش

تقول وشلون يجيك الاسد ومعك سلاح.شوف الرجال والاسلحة اللي معهم وانت احكم وش صار.

0CNgwZgoKFc

[التميمي11121]

عليك هوجييييس ههههههه

[السلوم 2005]

ههههه مشكورين على التفاعل هههههه اقول مكرم ..وش تقول بكلام اخوذنا ذيب الخذ عز الله انه فكره اذا مننا ركًبْنا الدباب ومشينا للسودان اخذنا ذيب الخذ معنا هو وطيارته بس فكره ههههههههههههههههههه

اخوي طرابيش {وش تحس به} جب خشبه بطرفه مسمار ههههه الله يصلحك . . طيب وفكرتي الثانيه وش بتمزح معي به ..؟ الله يستر بس

[ملاعب الريم]

والله راي زين بس لو كان الغزال من يسار كيف يرمي البواردي
الفوارغ تكسر راس الي يسوق

[غربي هواوي]

يا ليت بعد تتطورونه يصير يطير بعد لا تعدى جول طرت وتنقيت اللي تبي

ههههههههههه

[السلوم 2005]

ههههههههه ملاعب وغربي مشكورين على التفاعل

[راشد2009]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههه
هههههههههههههههههههههههههههههه هههههههههه
هههههههه والله يا انت فاضي وبقوه هههههههههههه

[محمد الصرير]

علبة فشق علبة فشق علبة فشق علبة فشق علبة فشق
احاول احفظ اسمك عشان اذكرك ولا اجرب اقتراحات هواجيسك





وصل اللهم على سيدنا محمد وعلى آله وصحبه وسلم اجمعين . ودمتم سالمين

[مكرم الضيف]

تم وضع الرد في موضوع مستقل

[ابوسليمان77]

هههههههههه

الله يجزاك خير لاعمرك تفكر اولالالاه يبي يغلى البانشي

[مكرم الضيف]

علبة فشق

فكر وانا اخوك زي ماتبي بس شوف الطاري الجديد وش رايك برجل آلي(روبوت) نعطيه سلاح و يصيد الصيد ونتحكم فيه من بعيد وان اكلته السباع بدهيه عندنا غيره.

هاه وش قلت

[مكرم الضيف]

اخوي علبة فشق

صبحك الله بالخير

مافيه طواري جديدة والا خلاص.......عطنا منها...الله يعطيك الجنه والسامعين.

[قرناس شماالي]

هلا بك بصراحه فكره جهنميه جدا ....ومويد لك بقوه بس بشرط انت بتكون اول واحد يطبقها بالصوت والصوره وبعدها وتعطينا اجابيات سلبيات ومهوب هنا المشكله الكلام ياطويل العمر لنفرض انت تطرد وخذيت لفه وجبت وحده على جنب وكان قريب منك(يعني اسد وحش من الي مزحهم شين وش موقفك )هل تعدل الدباب ولا تتفاهم معاه ...؟الله يسعدك هلا بك وتقبل مروري

:good::good::good:

[عشقي الصحاري]

اقول يالذيب اغاديك دايم تهوجس
ترا الهواجيس زينه بالمره @

فكره ممتازه
عاد المره الثانيه وش الفكره راح تكون
تشوقت من الحين للفكره الثانيه @

تحياتي لك

@ عشقي الصحاري @

[صلللوح]

بالتوفييييق

[السلوم 2005]

هههههههههه مشكورين على التفاعل

اما من ناحيه الفكره القادمه فهي قيد التفكير هع هع

[شاهد عيان]

شكل الأسد أول ما يلحقك بالبانشي يبي يعض الطاره يحسبها رقبة !

[عاشق بلجيكية]

شكل الاسود وغيرة يحترن الفكرة هذي يمشون وراك لما تقلب وفيها تروح انت وفكرة هههههههههههههههههههه امز الله يعطيك العافية وهوجس مرة ثانية يمكن يطلع فكرة حلوة

[سنا البررق]

طيب وان كان الاسد جلس يحتريني لين يقضا البنزين وش السواة الحين اطقها كعبي

[برق القنفذة]

السلوم الله يسلمك تبي نجرب انا وانت :D:Dتراي جاهز بس انا السواق وانت الراكب وش قلت ابي ردك:D:D

[خالد777]

سلام عليكم :

اقول ياجماعه امس قاعد اهوجس باللي يروحون للسودان ويطردون الغزلان بالسيارات انا الي فكرت به وراه مايطردون الغزلان بـ\ دباب { البانشي } دباب مامثه سريع ويمديك تهدي من سرعك وتلف مع الغزال اذا لف واذا راح مثلا زبن بنفود يمديك تلحقه وانت تضحك دباب البانشي مهب موقفه غراز وكان تتقولون وشلون يرمي وهو يسوق انا اقولكم تقدر توديه لأي محل حداده يحطلك صندقه عليه ويخليه مجهزه لنفرين اللي يسوق قدام واللي يرمي وراه وطبعا مع بعض التعديلات المناسبه

هههههههههههه آرائكم . . . . .


فكرة ممتازة من شخص مبدع فتح لنفسه مجال التفكير والخيال لو تأملنا قليلا لوجدنا أن هذه الفكرة..ممتعة..جديدة..متميزة خرجت من الطابع التقليدي إن شاء الله سوف نقوم أنا وأنت بتطبيقها قريبا

[قناص النَزيًه]

وشلون ابثور عليه:rolleyes:

[السلوم 2005]

افا عليك يانايف شكلك ماقريت الموضوع زين ارجع وأقره من جديد

[مكرم الضيف]

السلوم الله يسلمك تبي نجرب انا وانت :D:Dتراي جاهز بس انا السواق وانت الراكب وش قلت ابي ردك:D:D

برق القنفدة

الله يسامحك طيب اول واحد يروح الراكب وبعدين يحلي بالسواق على مهله.هههههههههههههههههههه

[جروان]

لا عاد تعودها هههههههههههههه

[حسن محيسن]

:D:):good2:لاعاد تعيده ثاني مره وفكر حلووو ياحلووو ههههههه

[الستانس]

فيه دباب يجي بدبل اسمه جريزلي


لي عوده


صلاة...

[الربذي]

ازين شي مقطع اخونا مكرم الضيف عيشنا الاكشن
انا احب الافلام الوثائقية لكن اكره الضبع او الي تسمى بالعاميه الضبعه الفطره وحتى عند الحيونات لاتاكل السباع من الصيد حتى تتاكد من موته الا هذا القذر ياكل الحيوان وهو حي ويحب الفرث يجحر راسه والي يتابع الافلام عن الحيوانات يعرف مدى دناءة وخسة الضبعه في حيوان سفاح مجرم ليس كبقية السباع اذكر شفت مقطع يروع لضبعين ياكلن حمار وحشي وهو حي حتى انها تسحب مصارينه وتاكلها وهو يطالع بلا حول ولاقوه منظر مقزز عجزت اكملهوهو موجود على اليوتيوب

ماعليش يااخونا راعي البانشي زقحنا عن موضوعك الدسم لكن اعتبرنا مسيرين عليك تحملنا شوي

[وحيد الليل404]

هههههههههههههههههههههههههههههههههه
الله يطول بعمرك

[شفت]

يارجال من فاضي ينقل معة دباب ههههههههههه

[نجم الصداوي]

..
..ولو قدر الله وعللق بنص بانشيك وما وقف إلا براس طلحة;) .. عسى الله يسمممت بس
..
.. وإلا بعــد خرب فرامله ومادريت إلا وأنت بــ كينيا:p وخبرك إنك بــ السودان ..
..
.. إقضب الأرض .. وماهنا أحسن من المويتر ..

[برنوا]

ههههههههههههههههه انصاحك في زيــــــت زيـــــــــــــــــــــتون ووسدر وخليى يقراء عليك شيـــــــــــــــخ

[أبو عزيّز]

ههههههههههههههههههههههههه

والله صدقت تفكير سليم وهواجيس بالصميم

موفق..,

[سمنز]

لاعادتفكر الله يرم وا لديك

[البرًي]

:Dمرحبتين على التفكير وخذاريف النوم اقول قسم ان تقلب شكلك ماسبق ان طرت والله ان تضيع المراجل وخاصه اذا دخل فيه جانب الاستهتار فبشر بالقلبه لكن فكره:D والظاهر ان الغزال يبي يموت من الصوت ويقول وش ذا قامت القيامة ويموت ههههههههه

[أنس الحزيمي]

يا ناس ما طلع الأفكار والأختراعات إلا الهواجيس
بس الدباب خاصة البانشي صوتة قوي جدا

[الطرس ممدوح]

اقول لا عمرك تهوجس المرة الثانية >>> هههههههههههه>>>> امزززززح

والله اقتراح وننتظر اهله يردون ...
:good2::good2::good2::good2:

[ساق الجوا]

لا ذكي جدا

[وحيد الدبدبه]

ههههههههههههههههههههههه