عدة السيارة المختصرة المفيدة ؟

[مروي الظامي]

اخواني المكشاتية
السلام عليكم ورحمة الله وبركاته
مع بداية الكشتات وطلعات البر .. هناك بعض الاشياء المهمة التي لا غنى عنها
ومنها عدة للسيارة .. حتى وإن كانت السيارة جديدة يلزم عده تفيدك في أسوأ الظروف
وابي اشتري عده ورحت لساكو والعليان ولقيت عندهم اشكال والوان
ودي استفيد من خبراتكم لا عدمتكم
لا تبخلون على يالمشوره وش الزين وين ابلقاها
حفظكم الله

[الصمان 2]

وعليكم السلام ورحمة الله وبركاته

هذا هو الجواب الكافي :


روح لشارع الريل وإن شاء الله تحصل مبتغاك هناك.


يعني على كلامك أنت تبي طقم مفك حبات حوالي 40 قطعة ألماني وقيمته 180 إلى 200 ريال. (الطقم مثل اللي في الصورة لكن ماهو نفسه)

http://ecx.images-amazon.com/images/I/51DYH0zqYyL._SS500_.jpg




بالإضافة إلى 3 زراديات متنوعة الشكل بحوالي 30 ريال (واحده للقطع والأخرى على شكل منقار والثالثة شكل عادي مثل اللي بالصورة)

http://ecx.images-amazon.com/images/I/419%2B9ttbKaL._SS500_.jpg


بالإضافة إلى طقم سكاريب مربع ومسدس بحوالي 40 ريال.

http://ecx.images-amazon.com/images/I/41B0MmpkW8L._SS500_.jpg


بالإضافة إلى عدة بنشر للتيوبلس وقيمته 25 ريال مثل اللي بالصورة (تحصله عند أي محلات زينة سيارات وترى الغرابي قريب من شارع الريل يعني حج وحاجه)

http://ecx.images-amazon.com/images/I/413RJ59MPzL._SS400_.jpg



هذي هي العدة اللي تحتاجها بشكل عام بالإضافة إلى بعض النثريات مثل مشدات التربيط وذراع توصيل لمفك الحبات وسكروب طويل لأماكن المسامير التي يصعب الوصول إليها وإلى ذلك. وبكل إختصار رح لشارع الريل وحاول تقتنص طقم عدة يحتوي على أكبر عدد من الادوات وبجودة عالية ولاتشتري شيء إلا وأنت تعرف إنك محتاج له. وأتوقع إن التكلفة الإجمالية ماراح تتعدى 500 ريال.


تحياتي لك وأتمنى إني قدمت مايفيدك.





على الرابط : http://www.mekshat.com/vb/showthread.php?t=192535






موفق يالغالي .






.

[ALBDRANE]

وين موقعك ونعلمك وين تروح

[خوي نشامى]

يفيدونك الاخوان جزاهم الله خير

[موراكوت99]

السلام عليكم ورحمة الله
هذا الرابط


http://www.mekshat.com/vb/showthread.php?t=308823

[مروي الظامي]

موقعي الرياض اخوي البدراني بارك الله فيك
وماقصرت يالصمان بيض الله وجهك
لكن اطمع أن أحد الاخوان يشور علي بمحل أحصل عنده شنطه تجمع أغلب اللي الواحد يحتاجه
بارك الله فيكم لا تبخلون علي

[aziz6006]

السلام عليكم ورحمة الله وبركاته
اخوي مروي
هذا رابط افضل عدد في العالم بس غاااااااااااااااااااااااااالي
http://www.snapon.com/
ممكن تستفيد
وشكراً

[راع الطيب]

الله يرزقك بمبتغاك
والله يبلغك مرادك
ويوفقك دنيا واخره
وتقبل مروري

[أبو عمار الخالدي]

ساكو يا بعدي

[العاذر]

تقدر تولف لك عده على حسب احتياجك

مثلا اذا كانت السياره جديده فسوف تحتاج الى( عدة بنشر تيوبلس ) وماطور هواء.. واشتراك.. ولي بنزين ..

واير سحب ..

واذا كانت سيارتك قديمه اشتر العده بطريقة التوليف لاكن طقم الحبه يجي كامل ,

واي خدمه انا جاهز

[عالي الكيف]

السلام عليكم ورحمة الله

التوليف افضل من وجهة نظري لانك ماتاخذ الاحاجتك اما الجاهز يخسرك ووانت لاتحتاج الا نصفها .
وراح ارتب لك الحاجات الظروريه :
شنطه متوسطة الحجم تكون من البلاستك المقوى او الشراع الباكستاني والشراع افضل
زراديات والثلاث الموجوده باعلى الصفحه اهمها .
مفكات مفتوح ومختوم
سكاريب
مع ملاحظة ان اخر صنفين لازم تختاره بعد اخبار البائع بصناعة سيارتك حيث ان كل قاره تستخدم قياسات خاصه بها
حيث الاوربي مختلف عن الامريكي والأسيوي والامريكي كذالك والاسيوي كذلك
شطرطون او تيب او لزقه زي ماتحب تسميه + تيب حق السباكه
براغي ومسامير وورد بأحجام واشكال متنوعه
قلم اختبار للكهرب ابو لمبه
اسلاك كهرب + ليات باطوال مناسبه للإحتياط
عدة البنشري

[اصيل نجد]

مساكم الله بالخير خذ شوري والله ماتحسف ابدا رح لشارع عمر المختار (الريل ) وخذ عده لاتاخذ اطقم فيه حاجات ماتستعملها بس محسوبه عليك خذ شنطه شراع شفها جنبك بسوق الخيام تصير صغيره وذفه واشتر العده الاصليه ولاتنسي المثل ( ياشري الدون بالدون تحسبك غابن وانت مغبون ) عليك بالاصلي وبس والشريه مره وحده واشتر قطعه قطعه احسلك من الاطقم بارك الله فيك .

[pilot1]

لا تنسوا سلك الاشتراك بين السيارات

[اصيل نجد]

صح ذكرني خوينا الله يجزاه خير سلك اشتراك ونصيحه ادلك علي مكان شف برق الحياء عندهم سللك اشتراك شغلهم هم بس عزالله انه سلك صح 600 امبير يعني يشغل طياره ماهو سياره والميزه اللي فيه انه صغير الحجم والمسكات وذفه صغيره يعني تجي باي مكان للتخزين وقيمته 84 ريال لكن شي شكشكه والله ياجماعه انها ماهي دعايه لبرق الحياء والله ماعرفهم تحياتي لكم .

[المهاجر انا]

في الاشتراك في دوار الخرج ارخص وانواع