استفسار ياهل الخبرة ,, ماهو الماطور المناسب

[B.M.Q]

السلام عليكم ورحمة الله وبركاته
عندي استفسار الله يطول باعماركم
وهو انا قررت اسويلي مخيم وهو عبارة عن مرتبل الطول تقريبا 12 متر والعرض تقريبا 4 متر + بيت شعر عمودين+ صندقة خشب صغيرة للعامل ماتتعدى حدود 4*5 مساحتها


الاستفسار والسؤال هو وش يبغالي من ماطور ؟؟
كم فولت او كم كيلو وش النوع لاني احترت الصراحة بانواع المواطير واللي يقول 4 كيلو واللي يقول 7 كيلو واللي 20 كيلو وبيني وبينكم مدري وش اخذ ولا ودي بالشي الغالي مرة ودي بشي معقول ابغى شي يشغل لي كبسين كبار ولمبات اما للمرتبل او بيت الشعر ومكيف شباك للصندقة حقت العامل كم احتاج من كيلو ؟؟؟ وبكم الاقيه ؟


اسف على الاطالة ولكن ودنا نستفيد منكم
شكرا

[موراكوت99]

ماطور روبن 3500\او 5000 ورتاح وبالتوفيق

[B.M.Q]

موراكوت لاهنت على المرور لاكن ياليت توضح
هل تقصد 5000 يعني 5 كيلو؟؟
وهل يتحمل جميع ماقلته انا من مكيف وكبسين وعقد لمبات ؟؟
واذا كان الجواب صحيح ياليت تتفضل بسعر الماطور حتى ولو كان تقريبي
والله لايهينك ويجمل حالك واتعبناك معنا يالغااااالي :)

[موراكوت99]

لا افا عليك تامر امر
5000طال عمرك بطاعته اذا مكيف ماء يتحمله هو الاغراض الى ذكرتها وشغله مرتاح ويكد وماعليه ضغط والسعر انا بالكويت ماعرف الاسعار عندكم اضن خمسه كيلو

[سرهيد]

هلا بك

ما لي خبرة في الامر واذا تبي امر على شارع الريل او حراج ابن قاسم اسأل لك عن الاسعار فابشر بالسعد

تقبل احترامي

[دغيم1]

السلام عليكم ورحمة الله وبركاته
حياك الله أخوي
لاتحتار ولاشي
كل الأمور يمكن تحقيقها بمعرفتك لقوم الكشافات واللمبات والمكيفات وأضف عليها المسافات
تتضح لك الصور في الماطور الذي سيقوم بتحمل هذه الأحمال
وأعتقد أن ماذكرته لايحتاج إلى قوة زائدة خاصة ان غرفة العامل سيكون مكيف صحراوي
وبالمرور على حراج بن قاسم الجهة الغربية ستجد مولدات مستخدمة وجيدة وكبيرة الحجم ويمكن أن يفيدك العامل بحاجة مخيمك للحمولة المطلوبة
شاكرا لك ومقدر
تقبل تحياتي

[العاذر]

وبالمرور على حراج بن قاسم الجهة الغربية ستجد مولدات مستخدمة وجيدة وكبيرة الحجم ويمكن أن يفيدك العامل بحاجة مخيمك للحمولة المطلوبة



جاب العلم مشرفنا
كلام ما عليه غبار

[B.M.Q]

الله يبيض وجيهكم جميع ولا هنتو

[الوافي0]

خمسة كيلو