ياأخواني عندي مشاكل في هايلكس ديزل أريد لها حل ؟؟؟

[هاوي الكشتات9]

السلام عليكم ورحمة الله وبركاته
كيف حالكم عساكم بخير
وضعت الموضوع بخيمة السيارات ولا حصلت حلول عسى أن أجد هنا
لا أطيل عليكم
أخواني أنا لدي هايلكس ديزل 2006 وعندي كم مشكلة أريديكم تعطونن لها حل لإني والله مالقيت حل قلت مالي إلا الله ثم أخواني في مكشات...
أولا: السيارة تصرف ديزل بشكل غير طبيعي تخيلوا أعبي السيارة فل أمشي من القصيم ما أوصل للرياض إلا والسيارة فاضية مرة وهالكلام هذا مابدا يصير تقريبا إلا قبل ثلاثة شهور فقط ولا أول أعبي السيارة من القصيم أوصل الرياض فيها ثلاث أرباع التانكي والممشى بالخط واحد يعني 130 بالكثير أول وألحين ولا يوجد هناك تهريب ولا شيء ما أدري ماالمشكله ؟؟؟

ثانيا: الموتر ضعف عزمه بشكل ملحوظ أول كانت تجيب 170 بالراحة ألحين يالله بالله تجيب 150 إذا مارده الهواء وأيضا بالطلعات يالله تمشي تحصلن أمشي قبل الطلعه 140 ماآصل راس الطلعه إلا والأمبير على 80 والكلام هذا بطلعة الغاط أغلبكم ممكن يعرفها وأنا والله لست من محبين السرعه لكن أحيانا تحدك الظروف وتسرع وأيضا صوت المحرك زاد نسبيا وأنا محافظ عليها مره من جميع النواحي فعسى ولعل أن أجد حلا لهذه المشكلة؟؟؟

أخيرا أدري إني طولت عليكم لكن تحملون والمشكله الأخيرة هي: إني إذا كنت مشغل المكيف والسيارة واقفة ترتفع الحرارة مع العلم إني توي مغير ماء الرديتر حق السيارة حطيت ماء رديتر أصلي حق مرسيدس وأيضا المكيف بالظهر حار مايبرد وكذلك بالليل بس بالليل إذا صرت ماسك خط فقط أما بالنهار لا واقف ماشي المكيف حار وتراي شيكت على الفريون عند أكثر من كهربائي وقالولي سليم ياليت من عنده خبره ولو شيء بسيط يفيدنا وتحملونا وما لكم إلا الأجر والدعاء بإذن الله وأعذروني على الإطالة

(http://www.mekshat.com/vb/newreply.php?do=newreply&p=5281030)

[رسمال]

والله مشكلتك حقيقية وتستحق الاهتمام وياليت عندي خبره افيدك
اتوقع الشباب لا يزالون في اجواء العيد فانتظر وتابع لعل يجي من يفهم بمثل هذه الامور او جربها

[هاوي الكشتات9]

والله مشكلتك حقيقية وتستحق الاهتمام وياليت عندي خبره افيدك
اتوقع الشباب لا يزالون في اجواء العيد فانتظر وتابع لعل يجي من يفهم بمثل هذه الامور او جربها
جزاك الله خيرا وكثر الله من أمثالك
وخيرك واصل يالغالي

[هاوي الكشتات9]

للرفـــــــــــــع
معقولة مافيه أحد عنده علم

[gihad]

حسبي الله لا إله إلا هو عليه توكلت وهوه رب العرش العظيم

[ساحووق]

مرحبا والله عندنا مثل موترك ديزل ياخي مالها قطع غيار متوفر

اما بالنسبه للصرفيه مدري والله

واوما للمشى ماتتعدا 160ومع النزله تجيب 170 وبالقوه بعد هه هي سيارتنا

لكن المكيف عندي ليا وقفت الضهر او بالليل يحتر واذا مشيت يبرد وغييييييرت السير وضبط ولله الحمد
اامنى اني افدك لو بالمكيف ههه
و

[هاوي الكشتات9]

حسبي الله لا إله إلا هو عليه توكلت وهوه رب العرش العظيم
شكرا على المرور

[هاوي الكشتات9]

مرحبا والله عندنا مثل موترك ديزل ياخي مالها قطع غيار متوفر

اما بالنسبه للصرفيه مدري والله

واوما للمشى ماتتعدا 160ومع النزله تجيب 170 وبالقوه بعد هه هي سيارتنا

لكن المكيف عندي ليا وقفت الضهر او بالليل يحتر واذا مشيت يبرد وغييييييرت السير وضبط ولله الحمد
اامنى اني افدك لو بالمكيف ههه
و
جزاك الله خير وما قصرت يالغالي وخيرك سابق
وعز الله إنك صدقت بعدم توفر قطع الغيار وأتوقع والله أعلم لإن ماعليها طلبية
لكن أخوي أي سير تقصد هل هو سير المكينة المعروف بالـ(الجنزير) ولا أنا غلطان

[هاوي الكشتات9]

للرفــــــــــع

[almjrooh_07]

السلام عليكم اخي العزيز اول شي مادري انت تغير فلتر الديزل بشكل دوري او لا اذا كان هناك دخان كثيف يخرج من الشكمان فاعرف انه الفلتر يبيله تغير تاكد من انه لا يكون هناك تهريب للديزل ولو شي بسيط لانه يؤثر على نظام الحقن ويربكه ويسبب ضعف بالمحرك اذا كان في دخان ومع المشي الطويل يروح اعرف ان طرمبة الديزل فيها مشكله

[هاوي الكشتات9]

السلام عليكم اخي العزيز اول شي مادري انت تغير فلتر الديزل بشكل دوري او لا اذا كان هناك دخان كثيف يخرج من الشكمان فاعرف انه الفلتر يبيله تغير تاكد من انه لا يكون هناك تهريب للديزل ولو شي بسيط لانه يؤثر على نظام الحقن ويربكه ويسبب ضعف بالمحرك اذا كان في دخان ومع المشي الطويل يروح اعرف ان طرمبة الديزل فيها مشكله
وعليكم السلام ياهلا أخوي almjrooh
نعم أنا أغير الفلاتر بالشكل الصحيح
وبالنسبة لخروج الدخان مع الشكمان والله الدخان يطلع لكن ماهب كثيف وإذا مشيت أسرعت يعني يختفي الدخان ولا يوجد هناك تهريبات نهائيا

[مجهول مكشات]

اخوي هاوي حسب خبرتي في الديزل ان العزم من الفلاتر بس ما أتوقع تاثر على الصرف
اما المكيف فاحتمال يكون من مروحة المكيف لانها صارت لي نفس المشكله والسبب اني صار لي حادث
وما ركبت المروحه وصار لي نفس المشكله

[الصيادالمليح]

زيادة صرفية الديزل بسبب مثل ما قلت السيارة ما تجيب سرعتها و المكينة مكتومة وحتصرف ديزل أكثر

مثل ما ذكر الأخوان شيك على الفلاتر ووديها ميكانيكي متخصص في محركات الديزل وشيك على فلتر الهوا يمكن يحتاج تغيير أو تنظيف

[هاوي الكشتات9]

اخوي هاوي حسب خبرتي في الديزل ان العزم من الفلاتر بس ما أتوقع تاثر على الصرف
اما المكيف فاحتمال يكون من مروحة المكيف لانها صارت لي نفس المشكله والسبب اني صار لي حادث
وما ركبت المروحه وصار لي نفس المشكله
بارك الله فيك أخوي مجهول مكشات وماقصرت وأبشوف إن شاء الله اللي قلتلي عليه

[هاوي الكشتات9]

زيادة صرفية الديزل بسبب مثل ما قلت السيارة ما تجيب سرعتها و المكينة مكتومة وحتصرف ديزل أكثر

مثل ما ذكر الأخوان شيك على الفلاتر ووديها ميكانيكي متخصص في محركات الديزل وشيك على فلتر الهوا يمكن يحتاج تغيير أو تنظيف
جزاك الله خيرا وكثر الله من أمثالك

[حمادة مطروح]

والله ماعندي فكرة عن محركات الديزل

[هاوي الكشتات9]

والله ماعندي فكرة عن محركات الديزل
شكرا على مرورك

[برق بريده]

اتوقع عندك مشاكل مهيب مشكله وحده

بالنسبه للحرارة المكيف شيك على الكمبرسر

[هاوي الكشتات9]

اتوقع عندك مشاكل مهيب مشكله وحده

بالنسبه للحرارة المكيف شيك على الكمبرسر
ياهلا أخوي برق بريدة وعسى المشاكل ماتجيك قل آمين
طيب أخوي بما أنك في بريدة من هو أزين واحد عندكم متخصص بالديزل علشان أوديه لمه

[برق بريده]

ورشة الكبير على طريق الملك فهد بعد بريده شمال بلدية البصر

وإذا تبي رقمه ارسله لك على الخاص

[هاوي الكشتات9]

ورشة الكبير على طريق الملك فهد بعد بريده شمال بلدية البصر

وإذا تبي رقمه ارسله لك على الخاص
جزاك الله خير أخوي برق بريده ماقصرت وياليت ترسلي الرقم على الخاص

[هاوي الكشتات9]

أخوي برق بريدة الرقم اللي أرسلتلي هذا رقمك ولا رقم صاحب الورشة

[جيب الربع]

تئكد من التربوهل هو سليم

[هاوي الكشتات9]

تئكد من التربوهل هو سليم
نعم سليم التيربو

[winchester]

السيارة تصرف ديزل بشكل غير طبيعي

السلام عليكم ورحمة الله وبركاته

(1) بالنسبه لصرفية البنزين احتمال عندك ابر البخاخات متوسعه

الحل تغير الابر والمتخصص في هالمجال فني توضيب طرنبات

(2) الموتر ضعف عزمه بشكل ملحوظ عن أول
طبيعي كذا حال إي ديزل يضعف عزمها مع الوقت
لكن غير فلتر الديزل والهواء والكفرات تلعب دوور كبير في ضعف العزم ركب شد بلاده وراح تشوف الفرق

(3) إذا كنت مشغل المكيف والسيارة واقفة ترتفع الحرارة
تأكد من بلف الحراره ممكن انتهت صلاحيته وتأكد من طرمبة الماء ممكن تحللت ريشها
* المكيف حار
اذا كانت السياره واقفه طبيعي يكون المكيف حار لانها هايلوكس (:D) لكن مع الخط لابد يكون بارد أو عندك مشكله تأكد من السير وتهريب الفريون

شكراً

[هاوي الكشتات9]

السلام عليكم ورحمة الله وبركاته

(1) بالنسبه لصرفية البنزين احتمال عندك ابر البخاخات متوسعه

الحل تغير الابر والمتخصص في هالمجال فني توضيب طرنبات

(2) الموتر ضعف عزمه بشكل ملحوظ عن أول
طبيعي كذا حال إي ديزل يضعف عزمها مع الوقت
لكن غير فلتر الديزل والهواء والكفرات تلعب دوور كبير في ضعف العزم ركب شد بلاده وراح تشوف الفرق

(3) إذا كنت مشغل المكيف والسيارة واقفة ترتفع الحرارة
تأكد من بلف الحراره ممكن انتهت صلاحيته وتأكد من طرمبة الماء ممكن تحللت ريشها
* المكيف حار
اذا كانت السياره واقفه طبيعي يكون المكيف حار لانها هايلوكس (:D) لكن مع الخط لابد يكون بارد أو عندك مشكله تأكد من السير وتهريب الفريون

شكراً
عفوا لك أخي الكريم لكن هل تتوقع أن الفحص بالكمبيوتر يكشف المشاكل هاذي ولا لازم اكتشاف شخصي؟؟

[winchester]

ما أعتقد الكمبيوتر مفيد للكهرباء ونتائجه تكون بالسيارات الالمانيه والامريكيه أؤكد

لكن الياباني لا أظن ومع ذلك سيارتك ديزل

بس أنت امش على الكلام اللي قلت لك وان شاء الله تنحل مشكلتك

[هاوي الكشتات9]

ما أعتقد الكمبيوتر مفيد للكهرباء ونتائجه تكون بالسيارات الالمانيه والامريكيه أؤكد

لكن الياباني لا أظن ومع ذلك سيارتك ديزل

بس أنت امش على الكلام اللي قلت لك وان شاء الله تنحل مشكلتك
بس تدري أخوي وش المشكلة المشكلة إنك لارحت للورشات وقلتله وش عندك قام يقلب راسه ويطلعلك قائمة من المشاكل علشان يتكسب يعني قليل اللي عنده ذمه عرفت وشلون لكن أنا أبشوفلي واحد ممتاز وأبقوله مشاكلي وهو يفحص ويشوف وجزاك الله خير أخوي winchester على ردك وكثر الله من أمثالك

[ابوعبدلاله]

مرحبا اخوي صرفية الديزل ماعندي خبر فيها لاكن السرعه اتوقع انها حاجه روتينيه بالديزل عموماا لاكن المكيف شيك على البليتين حق الثلاجه هذا سبب رئيسي لاعطال المكيف وكثير من الشباب يجهله الامر هذا والله يكتب اللي فيه الخير انشالله وتقبل مروري