النمل (الذر)

[اكليل الجبل]

السلام عليكم ورحمة الله وبركاتة :

باختصار النمل لعب فيني بالبيت طبعاً فية سرميك وموكيت واحترت وش اسوي خفت استخدم مبيدات قوية وتظرني وتضر عيالي فياليت اللي عندة حل او مر بتجربة يقول لي

طبعاً مو بكميات كبيرة لا قلبل ولاكنة مزعج ..

[تايقر11]

نفس مشكلتك بالضبط

[fahd999]

السلام عليكم ورحمة الله وبركاته
صباح الخيرات

سبحان الله العظيم داخل ابكتب موضوع عن النمل عندي في البيت والقى موضوعك قدامي اول القائمة.. سبحان الله العظيم

انت تقول مو بكميات كبيرة لاكنه مزعج .. انا عندي بالبيت شي عجيب والله من كثرتها ومن شغلها وإن شاء الله انزل الصور وتشوف كيف حافر الجدران ومطلع كميات كبيرة من الرمل وقطع الاسمنت ما تقول الا شغالين كسارات سبحان من اعطاها ..

ولكن ما هي اسباب تواجدها بكثرة وليست بقله لان اكيد وجود النمل في البيت له فوائد سبحان الله العظيم ولكن بكميات تميز النمل من مسافة هذا عجيييييب..

انا حطيت مسمار (عويدي) مطحون حول منطقة التحفير وسبحان الله اختفى فترة ثم رجع ولكن لم يقتلها .. ثم جربت مبيد حشري البودرة (ريد) قتلها ولكن يطلع بعد فترة .. الوالدة حفظها الله استخدمت القاز تصبه في الزوايا وأماكن تواجدها ومساراتها يختفي ثم يرجع .. سمعت ان البعض يضع الكمون ولكن لم اجربه ..
ولكن قبل ان تعمل احدها عليك ان تسمي بالله تعالى وقبلها قارئ اذاكارك ...

من عنده حل يفيدنا الله لا يهينه ..

[راصد بيئي]

انا نفس المشكلة علما ان بيتي عمره 4 شهور فقط

[العابر سبيل2]

اخي الكريم من واقع تجربة قالها لي احد المشايخ حيث كنت اعاني من كثرة النمل والذر في بيتي قال اقراء عليه بصوت عالي ( آية الكرسي) وآية النمل ( قالت نملة ياايها النمل ادخلوا مساكنكم لايحطمنكم سليمان وجنوده وهم لايشعرون ) ثلاث مرات
ثم قل( أيها النمل أخطأك بالله الذي لا اله الا هو أن تخرج من بيتي ) ثلاث مرات
ثم كرر عليه ( اذا لم تخرج من بيتي سأقتلك وسأذيك مثل ما أذيتني) وسوف يخرج باذن الله لأن الذر والنمل امم امثالنا ويفهم مايقال له باذن الله فقرأت عليه بهذه الايات والادعية وخرج بفضل الله وقد تحتاج الي تكرار ذلك ثلاث مرات في اليوم وفقك الله

[MjNo0oN]

اخوي فيه طريقتين مجربه وكلهن زينات

الاولى البودره ومافيها ضرر على الاطفال الا اذا كان واحد منهم يحبي وفيه لقافه زايده << كل اسبوع رش مناطقها بالبودره وخلها

والثاني القاز جبلك سطل فيه قاز وغطس فيه فوطه وامسح بها الامكن الي تتكاثر فيها وتمشي عليها << سوها يومين او ثلاث ايام في الاسبوع

طبعاً استمر على هاذا الموال لمدة شهر او شهر ونصف بالكثير ومعادبك لاقيه باذن الله

[حياتي البحر]

الحمدلله الذي منا علينا من فضله
واسال الله ان يزيل ما عندكم من النمكل

[بروق عرعر]

شف مكان تجمعها وحاول تشوف لك حل لها

[أبو الذيابه]

http://www.mekshat.com/vb/showthread.php?t=323391

قد تجد ما يفيدك هنا
وحفظك الله

[برق الرمة]

وعليكم السلام ..


.انا عندي حل عليك بـ"الديزل" انا مجربه وزيين للنمل والقعر والذر بعد..

[الأخضر]

اللي ذكروه الأخوان( الديزل / القاز/ البودر / الجرة ) طيب وجيد ويبي فقط الأستمرار والمداومة لفترات متفاوته ، وهذا مهم .
واذكر احد الأصدقاء يستخدم طريقه غريبة شوي ، وكان يتحاشى قتل أو إبادة النمل .
وهي انه يقوم بإحضار سطل بوية ويضع فيه سكر أو دبس ذايب ويضعه بجانب بيت النمل ، فإذا تعبأ السطل من النمل حتى يتغير لون البرميل من البياض الى السواد يقوم بحمل السطل ونقله إلى مكان خارج المنزل ويبعده شوي، بحيث لا يعود الموجود فيه إلى جحره ، ويكرر العملية عدة مرات إلين ما تخلص العاملات ويقول أن الخلية بهذه الطريقة تتدمر لفقدها للعاملات .
ولكن أنا أرى الحلول اللي ذكروها الأخوة أعلاه .
تحياتي

[قناص97]

الله يوفقك اخوي وتحل مشكلتك

[مخطط 2008]

الحل انك تجيب علاج الجرب رح ل صيدلية بيطرية وقلة عطنا علاج الجرب وحطة بالحمامات ورش حول البيت من الخارج ومن الداخل لكن لايصير بالبيت احد اثناء الرش وكذالك بمكانك ترش في غرف التفتيش

[ساحووق]

عليك فيه بالخراازه ههههههههههههههههههههههههه امزح

والله اغلب الناس يشتكي من النمل وانا اولهم

[swead]

النمل الأسود أنتشر في أغلب البيوت .. ونادر تلقا جحره .. ومهما تحط له من بودرة ومبيد يطلع من جديد في فترة أقل من أسبوع ..

[اكليل الجبل]

اشكر كل من مر على الموضوع وادلى براية

حقيقة ان النمل مزعج بشكل غير طبيعي والمشكلة بيتي جديد ماسار لة 8 اشهر تو الوالد معمر الله يحفظة

بس مدري وش السالفة والمشكلة حاولة ادور لبيتها وين ومالقيتة رافعة ضغطي ماشوفها الا بصالة على السرميك تتمخطر .

امس جربت البفباف حق النمل والذباب واليوم لقيتها ميتة بالصالة والله تقل اني رامي شي اسود على السرميك

بس المشكة الكاز والديزل ريحتها ماهي بزينة واذكر ببيتي الاول كنت اروح محل البيطري واخذ محلول ب25ريال وحلة في ماء واذا جيت مسافر ارش لان ريحتة كريهه بالحيل والله ياشباب له مفعول مو طبيعي تخيلو من 6 اشهر الى سنة ماشوف الحشرات لانمل ولا صراصير اكرمكم الله ولا اي حشرات بس المشكلة ماحولي سفر الحين ولا ناويها الله لايعوق بشر .

الحين ابشوف هالاسبوع مع البفاف اللي قلت لكم عنة اذا نفع خير وبركة ولا ابجرب طريقة الديزل والله يعينني على الريحة .

[اكليل الجبل]

عليك فيه بالخراازه ههههههههههههههههههههههههه امزح

والله اغلب الناس يشتكي من النمل وانا اولهم


ههههههههههه

عاد تخيل وانا بالخرازة ورى النمل ..

[ابومعزي]

عليك بخل التفاح تراه مجرب ولايدانيه النمل

[صقرحايل]

الله يستر با ستره
ويجب الحذر

[راعي المقانيص]

باذن الله ابعطيك علاج فتاك يحوس لك مريره حوووووووووووووس

عانيت منه تقريبا ثلاث شهور ولا فيه احد في بيتي سلم من قرصاته

واستخدمت جميع المبيدات من بوده وبخاخات ولا نفع

العلاج ياغالي شف لك يوم فاضي ومر على صيدليه بيطرية وخذ من عندهم علاج اسمه ( نيوسيدول ) يجي في وسط علبه المنيوم

طريقة استخدامه

كل لتر ماء تكب فيه مقدار 2 من غطاء العلاج وتمزجها مع بعض واذا تبي تزود الكمية اكثر من غطاء انت بكيفك لان كل مازادت الكمية صارت النتيجة اقوى

واختر لك يوم تبي تسافر او تبي تخلي البيت لمدة يوم تقريبا

ورش دورات المياه والمطبخ فقط في الفتحات مثل علبة التفتيش والكرسي والمغسله والمجلى

والسيسان للغرف ( حافة الجدار ) ومداخل الابواب وخلها مثل ماقلت لك اقل شي يوم علشان لايجيها ماء او تنغسل والعلاج يقوم بمفعوله

وبعد كذا امسح مكان الرش عادي واغسله مثل ماتبي وباذن الله النتيجه فتااااااااااااااااااااااكه

لي الان ولله الحمد سبعة اشهر ماشفت نمله

[جبل رال]

مشكلة النمل مشكله .. في منزلنا أنواع النمل منها الطائؤ ومنها السريع ومنها البطيء مابقى إلى ورل ويصير محمية :)
::
على ما اسمع إن تواجد النمل في المنزل علامة على الحسد كفانا الله وإياكم

نتمنى من لديه خيبرهـ للتخلّص من النمل يدلي بها
.

[بواردي الدلم]

والله ياطويل العمر النمل يرفع الضغط خصوصا إذا قييل الواحد في الصاله او المقلط ودبا عليه النمل وحاس مقياله


لذلك أنا إستخدمت مخي شوي ولله الحمد أفلح مخي هالمره عندما إستخدمت الجره ( مبيد قوي جدا عند البيطري ) تاخذ منه مقدار بسيط جدا عن طريق إبره ( تاخذ ابره من الصيدليه البيطريه كذلك المقاس الكبير ) تسحب من الجره مقدار 1 سم والباقي تسحب عليه مويه حتى تمتلي الإبره وتروح لجحيرها وتطعم بيتك ضد النمل وبعدها تنتهي القضيه وإحذر من الجره لانها سامه جدا لذلك تخلص من الابره وابعد الجره عن الاطفال وعن الكبار ايضا ميزة الابره ان المبيد يدخل في داخل جحر النمل ويقضي على كل من بداخله لان رائحته سامه جدا وقاتله وبالتالي الدخل والخارج سيلقى مصرعه
كيف تعرف مكان الجحر :
ضع قليل من السكر المذاب بالماء ( شيره ) في بقعه يتكاثر فيها النمل وبعد ساعه ستلاحظ خط القافله ( الجاده ) إتبعها بعكس مكان الشيره وسيدلونك على البيت عاد وقتها لاتنسى تتصدق عليها بتطعيمه


أتمنى لك التوفيق والخلاص من النمل والذر

[اكليل الجبل]

والله ياطويل العمر النمل يرفع الضغط خصوصا إذا قييل الواحد في الصاله او المقلط ودبا عليه النمل وحاس مقياله



لذلك أنا إستخدمت مخي شوي ولله الحمد أفلح مخي هالمره عندما إستخدمت الجره ( مبيد قوي جدا عند البيطري ) تاخذ منه مقدار بسيط جدا عن طريق إبره ( تاخذ ابره من الصيدليه البيطريه كذلك المقاس الكبير ) تسحب من الجره مقدار 1 سم والباقي تسحب عليه مويه حتى تمتلي الإبره وتروح لجحيرها وتطعم بيتك ضد النمل وبعدها تنتهي القضيه وإحذر من الجره لانها سامه جدا لذلك تخلص من الابره وابعد الجره عن الاطفال وعن الكبار ايضا ميزة الابره ان المبيد يدخل في داخل جحر النمل ويقضي على كل من بداخله لان رائحته سامه جدا وقاتله وبالتالي الدخل والخارج سيلقى مصرعه
كيف تعرف مكان الجحر :
ضع قليل من السكر المذاب بالماء ( شيره ) في بقعه يتكاثر فيها النمل وبعد ساعه ستلاحظ خط القافله ( الجاده ) إتبعها بعكس مكان الشيره وسيدلونك على البيت عاد وقتها لاتنسى تتصدق عليها بتطعيمه



أتمنى لك التوفيق والخلاص من النمل والذر



ماشاء الله عليك قلبت البيت عيادة ههههههه


بس والله فكرة الابرة مجنونة ... شكلي ابجربها بس يبي لي يوم اخذ اجازة واقطع اتصالاتي معى العالم الخارجي وقتها يا انا يا النمل ....


مشكور على التفاعل يالغالي