كيف تتصرف لو قابلوك كشـوت من هذا النوع***

[_دربيل_999]

http://www.mekshat.com/pix/upload04/images169/mk67496_rthy.jpg
بسولف عليكم سالفة صارت معي في الشتاء الماضي..اللي فاضي منكم يقرأها أقل شيء عشان ماينصدم بعدين لو تعرض لمواقف غريبة بيصير يعرف أن الأمر طبيعي والخبول يملون البلد..


القصة
كنت أنا وأحد الزملاء في سيارتي(باترول)ومعنا أغراض كثيرة ناويين نروح للشمال..
كنا واقفين على طعس في فيضة الخفس بجنب الإسفلت ننتظر بقية الزملاء وحددنا هذ الطعس نقطة تجمع..ترى بقية الزملاء معهم ثلاث سيارات..ماعلينا..
المهم كان حولنا جيب اف جي راعيه غشيم ومغرز ومتعلق ماكان قريب مننا كانوا اللي قريب منه عوائل الرجال كانوا فارشين برا حوالى 12رجال وبجنب الأف جي حوالى 20 متر منه وله حول الساعة ولا فيهم اللي قام يساعدة مع العلم أن كل سياراتهم جيوب..كانوا يطالعون فيه..
راعين الاف جي اثنين رجال..وسيارتهم بطنها على الارض لازم سحب..المهم قلت لخويي خل نروح نساعدهم شكلهم اول مرة يطبون النفود واضح من سواقتهم..
رحنا لهم وسلمنا عليهم وعطيناهم بعض التعليمات ماقبل السحب التبريح للسيارة وكيف يدوس البنزين لاننا ما نقدر نسوق سيارتهم داخل السيارة (حرمة)..
المهم طلبنا منهم واير للسحب لأن أغراضنا الوايرات وغيرها في سيارة العفش(الشاص)..
ماكان معهم واير بعد..قلنا روحوا لجيرانكم وقولوا نبي واير وعساهم يعطونكم..راح واحد منهم للرجال الكثيرين وبعد تلكلك عطونا واير نايلون..أنا ما أحب ذالواير النايلون لأنه خطير ولكن هذا الموجود..


المهم فهمت أهل الأف جي ان هذا ألواير خطير ودايم ينقطع خاصة في النتل وإذا انقطع يكسر القزاز أو يسوي شيء لاسمح الله.. قلنا بنحاول بالسحب بطريقة آمنه وإذا مانفع اخويانا قريب ومعهم وايرات النتل..بدينا في السحب ولكن السيارة ناشبة بقوة..شوي الا يوم جو الرجال اللي كانوا جالسين قلت ماشاء الله لا أبشروا بالفرج بتطلعون..
تخيلوا يا إخوان سوو دائرة على السيارة وكل واحد صار يقترح إقتراح حتى بزرانهم يقترحون..
قلت يالربع ترانا محتاجين ليدين تدف أكثر من حاجتنا للإقتراحات..تخيلوا يحطون يديهم على السيارة ولايدفونها يرجعون يقترحون..
كنت أسحب بسيارتي بطريقة آمنة بسبب الواير الخطير كان بينهم واحد بس واقف عندي ويقول انتل السيارة وكررها مليار مرة وأنا قلت يا ابن الحلال اعرف انتل بس الواير خطير..ضحك واستخف بكلامي..
جاء مع الباب الثاني واحد منهم أحسب عنده فكرة جديدة تخيلوا وش قال..قال ياخوي انت وش تبي بذولا تساعدهم وضعهم ماهو مضبوط قلت ليش..قال ماشفت الحرمة اللي معهم قلت الا شفتها وضحك وقال ماهم مضبوطين..قلت اسمع تبي تساعدهم أهلا وسهلا بقية الأمور مالنا ومالها وخل نيتك طيبة,,ضحك مني واستخفني,,
خويي وراعين السيارة يبرحون وأنا نشبت مع ذالخيول قلت أروح أبرح أحسن رحت وقعدت اشيل من التراب من تحت السيارة وذولا مسوين دويرة علينا ويتغامزون..
لاوجاء واحد منهم لخويي يقول شكلكم تعرفونهم..ناس مرضى سبحان الله..ولكن اصبروا الكارثة قادمة..


المهم برحنا عن السيارة وركبت سيارتي وسحبت وتحرك الاف جي شوي ورجعت أبرح مرة ثانية.. شوي الا سيارتي ترجع ريوس الا راكب فيها ذاك اللي يكرر على انتلها وتطلع ويسوق سيارتي المهم بعد ما رجع تقريبا مترين وراء وارتخى الحبل وينتل موتري ذيك النتلة وينقطع الواير ويعفط الباب الخلفي في سيارتي عفط قوي ويكسر غطاء الأسبير الفيبر تكسير والقطعة الثانية تضرب الاف جي ولكنها وصلة صغيرة كسر الاصطب الخلفي فقط ..تصدقون يا إخوان يوم نتل السيارة كنا كلنا نبرح للكفرات وسواق الاف جي نازل يبرح معنا...
شوفوا كيف تصرفات بعض الرجال...
المهم نزل من سيارتي وكان ينظر في الباب الخلفي لسيارتي المعدوم والغطاء المتناثر ولا كأنه سوى شيء ولا حتى قال آسف..التفت على صاحبه وقال راح حبلك يبو فلان الله يعوضك..قلت إسمع من اليوم وانت تطلب مني نتل السيارة وقلت لك هذا خطر ولكن استمريت ولا اكتفيت نفذت بنفسك وعطتك النتيجة اللي حذرتك منها وكنت خايف منها..وبدون إستئذان ولا حتى تعذرت..عن الدمار اللي سويته ياراعي الخبرة..رح وخذ ربعك معك مانبي لكم خدمة بيجون اخويانا الحين وبنطلعها ومشكورين ولا نبي منكم ولا شيٍ مشكورين ما قصرتوا ولا تنسون حبلكم والله يسامحك على اللي سويته..فإنصرف وانصرفوا بقية الخبول من خلفه وجو اخويانا وطلعنا الرجال وواصلناها شمال والصدر شمالي..مالنا ومال الرخوم..رجال ما يسوون التالية من الغنم..
في أمان الله...


الروقي

[الصامل1]

مع احترامي لك ما عجبتني اجل يركب موتري وانا ابرح بدون اذن و ينتل الموتر (( اقل شي اخليه يدفع تعويض عن التلفيات)) وبعدين وين الاسلوب الصحيح لتعامل مع الاشكال هذي ماشفت ممنك الى تقطقت الرئس وعدم تحريك ساكن

الا اذا كان الكثرة تغلب الشجاعة هذي شي ثاني

[النتاوي]

مع احترامي لك ما عجبتني اجل يركب موتري وانا ابرح بدون اذن و ينتل الموتر (( اقل شي اخليه يدفع تعويض عن التلفيات)) وبعدين وين الاسلوب الصحيح لتعامل مع الاشكال هذي ماشفت ممنك الى تقطقت الرئس وعدم تحريك ساكن

الا اذا كان الكثرة تغلب الشجاعة هذي شي ثاني

والله يا خوي دربيل - 999 >>> تبي الصحيح ..

عندك حلم ما شاء الله .. والله لو مكانك كان سويت اللي قاله أخوي الصامل ..

[العاذر]

شف ونا اخوك اللي حول المزفلت لاتخاف عليه

فيه جوالات ووسائل اتصال كثيره ..

اذا ماجاك الرجال بنفسه وطلب منك المساعده هذاك الوقت افزع له وقدم له المساعده

وهذي قاعدتي مستحيل اعرض خدماتي على اشخاص لااعلم طبايعهم ولا نياتهم

الوقت هذا فيه رخوم واجد وخكاريه وناس ماعندها ذرة رجوله او مرؤه

[جون الشمالي]

والله بعض الناس لاتقدر ولاتحترم شايفين الناس بزراين بعيونهم
تقبل مروري...

[_دربيل_999]

مع احترامي لك ما عجبتني اجل يركب موتري وانا ابرح بدون اذن و ينتل الموتر (( اقل شي اخليه يدفع تعويض عن التلفيات)) وبعدين وين الاسلوب الصحيح لتعامل مع الاشكال هذي ماشفت ممنك الى تقطقت الرئس وعدم تحريك ساكن





الا اذا كان الكثرة تغلب الشجاعة هذي شي ثاني




أهلاً وسهلاً بخوي الصامل..

منور الموضوع بحضورك الرائع..
أخوي الله يحفظك أولاً كنت أنا وزميلي متواعدين مع رجال شرواك..ناوين نأخذ جولة في الشمال كنا ننتظرها ..
وفتح مناقشات أو مناوشات بيننا وبينهم جدير بفتح باب للمشاكل وتحويل طلعتنا الى شيء آخر..


الكثرة تغلب الشجاعة نعم..
ولكن كانت مستبعدةى في ذاك الوقت ولاكان هناك خوف الا من الله سبحانه وتعالى..
وفي الحقيقة من طريقتهم واضح أنهم بلهاء
واكبر صعوبة هي محاولة التفاهم مع بلهاء..


اخوي هم رجال كبااار في السن وفيهم الشيب يالله حسن الختام لاتنسى..
وإحنا شباب قادرين على ترجيح الموازين وإحداث فوضى ..ولكن هذا آخر مانفكر فيه ولله الحمد..


بارك الله فيك..


الروقي

[عجاج السناف]

من ستر على مسلم بالدنيا ستر الله عليه يوم القيامه


ما علينا من السياره والى فيها


علينا من الموقف
الله يعطيكم العافيه على ما فعلتوه مع صاحب الاف جي وهذا العشم
النخوه والمروه موجوده في دمنا مهما كان السبب


والرخوم الى قاعده تتفرج حتى جيتو انتم ما فيهم الرجل
ومن ركب سيارتي بدون اذني
سيحصل مالايحمد عقباه
والمواقف تحكم التصرف الحيكم في بعض الامور
(ولاشك تصرفك هو الصحيح)



قواك الله

[ابوناصر426]

هذولا رخوم مافيهم خير

[محمد-الرس]

هذولي أقل ما يقال عنهم قليلي أخلاق وما عندهم شيم الرجولة . . ولا الرجاجيل الصدق قول وفعل مب قول ومهايط.....

[_دربيل_999]

والله يا خوي دربيل - 999 >>> تبي الصحيح ..





عندك حلم ما شاء الله .. والله لو مكانك كان سويت اللي قاله أخوي الصامل ..




هلا فيك اخوي النتاوي..


منور الموضوع بروعة حضورك..

اخوي الله يحفظك درس لدقيقة أو لعام أو لقرن يلقى على مسامع بلهاء يعتبر تبذير في الوقت..

أخوي أنت تعرف أن هناك رجال يأخذون معك ويعطون في الحديث..
وفي المقابل هناك كثير من الرجال بلهاء..
ولا أخفيك أقسم بالله لو عرض علي التعويض ما أخذه..




وأنا حاط في رأسي سيارتي بصلحها أنا وفي كل الضروف ليش أهفي نفسي وأطلب من البلها حفنة من المال بالعكس أترك السفيه لسفهه وأكبر عقلي بما أن الشخصية الغبية تتبدأ واضحة أمامي كقرص الشمس
بتصرفي هذا أكون أفضل منهم..






بارك الله فيك..




الروقي

[نويجع]

سالفه محزنه
اساءة الظن بالناس مالها داعي
لو مكانك اقول لهم ياتساعدون ياتوكلو الكلب فيه اجر

[grdan]

لا تعليق على تصرف هؤلاء الحمقى
لكن أحيي فيك حلمك وروعة أخلاقك التي تدل على طيب معدنك

[فهد بن مشبب العاصمي]

للأسف دام هذي علومهم وهذا ظنهم وهذا فعلهم .. فغسل ايدك منهم ولو كانوا كلهم كبار سن .. الرجال بافعاله ماهو بكبر سنه .. لكن انت بيض الله وجهك ماقصرت كلك خير وبركة وعلمك غانم .. لكن مثل هالاشكال عادي تتصل على الدوريات وتبلغ عنه وتقول لهم القصه وتنشف ريقه شوي والى ماتجي الدوريات تقهووون شوي ولاجت وقتها فكر انت تسمح له او يعوضك لأن هالاشكال ماينفع معها الا كذا وتمشي مضبوط ..

والله يصلح الحال

[دلهميز]

ماشاء الله عليك والله حليم وضابط نفسك

لكن لو انك يوم شفتهم يقترحون ويتفرجون قلت لهم : يا اخوان كان عندكم يد تفزع والا توكلوا على الله .

[السلمان2010]

بيض الله وجهك على حلمك وشهامتك

[الــفــيــصــــل]

:d يسامحك على اللي سويته..فإنصرف وانصرفوا بقية الخبول من خلفه وجو اخويانا وطلعنا الرجال وواصلناها شمال


هههههههههه الخبول والله اني اتخيلهم بس تدري يا الدربيل والله انك كفو وثاني شي نفسي اكون حليم مثلك هذى صفه لايتصف فيها غير الحكماء وانت واحد منهم صدقني لو الموقف صااار معي كان قاااام البوكس تدري ليه لان الطلي الي يقولك انتل انتل انت حذرته اكثر من مره بس وش تقول خبول وعاقلهم أحول :d

الله يعوضك خير
وأستمتعنا في قصتك والمفيد من هل القصه
1- تعلم الحلم ند الغضب
2- لاتقذف العالم وتظن الظن الشين مثل ما سوا الخبول
3- سو خير وقطه بحر

[نفود حائل]

واقسم بالله انها سالفة ترفع الظغط

ما شاء الله عليك وسيع صدر

لو انا مكانك والله ثم والله لمردغهم مردغة

بس الله لا يحطنا بهالموافق مع ناس ماتسوى زبيرية

[ن م ر]

قسم بالله انك ذيب ونادر عش وابيض وجه وفعلك هو فعل الرجل العاقل الواعي الحليم

وقد قيل : لا تجادل الأحمق فقد يخطئ الناس في التفريق بينكما

فعلا قد تواجه مثل هالرخوم ولكنهم ولله الحمد قله

[اخت الصقور]

ماشاء الله عليك ركب سيارتك ودبدون اذنك وكسرها وصبرت وسكت
والله لواني مكانك لااربطه بحبله واسحبه في هذيك الطعوس لين يتفل العافيه
اجل ملقوف وقليل نخوه وخرب سيارتي واسكتله هزلت
لكن احيي فيك الصبر وطوله البال

[تلميذ الصحراء]

يالغالي ودي أحب راسك من جد ياصبرك وحلمك ..

حتى لوكان شايب وما يحترم نفسه ليش تحترمه !!!

وين عايشين!!! يركب سيارتي !!لا وحنا نحفر !!!
لا والرجال نازل من السيارة!!! ههههه
والله كملت يازين المخمس بوجهه

[تلميذ الصحراء]

يالغالي ودي أحب راسك من جد ياصبرك وحلمك ..

حتى لوكان شايب وما يحترم نفسه ليش تحترمه !!!

وين عايشين!!! يركب سيارتي !!لا وحنا نحفر !!!
لا والرجال نازل من السيارة!!! ههههه
والله كملت يازين المخمس بوجهه

[غالي]

ياكثرهم ياخوووك

تحس انه مبسوط ويتفرح على الي مغرز ((قلوبهم سود))

والا يجيك واحد ويطلعك ثم ينشب فيك

عاد ابلش به

تو مسوي فيك خير الا يحرجك يا يحلف ويطلق ولا يفكك تجي معهم وتقلط والا اذا كنت حاط جلستك جلس ولاعاد قااام وينادي ربعه يجلسون معك وانت جاي تبي تاخذ راحتك بهالبر

والله مشكله

ههههههههه تراهم واجدين والله الله يبعد هالاشكال

الواحد اوكي يصير وسيع صدر بس مهوب ينشب ماتدري عن ظروف العالم

الله يعوضك خير اخوي

[عاشق القيلات]

الحمد لله على سلامتكم
ويعجبني الصدر الشمالي:good2:
تقبل مروري

[الجيب الاسود]

مشالله عليك والله انك حليم.
الحمدلله اني ماني بموقفك لاني ما اتحمل مثل هالحماقه

[الشملاني1]

قوله تعالى { الأعراب أشد كفرا ونفاقا وأجدر ألا يعلموا حدود ما أنزل الله على رسوله والله عليم حكيم }

ما فيها كلام
ماشاء الله عليك كيف عرفت انهم اعراب

[السبع2]

والله اني كرهت اساعد بالطريق
صارلي موقفين الشتاء الماضي شي يقهرك قهر
الأول : واحد مغرز بالنفود راعي gxr 2001 بين العليم وجبه ولحاله ومتبهذل الرجال والله اني رحمته المهم سحبته تقريبا 50 متر و وقفت الرجال ما وقف وصدم موتري ونزل يناظر وأنا بسيارتي من القهر فك الواير من سيارته ومشى وأنا اكلتها بالطعوس لحالي ودقيت على ربعي بجوال الثريا ورجعوا وأنا ادعي عليه للحين
الثاني : بطريق ظلم واحد معه عايله ومتعطل بالطريق الظهر اشر لي وطلب المساعده وقلت: ابشر بسعدك اركب انت وعيالك قال:لا قلت : اسحب موترك قال : لا قلت : وش المطلوب قال : تجيب لي قطع غيار وأنا اصلح السياره
اخذت رقم الجوال وعلى ظلم ادور قطع غيار حصلت بس دبل السعر ودق الرجال وقال لي: تأكد انه اصلي وكان على اتصال معي على طول
وشريت القطع بملغ وقدره ورجعت لمحطت بنزين على الطريق لعفيف وكلمت راعي جمس عوايل قلت ابيك توصل الأغراض معك قال :خلاص وكلمت خوينا وخلتهم يتفقون بالجوال ومشيت قلت : تبي شي قال : سلامتك وبعدها بيوم ادق عليه ما يرد أنا الصراحه ابي فلوسي من الرجال ودعيت عليه لحد اليوم ما اتصل واللي يقهر انه كا رجال كبير
ويتشرط بكلامه معي بالجوال وأنا قلت يمكن من التعب والخوف على العايله الللي معه
بعدها قلت لو اشوف واحد من خوياي ما ساعدته

[ابن الفيحاء]

أخي الكريم بارك الله فيك وهذي هي المرجلة والاخلاق التي يتمتع بها المؤمن والا العلوم الردية للاسف كثير يسوونها.. والقصص في ذلك كثيرة والله اسأل ان يعوضك خيرآ

[ساحووق]

الله يعوضك خير

والردياان وااجد بالهزمن لاكن والله الي مايستحي يركب سيارنك ويسوقها على كيفه حراام بالله المفروض المسدس يشتغل ههههههههههه

لاهنت يابن رووق وابيض ووجه وعلومك كلها غاانمه لاعدمنااك

[فصوولي]

والله صعب أخليه يركب في موتري وأنا أشوف ولا أظمن ينطل فيه شي

لو غرزت والا ساعدت أحد مستحيل يركب أحد ما أعرفه موتري ولو حاول من اساسه قلت له حول حالت مداولك << مدري وش معناها

بس عاد زينتك صدرك شمالي يعني خل خاطرك وسيع يا رجال

[محب الرمنغتون]

الله يعطيكم العافيه

[عبدالله الجري]

انا أشهد انك حليم وبالك وسيع

[أبوالمثنى]

أنا بغت تنفقع مرارتي وأنا أقرأ الموضوع كيف أنت!!

ماشاء الله تبارك الله ..

الله يبيض وجهك..

[دهران]

الصراحة قريت القصة كلها وتذكرت هالقصيدة /

قـال مـن وصـى عيالـه والدهـر لـهـم شكـالـه
مــن تـبـع درب الـرزالـه فالمجـالـس تشنـعـه
يـاعـيـالـي كـلـكــم افـطـنــوا فــــي حـالــكــم
الــتــفــرق ذلـــكـــم والـتــجــمــع مـنــفــعــه
الفقيـر ليـا نصاكـم فـي رجـا الله ثــم رجـاكـم
لا تخلونـه مـن عطاكـم كــل مــا جــاه اقنـعـه
يامهلهل شف اخوانك صوبهم وصـوب شانـك
احتفـظ عـلـى لسـانـك عنـهـم والغـيـظ ادفـعـه
يامسلّـم وانــا ابــوك الـعـرب وان صاحـبـوك
مايعـزك غيـر اخــوك كــل مــن قــال اتبـعـه
وانـت يابـنـي افتـكـر خــل قـولـي لــك ذكــر
وفـقــة الـطـيـب شـكــر والـــردي لا تـتـبـعـه
والقصير امسوا بحقـه لـو تجـي منـه المشقـه
او نــواه القـلـب بـدقـه اطــو بيـتـك واشـلـعـه
وللخـوي حـق عليـكـم تجعلـونـه مــن حديـكـم
كـان شفـي فـي يديـكـم لـيـن يـوصـل مربـعـه
ان تجمل ذا اشكروا له وان تردى عبـر ذا لـه
لــو تـجـرّا بـعـض قـولـه غـصـتـه بالمبـلـعـه
لا بــلاك الله بـعـاقـه مـــن مـقـاريـد الـرفـاقـه
لاتــوريــه الـحـمـاقـه لــيــن ربــــك يـقـلـعـه
عـنـد نفخـاتـه وريــده خــل شـوفـاتـك بـعـيـده
ثـــم عـقـبـه لا تـعـيـده الـسـعـه ثـــم الـسـعــه
الـرجـال بـهــم ثـقـيـل كـــل عـمــره مايـعـيـل
وان طمـع فيـه الذليـل عــن طريـقـه يصفـعـه
ان بغيـتـه بالـمـروه شـفـت نــو الخـيـر نـــوه
وان بغـيـت مـنـه تــوه طــز عيـنـك باصبـعـه
كـم صبـيٍ كـل يـوم يعـتـزي مــن غـيـر قــوم
وان تنـاطـحـوا الـقــروم مـايـدانـي القـرقـعـه
الـشـكـالـه لـلـرخــوم يحسـبـونـهـم الــقـــروم
وقت مايبـدي اللـزوم عشرهـم يصفـي اربعـه
والحمـق يحـدث مضـره يلحـق العقـال شــره
لا نـــواه الـقـلـب مـــره قــالــوا الله يـقـطـعـه
الـرجــال بـهــم حـلـيـم لايـضــام ولا يـضـيـم
فــي زمـانـك ذا عـديـم والـحـقـوق مـشـرعـه
والحريـم فيهـن طبايـع فيهـن التجهـيـد ضـايـع
لـو فيهـن عنـود وطايـع كــل الاكـثـر منـدعـه
النصيحـة مـا يبنّـه والخـمـال يــد حـمـر مـنـه
لــو بـغـن شــي يجـنـه لــو علـيـهـن مسـبـعـه
لـو تقـولـون العـجـوز عــن طبايعـهـا تـجـوز
عـنـد طاريـهـا تـفـوز تـركــض ام الـدردعــه
لونها في زي ضبعـه مالهـا مـن العمـر شبعـه
كــل مخـلـوق وطبـعـه خـاسـر مـــن طـمـعـه
ثـــم فـيـهـن غشـمـريـه صـايـبـه ومجـازعـيـه
عـنـد ضحـكـات الثنـيـة كــل مــا جــا تلـقـعـه
السفيـه اللـي نظـرهـا دايــم يـركـض باثـرهـا
عــارف ان مــا قـدرهـا بــس يلـهـث مـدلـعـه
والفطين اللي عرفهـا كـف رجلـه مـن طرفهـا
عـارفٍ انــه ماخرفـهـا لــو تصـيـر مهوفـعـه
والتمنـي مـا يفيـد مثـل طـيـر طــار مــن ايــد
لــو بغيـتـه مــا تصـيـد بالـهـوى مــن برقـعـه
ثــم فيـهـن سيعـريـه تـاكـل مــا تنـظـف يـديـه
الــردى مـاهـي رديــه مـيـر مــا جــا تبـلـعـه
رجلهـا لـو جـاب واجـد عندهـا ماهـو بـواحـد
ان سـكـت بالفـقـر سـاجـد وان تكـلـم تسـبـعـه
ان تكلمت انفضحت وان تغاضيـت انجرحـت
وان سكـت فهـي نتّفـت نتـف ريــش القوبـعـه
تنصحك وهي العـدوه وانـت تحسبهـا الحمـوه
وتـظـن بـهـا الـمـروه حـبـل وصـلـك تقطـعـه
وفيهن من عقلها خريـق ورجلهـا ماهـي تليـق
دايـــم بهـالـفـريـق وهـرجـهــا لــــه قـرقـعــه
وفيهـن مـن زينهـا عديـم ذرابــه عقـلـه سقـيـم
مــا بــوده لــك سـلـيـم لـــو خـلـوقـه درعـــه
وفيهن من عقلـه ثبـات زينهـا مـن الموسطـات
مستـوره مــن البـنـات عقلـهـا ومـعـه السـعـه
وفيهن من عمره نصوف في حلالك له تروف
لــو حـلالـك عــد الــوف كــل شــي بسـنـعـه
وفهيـن مـن توخـذ بمالـه عمرهـا مابـه جمالـه
تبغيـه وحـلال عيـالـه قــل عـسـى الله يشلـعـه
وفيهـن مـن لـك عـذاب لونـهـا بشـبـه غــراب
كـــان تـسـمــع لـلـجــواب بالـهـبـايـا تـدفـعــه
مايطيع اهل النصيحـه لابـس ثـوب الفضيحـه
دايـــم رجـلــه مشـيـحـه وبالـعـوايـد مـولـعـه

الله يعينك على ماواجهت ومابتواجه لأن اللي مثلك قليلٍ جنسهم

وعسى الله يكثر من أمثالك

وعسى الله يكفينا مقابل مثل هالرخوم والله كايدٍ شغلك معهم وياقل اللي بيحلم ويسوي مثلك

[fares2011]

أخوي الغالي دربيل ...
برد الله قلبك بالايمان وطاعة الرحمن
عز الله انك حليم ،،
واللي سويته مع صاحب الاف جي
بيض الله وجهك عليه .
تحياتي لك ،،

[برق الرمة]

للأسف دام هذي علومهم وهذا ظنهم وهذا فعلهم .. فغسل ايدك منهم ولو كانوا كلهم كبار سن .. الرجال بافعاله ماهو بكبر سنه .. لكن انت بيض الله وجهك ماقصرت كلك خير وبركة وعلمك غانم .. لكن مثل هالاشكال عادي تتصل على الدوريات وتبلغ عنه وتقول لهم القصه وتنشف ريقه شوي والى ماتجي الدوريات تقهووون شوي ولاجت وقتها فكر انت تسمح له او يعوضك لأن هالاشكال ماينفع معها الا كذا وتمشي مضبوط ..

والله يصلح الحال

[برق الرمة]

للأسف دام هذي علومهم وهذا ظنهم وهذا فعلهم .. فغسل ايدك منهم ولو كانوا كلهم كبار سن .. الرجال بافعاله ماهو بكبر سنه .. لكن انت بيض الله وجهك ماقصرت كلك خير وبركة وعلمك غانم .. لكن مثل هالاشكال عادي تتصل على الدوريات وتبلغ عنه وتقول لهم القصه وتنشف ريقه شوي والى ماتجي الدوريات تقهووون شوي ولاجت وقتها فكر انت تسمح له او يعوضك لأن هالاشكال ماينفع معها الا كذا وتمشي مضبوط ..

[برق الرمة]

للأسف دام هذي علومهم وهذا ظنهم وهذا فعلهم .. فغسل ايدك منهم ولو كانوا كلهم كبار سن .. الرجال بافعاله ماهو بكبر سنه .. لكن انت بيض الله وجهك ماقصرت كلك خير وبركة وعلمك غانم .. لكن مثل هالاشكال عادي تتصل على الدوريات وتبلغ عنه وتقول لهم القصه وتنشف ريقه شوي والى ماتجي الدوريات تقهووون شوي ولاجت وقتها فكر انت تسمح له او يعوضك لأن هالاشكال ماينفع معها الا كذا وتمشي مضبوط .

[برق الرمة]

للأسف دام هذي علومهم وهذا ظنهم وهذا فعلهم .. فغسل ايدك منهم ولو كانوا كلهم كبار سن .. الرجال بافعاله ماهو بكبر سنه .. لكن انت بيض الله وجهك ماقصرت كلك خير وبركة وعلمك غانم .. لكن مثل هالاشكال عادي تتصل على الدوريات وتبلغ عنه وتقول لهم القصه وتنشف ريقه شوي والى ماتجي الدوريات تقهووون شوي ولاجت وقتها فكر انت تسمح له او يعوضك لأن هالاشكال ماينفع معها الا كذا وتمشي مضَبوط

[برق الرمة]

للأسف دام هذي علومهم وهذا ظنهم وهذا فعلهم .. فغسل ايدك منهم ولو كانوا كلهم كبار سن .. الرجال بافعاله ماهو بكبر سنه .. لكن انت بيض الله وجهك ماقصرت كلك خير وبركة وعلمك غانم .. لكن مثل هالاشكال عادي تتصل على الدوريات وتبلغ عنه وتقول لهم القصه وتنشف ريقه شوي والى ماتجي الدوريات تقهووون شوي ولاجت وقتها فكر انت تسمح له او يعوضك لأن هالاشكال ماينفع معها الا كذا وتمشي مضبوطَ

[برق الرمة]

للأسف دام هذي علومهم وهذا ظنهم وهذا فعلهم .. فغسل ايدك منهم ولو كانوا كلهم كبار سن .. الرجال بافعاله ماهو بكبر سنه .. لكن انت بيض الله وجهك ماقصرت كلك خير وبركة وعلمك غانم .. لكن مثل هالاشكال عادي تتصل على الدوريات وتبلغ عنه وتقول لهم القصه وتنشف ريقه شوي والى ماتجي الدوريات تقهووون شوي ولاجت وقتها فكر انت تسمح له او يعوضك لأن هالاشكال ماينفع معها الا كذا وتمشي مضبوط،

[برق الرمة]

للأسف دام هذي علومهم وهذا ظنهم وهذا فعلهم .. فغسل ايدك منهم ولو كانوا كلهم كبار سن .. الرجال بافعاله ماهو بكبر سنه .. لكن انت بيض الله وجهك ماقصرت كلك خير وبركة وعلمك غانم .. لكن مثل هالاشكال عادي تتصل على الدوريات وتبلغ عنه وتقول لهم القصه وتنشف ريقه شوي والى ماتجي الدوريات تقهووون شوي ولاجت وقتها فكر انت تسمح له او يعوضك لأن هالاشكال ماينفع معها الا كذا وتمشي مضبوط ..

والله يصلح الحال؛

[عزوز 2005]

هذولا مهب رجال هذولا ذكور بجسم بني آدم

[قناص الحاير]

انت قلتهاااااااا رخووووووم ماعليك منهم

بيض الله وجهك على علمك الغانم

[ابوصالح3]

تصرفك سليم وزين ماوسخت ايدينك بهالسفيه اللي ركب سيارتك واهنيك على حلمك ورجاحة عقلك والحمدلله انك مسكت نفسك ولا ابتليت بهالزلابة الحقير

[ابوصالح3]

تصرفك سليم وزين ماوسخت ايدينك بهالسفيه اللي ركب سيارتك واهنيك على حلمك ورجاحة عقلك والحمدلله انك مسكت نفسك ولا ابتليت بهالزلابة الحقير

[ابوصالح3]

تصرفك سليم وزين ماوسخت ايدينك بهالسفيه اللي ركب سيارتك واهنيك على حلمك ورجاحة عقلك والحمدلله انك مسكت نفسك ولا ابتليت بهالزلابة الحقير

[ابو النادر]

الله يعوض عليك ما خسرة
والله الواحد لو يترك من حقة شي كثير ماراح يسلم
عين العقل ما فعلت
يقول المثل
الخبل لحمر ولا اسمر مار فيه اعلوم دل عليه

[مشعل العيسى]

أهلاً وسهلاً بخوي الصامل..





منور الموضوع بحضورك الرائع..


أخوي الله يحفظك أولاً كنت أنا وزميلي متواعدين مع رجال شرواك..ناوين نأخذ جولة في الشمال كنا ننتظرها ..

وفتح مناقشات أو مناوشات بيننا وبينهم جدير بفتح باب للمشاكل وتحويل طلعتنا الى شيء آخر..








الكثرة تغلب الشجاعة نعم..


ولكن كانت مستبعدةى في ذاك الوقت ولاكان هناك خوف الا من الله سبحانه وتعالى..

وفي الحقيقة من طريقتهم واضح أنهم بلهاء

واكبر صعوبة هي محاولة التفاهم مع بلهاء..









اخوي هم رجال كبااار في السن وفيهم الشيب يالله حسن الختام لاتنسى..


وإحنا شباب قادرين على ترجيح الموازين وإحداث فوضى ..ولكن هذا آخر مانفكر فيه ولله الحمد..






بارك الله فيك..




الروقي




بيض الله وجهك اخوي دربيل ... والحقيقة فعلك فعل رجااااال
والحلم اللي فيك ما يجتمع إلا في رجال ...
وبعدين من اعجابي بك انك احسنت الظن في راعي الاف جي والحرمة اللي معه ... لان وانا اخوك مالنا إلا الظاهر ..

في الحديث .. والله في عون العبد مادام العبد في عون اخيه ..

اسجل اعجابي بك وبأفعالك وبكل حرف سطرته يداك ...

محبك : مشعل

[أبويعقوب]

،عيش ونشوف بالهدنيا !!

سبحان الله بعض الناس ما ادري وشلون عايش ؟

لكن اصابعك موب سوا,,

[طفران بس بطران]

ماعلاك منهم ليت راع الاف جي يوم قالوا ماهم مظبوطين العنوا ثواهم

[هواوي صيد]

بيض الله وجهك يالروقي

وتصرفك حكيم

والحمد لله ان الواير ما ضرب احد من الموجودين

ولا كان صارت كارثه

[النهار]

تصرفك عين العقل وهم ضعوف عرف وجهله

[الشيخ سوسو]

صنائع المعروف تقى مصارع السوء

[ولاعة]

بيض الله وجهك لو فيه منك 10 بالعالم كان الدنيا بخير

[هواوي بروق]

الله يبيض وجهك على هالفعل الطيب


وان دل على شي يدل على طيب معدنك


سواتك ما يسويها إلا الرجال


ومشكور إنك نقلت لنا هالسالفه لأن فيها دروس وعبر


وأحب أهنيك على حلمك وسمو أخلاقك

[العميد ابواروى]

والله تصرف يحر الكبد
بس قلته انت .. رجال ما يسوون التالية من الغنم..

[sfari]

ماشاء الله عليك حليم ... ومالك نفسك
بارك الله فيك واكثر الله من امثالك

[القناص-sniper]

ماللرفيق الا رفيقه لايا اعتاز
اما تنفع ولا بلاش الرفاقه
احد لنا في مكسر الساق عكاز
واحنا له العكاز في كسر ساقه
بعض العرب اسكب على صحبته قاز ولا يهمك فراقه
وبعض العرب شرواك بالطيب يمتاز
حطه على يمناك مكسب صداقه

بيض الله وجهك يا ذيب
شهم ورجاله مرجله
ماقصرت والله يعوض عليك

[ريم البراري]

ماهم رجال ذولا رخوم

[عاشق الطرمبه]

والله ماتدري وشلون مولع وانا اكتب الرد لكن الواحد يتذكر قوله جل وعلا (وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِينَ )(134) آل عمران

[مجنون عجلان]

بيض الله وجهك ووجيه ربك والله انك قدها وقدود والعفو عند المقدره (والرسول صلى الله عليه وسلم قال الحليم من مسك نفسه عند الغضب )

[الحر503]

بيض الله وجهك واشهد بالله انك رجال

[بدر138]

اهم شي الأخلاق
ولاتشيل هم على الي مايسوى الصحه ابدى

[(((.ابوتميم .))))]

والله رخوم والغنم تكرم عنهم على الاقل الغنم نستفيد منها
احي فيك طوله بالك وصبرك وهذي من طبع الرجال شرواك وشروا من يقرا
لاكن المفروض عطيتهم درس بس بحدود العقل لا با اليد

[كحيلان تميم]

ماشاء الله عليك قدرت تمسك اعصابك ولا طالبته بحقك وهذا اقل شىء .. فانه يدل على صبرك .. لانه ركب سيارتك من دون استاذنها وساقها من دون اذن وفوق كذا اعدم عليك ..!!

لاكن الرجال الي زيك وشرواك والله يتشرف الواحد يتعرف عليهم ويكشت معهم .. لله درك على الحلم والصبر والاناه ..