وش تتوقعون مصادر & الكبدة & وش ..؟! ادخلوا حياكم

[ملك الفكتوريا]

بسم الله الرحمن الرحيم



موضوعنا بخصوص أكلة لها طعمها ومزاجها الصبح




*** الكبدة ***



السؤال أو التساؤل الاول / كم ذبحية تذبح باليوم

س/ هل كبدة الذبائح تكفي جميع محلات الرياض

س / ما هو المصلخ المتقاولين معه محلات الكبدة بشارع الاحساء





طبعا هذي أسئلة تدور بمخي بصراحة



وانا من عشاق كبدة الوالدة الله يطول بعمرها وخاصة اللي بعيد الاضحى

ومن عشاق الكبدة المشوية اللي قبل العشاء او الغداء بمحلات المندي بجنوب المملكة










اترك المكرفون لكم أخواني

[سيوووفي]

حسب السهر لأجل الكبدة ملاحظاتي هي:
1- قليل البوفيهات اللي تبيع كبدة طازج وتلاحط الكبدة عندهم شقراء (لونها خفيف) وتنتهي تقريباً الساعة 7 أو 8 صباحاً تجيه يقولك مافيه <<كيبدا كلاس>>.

2- والبوفيهات اللي تجيهم والكبدة مطبوخه جاهزة وتستمر إلى قرابت الظهر وتلاقي لونها كاتم شوي وفيها قساوة هذي كبدة المستورد اللي تباع في السوبر ماركت .

[بليزر616]

خير الكلام ماقل ودل طال عمرك

شف ثلاجات بندة وانت تعرف وش يمون هالمطاعم

تحياتي لك

[قبطان سلفر]

اسعد الله مساء جميع المكشاتيه
،،
رح لسوق اللحوم الي في البطحاء >> وأنت تعرف
واغلبها كبدة ( رومانية ) مستورده

[ولد وايل..]

الأغلب بكلام اصحاب المطاعم انها مجمده مستورده ولا أنصح فيها ابداااااااااااااا...


إللي يبي كبده ياخوي يمر أي مسلخ وياخذ كبده ويزينها

ولا يروح محلات الكبد الطازجة ويحرص على التبكير..

[سلطان المغيري]

والله ياغالي ماحب كبدة البوفيات او المطاعم ولا اقول اني ماشتريها

لكن اغلب الاوقات اروح لمحل الجزارة بدري واخذ لي كيلو كبده

واخذ القلب والكلاوي تطلع 3 كيلو او اكثر من 35 ريال للكيلو

اقطعها وخلطها مع بعض وقطع معها لحمة من الفخذ وطلع منها

حدود 10 اكياس الكيس يفطرنا ويزود

[لاتكب البيالة]

اكثر المحلات اللي يقلون لك كبدة حاشي هي كبدة بقر اصلا
ومستوردة

[قـديـم]

أخوي انا اشتغل مراقب بلدية

الكبدة ومحلات الكبده والغش .!

ازبن منها بسسس

[عشنا و شفنا]

اخوي انصحك نصيحة لوجه الله
لا تقرب لابو يمن حقين الكبدة وانت تسلم والله ثم والله كلها غش في غش
ولا ابري اي واحد منهم

[SIF]

اسأل مجرب ولاتسأل طبيب
وأهل مكة أدرى بشعابها
أنا عندي مؤسسة وكم مرة أذبح مستورد روماني أو سواكني أو استرالي بالمئات

وأبيع الكبدة أنا وغيري على صاحب مصلخ الشركات الشعيل وهو يبيعها في البطحاء

تقولي وش أكثر الحلال إلي يذبح أقولك
فيه الطيب وفيه الردي ويغلب عليه الردى بصراحة

بس هذا إلي يبونه علشانه رخيص

[المغيليث]

مساكم الله بل خير انا مراقب صحي اغلب واكثر الكباد الي بل بوفيه هي استراليه مجمده قيمتها حوالي 4 ريال من ثلاجات العالميه !! واكثر اهل المقلقل الحم اقصد يجيبونه من نفس الثلاجه نيوز لندي !! تدرون كيف الطريقه لجذب الناس يقوم السوري يذبحلك ذبيحه ويعلقها واذا جيت تطلب عطاك نيوز لندي مسكناهم اكثر من مره !! وحتي الملاحم يبيعونك لحم تيس على انه طازج وكيلوه 35 الى 30 ويحلف انه طازج واهو مبرد من الثلاجات الي في عتيقه المبرده تيوس بكستانيه وتيوس هنديهالذبيحه كامله من دون القلب والكبده تطلع عليك حوالي 140 ريال حسب الوزن والكيلو !! ولل معلوميه كيلو الهندي 21ريال ونص! وحتي حقين الشاورما الدجاج يجيبونه من ثلاجاتالعالميه لا تفكر انه دو ولا طازج.. انتبهو انتبهو يناس من المطاعم والله دمار دمار ما جابو لي اناس وباء كبدي ولا امراض الا من ها المطاعم يا ناس انتبهو ول اخطر مغاسل الملابس والله اذا جيت افتش القا المويه فيرانيه من الوساخه... هذا موقف حصل معي في مغسله في تاريخ 1431.10.24 اوقسم بلاه وربي يشهد اني لاقي في مويه الغسيل ضاطور تعرفونه ولا الا البعرصي على ما يقلون وربي لا قيه وعندي صوره بل جوال المغسله سو عندها كوي بس غيره لا تجيه ولا تقبل عليه تدري ليه الكوي بس لا ان البخار يعقم من البكتيريا اذا كان هناك فيه بكتيريا في الملابس والله اعجبني المو ضوع وحبيت اشارككم ... تبغون تعرفون الكبده الطازجه من المجمده اذا عطاك الكبده ابو هنود وفركتها بيدك وتفتفتت ادر انها مجمده ويصير لونها احيانن قالب سودا.. واكثر كباد الحاشي سودانيه يجبونها من مسلخ الحديث الواقع في المصانع خلف مصلحه الميااه على خط الدئري وتقبلو تحياتي وماعليش على الا اطاله..