المساعد الشخصي الرقمي

مشاهدة النسخة كاملة : وتلقى لها عند المناعير حاجه ... اللغز حله ( Azozi ) .. الحل ... ( الذرايه أو الذرا )


فهد الهلالي
23/09/2010, 03:27 PM
السلام عليكم ورحمة الله وبركاته
لغز للتحريك


ياويش بنت شوف عيني شـــقيه=ياشقابها الرجال لاجـــاء مزاجـــــه
ان جالها بخلاف هي هي سويه=الراس والا الساس مبدى العواجه
صدره ابطنه لا نهيت القضيــــه=وتلقى لها عنــد المناعيـــــر حاجـه


(البعض يسميها بالمذكر)



تحياتي للجميع
الشيخ مسكين
خيمة الالعاز مكشات
ابو اسامه 2
23/09/2010, 03:42 PM
وعليكم السلام ورحمة الله وبركاته

صح لسانك يا الشيخ ملايين

وش رايك في

اللعبة اللي يجرون فيها الاطفال قديما

http://up.qatarw.com/get-8-2008-m24hnvjo.jpg


تحياتي لك
ابوعبدالعزيز6
23/09/2010, 03:42 PM
عليكم السلام ورحمة الله وبركاته
صح لسانك
رمعة لتحديد الإتجاهات
الواسطة
واو
ناصر العلي
23/09/2010, 03:43 PM
سلمت ياأبامجمد وصح لسانك
إجابة للتحريك
الشيشة
أو
المعسل
ناصر العلي
23/09/2010, 03:45 PM
محاولة أخري
ورقة اللعب
ياعين ابوي
23/09/2010, 03:46 PM
وعليكم السلآم ورحمة الله وبركاته ..

صح لسانك مليون مشرفنا فهد .. شنو رآيك بـ المخباة وتسمى جيب .
ناصر العلي
23/09/2010, 03:48 PM
أعتذر عن الغلطة المطبعية يالغالي
أبومحمد
فهد الهلالي
23/09/2010, 03:49 PM
السلام عليكم ورحمة الله
صح ابدانكم جميع يالربع واسف على الرد الجماعي
جميع الرمعات مالكم لوا
تحياتي
فهد الهلالي
23/09/2010, 03:52 PM
أعتذر عن الغلطة المطبعية يالغالي


أبومحمد


انا اللي اعتذر منك يابو علي
لقد اخجلتني باعتذارك
وماهي الغلطه الله يطول في عمرك
ويكثر من امثالك
عزيز وغالي يابو علي
وهذي حبه على الخشم
تحياتي
ابوعبدالعزيز6
23/09/2010, 03:56 PM
رمعة

محماس القهوة
ياعين ابوي
23/09/2010, 03:56 PM
طيب تكون السالفه ..أو القصه
وضح النقى
23/09/2010, 04:10 PM
وعليكم السلام ورحمة الله وبركاته
صح لسانك يا بو محمد

ممكن تكون ( كبك ) وجمعها كبكات
جرير
23/09/2010, 04:10 PM
يسعدلي راسك شيخنا
اشوف الربع اخذين راحتهم مع لغز الزعيم قرينا اللي طاخمينه
بعد القيلولة
نرمع
العصا
فهد الهلالي
23/09/2010, 04:12 PM
طيب تكون السالفه ..أو القصه

هلا بك ياعين ابوي والرمعه مالك لوا لاعدمتك
تحياتي
فهد الهلالي
23/09/2010, 04:14 PM
وعليكم السلام ورحمة الله وبركاته
صح لسانك يا بو محمد

ممكن تكون ( كبك ) وجمعها كبكات

هلابك يابو لجين
والرمعه
ابعد من الضلع الحمر عن تهامه
ياقعدة الشيبان
تحياتي
ابوعبدالعزيز6
23/09/2010, 04:14 PM
نجدد القصف ونقول
القصيدة
فهد الهلالي
23/09/2010, 04:20 PM
يسعدلي راسك شيخنا
اشوف الربع اخذين راحتهم مع لغز الزعيم قرينا اللي طاخمينه
بعد القيلولة
نرمع
العصا

هلا بك يامشرفنا الغالي
هلا بك يابو احمد
الشيبان مشتغله معهم السوبيا صح
وكل واحد منهم بيده محش مافيه
غير الحش اتقول طابين حوض زت او برسيم
وانت عارف الشايب مثل السياره الى اقبلت على التبويش ماتلحقه الطيور
ثم تلقاه باقرب عاير
والرمعه يابو احمد
ابعد من الضلع الحمر عن تهامه
تحياتي
فهد الهلالي
23/09/2010, 04:21 PM
نجدد القصف ونقول





القصيدة



قصفك عشوائي
بعيد
جرير
23/09/2010, 04:26 PM
هلا بك يامشرفنا الغالي

هلا بك يابو احمد
الشيبان مشتغله معهم السوبيا صح
وكل واحد منهم بيده محش مافيه
غير الحش اتقول طابين حوض زت او برسيم
وانت عارف الشايب مثل السياره الى اقبلت على التبويش ماتلحقه الطيور
ثم تلقاه باقرب عاير
والرمعه يابو احمد
ابعد من الضلع الحمر عن تهامه

تحياتي


يابو محمد تراهم حليلين انقرض جيل الشيبان بالرياض ياشفت الشايب بالمسجد تنحت فيه
من قلهم.. عاد وربعك ماشاء الله متطورين لاحلتيت ولا مره ماغير كريمات وسوبيا.
نرمع

الكوره على قولتهم الطابه
فهد الهلالي
23/09/2010, 04:32 PM
يابو محمد تراهم حليلين انقرض جيل الشيبان بالرياض ياشفت الشايب بالمسجد تنحت فيه
من قلهم.. عاد وربعك ماشاء الله متطورين لاحلتيت ولا مره ماغير كريمات وسوبيا.
نرمع

الكوره على قولتهم الطابه

هلابك يابو احمد
بس فيه شايب عندنا يتدهن بزيت ثقيل حق ديزل قوة 120 يقول زين للركب
بمنع الاحتكاك
بس المشكله اذا مشى دخنته وراه تثعور
ومانيب قايل ابو ماجد
والرمعه مالك لوا يابو احمد
تحياتي
ابوعبدالعزيز6
23/09/2010, 04:37 PM
رمعة طايرة
الكشتة أو المقناص
جرير
23/09/2010, 04:39 PM
هلابك يابو احمد

بس فيه شايب عندنا يتدهن بزيت ثقيل حق ديزل قوة 120 يقول زين للركب
بمنع الاحتكاك
بس المشكله اذا مشى دخنته وراه تثعور
ومانيب قايل ابو ماجد
والرمعه مالك لوا يابو احمد

تحياتي


الله يحفظه ابو ماجد كله بركة القديم له معجبين لو هو مهرقل
هالايام يقول الشايب له سوق عند اللي بالي بالك......
المهم لغزك ينطبق على شيء طرالي ماني معلم به.
رمعة..
البندق
المقلاع
ــــــــــــــــــ
فهد الهلالي
23/09/2010, 04:50 PM
الله يحفظه ابو ماجد كله بركة القديم له معجبين لو هو مهرقل
هالايام يقول الشايب له سوق عند اللي بالي بالك......
المهم لغزك ينطبق على شيء طرالي ماني معلم به.
رمعة..
البندق
المقلاع
ــــــــــــــــــ

بس فيه شياب مكاينهم مكائن شباب
bmw
وفيه شياب مكاينهم مثل مكائن الخياطه
سنجر لا ومن شين الطبع تدار باليد
والرمعه مالك لوا
تحياتي
صاحب الذئب
23/09/2010, 07:07 PM
صح لسانك ياابن الاجواد
رمعه
ماهي
السجاره والبعض يقول الدخان
ياعين ابوي
23/09/2010, 07:19 PM
عدنآ لنرمع ... تكون السبحه وتسمى عند البعض مسباح .
هيل
23/09/2010, 08:48 PM
السلام عليكم ورحمة الله وبركاته
تسلم يابومحمد على هالغز
تسجيل اعجاب اكثرمن الترميع
بس لتودين لضلع الحمر ولاتدري اليله
قماري ليلة خمس طعش بكيفك
وش رايك بالشطفه
(ترى قصدي احرجك بالون لو اناعندك اخت النظارات)

تحياتي
حنيف
23/09/2010, 10:14 PM
هاذي الله يكرمكم
الحذا
عصام 861
23/09/2010, 11:03 PM
http://t2.gstatic.com/images?q=tbn:HNF2ynY7Rq5bjM:http://www.tt5.com/files/2009/09/creative-matchboxes-photos-1.jpg (http://www.tt5.com/files/2009/09/creative-matchboxes-photos-1.jpg) يامرحبا يابومحمد صح لسانك
محاولة ماهى
الولاعة أو الكبريت
أبو رافع الظاعن
24/09/2010, 01:02 AM
صح لسانك شيخنا ...

بعضهم يسميها المحماس ...وبعضهم يسميها المحماسة ...


http://www.arabspc.net/upload/pic/uploads/67f727f033.gif
ناصر العلي
24/09/2010, 01:09 AM
سلمت ياأبومحمد على راسي من فوق
بأضيف لرمعة أبوفراس وأقول
السقاير اللي تلف شغل أول بدون فلتر
فهد الهلالي
24/09/2010, 01:25 AM
الله يصبحكم بالخير يالربع
والرمعات لم تصيب الهدف
واسف على الرد الجماعي
تحياتي للجميع
عساف الضاري
24/09/2010, 01:32 AM
وعليك السلام ورحمة الله وبركاته

صح لسانك يابو محمد
وش رايك بالخبزه قرص الجمر
ويمدحون الصيد حول الضلع الحمر
عصام 861
24/09/2010, 01:34 AM
يامرحبا يابومحمد
محاولة
الربابة
القوس
ابو عبد الله
24/09/2010, 01:45 AM
انا أقول .... الخنجر او الجنبية
ابوعبدالعزيز6
24/09/2010, 01:49 AM
نقول

مجالس طلب العلم
فكاك
24/09/2010, 01:50 AM
صح لسانك يابومحمد
وش تقول بالقهوة (الكيف)
فهد الهلالي
24/09/2010, 01:57 AM
وعليك السلام ورحمة الله وبركاته

صح لسانك يابو محمد
وش رايك بالخبزه قرص الجمر
ويمدحون الصيد حول الضلع الحمر

هلابك ياخوي عساف الضاري
والضلع الحمر يذكرون فيه الضباء
هه بك شده على الضلع الحمر
والرمعه
ابعد من الضلع الحمر
مالك لوا لاعدمتك
تحياتي
فهد الهلالي
24/09/2010, 02:00 AM
يامرحبا يابومحمد
محاولة
الربابة
القوس

هلا بك ياخوي عصام هلا بك يابو محمد
هه عسى حولكم ضلع احمر
يمكن اقرب من اللي عندنا
مالك لوا يالغالي
تحياتي
فهد الهلالي
24/09/2010, 02:03 AM
انا أقول .... الخنجر او الجنبية

هلابك يابو عبد الله
وانا بعد اقول
ابعد من الضلع الحمر عن تهامه
مالك لوا يالغالي ومرحبا فيك معنا بخيمة الالغاز
والله ماتدري وش مدى فرحتي فيك
اتمنى ان نشوفك مستمر معنا
ومالك لوا
تحياتي
فهد الهلالي
24/09/2010, 02:05 AM
نقول

مجالس طلب العلم

هلابك يابو عبد العزيز وياهلا وغلا
مكسبنا الحقيقي تواجدك معنا
اتمنى استمرارك
والرمعه نالك لوا
تحياتي
فهد الهلالي
24/09/2010, 02:06 AM
صح لسانك يابومحمد
وش تقول بالقهوة (الكيف)

هلا بك يافكاك النشايب
واقول رمعتك ابعد من الضلع الحمر عن تهامه
تحياتي
ابوعبدالعزيز6
24/09/2010, 02:15 AM
نغير الإتجاه

ونحول على البرشوت والمظله
ابو عبد الله
24/09/2010, 02:26 AM
أشكرك أخوي المشرف على حسن الضيافة... ما تصير النظارات يا خوي فهد ؟..
aassz
24/09/2010, 02:26 AM
صبحكم الله بالخير مايكون منفاخ النار او المهفه
فهد الهلالي
24/09/2010, 02:33 AM
نغير الإتجاه

ونحول على البرشوت والمظله

هلابك يابو عبد العزيز
والرمعه مالك لوا
تحياتي
فهد الهلالي
24/09/2010, 02:35 AM
أشكرك أخوي المشرف على حسن الضيافة... ما تصير النظارات يا خوي فهد ؟..
هلا بك يابو عبدالله
محلك طال عمرك
وبالنسبه للرمعه مالك لوا ولكن كتشبيه ممتاز
تحياتي
فهد الهلالي
24/09/2010, 02:38 AM
صبحكم الله بالخير مايكون منفاخ النار او المهفه

هلابك ياخي aassz والله يصبحك بالخير
والرمعه مالك لوا لاعدمتك
تحياتي
عصام 861
24/09/2010, 02:53 AM
http://www.alramay.com/up/07-2007/alramay_21720042.jpg


يامرحبا يابومحمد محاولة
شبكة الطير
فهد الهلالي
24/09/2010, 02:59 AM
http://www.alramay.com/up/07-2007/alramay_21720042.jpg


يامرحبا يابومحمد محاولة
شبكة الطير

هلابك ياخوي عصام
ياخي الصور اول ماشفتها حسبتها اسلاك تقويم اسنان ابو ماجد قلت وحده منهن للاسنان العلويه والثانيه للاسنان التحتيه
مادريت انهن شبكه طير الى بعد ماقريت المكتوب
والرمعه مالك لوا
تحياتي
ياعين ابوي
24/09/2010, 03:01 AM
تكون القصيده ... او المحاوره ...
فهد الهلالي
24/09/2010, 03:04 AM
تكون القصيده ... او المحاوره ...

هلابك ياعين ابوي والرمعه مالك لوا
تحياتي
صاحب الذئب
24/09/2010, 03:04 AM
صح لسانك مليون
اولا على طاري ابو ماجد هو وينه مااشوفه عساه بخير
الرمعه
الفشق او الرصاصه
فهد الهلالي
24/09/2010, 03:13 AM
صح لسانك مليون
اولا على طاري ابو ماجد هو وينه مااشوفه عساه بخير
الرمعه
الفشق او الرصاصه

هلابك ياصاحب الذيب
ومايجهلك نوم الشياب ماله وقت محدد تتصل عليه الساعه 9 تحصله نائم تتصل عليه الساعه 3 صباحا تلقاه صاحي واحيان ثلاثه ايام مانام ولا خمس دقايق
وابو ماجد لايمكن التنباء بما يفعل
عنده التماس والفيوز ضارب
والرمعه مالك لوا
تحياتي
حنيف
24/09/2010, 06:10 AM
اخونا فهد شرايك بعلبة الزيت للسيارة
ولا مهفة الهوا
عبدالعزيز الجريس
24/09/2010, 06:26 AM
ملقاط النار او المنفاخ


تسلم
ناصر العلي
24/09/2010, 12:46 PM
سلمت ياأبومحمد
والصراحة من ميزات الرد الجماعي إنه تفكك من الضلع الحمر
عند رمعتين لاهنت علها تصيب
ويش قولك بـ
لعبة كرة تنس الطاولة
أو
الكيرم
ابوعبدالعزيز6
24/09/2010, 12:58 PM
نرحب بالجميع

ونرمع ورقة اللعب أو البلوت
ناصر العلي
24/09/2010, 01:43 PM
رمعة طرت على البال يالغالي
ويش قولك بـ
شبة النار
فهد الهلالي
24/09/2010, 01:48 PM
السلام عليكم ورحمة الله وبركاته
اشكركم على تواجدكم وتواصلكم بهذه الرمعات
التي لم يكتب لها النجاح
وكلها ابعد من الضلع
تحياتي للجميع
عصام 861
24/09/2010, 01:54 PM
يامرحبا يابومحمد محاولة
تغير أتجاة
بطيخة
جح
راع الحزم
24/09/2010, 01:58 PM
السلام عليكم ورحمة الله وبركاته

لغز للتحريك


ياويش بنت شوف عيني شـــقيه=ياشقابها الرجال لاجـــاء مزاجـــــه


ان جالها بخلاف هي هي سويه=الراس والا الساس مبدى العواجه
صدره ابطنه لا نهيت القضيــــه=وتلقى لها عنــد المناعيـــــر حاجـه




(البعض يسميها بالمذكر)



تحياتي للجميع
الشيخ مسكين

خيمة الالعاز مكشات



صح لسانك وسلم فكرك على هاللغز
اذا قريته تحسه سهل
واذا شفت الرمعات والضلع الحمر تقول صعب

تسجيل اعجاب وتسجيل مشاهدة
وباقي للرمع هنا عسى الله يجيب نزل
فهد الهلالي
24/09/2010, 02:02 PM
يامرحبا يابومحمد محاولة
تغير أتجاة
بطيخة
جح

هلابك يابو محمد
بشر عنك ان شاءالله بخير
والرمعه
ياشي دونك ودون الضلع الحمر
مالك لوا
تحياتي
جرير
24/09/2010, 02:09 PM
ياهوا ناشف راعي هاللغز الله يصلحه
لا تلميح لا تغشيش لا تقريب زيد او فيد
مره مكوش عليها ....
رمعه
السمسمية اوالشمسية
فهد الهلالي
24/09/2010, 02:11 PM
صح لسانك وسلم فكرك على هاللغز
اذا قريته تحسه سهل
واذا شفت الرمعات والضلع الحمر تقول صعب

تسجيل اعجاب وتسجيل مشاهدة
وباقي للرمع هنا عسى الله يجيب نزل
[/center]

هلابك ياراع الحزم والحمد لله على السلامه
والحمدلله على العقلان بعودتك لنا
فقد تركت فراغ كبير في قلوبنا
تبي الصراحه
اشبه مانكون باليتمان في غيابك
على قول الشاعر
ياونتي ونة يتيم يحوبي ,,,من قلة الوالي وراء الباب مذبوب
وياهلا وسهلا
راع الحزم
24/09/2010, 02:14 PM
هلابك ياراع الحزم والحمد لله على السلامه

والحمدلله على العقلان بعودتك لنا
فقد تركت فراغ كبير في قلوبنا
تبي الصراحه
اشبه مانكون باليتمان في غيابك
على قول الشاعر
ياونتي ونة يتيم يحوبي ,,,من قلة الوالي وراء الباب مذبوب

وياهلا وسهلا


هههههههههههههههههههههههههههههههههه

ههههههههههههههههههههههههههه

هههههههههههههههههه

بارك الله فيك يالغالي
شفت جرير وش يقول
يقول ناشف بالحيل
ههههههه
فهد الهلالي
24/09/2010, 02:16 PM
ياهوا ناشف راعي هاللغز الله يصلحه
لا تلميح لا تغشيش لا تقريب زيد او فيد
مره مكوش عليها ....
رمعه
السمسية اوالشمسية

هلابك يابو احمد
ياخي ماني ناشف بالحيل مثل ماقلت
دائم اوضح لهم زين
واقول
ابعد من الضلع احمر عن تهامه
اذا لم يصيبوا الهدف
تحياتي
جرير
24/09/2010, 02:18 PM
تراى عدلت الاوله اشوى ماشفتها
جرير
24/09/2010, 02:22 PM
اخر كلام رمعات جمله
ـــــــــــــــــــــ
العدسه _الكمرا_ الجنبيه
فهد الهلالي
24/09/2010, 02:25 PM
تراى عدلت الاوله اشوى ماشفتها

مافاتت علي منتبه لها بس قلت هالشويب ويوم جمعه
وباكر دوام ماودي ازيد الغثا غثا
ويمكن اتسبب في رفعة ضغطه
ويظرب الفيوز عنده واصير انا السبب
يالله عش كثير تشوف كثير
تحياتي
فهد الهلالي
24/09/2010, 02:26 PM
اخر كلام رمعات جمله
ـــــــــــــــــــــ
العدسه _الكمرا_ الجنبيه

مالك لو يابو احمد
راع الحزم
24/09/2010, 02:28 PM
طرى علي حكة العين
عصام 861
24/09/2010, 02:30 PM
يامرحبا يابومحمد
اشرايك فى
الشقية وهى شعيب صغير
جرير
24/09/2010, 02:31 PM
مافاتت علي منتبه لها بس قلت هالشويب ويوم جمعه




وباكر دوام ماودي ازيد الغثا غثا
ويمكن اتسبب في رفعة ضغطه
ويظرب الفيوز عنده واصير انا السبب
يالله عش كثير تشوف كثير


تحياتي


الله يثيبك سويت خير لا واليوم عقب الجمعه شريت لي جحه تجي لها 30 كيلوا وكرتونين تمر
واثر السياره بعيده تورطة بغيت اوزعها على اللي بالشارع
المهم خارت قواي ولولا الله ثم فزعات الاجاويد كان قيلت انا ويا الجحه بهالشمس

...
رمعه بعد ضلعك عن اليمن لكن ناشبة بحلقي
ياني ولجه
المجند -العمامه
فهد الهلالي
24/09/2010, 02:38 PM
طرى علي حكة العين
حكة العين

مالك لوا وينك يالضلع الحمر
تحياتي
فهد الهلالي
24/09/2010, 02:40 PM
يامرحبا يابومحمد
اشرايك فى
الشقية وهى شعيب صغير



مالك لوا يابو محمد
الشغيه
تحياتي
راع الحزم
24/09/2010, 02:46 PM
يسلم عليك واحد جاي من الضلع الحمر يقول
ماهي
النكتة
فهد الهلالي
24/09/2010, 02:47 PM
الله يثيبك سويت خير لا واليوم عقب الجمعه شريت لي جحه تجي لها 30 كيلوا وكرتونين تمر
واثر السياره بعيده تورطة بغيت اوزعها على اللي بالشارع
المهم خارت قواي ولولا الله ثم فزعات الاجاويد كان قيلت انا ويا الجحه بهالشمس

...
رمعه بعد ضلعك عن اليمن لكن ناشية بحلقي
ياني ولجه
المجند -العمامه

لا وتبيني اتصيد غلطاتك
الله يحسن الخاتمه لنا ولك
اللي مثلك يشال ويحط بزبيل
وتشيل كرتونيين تمر وجحه
وانت ليه مادورت لك يامل الغنيمه راعي عربيه يشيلك انت وجحك وتمرك
ويوديك لسيارتك بريالين وريحت عمرك


والرمعه مالك لوا
تحياتي
فهد الهلالي
24/09/2010, 02:50 PM
يسلم عليك واحد جاي من الضلع الحمر يقول
ماهي
النكتة

سلم عليه وقله مالك لوا
خلك حول الضلع الحمر
تحياتي
راع الحزم
24/09/2010, 02:57 PM
تنسيفة البسام يابو محمد
..... ابعد من الضلع الحمر عن تهامه
فهد الهلالي
24/09/2010, 03:00 PM
تنسيفة البسام يابو محمد


..... ابعد من الضلع الحمر عن تهامه


مايحتاج على كلامك
ابعد من
راع الحزم
24/09/2010, 03:03 PM
ابرمع رمعة بعيدة شوي

في عالم التفحيط شي يسمونه السلسلة
ويذكرون لهم سلسلة ورى الضلع
فهد الهلالي
24/09/2010, 03:16 PM
ابرمع رمعة بعيدة شوي

في عالم التفحيط شي يسمونه السلسلة
ويذكرون لهم سلسلة ورى الضلع

خلها في ذرا الضلع الحمر ولاقلت هاته هاته
بس ماهو بالظاهر اقول هاته
واللي يفحطون ماهم مناعير اعتقد انهم خبول ونقاصة عقول
تحياتي
(ممدوح الجهني)
24/09/2010, 03:23 PM
صح لسانك يالهلالي
ويش رايك بالمطارحة
فهد الهلالي
24/09/2010, 03:45 PM
صح لسانك يالهلالي
ويش رايك بالمطارحة

صح بدنك يالغلا
والرمعه مالك لوا
تحياتي
(ممدوح الجهني)
24/09/2010, 03:51 PM
طيب ويش رايك بالصيجة الشطرنج
ابو ماجد 2
24/09/2010, 04:21 PM
صح لسانك يابو محمد
محاوله

http://img146.imageshack.us/img146/61/iletkink9.jpg
فهد الهلالي
24/09/2010, 04:48 PM
طيب ويش رايك بالصيجة الشطرنج

مالك لوا لاعدمتك
تحياتي
فهد الهلالي
24/09/2010, 04:52 PM
صح لسانك يابو محمد

محاوله


http://img146.imageshack.us/img146/61/iletkink9.jpg



وشي هذي يابو ماجد معرفها ماخذناه بماده الهجاء
يوم كنت ادرس
اللي انا اذكر طه والطبله ولاترمي قشر الموز واخر الكتاب للهجاء ماده الاناشيد
واذكر منها ابي اشترالي ساعة
ومالك لوا ماعرفه
تحياتي
ابو ماجد 2
24/09/2010, 05:12 PM
وشي هذي يابو ماجد معرفها ماخذناه بماده الهجاء

يوم كنت ادرس
اللي انا اذكر طه والطبله ولاترمي قشر الموز واخر الكتاب للهجاء ماده الاناشيد
واذكر منها ابي اشترالي ساعة
ومالك لوا ماعرفه

تحياتي



اكيد ماتعرفه هذي ماطلعت الا بوقتنا
وبعدين انت ماتذكر من المدرسه الا طه والطبله ولا ترمي قشر الموز وما تعرف بمادة الرياضيات الا المسطره اللي يكسره عن ايدينك الاستاذ
صاحب الذئب
24/09/2010, 05:47 PM
صح لسانك
رمعه وشكلي ابعمد الضلع
البوصله
فهد الهلالي
24/09/2010, 05:49 PM
صح لسانك
رمعه وشكلي ابعمد الضلع
البوصله

مايحتاج ابعد من الضلع الحمر
تحياتي لك يصاحب الذيب
صاحب الذئب
24/09/2010, 05:53 PM
رمعه يابو محمد خلها تفك
الطاسه
ابو عبد الله
24/09/2010, 06:21 PM
الموس او الحلاقة
فهد الهلالي
24/09/2010, 06:25 PM
رمعه يابو محمد خلها تفك
الطاسه

مالك لوا طال عمرك
فهد الهلالي
24/09/2010, 06:26 PM
الموس او الحلاقة

هلا وسهلا يابو علد الله
والموس او الحلاقه
بعيد مالك لوا
تحياتي
ابوعبدالعزيز6
24/09/2010, 06:39 PM
مساء الخيرات
عسانا نقرب للحل
كاميرات ساهر
صاحب الذئب
24/09/2010, 06:41 PM
العصاء
والبعض يقولها مركوع او عكاز
ابوعبدالعزيز6
24/09/2010, 06:51 PM
وش رايك في البوصله
http://upload.wikimedia.org/wikipedia/commons/thumb/9/99/Kompas_Sofia.JPG/800px-Kompas_Sofia.JPG
فهد الهلالي
24/09/2010, 06:56 PM
مساء الخيرات
عسانا نقرب للحل
كاميرات ساهر

هلابك يابو عبد العزيز
والرمعه مالك لوا الله يحفظك
تحياتي
ابوعبدالعزيز6
24/09/2010, 09:31 PM
رمعة عشوائية لعلها تصيب

تظليل زجاج السيارة
هيل
24/09/2010, 10:08 PM
السلام عليكم ورحمة الله وبركاته

تسلم يابومحمد استفسار ينبي عن طهارة قلب
اخاف الرمعه له اكثر من 15سنه تراني انا وصاحب الذئب
مانذكره أو أقله اعمارنا 3سنين
وش رايك بالقصيده وقولت المعنى ببطن الشاعر
مع تحيات ابنكم البار
الهيل
فهد الهلالي
24/09/2010, 10:38 PM
رمعة عشوائية لعلها تصيب






تظليل زجاج السيارة



تضليل السيارات يابو عبد العزيز مالك لوا
لاعدمتك
فهد الهلالي
24/09/2010, 10:38 PM
رمعة عشوائية لعلها تصيب






تظليل زجاج السيارة



تضليل السيارات يابو عبد العزيز مالك لوا
لاعدمتك
فهد الهلالي
24/09/2010, 10:38 PM
رمعة عشوائية لعلها تصيب






تظليل زجاج السيارة



تضليل السيارات يابو عبد العزيز مالك لوا
لاعدمتك
فهد الهلالي
24/09/2010, 10:41 PM
السلام عليكم ورحمة الله وبركاته



تسلم يابومحمد استفسار ينبي عن طهارة قلب
اخاف الرمعه له اكثر من 15سنه تراني انا وصاحب الذئب
مانذكره أو أقله اعمارنا 3سنين
وش رايك بالقصيده وقولت المعنى ببطن الشاعر
مع تحيات ابنكم البار

الهيل


هلابك يابو عبد الله والله يمسيك بالخير
اعتقد ان الشيبان اللي بعماركم مايعرفه زين
تحياتي
ياعين ابوي
24/09/2010, 11:05 PM
نرمع من جديد ونقول > الطابعه .. الخريطه .. السكينه ... السلآح ...
فهد الهلالي
24/09/2010, 11:14 PM
نرمع من جديد ونقول > الطابعه .. الخريطه .. السكينه ... السلآح ...


هلا بك ياعين ابوي
والرمعات مالك لوا
ابعدتي
تحياتي
ياعين ابوي
24/09/2010, 11:24 PM
رمعه ماهي لي > الغدآره .
فهد الهلالي
24/09/2010, 11:26 PM
رمعه ماهي لي > الغدآره .

مالك لوا الله يحفظك
عساف الضاري
25/09/2010, 12:01 PM
هلابك ياخوي عساف الضاري



والضلع الحمر يذكرون فيه الضباء
هه بك شده على الضلع الحمر
والرمعه
ابعد من الضلع الحمر
مالك لوا لاعدمتك


تحياتي



صح لسانك يابومحمد
ضباء مره وحده
يحتاج اتجهز واتولم واولم العده والبواريد يحتاجن تصاريح واحد يقولي عنده بارود بديح وانا اقول يسدن المفاقيس
تهقا استبنه وحده تسد ولا الدعوى وعر
وحجر بالضلع الحمر
ابو اسامه 2
25/09/2010, 02:31 PM
وش رايك يا شيخنا


في السيخ او الحديده المنحنيه من الجهتين

ولها عدة استخدامات

تعليق اللحم
اخراج اللحم من الميفا
مساواة الجمر

وهكذا




تحياتي
فهد الهلالي
25/09/2010, 04:31 PM
صح لسانك يابومحمد

ضباء مره وحده
يحتاج اتجهز واتولم واولم العده والبواريد يحتاجن تصاريح واحد يقولي عنده بارود بديح وانا اقول يسدن المفاقيس
تهقا استبنه وحده تسد ولا الدعوى وعر

وحجر بالضلع الحمر


هلابك ياخوي عساف الضاري
انت اوصل عند الضلع الحمر وبعدين هات ان بغيت مدفع وكفرات مضلعه
تحياتي
فهد الهلالي
25/09/2010, 04:34 PM
وش رايك يا شيخنا



في السيخ او الحديده المنحنيه من الجهتين


ولها عدة استخدامات


تعليق اللحم
اخراج اللحم من الميفا
مساواة الجمر


وهكذا





تحياتي


هلابك يابو اسامه
والله يعطيك العافيه ياعمده
الرمعه مالك لوا
ولكن تقدر تقول فيه نوع من الاتجاه طيب
تحياتي
((الوافي))
25/09/2010, 04:51 PM
ان جالها بخلاف هي هي سويه الراس والا الساس مبدى العواجهصدره ابطنه لا نهيت القضيه وتلقى لها عند المناعير حاجه
اخوي فهد وش قلت في التاج..او تاج الملك او الملكه..الذي يوضع على الراس لانه يكون فيه الجهتين الاماميه والخلفيه متشابهه <<هي هي سويه
الراس والا الساس مبدى العواجه ...>وايضا منحني من الجهتين
فهد الهلالي
25/09/2010, 06:12 PM
ان جالها بخلاف هي هي سويه الراس والا الساس مبدى العواجهصدره ابطنه لا نهيت القضيه وتلقى لها عند المناعير حاجه
اخوي فهد وش قلت في التاج..او تاج الملك او الملكه..الذي يوضع على الراس لانه يكون فيه الجهتين الاماميه والخلفيه متشابهه <<هي هي سويه
الراس والا الساس مبدى العواجه ...>وايضا منحني من الجهتين

هلابك ياخوي الوافي
ومالك لوا
وتفكيرك سليم وممتاز
وتلقى لها عند المناعير حاجه
تحياتي
ابوعبدالعزيز6
25/09/2010, 06:43 PM
مساء الخير

نقول طال عمرك

سماعة الطبيب
ابوعبدالعزيز6
25/09/2010, 06:53 PM
الخوذة العسكرية

http://arabic.globalarmour.org/Images/Boltless_Helmet/i_pascut_t.png
ياعين ابوي
25/09/2010, 08:29 PM
طيب تكون صينية المفطح وتسمى تبسي ..
فهد الهلالي
25/09/2010, 11:43 PM
مساء الخير



نقول طال عمرك



سماعة الطبيب


الله يمسيك بالخير يابو عبد العزيز
والرمعه مالك لوا
تحياتي
فهد الهلالي
25/09/2010, 11:44 PM
الخوذة العسكرية




http://arabic.globalarmour.org/images/boltless_helmet/i_pascut_t.png


الخوذه العسكريه مالك لوا
تحياتي
فهد الهلالي
25/09/2010, 11:45 PM
طيب تكون صينية المفطح وتسمى تبسي ..

هلابك ياعين ابوي
والرمعه مالك لوا
ولكن كاتجاه طيب
تحياتي
المكشاتي.
26/09/2010, 12:02 AM
السلام عليكم ورحمة الله وبركاته
وش رايك بالدله بس ماني خابر لها اسم ثاني
ا
الشقااوي
26/09/2010, 12:12 AM
صح لســـــــــــــــــــــــــــــــــانك

عسى انها الربابه
فهد الهلالي
26/09/2010, 12:19 AM
السلام عليكم ورحمة الله وبركاته
وش رايك بالدله بس ماني خابر لها اسم ثاني
ا

وعليكم السلام ورحمة الله وبركاته
اتجاهك طيب والرمعه مالك لوا
تحياتي
فهد الهلالي
26/09/2010, 12:20 AM
صح لســـــــــــــــــــــــــــــــــانك

عسى انها الربابه

صح بدنك
والرمعه مالك لوا
تحياتي
عصام 861
26/09/2010, 12:25 AM
http://t3.gstatic.com/images?q=tbn:97P7A6TTPnaXFM:http://majdah.maktoob.com/img/P14.jpg (http://majdah.maktoob.com/img/P14.jpg)
يامرحبا يابومحمد
الشواية او أللى نحط عليها
الدلال حنا نسميها الدوة ادرى بتضحك على الكلمة ؟
المكشاتي.
26/09/2010, 12:27 AM
ما هو الملقاط يا شيخنا
فهد الهلالي
26/09/2010, 12:33 AM
http://t3.gstatic.com/images?q=tbn:97p7a6ttpnaxfm:http://majdah.maktoob.com/img/p14.jpg (http://majdah.maktoob.com/img/p14.jpg)
يامرحبا يابومحمد
الشواية او أللى نحط عليها
الدلال حنا نسميها الدوة ادرى بتضحك على الكلمة ؟

هلابك يابو محمد والشوايه مالك لوا
والدوه الله يقاصرنا ويقاصرها بالاحسان
ماعرفها
تحياتي
فهد الهلالي
26/09/2010, 12:34 AM
ما هو الملقاط يا شيخنا

مالك لوا ياعمنا الله يحفظك
عبدالله الجري
26/09/2010, 12:40 AM
صح لسانك


مجرد مشاركة ياشيخنا


معلاق الذبيحة / الحديدة اللي يعلق فيها الخروف
وهي على شكل حرف s

ابوصالح
فهد الهلالي
26/09/2010, 12:43 AM
صح لسانك



مجرد مشاركة ياشيخنا


معلاق الذبيحة / الحديدة اللي يعلق فيها الخروف

وهي على شكل حرف s


هلابك ياخوي عبدالله الجري
والرمعه مالك لوا
تحياتي
ابو اسامه 2
26/09/2010, 12:43 AM
وش رايك في

السكينه اللي تنطوي

واذا خلصت شغلتها الصدر في البطن

http://www.mekshat.com/pix/upload01/prof008/mk23101_032.jpg

تحياتي لك
عصام 861
26/09/2010, 12:45 AM
يامرحبا يابومحمد قصدى
المنقلة اللى يشبون فية الفحم
المنقل
فهد الهلالي
26/09/2010, 12:50 AM
وش رايك في



السكينه اللي تنطوي


واذا خلصت شغلتها الصدر في البطن


http://www.mekshat.com/pix/upload01/prof008/mk23101_032.jpg



تحياتي لك


هلابك يابواسامه
والرمعه مالك لوا
ولكن اعجبني تفكيرك
تحياتي
فهد الهلالي
26/09/2010, 12:51 AM
يامرحبا يابومحمد قصدى
المنقلة اللى يشبون فية الفحم
المنقل

عارف طال عمرك المنقل اوالمنقد او المشب
ولكن مالك لوا
تحياتي
ابوعبدالعزيز6
26/09/2010, 01:17 AM
ممكن نقول عمة الزول السوداني
والله يا هو يشقى في لفها
عصام 861
26/09/2010, 01:25 AM
يامرحبا يابومحمد محاولة
السجادة
ملاحظة ؟ تم محاصرتكم أنت وأبوماجد بين الخليج
العربى والبحر الاحمر من طرف أبوأسامة أرجوا
الاستسلام ورفع الراية ؟؟؟؟؟؟؟؟؟؟؟
ابوعبدالعزيز6
26/09/2010, 01:35 AM
نرمع ونمرح والصباح رباح

شمالة الناقه
فهد الهلالي
26/09/2010, 01:41 AM
ممكن نقول عمة الزول السوداني


والله يا هو يشقى في لفها


عمة الزول مالك لوا لاعدمتك
ياعين ابوي
26/09/2010, 01:43 AM
شنو رايك شيخنا بـ بطاقة الدعوه وفيه ناس تسميها كرت الدعوه ..
ابو اسامه 2
26/09/2010, 01:49 AM
صدره ببطنه لا نهيت العمل

واليد معووجه من الطرفين


http://www.weelan.org/misc/weelan_bjr1.jpg
فهد الهلالي
26/09/2010, 01:50 AM
يامرحبا يابومحمد محاولة
السجادة
ملاحظة ؟ تم محاصرتكم أنت وأبوماجد بين الخليج
العربى والبحر الاحمر من طرف أبوأسامة أرجوا
الاستسلام ورفع الراية ؟؟؟؟؟؟؟؟؟؟؟


هلابك يابو محمد
والرمعه مالك لوا
وبعدين وين يحاصرنا بين الخليج والبحر الاحمر
والله لوهي غرفه 4×6 يمكن تفكر بالاستسلام
وشيبان تعاونوا ماذلوا
تحياتي
فهد الهلالي
26/09/2010, 01:52 AM
شنو رايك شيخنا بـ بطاقة الدعوه وفيه ناس تسميها كرت الدعوه ..


مالك لوا اتجاهك اول افضل
تحياتي
فهد الهلالي
26/09/2010, 01:54 AM
صدره ببطنه لا نهيت العمل



واليد معووجه من الطرفين



http://www.weelan.org/misc/weelan_bjr1.jpg


اتجاه طيب يابو اسامه
افضل من الاول ومالك لوا
تحياتي
عصام 861
26/09/2010, 01:57 AM
http://t0.gstatic.com/images?q=tbn:dMbY8VEoMzTPKM:http://up1.arb-up.com/files/arb-up-2009-9/Ek239441.jpg (http://up1.arb-up.com/files/arb-up-2009-9/Ek239441.jpg) محاولة يابومحمد
الخيمة أو الشراع
لن نحضععععععععععععععععععع
للتهديددددددددددددددددددددددد
ابوعبدالعزيز6
26/09/2010, 01:58 AM
محاولة

الدف
الربابة
ابو اسامه 2
26/09/2010, 02:00 AM
المنفاخ

http://www5.0zz0.com/2009/12/22/23/518281248.jpg
فهد الهلالي
26/09/2010, 02:25 AM
http://t0.gstatic.com/images?q=tbn:dmby8veomztpkm:http://up1.arb-up.com/files/arb-up-2009-9/ek239441.jpg (http://up1.arb-up.com/files/arb-up-2009-9/ek239441.jpg) محاولة يابومحمد
الخيمة أو الشراع
لن نحضععععععععععععععععععع
للتهديددددددددددددددددددددددد


هلابك يابو محمد
والرمعه مالك لوا
وكلمة لن نخضععععععععععع وراكم مطولين الكلمه او الواحد اعجز ينطق الكلمه عدل من الخوف اشوفكم تنتقضون
لاخلاص تراي امزح معكم
تحياتي
فهد الهلالي
26/09/2010, 02:26 AM
محاولة

الدف
الربابة

مالك لوا يابو عبد العزيز
فهد الهلالي
26/09/2010, 02:27 AM
المنفاخ




http://www5.0zz0.com/2009/12/22/23/518281248.jpg


اتجاه طيب يابو اسامه
عصام 861
26/09/2010, 02:36 AM
http://t0.gstatic.com/images?q=tbn:brv4tGfY6lcagM:http://i12.tinypic.com/482hgkh.jpg (http://i12.tinypic.com/482hgkh.jpg) محاولة يابومحمد
حطب ال سمر
ابو اسامه 2
26/09/2010, 02:41 AM
وش رايك في

مبرد البن

http://www.mekshat.com/pix/upload/images23/mk8178_dddddsd.jpg

تحياتي لك
ياعين ابوي
26/09/2010, 02:45 AM
تكون المبخره ... أو السفره وفيه من يسميها سماط .
الضيغم
26/09/2010, 09:52 AM
ماهي محماسة القهوه ..


وأببعد شوي يم الضلع الحمر : ماهو التوجد

أحس ان أبوأسامة ذبحه ذبح

***************************

***************************

بالمناسبه يابو أسامه الله يحفظ الولد ويرزقك بره أشهد بالله أني حبيته من قلب الله يوفقه ويخليه لك
ويرزقه الخير أينما وجه ..
جرير
26/09/2010, 10:27 AM
يالربع الشيخ غايب ....هذا مايسوي السهر.....
الله يهديه قايلين له اترك السهر لهله...
رمعه
كان ماهي الشبرية يمكن تكون ـ الصاج حق الخبز ــــ او النار
راع الحزم
26/09/2010, 11:17 AM
السلام عليكم ورحمة الله وبركاته

لغز للتحريك


ياويش بنت شوف عيني شـــقيه=ياشقابها الرجال لاجـــاء مزاجـــــه


ان جالها بخلاف هي هي سويه=الراس والا الساس مبدى العواجه
صدره ابطنه لا نهيت القضيــــه=وتلقى لها عنــد المناعيـــــر حاجـه




(البعض يسميها بالمذكر)



تحياتي للجميع
الشيخ مسكين

خيمة الالعاز مكشات



صح لسانك يالغالي
طرى علي الملة (الرماد) تكرمون
فهد الهلالي
26/09/2010, 01:22 PM
السلام عليكم ورحمة الله وبركاته
والرمعات لم تصيب الهدف
وهي اقرب لكم من هذه الرمعات
يبي لكم ضلع احمر
تحياتي
(ممدوح الجهني)
26/09/2010, 01:49 PM
استلم يالغالي عسانا نصيب الهدف
ماهي الذراية او الوجار
راع الحزم
26/09/2010, 01:55 PM
تكون علامة الاستفهام
او التعجب

؟!
فهد الهلالي
26/09/2010, 01:56 PM
استلم يالغالي عسانا نصيب الهدف
ماهي الذراية او الوجار

كفو يا Azozi نعم هي الذرايه والبعض يسميها بالذرا
وهي تتسفط يكون الصدر بالبطن وبعدين تستعمل من قدام ومن وراء
وصح السانك ملايييين
لقد ذبحته واحسنت الذبحه
تحياتي
(ممدوح الجهني)
26/09/2010, 02:03 PM
كفو يا azozi نعم هي الذرايه والبعض يسميها بالذرا
وهي تتسفط يكون الصدر بالبطن وبعدين تستعمل من قدام ومن وراء
وصح السانك ملايييين
لقد ذبحته واحسنت الذبحه
تحياتي



ماعليك زود يالغالي
وصح الله بدنك ترليون
وبيض الله وجهك
لاعدمناك
ابو اسامه 2
26/09/2010, 04:20 PM
يا ليت يا ابو محمد او انت يا عزوز تعطونا صوره لها عشان نعرفها

وبارك الله فيكم جميعا

وصحت السنتكم
فهد الهلالي
26/09/2010, 05:50 PM
http://www.mekshat.com/pix/upload02/images89/mk30441_fisalalmansour119.jpg
ابو اسامه 2
26/09/2010, 09:12 PM
http://www.mekshat.com/pix/upload02/images89/mk30441_fisalalmansour119.jpg



بارك الله فيك يا شيخنا الفاضل

تحياتي لك وتقديري لشخصك الكريم