عطونا وصفه وفصيلته وعمره ولونه

[طيرحوران]

السلام عليكم ورحمة الله وبركاته
أخواني الأعزاء شاهدوا صورة الطير الموجود في التوقيع !!علما بأن الصورة غير واضحه لأني أخذتها من الجوال
وأريد كل واحد يعتمد على نفسه وما وضع هذا المنتدى إلا حتى نتعلم وعني أنا لست ملم بأوصافه كاملة!!
أريد نوع الطير ومن أي الفصايل ووصف كامل وسرة ولون ومقاس وعمر وكم تتوقع قيمة هذا الطير .
وكذلك نريد توقعات لأفعال ذلك الطير ؟؟!!أعلم أنها لاأحد يجزم بأفعال ذلك الطير ولكن من النظرة الأولى أحيانا يعطيك الصقار معلومات الطير .
والسلام عليكم

[المري]

أررررحب يابو سعد وحياك الله يالغالي..

أولا : حي ذا العين من الوسرة ومن ذا الريشة ..

ثانيا :

عمر الطير: الله اعلم الطير قرناس هوى ولا هوب بكر يعنى قرناس وبس..

هجر , مثندى ..جليل الاصابع.. ضافي الشليل.. افخذه تملا يدك.. اتوقع))

طويل المعنق.. مغتر .وسيع العين .. وافي القحف..كبير ثومة الجناح.. صافي الظهر..وافي الضبه..

منقطع له سنين من السوق....


وسلامتكم..


اخوك المري

[دابان]

اتوافق مع اخوي المري لاكن ازيد ماكرة فارسي اصيل
هل الطير لك

مممممممممممممممممممماششششششششاء الله

[لطاش]

مثلوث اشقر حلو المواري قرناس

[حجازي]

كفا ووفا المري

حر قرناس ولولا المدامع اقول فارسي

والطير باين عليه مايخيب إلا من صقاره

وسلامتكم

[ولد حايل]

تحيه طيبه للجميع
عفيه ابو معيض وفيت وكفيت
لاعدمناك

وفق الله الجميع

[أبو شعلان]

بسم الله الرحمن الرحيم

الصراحة أخوي المري ماخلا شي . لاكن عز الله إنه طير ماشالله تبارك الله . ماوراه شي من الطيور
الله يطرح فيه البركه ويخليه لراعيه ويسعده في هالموسم . ومن يسمع ومن يقول.

تقبل تحياتي....

[نايف الخالدي]

كفا ووفا المري ماخلا شي وماشاء الله تبارك الله

[الزعـبي]

كفا ووفا المري ماخلا شي وماشاء الله تبارك الله

ومشكور اخوي طير حوران على الموضوع .....

[الفيتو]

بسم الله الرحمن الرحيم
السلام عليكم ورحمة الله وبركاته

مساء الخير يا طير حوران .. مساء الخير يا جماعه.. تبارك الله ..ما شاء الله..
من باكستان.. قرناس.. .. أبيض ..من ثنو وورى ..وجهه ..وعاتقه .. ومهجره .. مبطين ما شفناها
في طير واحد ..تشره على ارضه ..وسرواله .. ما يجاري باقي زينه ..والزين ما يكمل
قيمته .. يا خوي لو تعفيني.. ذا ماله قيمه ..
أتوقع مثل ما تفضل اخوي .. حجازي ما يخيب الا من
صقاره والظاهر بعد مايخيب لو صقاره اي كلام ههههه
مقاسه من ال 17 وفيها

والسلام
الفيتو
الحجاز
8-7-1426هـ

[ابو عايد]

السلام عليكم ورحمة الله وبركاته

ما شاء الله تبارك الله

ولكن الصوره ليست واضحه جداً ............: ولكن الطير قرناس ثالث والباقي قــــــــــــد
وصفه المري ؛ ولكن فارسي 90% ومنغولي 10 % ولكن الدقات ليست واضحه

وتقبل تحياتي // العاشق الولهان

[قشاع الرمث]

السلام عليكم ورحمة الله وبركاته

ماشا الله عليه طير زين ويتبارك
وما اقوى ازود على كلام الربع بشي .

[مخبط القشع]

السلام عليكم ورحمة الله وبركاته

مساكم الله بالخير يالربع
وانا مستغرب حاجه وحده ؟؟؟؟؟؟؟؟؟؟؟؟
ان قشاع الرمث اليوم ما علق؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والخالدي بعد
الضاهر انهم متفقين
ههههههههههههه

[طيرحوران]

الأخوه الكرام
السلام عليكم ورحمة الله وبركاته
وحياالله كلن بإسمه وتسلمون على المرور ويعطيكم العافية على تلك الإجابات.
أخي المري ماشاءالله عليك ماخليت شيء ماعدا لون الطير تقول مغتر فما تقصد بالمغتر هل هو ابيض صافي أم أحمر مغتر أم أشقر مغتر. وماقدرت مقاس الطير ؟ على العموم تسلم يالمري على سرعة الإجابة
**
الأخ لطاش راجع الإجابة
**
الفيتو أنت صقار مخنص ولك باع طويل بالصقاره .وتشره عليه أرضية وشليل تعجبني فيك الدقة حياك الله وشلون حكمت عليه من باكستان .
**
تسلمون على المرور وكذلك التعليقات .تحياتي

[لطاش]

الاخ طير حوران ان كان الطير طيرك علمنا
وان كانك قست الطير علمنا
اشوف الطير ماهو على كف
وان كان عندك صوره غيرها ظهرها
سلام

[طيرحوران]

الأخ لطاش معك عذر .
والطير لا والله ماهوب لي وياليت أني أقني هالطير تبارك الله الله يخليه لراعيه .والطير هذا مبيوع 1000000 وفوقها في أكس آر بدون مبالغه.
ولكن أخي بين من ثندوة الطير وزوره أنه وافي . على العموم جزاك الله خير على أهتمامك.تحياتي

[لهاب]

السلام عليكم،،،،

الطير فارسي ( قوبعي ) من الحرار الاصليه وبين الشد على الجناح حسب الصوره والطير أشوف فيه الثندوه العريضه والعاتق الطويل وضبة المنسر والأرضيه الطيبه ، ولونه لون القوبعه أما بالنسبه لمقاس وعمر الطير ما أقدر احكم عليها لأن الطير تصويره في وجهه وقيمة الطير اذا كان وحش وافي تكون من 10,000 آلاف دينار وما فوق وفعل الطير راجع لقلب الطير والنوعيات هذي عمرها ما تردي .

الله يرزقنا هالسنه فيه وأتمنى للجميع التوفيق .