امنيتي يصير عندي صقر اصيد فيه

[سفاري]

السلام عليكم ورحمة الله
انا متابع للصيد عامة والصقور خاصة وصراحه مليت من الصيد العادي واتمنى انه يكون
لي صقر اصيد فيه لكن المشكله ما اعرف كيف ادخل هذا العالم
المشكله ما اعرف من الاصدقاء له في الصقور حتى اتعلم منه وصعب اجدع وجهي على الناس
والمشكله انه ماعندي اي خلفيه عن تربية الصقور
فياليت ان يدلني على الطريق خطوه خطوه

وانا افكر اشتري ارخص طير مدرب مثل وكري او غيره اتعلم عليه يعني لو انحاش مني وطار ما اتحسف عليه او لو مات وما عرفت كيف اعلفه وغيره من الامور

ابغى من اخواني النصيحه
وايضا هل الشغله فيها خساير كثيره او لا ؟؟؟

[skeet]

الله يرزقك وتحقق امنيتك

[بن حريول]

يارب ياكريم يارب العرش العظيم انك ترزقه بطير الطيب

اهلن بك اخوي وحياك الله في عالم الصقاره وانا نصيحتي لك انك تبدى بطير رخيص ومناسب مثل فرخ وكري وتتعلم واذا بديت تدعيه اكيد لازم تروح المدعى وبتلقى صقاقير تتعلم منهم ومعرفه الرجال مافيها شي
وعسى ربي يوفقك

[متولع بك]

أخوي الغالي انا بلخدمه وبشوووفه مستعد اعلمك الشغلات الي اعرفها

وتامر أمر طال عمرك أسأل وانا بلخدمه وأذا قصرت الأخوان مهم مقصرين انشالله

وأنكانك تبي تشووف بعينك أنا حاظر أخوك بندر من الكويت

[قناص الهمله]

الله يوفقك

[صقار عرب فارس]

و عليكم السلام و رحمة الله
حي الله اخي سفاري
انته يا اخوي نفسي ... انه كنت اتمنى انه يكون عندي صقر و الحمد لله حققت الامنيه مع اني في البحرين و البحرين مافيها الا القليل من الصقاره و مافيها الامحل واحد لبيع الصقور ... و الحمدلله عزمت اني اخذ و خذت لي شيهانه و استفدت منها كثير و اهم شي انك اتكون سعيد و مرتاح ان عندك صقر ماتهمك الخساير ولاكن ماتت الشيهانه ..ان شاء الله في المره الجايه بحاول اطرح بنفسي بس اول شي اخلص الدراسه و احصل ليسن ... ترى الصقر مايكلف بس عليك اتوفره حمام ... ممكن تصيد الحمام سهل ..

انشاء الله الله يوفقك بوكري افضل من الشيهانه ........ قول امين

[سفاري]

الله يجزاكم خير ويوفقكم جميع

وان شاء الله بحاول ابدا وعلى شوي شوي ابي اسأل وان شاء الله ان الجميع مهوب مقصرين

[الحركساب]

ياهلا ويامسهلا
ويامرحبا بك معنا اى وقت
راسلنى وما يكون خاطرك الا طيب
وتقنص معنا السنه هذى ويبدع طيرك تبديع

[ابوناهض.]

يالله حيه ارحب يالغالي (يامرحبا ترحيبة(ن) كلها انغام*** الي لفانا ومظهر(ن)كل ودي
اخوي ابدا ياطويل العمر بشبط شيهان ولا وكري ونا حاظر يالغالي اعلمك بالي اقدر عليه وهذي المهنه سهل الدخول اليا ومن الصعب الخرووووج منها

[Spank]

من الضروري يكون لك اصحاب صقارة وممكن تتعرف عليهم في محلات بيع الصقور وبعد ما تخاويهم ويستوي عندك معلومات عامة تقدر تاخذ لك طير وتتعلم من اصحابك

[أبوفرحان]

الله يرزقك يالغالي بالطير الطيب

[ااالعتيبي]

الله يوفقك

[ابو فهاد0]

اخوي سفاري الله يوفقك لما تريدة ويبلغك مبتغاك
ولكن انا اريد ان اضيف اليك معلومه هامه اهم شي قبل ماتشتري طير ان يكون لك خلفيه او معلومات هامه عن الصقور
كان تعرف كيف تنقل الطير بالطريقه السليمه وان تعرف كيف تعلف الطير وان تتعلم الدعو وان تعرف متى يكون طيرك جاهز للهدد وان تعرف كيف تعرف ان الطير مريض او سليم
وان تعرف ان طيرك هزيل ام صنيع ( عديد ) وان تعرف كيف تبرقع الطير صح وهكذا من الامور
ولو انك شريت طير بما قيل على عماها اما تصيب ولا تخيب فاعلم بان الطير لن يصمل معك لفترة محدوده
اي انه اما ضايع ام ميت لان الطيور لاتصقر باي طريقه مولفه من الراس اي بالتخمين
واعيدها لك مرة ثانيه اهم شي ان تتعلم الصقارة قبل ماتشتري طير
ونحن في خدمتك متى احتجت وان كان انت بالشرقيه فوالله ابشر باللي يسنعك ويعلمك والاخوان مايقصرون معك
تقبل مروري اخوك / ابوفهاد0

[حر وافي]

الله يوفقك وأهلا وسهلا في عالم الطيور وحنا ف:rي خدمتك في اى وقت إذا كنت من القصيم فارجوا الرد

[مهوووي]

الله يوفقك ويرزقك وانا موجود باشرقيه واي شي تبيه انا موجود لا يردك الا السانك وابشر بسعد اخوك خالد