سؤال صيد السيف في منطقة الخفجي

[إبراهيم فهد]

سلام عليكم
اخواني
ممكن استفسار ابي اروح احدق\اصيد في منطقة الخفجي اللي قريبة من دولة الكويت
هل المكان او المنطقة زينه حق صيد السيف ؟ اقصد صيد عالشاطئ بدون طراد يعني :)

وشكرا

[القنصل,,,]

شوف الخفجي فيها بحر وشاطي جميل والبحرهناك مفتوح وغزير حيل
واللي يصلح هناك المدات سراحه تبي تستانس
في شاطي الخفجي يوجد جسر كاسر امواج
يمين الجسر يكون العمق حوالي مترين طلعت سبيطي حجم كبير حوالي 5 كج
بس اذا تبي تروح اصبر لين يبرد الجو شوي يعني نص 11 عربي وراح تعين خير ان شاء الله

[إبراهيم فهد]

ان شالله اخوي
و يعطيك العافيه .. يعني بعد شهر ان شالله

[حياتي البحر]

افادك اخونا صياد الجبيل

[accentkool]

ماشاء الله افادك صياد الجبيل

[alhajri]

شوف الخفجي فيها بحر وشاطي جميل والبحرهناك مفتوح وغزير حيل
واللي يصلح هناك المدات سراحه تبي تستانس
في شاطي الخفجي يوجد جسر كاسر امواج
يمين الجسر يكون العمق حوالي مترين طلعت سبيطي حجم كبير حوالي 5 كج
بس اذا تبي تروح اصبر لين يبرد الجو شوي يعني نص 11 عربي وراح تعين خير ان شاء الله


صبحك الله بالخير صياد الجبيل والله يعطيك العافية
اذا ممكن وصف للمكان اللي فيه الجسر بالضبط او اقرب شي عنده

[إبراهيم فهد]

اي والله جانزين لو تحطه بقوقل او الاحداثية.

[ناجل سمار]

وعليكم السلام اتمني اهل الخليج يقدمون افاده لك

[عوام 5]

نتمنا لك التوفيق

[برنس العرب]

موفق ان شاء الله

[راعي بيشة]

أنا صايد فيه عدة مرات يوم صدت من السيف 4 شعور حجم جيد ووحدة كبيرة طولها يتجاوز 45 سم

هذا عند الخزان بالضبط

وعند الدوار على السقاله الفجر صدنا قرش مرات عديدة وصبيطي مرة واحدة

وفيه منطقة فيها لسان صغير كالشرم الصغير تجيها من جهة شركة الزيت بالقرب من المستشفى ممتازة للسبيطي


بالمناسبة معلوماتي بالخفجي من عام 1423 هـ

ومن ذلك العام انقطعت عن الخفجي

[بونكس]

لاتنسى راس مشعاب منطقه ممتازه من سبيطي وهامور وسئل مجرب وبي دعواتك

وتحياتي لصياد الجبيل وسلم على ابو ناصر

[SNIPER07]

موفقين ان شاء الله
و على ما قال انتظر شهر تقريباً
تحياتي

[وحدآني]

ماشاء الله افادوك الاخوان

وحمسونا نصيد بالخفجي خخخ

[اسلس]

اخي بونكس اين في راس مشعاب هناك منطقة مغلقة وممنوع الصيد فيها