السمك على السيف ؟

[اسلس]

ليه لا يوجد سمك على السيف نرمي السنارة وبدون فايده وادا بتصيد حجم صغير جدا كبر الميد طبعا جربت اغلب الاماكن ونفس الطريقه كورنيش الدمام ، كورنيش الخبر ، الشبيلي ، الجبيل تعبت بصراحة هل تخبرون لي اماكن حلوه والا بنبطل صيد ؛؛؛؛

[حياتي البحر]

يفيدوك اهل الشرقية

[greeb697]

نفس الحكاية

والرزق على الله

[أبو أثير]

كبر ميدارك وكبر طعمك وكبر بالك

والرزق على الله ...

[X P]

والله ياخوي انا نفسي اليوم اروح احدق للصباح بس خايف اطق مشوار ع الفاضي

اذا حد يعرف لنا مكان فيه صيد طيب في الخبر يدلنا


والرزق على الله

[أبو أثير]

الاخ الي يسأل عن مكان حداق بالخبر

جرب ورى مطعم السنبوك بالضبط

ميدار ثمانية على ميد صغير شيل الراس والركة ثلاث امتار حجم 42

وان شاء الله تتوفق مع السبيطي والمزيزي والبواليل .. حفظك الله

[اسلس]

يجماعه دام السمك مو راضي يجي على البحر احنا نروح له بس دلوني على احد معه طراد والا اصاحاب رحلات بحريه ندخل ونحدق وضع السيف تغير جدا وماعاد يصلح

[اسلس]

اخوي ابو اثير المشكله ليست في الميدار ما خلينا والا مقاس الا جربنا ولنا سنين نصيد على السيف بس شكل الحل الدخول للبحر

[X P]

طيب عطونا ارقام اصحاب طراريد في الخبر بطلع لوحدي شسوي مافي رفيق يخاويني

[اسلس]

المشكله اصحاب الطراريد غالين يقول الساعه بمائة ريال

[X P]

المشكله اصحاب الطراريد غالين يقول الساعه بمائة ريال


طيب والحل مانروح يعني نحدق ولاعندك فكره ؟

[السفريF15]

عليك بالسنوركل متعه وصيد تقبل مروري

[White_Shark]

يقولون البحر يعلم الصبر !

أنا أنصحك أخوي إذا بغيت تصيد استخدم الجلب ( الحداقات ) , جرب وماراح تندم ومقاس السنارة 12 تصلح للكبير والصغير :

http://www.mekshat.com/pix/upload03/images140/mk57286_sbt1.jpg

[صايد الحوت]

ياالغالي بنسبه صيد الدمام عندك شارع القوراب قريب عند سلاح الحدود المزروعيه السبيطي الايام هذي مشاء الله كثير هناك بس يبي له مد فلين او كيس على ميد والمكان الثاني عند قرية الدلفين داخل الشالهيات هناك بعد السبيطي والهامور موجود والطعم ميد او منكوس ومنكوس حي افضل يجيك السبيطي ماشي مليون ( قويه ماشي مليون )وبنسبه للخبر في مكان خطير مره الي هو عند مطعم بابا هباس الي عند فؤاد سنتر في بحيره هناك الي في النص وراء الفندق طبعن على جهت المطعم الي اقصدها فيها مجرى للماي من برا الى الداخل هناك فيها طبعن سمك اسمه ( شقر ) يشبه الشعري والسبيطي عليه طعم رهيييييييييييب مره وصيده روعه احلى من السبيطي طبعن البحيره تعال لها الصباح والمايه فل والبحر دهنه ( يعني يكون مافيه هواء ) وقط خبر شوف شي مو طبيعي لما تقرب عند البحر ناظر مكان مجري الماي تشوف سمك الشقر الحبه يمكن فيها 6 او 7 كيلو بس حساس مررررررررره بس عيبه الله يعينك على الناس الي تمر بسياره ام الحرش فيك الي يقول البحر صغر لدرجه هذي والي يقولك هنا صيد شنهو مجلسك وطبعن ميدرون البحيره هذي فيها خيرهوامير وفسكر واشعوم وسبيطي وصافي كبار بس صراحه معرف كيف طريقه صيده واسف على الا طاله احس اني كاتب قصه ههههههههههه وبنسبه للجبيل اقولك في مكان هناك منطقه اسمها الفريعه طبعن ممنوعه بس انت وحظك اذا سمح لك سلاح الحدود تدخلها فيها سبيطي موطبيعي وراء الصنادق الي هناك تمشي 100 متر طبعن حداق ركه البحر هناك لين بطنك بس سبيطي ياجماعه هناك مو طبيعي خلال ساعه ونص ضرب علينا 14 مره وطلعنا سته عشان كنا جاين مو حاسبين حساب الصيد تقدر تقول نزلنا بدون تصريح وميديرنا كانت مقاش 10 وتعرف فم السبيطي قوي مره والله يوفقكم يارب سلام

[بحرالخبر]

اخوي اروح تقريبا كل يوم اتمشى بعد صلاة الفجر على كورنيش الخبر الواجهه البحرية وأشوف الفلبينين
يطلعون قرقفان احجام حلوة واشعوم ثلاثية (يعني حول الكف ) ومزيزية اذا كانت الماية تارسة وحتى حول
المغربية جرب هناك والله كريم
وأعطيك بعض الأماكن : ولكن الصيد هذه الايام شحيح
1- العزيزية حول شالية الامير سلطان فيه مثل البحيرة هناك الصيد زين جرب تصيد بالعجين (عجينة تميس عادي ).
2-تالا
3- اول كورنيش الخبر طبعا على اليسار وقف السيارة على الشارع ورح تمش للبحر وفيه خير بس روح اول الرشه واخر الثبر
4- عند معلم الخبر خزان الماء الجديد على الكورنيش يمين اويسار المعلم
5- يسار جسر البحرين اذا الماية سقي
وبالتوفيق
ابوعبدالرحمن
1-

[مستر هامور]

اخوكم ابو عادل فيه حراج قوارب اب حقل

[مستر هامور]

اخوكم ابو عادل الملقب مستار همور

[اسلس]

اشكركم جزيل الشكر بس ودي اوضح معلومه بالنسبه لكورنيش الخبر والصيد خلف المطعام كثير من الناس يقولون ان المطاعم تصرف مجاري الحمامات اعزكم الله على البحر عشان متخوف من الاماكن هذه بعدين هده الاماكن فيها ازعاج والصيد هو مزاج والواحد يروح البحر عشان يروق ويروح الصداع بس ما تلاحظون ان اغلب الاماكن محظوره ؟ ا

[اسلس]

اخوي ابو عبدالرحمن اغلب الاماكن الي قلت عليها جربتها يقالك اقل شي ثمان او تسع ساعات عشان تصيد واذا صدت احجام صغيرة ما تستاهل التعب واذا كان فيه كبير حظ تمر السمكه بالخطاء اما الفلبينين انا طلعت معهم كم مره ياخي ينام عند البحر يعني يجلس اكثر من اثنعشر ساعه وبعد ما وراه زوجه والا قرابه ولا التزامات واحنا يصعب علينا نام زيهم

[اسلس]

ابو عادل وضح اكثر لو سمحت موضوع الحراج

[اسلس]

عليك بالسنوركل متعه وصيد تقبل مروري
ممكن اخي توضح اكثر ؟

[بحرالخبر]

اخوي اسلس
تالا وما ادراك ما تالا
هذا المحدق ما اعتقد انك جربته تجيه بالرشه ولازم تحسب حساب الرشه زين
وتدخل البحر حد الركب
المكان عند نهاية الطريق وقبل ما توصل البحر تلف يمين وتجيك بوابة وتمشي حتى تتعدى
اخر شاليه مهجور وبعده شاليه جديد غير مهجور وتنزل يسار وقريب من جدار الشاليه
الاخير وجرب هناك .بالنهار فقط يطردونك حرس الحدود بعد المغرب
الطعم روبيان وميد

[بحرالخبر]

اخوي اسلس
تالا وما ادراك ما تالا
هذا المحدق ما اعتقد انك جربته تجيه بالرشه ولازم تحسب حساب الرشه زين
وتدخل البحر حد الركب
المكان عند نهاية الطريق وقبل ما توصل البحر تلف يمين وتجيك بوابة وتمشي حتى تتعدى
اخر شاليه مهجور وبعده شاليه جديد غير مهجور وتنزل يسار وقريب من جدار الشاليه
الاخير وجرب هناك .بالنهار فقط يطردونك حرس الحدود بعد المغرب
الطعم روبيان وميد

[اسلس]

ابو عبدالرحمن
صحيح لم اذهب الى تالا
ممكن لو تكرمت توضح شوي في الوصف بعدين فهمت انا اني اوق في الماء يعني مافي جلوس؟

[اسلس]

ايش نوع السمك هناك والحجم

[مكشتاني]

لاتحرج نفسك تالا ممنوعه والبوابه المدخل حطوا عليها حاجز وان دخلت من جهت الخروج راح تتورط وتتبهذل مانصحك ابد بتالا واترك عنك المشاكل والسمجه ماتسوى البهذله وانا اخوك

[مكشتاني]

عليك بالاماكن اللي وصفها لك اخي ابوعبدالرحمن بالذات المناطق اللي خلف المرديان هالايام البحر بدا يفتح والماي برد عن الايام اللي طافت اما تالا فهي الان محظوره وسلاح الحدود منعوها لانها املاك خاصه

[اسلس]

لاتحرج نفسك تالا ممنوعه والبوابه المدخل حطوا عليها حاجز وان دخلت من جهت الخروج راح تتورط وتتبهذل مانصحك ابد بتالا واترك عنك المشاكل والسمجه ماتسوى البهذله وانا اخوك
اشكرك اخي والله الواحد ما يدري وين يروح هذا عيب المنطقه كل الاما كن مقفله ومحضورة واحنا الضحيه عاد تصدقون اني وصلت الى راس مشعاب عشان اشوف مكان فيه صيد يعني باقي بيني وبين الخفجي امكن 15 كيلو

[صقر بدر]

الله يرزقك

[أبو ناصرالدين]

السلام عليكم
والله أخوي شوف هالأيام الصيد من السيف شحيح جدا و أنت و حظك
اليوم رحت لثلاث أماكن ممتازة و دايما بطلع منها خير كثير لكن كأني قاعد أرمي بحوض الحمام
الطعم زي ما هو و ما في ضرب
لكن إجمالا الصيد يبغاله صبر مرة تصيب و عشرة تخيب و إلا ما كان الصيد متعة
و الله يرزق الجميع

[accentkool]

هالايام الصيد تعبان انا طالع عند الصنادق مافي الاقرقفان عشوش ههههههههههههه

[وحدآني]

الاخوان فادوك ماشاء الله

ان شاء الله انك استفدت

[صياد متهور]

السلام عليكم
اخوني الصيد حلو دي اليومين كولو ضلوع اكثر شي بس تعالو الفجر والصباح بس بالليل ماضرب ويانا الا قليل بالصباح هاتك ياتسدح عند الفن تايم
بالتوفيق

[m1000]

اخوي انا افيدك باللي اعرفه

عندك في القطيف كورنيش الناصرة تروح للنهاية بعدها في نزله رمل تنزل وتطلع سيده الين ما تجيك مكان ما فيه حجارة هذي اللي تجي في الكورنيش هنالك ناس تصيد لحلاح احجام كبيرة 6 كيلو و7 والطعم ميد ومنكوس واذكر صادوا فيها كنعد 12 كيلو بس يبي له صبر واكثر من يوم والصيد في الليل ممنوع

وعندك منيفه قبل فترة الشباب راحوا وصرحوا رجعوا بسبيطي عدد 2 4 او 5 كيلو كذا وكم مزيزي و شعري احجام كبيره

اتمنى اني افدتك

[اسلس]

اخوي انا افيدك باللي اعرفه

عندك في القطيف كورنيش الناصرة تروح للنهاية بعدها في نزله رمل تنزل وتطلع سيده الين ما تجيك مكان ما فيه حجارة هذي اللي تجي في الكورنيش هنالك ناس تصيد لحلاح احجام كبيرة 6 كيلو و7 والطعم ميد ومنكوس واذكر صادوا فيها كنعد 12 كيلو بس يبي له صبر واكثر من يوم والصيد في الليل ممنوع

وعندك منيفه قبل فترة الشباب راحوا وصرحوا رجعوا بسبيطي عدد 2 4 او 5 كيلو كذا وكم مزيزي و شعري احجام كبيره

اتمنى اني افدتك
اشكرك عزيزي ودي لو تكرمت تفيدني اكثر عن الشباب الي راحو منيفه وين الموقع الي صادو فيه وهل صيدهم غزل او خيط وشاكر لك

[اسلس]

وعلى فكره اجام السمك السبيطي كبيرة والا صغيرة

[عوام 5]

الله يجيب الخير
واشكر الاخ صايد الحوت على الوصف الجيد واذكر اني جربت المكان وكان الخيط دائماً سامت ويقطع وما عرفت السبب