ابي رايكم الله لا يهينكم

[صقار2008]

السلام عليكم و رحمة الله و بركاته
ابي رايكم بطير عرض على حر وافي و علومه طيبه راكد و صايد بس فيه مشكله انه فيه مرض برئــته رايك بالمرض سهل علاجه وكم ياصل سعره تقريبا لا هنتوا

http://www.mekshat.com/vb/images/misc/progress.gif

[جبار1]

مالك ومال الأمراض أخوي صقار

؛؛الطير السليم أفضل؛؛

وبنسبه لأمراض الرئه دائمآ مستعصيه ويصعب علاجها

دمت بخير .

[الحركساب]

مالك ومال الأمراض أخوي صقار



؛؛الطير السليم أفضل؛؛


وبنسبه لأمراض الرئه دائمآ مستعصيه ويصعب علاجها



دمت بخير .


هذا الراى الزين

[جره الصيد]

اخوي وشل لك في الشقه والتعب اخذلك طير صاحي دامك بتشتري والله المستعان

[غليص 101]

شف طال عمرك
افحص الطير ان قالو المستشفى فيه تضخم في الرئه
فأترك الطير ترا فيه رداد والرداد ماله علاج وكلام أخواني الي أعرف مني فادوك
والله يرزقك بالطير الي يطربك

[صقار2008]

جزاكم الله خير و كثر الله من امثالكم

[ابوناهض.]

ابعد عن البير وغطاه .. موفق خير
الحربي

[دعاس]

مبطي يقولون اشتر تبيع
المشكله لو تشتريه ولو
هو موقف بالطلع
اللي به مرض بالرئه
ماراح يطرد له حد وبعدها
يحل والمرض مع الايام يزود
انت شف التهاب الاكياس الهوائيه
يلعب بالطير ولايطرد
نصيحتي اي طير عايب لاتاخذه
لانه يعتبر عذروب
ولو هو اصبع مقطوع اشوى شوي
او ريشه منعميه

[صقار2008]

انا ما ادري وش الي به بالضبط هو الاتهاب او غيره و مشكورين على النصائح

[العاذر]

ابعد عن الشر وغنيله

[صقار2008]

مشكورين على النصائح