عندي موتر gx 2002 ترتفع الحراره للنصف

[برنس القصيم]

الله يحييكم ........
عندي موتر gx 2002 ترتفع الحراره للنصف
اطلب افادتكم ..... اي مراااوح اركب



ودمتم ساااالمين ......

[غالي]

نصيحتي لك لاتركب مراوح خله شد بلد واعرف العله

حرام تلعب بموترك

الاخوان مو مقصرين ان شاء الله

تحيتي لك

[اسير الغضا]

وش المشكله بالظبط

شف غطاء الرديتر تراه ارقام كل واحد له حراره معينه راجع الموضوع ذا
http://mekshat.com/vb/showthread.php?t=316096

[التعـ King ـديل]

1/ غطاء الرديتر
2/ البلف
3/ الخراطيش
4/ الراديتر
5/ تماتيك المروحه

شيك على هذولا اولا

[_دربيل_999]

لاتركب مراوح ..ترى ماراح تسوي شيء..خسائر وبس..
إفحص نظام التبريد شيء مؤكد فيه سبب يجعل الحرارة ترتفع,,
ولو ركبت مراوح وهذا العطل موجود فكأنك يابو زيد ماغزيت..

وفقك الله..

الروقي

[You Like Me]

نفس الكلام
الافضل حتى لو بتركب مراوح
ابحث اولاً عن سبب إرتفاع الحراره وشيك على السياره
بعدين فكر تركب مراوح او لا
وإن شاء الله المشكلة بسيطه

[برنس القصيم]

الله يعطيكم العافيه على المعلومات

[تناهيت]

غير البلف وادع لي

[ابوملاك 2008]

اخوووي غير البلف الوكاله وركب بلف ديزل

[رفيع المقآم]

يالغالي شيك على الماء اذا ينقص فاعرف ان عندك تهريب ممكن يكون من الطرنبه وممكن يكون من غيرها اذا من الطرنبه لازم تغيرها وتغير معها البلف وماء اصلي والباقي مقطر وتنظف الرديتر والسرندل وشف كيف الحرارة
ممكن يكون عندك الغطاء
وومكن تماتيك المروحه وممكن حساس الحرارة يلخبط

وانا لي تجربة مع الحرارة رهمت وسويت وسويت وماراحت ليت اكتشفت العطل الا وهو الطرنبه

[RIFA3Y]

السلام
1_ المراوحـه شوفها تشتغل او لا وشوف من وين اوقات ممكن يكون فيوز بس
2_ الرديتر يمكن مسكر و يحتاج تصيخ ولا انه فيه تنسيم
3_طرمبة الماء ممكن فيها تنسيم ولا القزقيت حقها ينسم
3_ الشيك بلف للحراهـ او اتوقع يسمونه الكوع
4_غطاء الرديتر نفسه يمكن يهرب ماء او شي
5_ واحد من الاهواز تعبان
و نصيحه لا تمشي عليها و الحرارهـ ترتفع حيل ترا ممكن تجاوب المكينه معاك
وإذا كانت الحرارهـ ترتفع و انت واقف و إذا مشيت انزلت اغلب الضن من الرديتر
يبيله تصيخ


لك ودي


رفاعي

[كبسولة2]

أبحث عن السبب الرئيسي

ونصيحة لا تركب مراوح كهربائية

المراوح تعتبر من أنصاف الحلول وليست حل كاااااااامل

[alhawayel]

شيك البلف وناخوك

[مركز حراره]

مافيه احد ممكن يفيدك ؟
الا اذاعطيتنا شرح واضح شوي متى يحتمي بالظبط مع الخط او بالديره
التشخيص الصحيح يؤدي الى العلاج الصحيح

[برنس القصيم]

ابشركم يا شباب انحلت مشكلة الحراره بموتري


بعد ماتم الكشف عليه ( بمركز حراره ) بعنيزه
أولا :::
تم فحص غطاء الاديتر والخراطيش وتماتيك المروحه وكانت سليمه
ثم تم فحص الاديتر بالتصييخ واتضح ان الفتحات داخل الاديتر متسدده
وطلب مني صاحب المركز بتغيير الاديتر بأديتر جديد وتم تغييره مع وضع ماء اديتر اصلي مع ماء مقطر (( بموجود بنفس المركز ))
وايضأ تم تغيير بلف الوكاله الى بلف جيب تويوتا ديزل نفس الموديل علمأ بان موتري (((بنزيم)))
قبل كل شي تم غسل السريندل بالماكينه الخاصه للغسيل..
وافيدكم بأني لم اركب مرااااوح كهرب

والحمدلله الان الحراره على الربع ........
اشكرك جزيل الشكر

التشخيص الصحيح يؤدي الى العلاج الصحيح




(((( اللي يبي رقم صاحب المركز يرسلي رساله خاصه )))

ودمتم ساااااااالمين ......