إلى الفيتو وتواق .........مع التحية ،، (( خدمة بسيطة يا الذيابة ))

[الدكتور00]

السلام عليكم ورحمة الله وبركاته...

مساكم الله بالخير يا الربع ..
وش حالكم ..ربكم صحاح ..

ابتداء ،، أدري إن البعض دخل للموضوع يبي يعرف السالفة ،، والبعض وده يشارك ويتجمل مع راعي الموضوع ،،
لكن أنا من البداية ريحت الجميع ،، وبتعرفون العلة بتخصيصي أهل الحجاز بالسؤال ،،

فبعد إذن الجميع ..بغيت الفيتو وتواق ولا يهون أهل الحجاز بكلمة راس .. :) ههههههه

يا الذيابة الموضوع باختصار ..بغيتكم تدلوني على المحلات اللي تبيع أغراض الصقور بالطايف تحديدا ،، وهذي كل السالفة الطويلة العريضة ،، لكن ولا عليكم أمر ودي لو تعجلوا علي بالرد للأهمية لا عدمتكم ،،


وسلامتكم جميعا ،،،،،


أخــــــــــ(( الــدكــتـــــــــور )) ــــــــوكــم

[الزعـبي]

ولو انك مـــا ....... بس يالله

اسال عن المزغديه وعن سوق الطيور وبتلقى الى تبي

[تواق]

تامر امر اخوي الدكتور لكن الطائف تخصص اخونا الفيتو

لكن انا اسمع عندهم سوق طيور اسمع المزغديه يبيعون فيه طيور واغراضها


اسف اخوي انا من جده اي شي فيها انا حاضر وممنون


اخوك / تواق

[الدكتور00]

أخوي الزعبي ..

لا هنت على الرد ،،

ما قصرت يا الغالي ،،،

وبيض الله وجهك ..

[الدكتور00]

أخوي أبو سلطان ...


مرحــبا بالغالي ،،
ويا هلا ومسهلا ،،،


ما يامر عليك ظالم ،،،
وما قصرت على الرد يا الأجودي ،،،،

وعلى طاري جدة حدك انت اللي طريتها بلسانك ;) ...المحلات اللي أخبرها بجدة (بن حميد)اللي بالجامعة ..
وحوله محل ما أدري وش اسمه خبري به وهو جديد ...وعندكم محل الرماية اللي قريب من شارع التحلية ..
طيب وش غيرها ؟؟؟ تراني أعرف جدة مثل اسمي ..عشت بها 15 سنة لكن ما يمنع نستفيد أكثر ..


وسلامتك يا الغالي ،،،

[تواق]

ابد يالغالي غير الي ذكرت ماخبر شي جديد في اغراض الطيور لكن في امور الكشتات في محل اسمه بر وبحر يمدحونه الشباب

وهو ورا دوار الجواد الابيض من شمال على يدك اليمن والزين الي فيه الشباب الي يبيعون فيه اهل صنف واصحاب محل

الله يوفقهم


اخوك / تواق

[الفيتو]

بسم الله الرحمن الرحيم
السلام عليكم ورحمة الله وبركاته

مساء الخير يا الدكتور.. هلا ومسهلا في الطايف بين اهلك واحبابك وما فيه علوم لين
تمرنا وتاخذ العلم من الراس .. انت وينك بس ؟ وعنواني هو
منتلابللارتبلاسولارساؤلارنزىترىنسعيىبةو روئءزتاءنزبسيز~,:
رتب الحروف على قول اخوي عقاب تعرف العنوان تراك قاهرني يوم اخذت الجايزه علي



















تلقى الرساله على الخاص
والسلام
الفيتو
الحجاز
9-7-1426هـ

[الدكتور00]

أخوي أبو سلطان ...

صبحك الله بالخير ..

وبيض الله وجهك يا الذيب ،،

كفيت ووفيت ،،،،



أخـــــــ(( الــدكـــتـــــــور )) ــــــــــوك

[الدكتور00]

وعليكم السلام ورحمة الله وبركاته..


أخوي الفيتو ،،

صبحك الله بالخير والسرور ...

ومـرحــبـــ مليون ـــــــــا بهل الطايف كلهم ..مرحبا هيل عداد السيل ..

أنا قاعد أكتب هالموضوع والردود من الديرة اللي تقراها جنب اسمي فوق ..ومن بيتي بالتحديد...ولو إني بالطايف كان ما دريت إلا وأنا داق عليك الباب مقلط عمري بدارك ما أنتظر عزيمتك ....ههههههههه >> نمون عليك يا الغالي << لكن شكلك ما عرفتني زين عسى الله يصلحك ..إلا ونعم بكم ألف يهل الطايف جميع ..سيوف مجربة ..أهل كرم وجود ومرجلة ..
ولو لي مرور على الطايف( دار خوالي ) كان تشرفنا بزيارتك والتعرف عليك يا الأجودي ...لكن ما بها فرصة ..

والعلم وما فيه إن واحد من الربع طالع من جدة ومار على الطايف فقلت خلني أوصيه على بعض الأغراض من هناك ..

بعدين يا خوك ...تعال تعال ..ترى موضوع الحبارى ( بتاع ) المري ..قد هو في الصفحة السابعة يعني الأخيرة ..والموضوع صار عليه مدة ..ملايين قضوا نحبهم ..وآخرين خرجوا لهذي الدنيا ..وإسرائيل طلعت من غزة ..وناس جوا من الفضا ..وبوش قد هو يهدد إيران ..والمنتدى امتلا بالمواضيع الجديدة ..وأنت من يومك على المري ضعيف الله .. رح شف مواضيع سرهيد و أبو عايد والربع ..وتصفح فيها واقراها مرتين وثلاث أنفع لك ولي ..لأني من أول أقول وش بلا الساعة أبت تشتغل ...ههههههه إثرك مبلط عند ذاك الموضوع ..ماكل قلبك حكم المري وتصحيحه الصارم وعدم محاباته للمخضرمين ...لكن هذا حال الدنيا وما لك إلا تصبر ونا أخوك ..

أقول خلنا من هالسواليف قلبناها شات ...لكن ترى الساعة تفداك وراعيها .. وما يغلى عليك شي يا ذيبان ..
وعساك بالوجود موجود ،،،


وسلامتك ،،،،،،،،،،،