كم سؤال ارجوووووووو الدخول

[صقار عرب فارس]

السلام عليكم و رحمة الله و بركاته

يا اخوان عندي كم سؤال

1-ماهو التلواح و كيف يستخدم(بصور او رابط يشرح عن التلواح)؟
2-عندما تدعي الطير, هل انك تهد الطير من يدك من ثم تدعيه او يهده لك صاحبك من مسافة ثم اتقوم تدعيه بالحمامه؟

سامحوني يا اخوان على هل الاسأله .... والله اني سألت هل الاسأله إلى لأني فشلت في تربية الصقور لاكن الحين باحاول من البداية ان شاء الله...
و اتمنى انكم تزيدوني في المعلومات الدقيقة و تنبهوني عن الاغلاط الي يقع فيها الصقارة المبتدئين.


و سامحوني على الاطاله ... و لكم مني جزيل الشكر...

اخوكم الصقار المبتدء / صقار عرب فارس:)

[نايف بن فلاح]

اخونا قار عرب فارس يامرحباااا
1- التلواح او الملواح بشكل عام شغله واحده والطريقه الصحيحه والدارجه من قديم ان تاخذريش الحباري وتربطها مع بعض وتعلم الطير عليه بالمناسر وتعشيه عليه كم مره اوتربط فيه حمامه واذا ما عندك ريش حباري اي ريش او حمامه ميته لين يعرف وتقعد تلاعبه ,,بعض الطيور يوقع عنده بدايت الامر وبعض الصقاقير يعطيه الملواح اذا وقع وهذا خطا لا تعطيه الا اذا جاك طيار عشان مايتعود عالتوقيع وتصير طبع فيه واحرص انك في بدايت التعليم انك تدعيه من بعيد على الملواح واذاجاك
تعطيه وتعشيه الين يعرف ان الملواح مصدر عشاه وبعدين ابد في انك تسحب الملواح عنه الين يفحم الطير وعطه وتشوف الطير يتجاوب معك وعلى ها الطريقه
2- انا ضد هالطريقه انك تهد الطير انت وتدعيه وهذ ا اكبر خطا خصوصن الفرخ اوالطير الوحش الي في بدايت التدريب لاتهده وتصير عينه عليك يهده احد من ربعك عليك
وارجو اني افدتك بها المعلومات البصيطه
والله يوفقك ان شاء الله,,

[ابو فهاد0]

افادك اخوي نايف بن فلاح

[نايف بن فلاح]

ولا تنسااا الصوت والتصويت (الصياح) باسم الطير لانه عامل اساسي في تدريب الطير
حتى يكون سمعه لك مهو عينه وتسهل عليك عملية الجذب والهدد
والمعذره على الاطاله,,,,,,,,,,,,,

[مهوووي]

يفيدونك الاخوان وبيض الله وجه نايف

[صقار عرب فارس]

جزاك الله خير اخي نايف بن فلاح ... كفيت و وفيت الله يكتبه في ميزان حسناتك

[نايف بن فلاح]

يا مرحبا اخوي صقار ولا سوينا شي
واعتبرني واحد من اخوانك
ولا تهونون اخواني مهوي وابو فهاد

[ابوعزيز2007]

افادك إبن فلاح الله يعطيك العافيه يابن فلاح