من يعرف كهربائي فاهم .. مشكله عويصه

[البرحه]

السلام عليكم

الله لايهينكم اللي يعرف لي كهربائي بالرياض

عندي مشكله بالضفيره

شاكر لكم وجزاكم الله خير

[البرحه]

>>>>>>>><<<

[ابو عود]

وش المشكله والموتر وشو

[البرحه]

المشكلة منظم مروحة المكيف تحترق فيوزه

كل ماصلحتها وركبتها تشتغل المروحه 4 دقايق ثم يحترق فيوز المنظم وتطفى

قالوا المشكلة من مروحة المكيف وغيرتها بس ماتغير شي ، يحترق

قالوا اجل مافيه الا الظفيره ، لان فيه مشكلة ثانيه معها وهي تخبيص عدادات الطبلون

السيارة باثفيندر

[اكسبلورر2005]

اخوي مثل الاعطال هذي تحتاج كهربائي ماهر وما انصحك اي كهربائي
يشتغل فيها لان بعض الكهربائيين ما يفهم ببعض الاعطال فيتعلم بسيارتك ويخرب عليك اشياء اخرى وتدخل بمشاكل واعطال ثانية
لا سمح الله وصلاحية الكهرباء بالسيارة امر مهم جداً


اذكر مركز الجابري لكهرباء السيارات بالصناعية القديمة
شغلهم ممتاز ومضمون ولا تدور غيرهم وسبق لي ان جربت شغلهم
صحيح غالين ولكن شغل اظمن من غيرهم
لو بغيت اوصف لك مركزهم انا حاضر
,,,,,,,

[koogak]

فيه فلبيني ممتاز بصراحة انا اصلح عنده سيارتي
اطلع مع مخرج 26(حمزة بن عبدالمطلب) وجهك شمال
بعد الاشارة الثانية او الثالثة بيجيك مطعم هرفي على اليمين لف مع الاشارة يمين (يصير وجهك شرق)
اطلع سيده لين توصل اول اشارة عندها مكتبه على اليمين لف معها يمين (يصير وجهك جنوب)
بتجيك على طول محطة بنزين على يمينك ادخل فيها الورشة في الخلف
والمشرف سوداني اسمه ابو الهاشم وهذا

[الثويرات]

ياخي الكريم لو المشكله التماس كان ماتشتتغل على طول تقطع فيز.
لاكن المشكله من الفيز ضعيف كبر الرقم شوي.

[البرحه]

اكسبلورر2005

شاكر لك ردك وإفادتي

الجابري بصراحه مبالغ في سعره جداً , لكن بمره يشيك اقل شي

ـــــــــــــــــــ

koogak

شكراً على ردك وجزاك الله خير ,, بمره ان شاء الله


ـــــــــــــــــــ

الثويرات

الله لا يهينك على ردك

الفيوز انا بدلته بنفس المقاس اللي كان موجود بالقطعة من الوكالة , اخاف احط اكبر منه وتحترق القطعة كلها


انا احس انه من الظفيرة لانه طلع بنفس الفتره تقريباً خراب عدادات الطبلوت ، للحين تخرب وتزين من نفسها

[مكشاتي سيارات]

انصحك توديها لنيسان

[alhtan]

اذا انت من سكان الرياض ,اخبر لك كهربائي مغربي شاطر موقعه في الدرعية

اذا رغبت فيه راح ارسلك رقمه

[تشتاق]

فيه ورشة في السويدي فلبيني وشغله حليو اذا بغيت اوصفها لك ارسل لي على الخاص

[هيار النفود]

المشكلة منظم مروحة المكيف تحترق فيوزه

كل ماصلحتها وركبتها تشتغل المروحه 4 دقايق ثم يحترق فيوز المنظم وتطفى

قالوا المشكلة من مروحة المكيف وغيرتها بس ماتغير شي ، يحترق

قالوا اجل مافيه الا الظفيره ، لان فيه مشكلة ثانيه معها وهي تخبيص عدادات الطبلون

السيارة باثفيندر
فيه كهربائي عفريت , سعودي بالروابي

[قرم العيال]

فيه فيلب بالقصيم بالخبراء

خذ رقمه اتصل عليه

هذا ما عنده يعرف يقول اعرف ما يعرف يقول ما اعرف
سجل رقمه ودق عليه واشرح له الوضع كله

0501907090

يفهم عربي احسن من ومنك هههههههه

[البرحه]

الهتان
تشتاق
هيار النفود

الله يجزاكم خير وارسلت على الخاص

قرم العيال
مشكور وماقصرت
سجلت رقمه بس القصيم مشوار

الله لايهينكم جميعاً

[البرحه]

الفيوز اللي يخرب هنا على اليمين من تحت , الصورة لاخوي ابونجم

http://www.mekshat.com/pix/upload04/images178/mk95936_resized_20100828683.jpg

[4*4]

ورشة ابو شهد في الربوة شارع الثلاثين غرب اسواق المجد
فاهم في النيسان بكل انواعه خصوصا الفتك والباث
رح له وتلقى ضالتك باذن الله