يــــاصـــــقاقــــــــــير مــــــــــكــــــــــشــــــــــات

[wwmfs]

السلام عليكم ورحمة الله وبركاتة


عساكم بخير

عندي طير يخاف من الدس حاولت اولفه مع الدس ماقدرت

من دون علف مع ان الطير ينقز من قرابة 3متر

بس يكووون معك علف


ولو تعلفة وتتركة مفرع 5-10 دقائق وتجي تنقلة يكافخ

مع اني قاصر في العلف


اللي ابيه منكم انكم تبينون لي كيف توليف الطير على الدس


ومـــــــــــــــــــــــــشــــــــــــــــــــكـ ــــــــــــــــــــــــوريــــــــــــــــــــــن

[نايف بن فلاح]

مرحبااا اخوي والله يعطيك العافيه ,,
وتسمحلي في كم سؤال عسى ان افيدك
هل الطير فرخ او قرناس وحش ؟
وش الي اثبت لك ان الطير يخاف من الدس ؟
اذا كان بيتي هل توك شاريه وكم عمره؟
لانها حاله نادره ان الطير يخاف من الدس اذا كنت لابسه في يدك
يخاف من شي ثاني ممكن وهل معه صيحه
ولك مني الاحترام والتقدير,,,,,,,

[أبوفرحان]

يفيدونك الاخوان

[wwmfs]

مرحبااا اخوي والله يعطيك العافيه ,,



وتسمحلي في كم سؤال عسى ان افيدك
هل الطير فرخ او قرناس وحش ؟ بكر
وش الي اثبت لك ان الطير يخاف من الدس ؟المكافخ والابعاد عني
اذا كان بيتي هل توك شاريه وكم عمره؟ توي شارة-بكر
لانها حاله نادره ان الطير يخاف من الدس اذا كنت لابسه في يدك
يخاف من شي ثاني ممكن وهل معه صيحه لالالالا


ولك مني الاحترام والتقدير,,,,,,,



تم الاجابة على الاسئلة

[قرناس 1431]

طيرك يا الجودي يخاف من البرقع مهو من الدس

[wwmfs]

طيرك يا الجودي يخاف من البرقع مهو من الدس


وش جاب الدس عند البرقع

البرقع بعيد عني وعنه مو معي!!

وش اللي يحبب البرقع له؟؟

[نايف بن فلاح]

الطير خوفه ماهو من الدس,,,,
خوفه من صقاره (ارجو الا تفهمني خطا في كلمت صقاره) واكيد الطير صنيع وتوك نا قله من المربط
برقع الطير ونزل وزنه واذا جيت تنام باليل حطه عند التلفزيون او رادو شغال واذا اصبحت انقله وكثر عليه النقله لا يطيح من يدك وركز على امرين انك تنقله عند مجموعه من الناس وحاول العصاري قبل الدعو تفرعبه على يدك وانت جالس او حط له وكر جلاس واقصر مربطه وحطه في المجلس او الاستراحه عند الريا جيل او في البيت عند البزران واذا كان صلف يبي يتملع مع العشا عطه موميا 5ايام او حبوب ملوع وباذن الله يطيح الي براسه...
واطلب من الله اني اصبت ولا اخطئت,,

[مشهور001]

ما قصروا الاخوان وكلام ابو فلاح مزبوط وبعض الصقاقير الله يهديهم حارين على الطير وطيرك يمكن لقاله صقار طاقه بالدس وهذا اللي مخليه يخاف منه دهل ديرك اكثر وكل ما طمر على يدك عطه نسر يطيح اللي براسه ويتعود على الدس وفاله الخرب

[دعاس]

الشباب ما قصروا الله يعطيهم العافيه واحب ان اضيف لك
ان الطير ممكن احد ضاربه بالدس’’قد حصلت مع واحد
من الربع غاب عن طيره والا احد البزوره ضاربه بالدس
واستغرب وبعد عمل تحقيق مع الصغار اتضح انه مضروب
وحاول انك تحط له العلف داخل الدس’’انا مجربها مع فرخ
واحيان يا افلس ازت له الدس وينزل عليه وهذي كثير من
الصقاقير تستخدمها,,والطير يبي نقل وخل مرش الماء معك
ترى الماء يهدي الطير
والله يوفقك والله يطرح به البركه

[رأعي الخرشه]

الطير خوفه ماهو من الدس,,,,




خوفه من صقاره (ارجو الا تفهمني خطا في كلمت صقاره) واكيد الطير صنيع وتوك نا قله من المربط
برقع الطير ونزل وزنه واذا جيت تنام باليل حطه عند التلفزيون او رادو شغال واذا اصبحت انقله وكثر عليه النقله لا يطيح من يدك وركز على امرين انك تنقله عند مجموعه من الناس وحاول العصاري قبل الدعو تفرعبه على يدك وانت جالس او حط له وكر جلاس واقصر مربطه وحطه في المجلس او الاستراحه عند الريا جيل او في البيت عند البزران واذا كان صلف يبي يتملع مع العشا عطه موميا 5ايام او حبوب ملوع وباذن الله يطيح الي براسه...


واطلب من الله اني اصبت ولا اخطئت,,


وعليكم السلام ورحمة الله وبركاته
هذااا هو الكلام الصحيح الطير ماينقله كثير وطير فيه خوف منك ماهو من الدس
الله يعطيك العافيه اخوي نايف
تقبل مروري

[بن حريول]

يربع الطير يكفخ ويحسبه يخاف من الدس


اخوي طيرك ما فيه شي بس كفخان عادي يدري انك تبي تنقله ويكفخ
الوضع طبيعي جدن لاكفخ ارفعه وبرقعه وانتها الموضوع طيور واجد زيه

[VXR2000]

افدوك الاخوان

[$ تساهيل$]

افادك الاخ نايف ولايهون الاخ بن حريول والاخ دعاس واركد على الطير ممكن انه مخوف مع تحياتي

[الصاعقة33]

صباح الخير بالنسبه لطيرك اذا هو قرناس هذا طبعه الله يعينك لكن نصيحتى لك لاتجيه بالدس الا معاك علف وعطه نسور وبرقعه امش على الطريقه هذى لين الله يفرجها وسلامتك

[صقار ممتاز]

اخوي اطير مايحب ادس
وانا مجربه
اقصر فطير
وتعاله المغرب علفه
اول شي قبل لا تعلفه
صيحله ويذا تشوفه يبي العلف فرع فيه ولازم تلطم بشماغ وقرب ادس عنده ولا يكون عندك ونقله واجد عند المجلس
الورعان لا يشوفهم
خله عند الجلس
ونشالله يجي ادس

[المكتلج]

يمكن يكون الطير مضروووووووب عشان كذا يخاف من الدس والله اعلم

[الهذلي2]

يفيدونك الاخوان

[wwmfs]

شاكرين لكم تفاعلكم الطيب

وجزاكم الله خير جميعاً