المساعد الشخصي الرقمي

مشاهدة النسخة كاملة : ابي رايكم يا اهل النيسان لقيت جيب 92 تقدر تقول وكاله 99% ....؟؟


ابو نايف 99
26/09/2010, 01:13 AM
بسم الله الرحمن الرحيم

السلام عليكم ورحمة الله وبركاته

اما بعد :


صباح / مساء الخير كيف الحال ان شاء الله بخير ابدخل بالموضوع مباشرة عند جارنا جيب باترول سوبر سفاري موديل 92 نظيف جدا جدا جدا ... عفوا مو نظيف وكاله تعرف كيف يعني وكاله البدي شد بلد والموتر نظيف وجارنا له اربعه وخمسين سنه عندنا ما عمره طلعه من البايكه شراه اول ما طلع حوالي بـ 65000 وماعمره دخل البر ... وللمعلوميه مكيفين وثلاجتين او ثلاجه ودبل واللون رمادي غامق .؟؟؟

يبيله حاجات خفيفه يعني تحط فيه الف ريال يطلع وكاله ..

كم تتوقعون يجيب لان انا يمكن اروحله بكره وخايف ان يرفع السعر يعني انتم تقولون إذ طار مرره كم يجيب .؟؟؟
متعب نجد
26/09/2010, 01:21 AM
اتوقع فوق الثلاثين
والله اعلم
برقااوي
26/09/2010, 01:53 AM
بصراحه بالضبط مدري

بس الي اعرفه النظيف ياخذ حقه

برايي يحده عليك افضل ومنع للإحراج مع جارك
شباع
26/09/2010, 01:56 AM
قابلت واحد نفس المواصفات الي انت قلت في القصيم وكان حاد عليه 65 لكن اظن ان فيه مبالغة
دل البحار
26/09/2010, 02:02 AM
.....................
بن شمروخ
26/09/2010, 01:50 PM
ولد عمتي توه شاري باترول 91 ماشي 157 ألف استخدام شخص واحد من الوكالة والشخص هذا برازيلي . يشتغل في السعودية ومحد ركب على المراتب غير السواق ومرته ...

شاريه بـ 37 ألف ....

انت سمه بـ اذا كان قير عايدي زد عليه3 ألاف وفرق الموديل 2 الاف يعني 42 ألف ... وان رفض اطمر بالـ 45 وان رفض مالك الا لـ 47 ولا تزود عليه ريال ...
ابو نايف 99
26/09/2010, 02:09 PM
بيض الله وجيهكم جميعا على المرور والله لايهينكم

براسك يابن شمروخ ابسحبه لين تقفل اخر شئ ابقول زي ماقلت 47 انا من اول ابقول 45 لاكن ما دام انت زت الفين براسك وان قال زود شوي ابقول على شحم تبي 47 وإلا اطلب الله
سلطان تميم
26/09/2010, 02:19 PM
ان شريته الله يطعمك خيره ويكفيك شره
ارقد يا ساهر
26/09/2010, 07:27 PM
بيض الله وجيهكم جميعا على المرور والله لايهينكم




براسك يابن شمروخ ابسحبه لين تقفل اخر شئ ابقول زي ماقلت 47 انا من اول ابقول 45 لاكن ما دام انت زت الفين براسك وان قال زود شوي ابقول على شحم تبي 47 وإلا اطلب الله

هههههههههههه اما على شحم خوش مرد
الله يوفقك بمشتراك
الغرابيM
26/09/2010, 08:29 PM
ان قلت على شحم فك الاشتبنه وحطهاا بحضنك ههههههه ..

اخوي هذا حده 45 الف للي يبي يستخدم بس انت ماقلت مواصفاته كامله وممشاه ..

الله يوفقك ان شاء الله
التعـ King ـديل
26/09/2010, 08:48 PM
يالغالي

انا واقف على موتر ورده 93 واللون المفضل بوقته الفضي والزيتي

مسيوم ب 35 وذا الكلام قبل اربع سنوات

يعني موتر الرجال بالكثير 35 الان اذا انت هاوي
بيتر بن عدوان
27/09/2010, 02:09 AM
35 بالكثير اذا كنت تبي تستعمل بس تبي تتكسب ماوراه الا الخساير هاذي اسعارها بالقصيم واحد ماشي ميه وثمانين مافيه ولا صدمه ماشالله ومركب له جنوط هلل وكفرات دانلوب جديده وبويته ماراحت للحين مافيها شمس وصلته لثلاثين وعيا وبيع بخمس وثلاثين