امبير الحرارة ..لماذا لا يكون لمبه مو احسن

[ابوحمد 999]

السلام عليكم ورحمة الله وبركاته

كلنا يدري ان الحرارة يكون قياس ارتفاعها بالامبير الذي يكون غالبا منسي تماما ويا ويلك اذا ارتفعت الحرارة ما راح تدري الا اذا عضت المكينة وخبطت ولا عاد يمديك تسوي شئ

انا فكرت ليه الشركات ما تحط بدل منه لمبه تكون اوضح واسرع من الامبير ..
وش رايكم يالربع شاركونا بأراءكم




وتقبلوا خالص تحياتي

[ملك الفكتوريا]

والله فكرة طيبة ياليت يسوونها



بس مو معقول الواحد بالخط يعطي نظرة على الطبلون مو طبيعي ينسى


وبعدين الحين لا تخاف الواحد يشوف الطبلون غصب عشان ساهر زفت

[تشتاق]

والله هالشي كنت أفكر فيه من فترة
بعد بعض النكبات
وبصراحة استغرب كيف يفوت شي اساسي مثل هذا على الشركات المصنعة

وياليت بعد يضيفون منبه صوتي زي الجرس

[ابوحمد 999]

والله فكرة طيبة ياليت يسوونها



بس مو معقول الواحد بالخط يعطي نظرة على الطبلون مو طبيعي ينسى


وبعدين الحين لا تخاف الواحد يشوف الطبلون غصب عشان ساهر زفت


حيا ك ملك الفكتوريا وشكرا على التشريف

[ملقاط بن جمر]

صدقت والله ..

فكرة طيبة ..

كنت العام الماضي أعاني من مشكلة في الحرارة .. وكانت عيني على العداد دائما ..

لكن أحيانا أنساه ولا أنتبه إلا والحرارة قاربت على الخطر ..

بارك الله فيك ..

[ابوحمد 999]

والله هالشي كنت أفكر فيه من فترة
بعد بعض النكبات
وبصراحة استغرب كيف يفوت شي اساسي مثل هذا على الشركات المصنعة

وياليت بعد يضيفون منبه صوتي زي الجرس



اتوقع الشركات متنبه وعارفه هالشئ بس هم ما راح يستفيدون شئ لان المكينة ماراح تخرب ابدا وبكذا يخسروا ويخيس قطع الغيار

[هو1ي البر]

تقدر ترهم لك لمبه اضافية بالطبلون
سهله ما يبي لها شي

[ابوحمد 999]

تقدر ترهم لك لمبه اضافية بالطبلون
سهله ما يبي لها شي
صادق لكن الفكرة من الموضوع ليه ما تجي شد بلد ؟؟؟؟؟؟؟؟؟؟؟؟؟؟




تخيل معك 2011 وحاط لمبه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[رفيع المقآم]

يالربع الفورد موجود بها لنبه غير الانبير اللنبه تشتغل عند الخطر من موديل 98

[بروق الخريف]

وعليكم السلام ورحمة الله وبركاته

الامبير افضل من اللمبة تعرف الحرارة الربع او النص مثلا

لكن اللمبة تولع فجأة الا توقف على طول ولا تنحرق السيارة

تقدر تركب جرس اذا وصلت الحرارة الا الخطر يدق

[escape_man]

اللمبة كانت احد العيوب بالسيارات القديمة والي تداركتها الشركات وحطت ديل لها الامبير

اللمبة ماتولع الا اذا وصلت الحرارة h

واحيانا وهذي صارت معي ماتولع وتكون عطلانه وتطق عليك المكينة بدون ماتدري

لكن مع الامبير تقدر تراقب سلوك الحرارة بسيارتك وتعرف اذا موية الرديتر ناقصة

او السيارة تعاني من خلل ما وتتداركه

[بروق الخريف]

لو اضافوا لمبة الى الامبير اذا وصلت الى الخطر تولع

مثل لمبة البنزين

[تناهيت]

ما ينفع ونا اخووووووووووك

هذه الطريقه كان معمول بها في الفروت والكوابرس القديمه
كانك تذكر الفكتوريا الامريكي المستورد موديل 91 وتحت كان يجي لمبه مثل ما تفضلت بدون انبير وكانو يركبون لها ساعه انبير حراره خارجي واللي لحق عليها يذكر كلامي هذا اكبر دليل على خطورة اللمبه لأنها تعني ان الحراره اتش اذا ولعت خلااااااص ماعاد يمديك على المكينة خبطت .........<كان معي 91 سعودي انبيرة شد بلد بدون لمبه قلي لي له لأن الأجواء عندنا تخوف موب مثل اجوائهم البارده

وعندي الان امبالا 64 مافيها امبير فيها لمبه فقط ومتخوف والله ودي اركب لها ساعه خارجيه للحرارة بس بتححوس علي الديكور والشكل ........>فكرت اوزن لمبه الحراره على انها تولع على النص بدال الأتش

تحياتي

[ابوحمد 999]

اللمبة كانت احد العيوب بالسيارات القديمة والي تداركتها الشركات وحطت ديل لها الامبير

اللمبة ماتولع الا اذا وصلت الحرارة h

واحيانا وهذي صارت معي ماتولع وتكون عطلانه وتطق عليك المكينة بدون ماتدري

لكن مع الامبير تقدر تراقب سلوك الحرارة بسيارتك وتعرف اذا موية الرديتر ناقصة

او السيارة تعاني من خلل ما وتتداركه
كلام منطقي بس انا اتكلم عن الحرارة العالية الاتش


فيكون امبير +لمبه



ودمت سالما

[escape_man]

ما ينفع ونا اخووووووووووك



هذه الطريقه كان معمول بها في الفروت والكوابرس القديمه
كانك تذكر الفكتوريا الامريكي المستورد موديل 91 وتحت كان يجي لمبه مثل ما تفضلت بدون انبير وكانو يركبون لها ساعه انبير حراره خارجي واللي لحق عليها يذكر كلامي هذا اكبر دليل على خطورة اللمبه لأنها تعني ان الحراره اتش اذا ولعت خلااااااص ماعاد يمديك على المكينة خبطت .........<كان معي 91 سعودي انبيرة شد بلد بدون لمبه قلي لي له لأن الأجواء عندنا تخوف موب مثل اجوائهم البارده


وعندي الان امبالا 64 مافيها امبير فيها لمبه فقط ومتخوف والله ودي اركب لها ساعه خارجيه للحرارة بس بتححوس علي الديكور والشكل ........>فكرت اوزن لمبه الحراره على انها تولع على النص بدال الأتش



تحياتي


جتك هدية ..

امبير حرارة امريكي اصلي توني فاكه من الموتر الي بالاحساء يابوحمد :)

والخجم تعرف لبعضها

[كاشت بالبر]

فكرة حلوة

( أمبير + لمبة تضيئ اضاءة متقطعة لتلفت الانتباه + صوت تنبيه )

وتكون كلها تجي من الوكالة .. لأني ما احب التلفيق :)



مرة ارتفعت حرارة سيارتي وما دريت إلا يوم وصلت البيت :d

السبب \ نقص ماء الراديتر

[قرعة نجد]

كان معي لومينا موديل 2000 تصدر صوت عند ارتفاع الحراره و بالشاشة حقت عداد الكيلوات يأشر
ان شاء الله تكون على كل السيارات

[ابوحمد 999]

كان معي لومينا موديل 2000 تصدر صوت عند ارتفاع الحراره و بالشاشة حقت عداد الكيلوات يأشر
ان شاء الله تكون على كل السيارات



ممتاز لو طبقت على السيارارت كلها ؟

والمسؤول هو هيئة المواصفات التي لابد ان تلزم الشركات بذلك

[ولد وايل..]

السيارات الصغيره ممكن


مثل الإكسنت الآن هي كذا لمبه حرما ولمبه زرقها هههههههه


بس اتوقع مثل ما تفضل الأخوان

ما مثل الإنبير يعطيك الحرارة بشكل أدق خاصه ان الواحد ما يدري هل الموتر يصمل معه ولا لا

احيانا الموتر تكون في بدايه ارتفاع وتستمر مده طويله والموتر يرتفع لكن ما توصلل ل للأتش

وبالغالب يا عزيزي

الموتر اذا وصلت للأتش وضربت للأخير فأعرف ان الموتر تضرر الا المرسدس والأمريكي (الكابرس والجمس والكادلاك) << عن تجربه ...

اما غيره تروح المكينه عليك ولا بالأقل تضرر...


تحياتي لشخصك...

[ملك الغضى]

يا جماعة الخير نسيتو الشروكي ترى فيه الميزه هاذي يعني امبير ولمبه وكذالك جرس الصراحه ميزه حلوه لكن يالربع من يركب لنا اللمبه هاذي

[GS5]

الشروكي الإستاندر (98 و طقته حق الإتصالات و الكهرب)
لمبه حمرا تولع و له صووت لكن الظاهر إذا تعدا الثلثين او الثلاث ارباع تشتغل و انا منب متأكد
اللمبه مب صغيره لا كبير خلفية رسمة الحراره يمكن كبر شاشة الكشاف هههههه

معلومه قالوه لي ان الفل السعودي اللي به انبير و عداد ضغط يجي به الصوت و اللمبه الحمرا !!


انت اذا جربته تتبهذل و تتصير مثل الاطرش بالزفه < ههههههههههههه
عقبه تقول يازين الإنبير ..

[gm2009]

انا معاي جمس اذا ارتفعت الحراره زياده عن اللزوم يفصل المكيف ويصير حار مدري عن باقي السيارت بس كذا انتبه اكثر من لو حطو لمبة مع ذا الحر الي عندنا ههههههه

[مسمار شداد]

لمن يسال عن لمب للحراره
انا ارتفعت الحراره معي حتى h ولا دريت عنها حتى قربعت المكينه وكانت السياره باترول 97 وطفيت السياره والحمد لله انها ماخبطت ولاكن بعدها صابني تفكير مستمر عن ضروره وجود منبه للحراره غير الامبير وفعلا وصلت له وهو
الادوات
1-امبير امريكي ابو25ريال
2-لمبه حقت سقف ددسن مع الفيش وطبعن تحصل الوان منها
3- سلك يوصل من البطاريه الى الغماره

الطريقه---
تفتح فتحه عند المخرطه في الماصوره الي متصله بالخرطوش وتضع فيها حساس الحراره الجديد
طبعا بيكون شغال معك بعد التركيب على طول ويتحرك الامير حقه
اناوضعت امام الامير قبل مايوصل النصف بقليل مسمار متصل بموجب البطاريه ومثصل بالمبه
حتى اذاوصل الامبير المسمار انغلقت الدائره الكهربائيه فولعت المبه كنها شمس شارقه
طبعا مثبت المبه بالطبلون ولاتنسى اني موصل المبه وجرم الامير بالسالب
- لازم تحك اللامبير بصنفره حتى تطير البويه الي عليه ويوصل كهرباء
وصار عندي امير الحراره حق الوكاله والمبه والله كم مره ياصل النصف خصوصن في النفود ولا ينبهني الى المبه
ااااااااااااااااااااااااااسف جدااااااااااااااا على الاطاله

[حلال المشاكل]

عندي أيكو  لا يوجد لها مقياس حرارة
لمبتين حمراء للحرارة العالية و زرقاء للبرودة

[omarx5]

على فكرة هذي الفكره موجوده في ال bmw بعضها لمبه داخل الاميبر على اللون الاحمر بالامبير و بعضها يكتبلك على الشاشه بالطبلون مع جرس تنبيه طبعا, تحياتي لتقنية الbmw

[ن م ر]

الشروكي الستاندر واليارس والتيدا من نسيان كلها لمبه
بس نظام اللمبه لوحده فااااشل
لأنها ما تولع الا على الرمق الأخير للمحرك وبعدها الله يخلف عليك

[ن م ر]

الأفضل الأمبير

تراقب الحراره بصفه مستمر واذا حدث أي شيء ما يصير فجأه
الا ان كانك غافل وتفكر في قضايا الشرق الأوسط هذا شي ثاني

[ابوحمد 999]

الأفضل الأمبير

تراقب الحراره بصفه مستمر واذا حدث أي شيء ما يصير فجأه
الا ان كانك غافل وتفكر في قضايا الشرق الأوسط هذا شي ثاني



حلوه بس انا في يوم كنت موقف السيارة والحو شوي حار وفيه واحد من الربع راكب وراء وانا نازل اتفاهم مع عامل عى غرض وما دريت الا والحرارة اتش والموتر جديد واقوم واشده بنمره وامسك الخط ونزلت الحرارة طيب لو فيه جرس مو كان اسلم لكن هم ما يبون الا والله يخرب وينتفون مخباتك(لو جرس كان اسمعه صاحبي ونبهني )))

[مغلي]

امبير فقط = 50%

لمبه فقط = 50%

امبير + لمبه قويه جدا = 100%

[تناهيت]

لمن يسال عن لمب للحراره
انا ارتفعت الحراره معي حتى h ولا دريت عنها حتى قربعت المكينه وكانت السياره باترول 97 وطفيت السياره والحمد لله انها ماخبطت ولاكن بعدها صابني تفكير مستمر عن ضروره وجود منبه للحراره غير الامبير وفعلا وصلت له وهو
الادوات
1-امبير امريكي ابو25ريال
2-لمبه حقت سقف ددسن مع الفيش وطبعن تحصل الوان منها
3- سلك يوصل من البطاريه الى الغماره

الطريقه---
تفتح فتحه عند المخرطه في الماصوره الي متصله بالخرطوش وتضع فيها حساس الحراره الجديد
طبعا بيكون شغال معك بعد التركيب على طول ويتحرك الامير حقه
اناوضعت امام الامير قبل مايوصل النصف بقليل مسمار متصل بموجب البطاريه ومثصل بالمبه
حتى اذاوصل الامبير المسمار انغلقت الدائره الكهربائيه فولعت المبه كنها شمس شارقه
طبعا مثبت المبه بالطبلون ولاتنسى اني موصل المبه وجرم الامير بالسالب
- لازم تحك اللامبير بصنفره حتى تطير البويه الي عليه ويوصل كهرباء
وصار عندي امير الحراره حق الوكاله والمبه والله كم مره ياصل النصف خصوصن في النفود ولا ينبهني الى المبه
ااااااااااااااااااااااااااسف جدااااااااااااااا على الاطاله

ماشاء الله فكرة حلوه

بسويها على تحفتي القديمة ............>موديلها 64 فيها لمبه فقط وخايف على مكينتها وبركب معها امبير :good::good::good:


تحياتي لفكرك

[تناهيت]

امبير فقط = 50%



لمبه فقط = 50%


امبير + لمبه قويه جدا = 100%


صح عليك يا مغلي الأمبير بعد ما تقدر تنتبه له دايم خاصة الموديلات القديمة اللي يجي طبلونها باهت وانواره ضعيفه وكله اوراق وفواتير كهرب كنه مكتب معد هوب طبلون :D

[ابوحمد 999]

صح عليك يا مغلي الأمبير بعد ما تقدر تنتبه له دايم خاصة الموديلات القديمة اللي يجي طبلونها باهت وانواره ضعيفه وكله اوراق وفواتير كهرب كنه مكتب معد هوب طبلون :D



كلام سليم لا هنت


بس انت على كذا تبي تقطع رزق المصانع ؟؟؟؟؟؟؟