اين اجد حليب الابل بالرياض

[e3lanat]

بحيث يكون نظيف لاني اريده للعلاج
وهل المعلب يكون طازج ام لا
وما هي الشركات التي تبيعه معلب مع وصف لمواقعها من فضلكم

[الحزوبر]

الجنادريه الظاهر فيه سودانيين يبيعون حليب بس انتبه للناقه اللي يحلبونها انها ماهي كبيرة سن ولاهي ضعيفه وولدها سمين

وللا اطلع للبر وبتلقى من الاجواد اللي بيعطيك حليب وهو طبعا اطيب من حليب السودانيين

اما المعلب ماينفع لان حليب الناقه فايدته اول ماينحلب

وسلامتك والله يشفي مريضك.

[صقرحايل]

ماشاءالله تبارك الله
والله لو تجى عندى با حايل ابشر با الحليب كل يوم
لك دلايه حليب لا وبعد مطعم من الصميل
بس هذا الى اقدر افيدك فيه
والله اول مره ادري ان الحليب يباع ياخى
هذا من فضل الله
والحمد الله رب العالمين ان هذا اشى غير موجد عندنا با حايل وعند اهل الحلال خاصه
والله عيب على الواحد انه يبيعه
والحمد الله رب العالمين

[عجاج السناف]

ماشاءالله تبارك الله
والله لو تجى عندى با حايل ابشر با الحليب كل يوم
لك دلايه حليب لا وبعد مطعم من الصميل
بس هذا الى اقدر افيدك فيه
والله اول مره ادري ان الحليب يباع ياخى
هذا من فضل الله
والحمد الله رب العالمين ان هذا اشى غير موجد عندنا با حايل وعند اهل الحلال خاصه
والله عيب على الواحد انه يبيعه
والحمد الله رب العالمين

كفوو والله قول وفعل

[عاشق السوبر]

فيه شركة الوطنية عندهم حليب حليو تلقاه في السوبر ماركات الكبيره ويا ليت تحدد المنطقة في الرياض عشان اوصف لك اقرب محل لك

[e3lanat]

اخي الحزوبر جزاك الله خير وبارك لك
اخي صقر حايل ربي يحفظك ويجزاك خير وهذا من طيب اصلك
اخي عاشق السوبر انا في السويدي

تقبلوا جميعا خالص تقديري

[قبطان سلفر]

مخطط الغروب مقابل سوق الغنم
أو نفس سوق الأبل كلها على طريق القدية
،،
عندك الوطنية على طريق المدينة المنورة
بجوار بنك الراجحي للحوالات
عندهم معلب

[_دربيل_999]

اخوي تعرف سوق الابل الل بالجنادرية..
اذا خليته على يسارك وجاك التقاطع اللي في نصف الطريق شفهم على يدك اليمين بس والله مدري عن حليبهم..

بارك الله فيك..

الروقي

[ملك الفكتوريا]

وفيه بعد على امتداد طريق الامير محمد بن سعود ( الجامعه )

تطلع من الدائري الشرقي على مخرج 9 وتمسك شرق الى ان يجيك طريق جابر تعده وسيده لين تلقاهم على يسارك


بس مدري عن حليبهم

[بن حاضر]

فيه يالطيب حول شارع الشيخ جابر امكان تبيع حليب نياق للأسف انهم مستغلين الشارع ولاانصح فيهم نهائياً ..

لان سبق وان واحد من الشباب يقول شريت من عندهم وخليته في الثلاجه ومن بكره لقيت الحليب طبقتين طبقة حليب وطبقة دم لان كل من جاهم حلبوا له يعني تحلب في اليوم اكثر من مره وبشكل مستمر .. عشان كذا ما انصح فيهم .. بس اذا انت تبي للعلاج انك تدور احد من معارفك او تروح يم سوق الابل وتشوف لك واحد من هالطيبين وتقوله ولا اظن انه راح يقول لا بالعكس راح يخدمك .. وعلى حسب علمي عليك بحليب البكره و وزرها هي الدواء بعد الله ..
اما المحلات مثل ماقال اخوي عاشق السوبر محلات الوطنية عشان انا من سكان غرب الرياض في واحد في طريق المدنية بتجاة الغرب بعد سوق الرياض الدولي يجيك على اليمين .. وفيه واحد في الشفاء طريق ديراب مقابل للبريد ..

[abo naseer]

حياك الله

الصراحة على الوضع الحالي لبيع حليب الابل
اذا مالقيت احد تعرفه شخصياً مالك الا الوطنية وتلقاه في فروع منتجات الوطنية والسحب علية كبير بالحيل ..
اتمنى اني افدتك...

[فتى مرات]

اخوي انشاء الله بتلاقي طلبك .. مخرج 16 ثالث اشاره يمين من عند نادك سييده اول اشاره اتركهابعدها بيجيك تقاطع خطير اتركه الاشاره الي بعد التقاطع خذ يسار اول لفه يمين هناك فيه ابل وانشاء الله ما يقصرون معك .. لاكن البيع ما يبيعون .. وفيه ياطويل العمر على طريق الخرج بعد مفرق هيت تلاقيهم على اليمين يبيعون هذولا خبري بهم من 4 ششهور ..
ووصلني كلام عن الي يبيعون الحليب انهم يضربونها ابر مدره وتضر وماني متاكد من هالكلام ..
اتمنى اني افدتك ..

[العاذر]

يوجد حليب خلفات انتاج الوطنيه طازج ومعقم ونضيف يوجد في السوبرماركت الكبيره

سعر اللتر 10 ريال ..

والموزع يجي كل يوم صباح وينزل كميه معقوله لان زبائنه محدودين

ونا في الخدمه

[عاشق السوبر]

حياك اخوي أنا من سكان الشمال ولا أعرف بالجنوب لكنه يجي للوطنيه يوم السبت والثلاثاء والخميس عشان تاخذه طازج

[e3lanat]

بيظ الله وجوهكم يا اخوتي
اشهد انكم ما قصرتوا
ربي يحفظكم جميعا

[الخسيف]

اذا كنت شمال الرياض .. عندك الحياله في المروج .. ماشاء الله تبارك الله

[moafaq999]

هلابك اخوي الاخوان ماقصروا
انصحك تشوفلك راعي ابل في البر تاخذ منه اما الي في الحوش والى عند السودانين حليبها ماينصح فيه لانهم يغشون فيه ويعطون الناقه ابر حتى تدر ويكثر حليبها طول اليوم ؟؟!!! والى نعرفه ان الناقه تدر مرتين الى ثلاثه في اليوم الطبيعي .

اما بالنسبة للحليب الموجود في المحلات فعليك بحليب ولبن (( العتش ))

تقبل مروري

[ولد حربmaged]

مساء الخير اخوي اذا لك خاطر في الحليب ابشر تعال في الجنارديه خلفات أبوي نحلب بعد صلاة المغرب مباشرة واذا ودك في البر في الرمحيه

[ساحووق]

مساء الخير اخوي اذا لك خاطر في الحليب ابشر تعال في الجنارديه خلفات أبوي نحلب بعد صلاة المغرب مباشرة واذا ودك في البر في الرمحيه

كفووووووووو

كفوووووووووووو

يااولد حرب مااهو مستغرب عليك الطيب
قوووووووول وفعل

لاهنت

[منفوحي]

اذا كنت شمال الرياض .. عندك الحياله في المروج .. ماشاء الله تبارك الله
وقريب منه محل بساتين القصيم .. يوجد فيه حليب

[منفوحي]

أسواق عذق الجزيرة

https://goo.gl/maps/QEueHzpWJQP2
أسواق ثمار الحيالة

https://goo.gl/maps/MaDBkopCaiB2
أولاد علي للخضار والفواكة

https://goo.gl/maps/8avzabkFiEx
أسواق دلال

https://goo.gl/maps/ztT4moJAqxp
وهذي محلات يوجد فيها حليب خلفات