السفارى..يــــشــرب بـــانــزيــن ..الحل؟؟

[نايف العويمرى]

السلام عليكم

يا جماعة الخير أنا عندي سفاري موديل 99 وكاربريتر ويشرب بانزين ولا كأنك معبي بالخط يشرب بالديره يشرب عجزت فيه قالولي بدل بلاكات بدلت قالولي بدل بلاتين ونفضف كاربريتره سويت كل شيء لمن أيس فيني
وياليت الي عنده خبره بهالأمور يساعدني
( في ناس تقول ضيق اهواز البانزين ) اشرايكم ......؟:confused:

وجزاكم الله الف خير

[بدر المغيري]

الله يعينك عليه
طيب ليش ماتغير الموترولا تشوفلك بديل عنه من الموديلات الجديده

[ذيب العيص]

عسى الله يعين ..........نفس المشكله بموتري...

[المنصووووري]

صحيح ضيق اهواز البنزين واذا مافيه فايده عليك ب toyota وروح لهلك

[R2R8]

الحل تركيب ابر التيما الي هي تجي صغيره رح تلاحظ فرق اضح بالصرفيه لاكن لايزال يصرف

[خلاوي 111]

انا سويت كل شي ذكرتوه

حتى ابر التيما ركبت ومافيه فرق يصرف

[mgs71]

اتوقع المشكلة من الكربريتر الافضل توديه عند متخصص في الكربريترات يوزنه تمام
هذا والله اعلم

[ربع النسيان]

الله يستر ناوي على واحد موديل 7 تنصحن او لا

[نايف العويمرى]

لاهنتم يعطيكم ألف عافيه

[عبدالرحمن السالم]

هذا هو الكربليتر وهذا عيبه ، الله يعينك

[ابراهيم الريس]

الله يعينك أخوي هذا عيب في النيسان وقل الحمد لله البزين عندنا رخيص

[SIF]

هذا هو الكربليتر وهذا عيبه ، الله يعينك

[قدر مكتوب]

الحل فك المكينه وركب مكينه ثانية بخاخ افضل لك واصفى بالتشغيل واقل صرفيه واقوى بكثييييييييييييير

[برايدوي عنيد]

هلابك اخووي ....

عندك اشياء تقلل من صرفيه الموتر للبنزين :

تركيب فرارات , تركيب مراوح كهرب .

فيه اشياء ممكن تساعد على زياده الصرفيه :

نزول ضغط هواء الاطارات , ارتفاع الموتر .

هذا مالدي وتقبل مروري .........

[اكتروس]

اخوي اذا انت ارتفاع الموتر طبيعي وماهو محمل حمل ثقيل

ركب اصلاح كلبليتر حق التيما وبيفرق شوي ان شاء الله

انا معي باترول كلبليتر يصرف صرف وكل شي غيرته لكن اكتشفت انه فيه شق في لي البنزيم فيه لي صغير يجي فوق التانكي من اخل "يغيرونه بدون فك التانكي" مشقوق ومع الحراره يتبخر البنزيم تاكد منه ومن الليات حقت البنزيم الي داخل الكبوت "حقت الطرنبه وجميع الليات افحصها"

طبعا غيرت اللي وماعاد صار يصرف زي قبل

اتمنى اكون افدتك

[سارق الكحل]

انا كان نفس مشكلتك سويت كل شي فيه يخطر على بالك

وبالاخير بعد الزعل رحت للوكالة وطق واحد جديد
والحمد لله كل شي روعة الصرفية والتشغيل والدوس بالخط صار يمشي طبلونه هواء

ويمشي 380 كيلو بالراحه

هذا هو الحل النهائي والا اصلاح وغيره والله ماينفع الكبريتر اذا انفك قل عليه السلام