شباب الطير يطرح!!!

[AK-VTC]

السلام عليكم
كيف حال الشباب الطيب
شباب عندي جير ادعيه صارلي ألحين ثاني اسبوع اليوم كنت داعيه مسافة 500متر ويجي عالملواح فاضي ماعنده مشكله ويضرب الملواح ضربه حلوه ولله الحمد وطلعه على الملواح سريع وحلو ويوصل الملواح وماهو تعبان مرتاح بس اذا سحبت منه الملواح يمسح عليه مسحه وحده ويطرح على بعد 50 متر مني جنبي لازم اقلب الملواح وارفعه عشان يطير ويطب على الملواح مره ثانيه يعني مايلعب عليه بالروحه والجيه بس يمسح مسحه وحده هل الطير ماتلين جناحه والا شنو الحل؟
ومن رايكم باجر ازيد المسافه 700متر؟

[وحش الغابه]

يفيدونك الاخوان

[AK-VTC]

شاكرلك مرورك اخوي وحش الغابه;)

[ابوعزيز2007]

والله ياخوي يمكن الطير يبي جرد وتقصر عليه شوي لانه اذا شاف الملوح رفعته يطمع فيه

[مقناص الكويت]

شف اخوي الطير يمكن مافيه لياقه وترى الجو حار اصبر عليه وكل يوم بعده شوي وادعه الصبيحه

وشرط بس يبرد الجو ويصير انفسه حلووو يقوم يلعب علي الملواح وبالتوفيــــق

[AK-VTC]

اخوي ابوعزيز2007 الطير صحيح يبيله جرد بس مو لي هالدرجه لان على بعد 500 متر ايي عالملواح اقرب المسافه 300 واسحب منه يطرح و وزنه جدا مناسب مو ضعيف ولا فسقان الطير

اخوي مقناص الكويت غالبا ادعي الفير مع شقة النور وان شاء الله بجرب ازيد المسافه

شاكرلكم مشاركتكم وننتظر ردود باجي الشباب

[العاتق]

يفيدوك الاخوان... تحياتي لك

[عابر الموج]

اخوي طيرك مافيه غير العافيه وبعض الطيور ماتلعب على الملواح الا اذا مسها البرد وفيه بعض الطيور لازم تحط بالملواح علف قطعة لحمه حتى يلاعب الملواح تقبل مروري

[AK-VTC]

اخوي جزيرة فرسان شاكرلك مرورك

اخوي عابر الموج انا ادعي الفير مع شقة النور يعني الجو حلو مو حار وحتى اذا الملواح فيه علف نفس القصه

[عابر الموج]

اخوي جزيرة فرسان شاكرلك مرورك

اخوي عابر الموج انا ادعي الفير مع شقة النور يعني الجو حلو مو حار وحتى اذا الملواح فيه علف نفس القصه


شف عندك امرين لاثالث لهم ممكن طيرك مايعرف الملواح من الاساس ويبيلك تعلمه من جديد اوطبع طيرك كذا

[AK-VTC]

يعطيك العافيه اخوي عابر الموج الطير يعرف الملواح من كان فرخ عند راعيه بس يمكن ليش راعيه يهدله حمام فتعود عالحمام وانا ليلحين ماهديتله حمام:(

[ربع خالي]

بعض الطيور غشيمه ولاتذخر جهدها في الحر وتلعب على التلواح الين تتعب مايسبب لها أمراض كثيره وأخطرها الرداد ,, وبعض الطيور تذخر قوتها وتحاسب في الحر ,, طيرك إن شاء الله اليا طاب الجو بيرضيك , وخل عنه التشقليب وطول له المسافه شوي واليا جاك اعطه التلواح , ولاتجهد الطير لايتعب عليك ,,,

تحياتي

[AK-VTC]

يعطيك العافيه مشرفنا وصقارنا ربع خالي ان شاء الله باجر راح ازيد المسافه الى 700متر ومن رايك الى كم متر اوصل بالمسافه بحيث تكون كافيه؟؟
متى ابدي اشقلب ؟؟

[ربع خالي]

مادام انك تدعي الطير الفجر والجو بارد ! مد له المسافه قد ماتقدر بحيث ماتتعدى الكيلو ونصف ومن يجيك اعطه التلواح , والتشقليب اليا دارت الشمال ,,

[((السنياري))]

وعليكم السلام

جيرك الي عندك هل هو فرخ توك تعلمه

اذا فرخ لاعاد تعطيه الملواح اذا طرح ولا يخذها عاده اذا تملل من لعب الملواح
اذا وقع جنبك يبي الملواح دسه عنه او خلك تلوحله وابعد عنه اشوي اشوي وقط له الملواح اذا جاك اسحبله

صارلك اسبوعين على 500 مترلا ابعد بعد افتح له المسافه اشوي اشوي تعلومك حلو بس زود المسافه

اذا اخذها عاده اربط له باالملواح حمامه اول ميته وشف عنه واذا تبي تعرف اقصاه اربطها حيه

وبتوفيق

[علي الصقار]

انا اوافق راي اخوي الربع الخالي

[راعي دهام]

.


صبحك / مساك الله بالخير ..


طيرك مو متعود على الشقلاب والظاهر ما يعرفه بعد والدليل انه يوقع

وانت على كيفك تطبع طيرك ،وغيرك معلم اذا تبيه يشقلب ارفع الملواح بالهوى اذا جاك

مع اخذ لفه بحيث تخليه يلحق الملواح طبعاً مع خفة يديك واذا مسح وتعداك اظرب له الملواح

بالارض واذا رجع كرر العمليه وان شاء الله راح يتعود على الشقلاب ..

العام عندي جير ما كان يعرف التشقلاب ، كان راعيه الاول يهده من مسافه بعيده

واذا وصله الطيره عطاه الملواح وسويته الحركه هذي ونفعت معاه ولله الحمد ..

اتمنى اني افدتك ..



وآسف على الاطاله ..







.

[أبوفرحان]

افاااااااااااااااادوك

[ابراهيم شمس]

ما شاء الله الاخوان ما قصرو وانا اخي اعاني من نفس المشلة حتى على المترين وهي انا اتعلم من
الاخوان بس انا عندي شاهين صيد جديد وصارلو فوق الشهر عندي ولسة عنيد وقوي كتير والله
يعيني ويعينك

[AK-VTC]

مشكورين ياشباب ماقصرتو كلن باسمه لا خلا ولاعدم منكم والله يبارك فيكم

[صقآر الحفر]

شف أخوي على حسب خبرتي بقولك

انت يمكنك مآ تصيح اذا دعيت الطير وهذآ شي وآجب لنك تعود الطير على صوتك وصيحتك

شف اخوي كل مآ حسيت ان الطير مسح ويبي يوقع او ينزل على الارض صح خله يفز
لآ تعطيه فرصه يوقع كل ما تحس انه بيوقع صح له
وان شاء الله تنفع معك وهذا اللي اقدر اقوله لك

[AK-VTC]

شاكرلك مشاركتك اخوي صقار الحفر

[غريم الحباري]

وعليكم السلام

جيرك الي عندك هل هو فرخ توك تعلمه

اذا فرخ لاعاد تعطيه الملواح اذا طرح ولا يخذها عاده اذا تملل من لعب الملواح
اذا وقع جنبك يبي الملواح دسه عنه او خلك تلوحله وابعد عنه اشوي اشوي وقط له الملواح اذا جاك اسحبله

صارلك اسبوعين على 500 مترلا ابعد بعد افتح له المسافه اشوي اشوي تعلومك حلو بس زود المسافه

اذا اخذها عاده اربط له باالملواح حمامه اول ميته وشف عنه واذا تبي تعرف اقصاه اربطها حيه

وبتوفيق
الراجل هذا دنجر فى الطيور كلامه عدل ،،ونضيف عليه شى قبل لا تبدى فى الملواح اول شى علمه المهد على الحمام يعنى نقص منها كم ريشه من جناحها واطلقها له يطردها اشوى وفى العشاء لاتكثر للطير مسح بس والكلام هذا فى بر خالى ويكون الوقت صبح ضاحك ولا قريب المغرب يعنى أعصير خانق ،،واذا فشلت عقب هذا كله يكون طيرك فاشل
ولو حتى طير زين فيه حباره تهده عليها ؟؟؟