مشاهدة النسخة كاملة : مطلوووب شنطه جمس حووض
لشفر عنوان
26/09/2010, 04:20 PM
السلام عليكم ورحمة الله وبركاته
مثل ماهو واضح بالعنوان
ابي شنطه تكون مقاسه وسط
مثل هذي
v
v
http://www.shababonaizah.com/uploaded/166_1274063618.jpg
وهذاالايميل ttt.t@hotmail.com (ttt.t@hotmail.com)
للتواصل
مجنون النحم
26/09/2010, 06:29 PM
بالتوفيق يالغالي
عاشق المزون
26/09/2010, 08:48 PM
هلا اخوي تحصل الجديد عند السليماني في الرياض طريق الملك عبدالعزيز شمال تقاطع مع مخرج 9 (طريق الامام سعود بن عبدالعزيز) او في الفرع الثاني في الغرابي وشكرا
وقبل لاتشتري اعرف سعرها اول
شف اتوقع تقدر تفصلها على مزاجك
قد فصلت سطحه للدباب في صناعية الدخل (كانك من الرياض ) لكن فصلتها حديد عادي
واخوياي فصلوا سطحه كبيره تشيل 3 دبابات وحطوها نفس الالمنيوم هذا
وراعي الورشه رجال سعودي الله يذكره بالخير
والمشكله والله مااعرف اسم ورشته ولا رقمه ضاع مني
والوصف لك عليه مفصلها عام 2004 تقريبا
لكن خذ مني على تفصيل السطحه وفيها استبنه ودروج وسلات ...الخ حدود 1600 ريال
واخوياي المنيوم نفس الي بصورتك خذ منهم تقريبا 2400
طبعا بتصير لك انت ارخص لانها اسهل من السطحه
لكن مره قريت هنا بالمنتدى ان كنت ماني واهم
ان سعرها جاهزه فوق 3000 ريال !!!!!!!!
حرام الصراحه
ممكن الرجال لو تلقاه ماتجي نصف قيمتها
المهم ورشته ابوصفلك وعسى ماتغير شيء بالوصف فالعذر والسموحه
وانت جاي على الجسر المعلق وحي لبن وراك وانت وجهك شرق
اول مخرج بعد الجسر المعلق اطلع معه ورح يمين
امش وبتجيك الصناعيه بوجهك
اتذكر كان فيه شارع كبير رايح وجاي وبينهم بدال الرصيف تراب
اقطع الشارع وسيد خل الصناعيه على يدك اليمين لييين اخر شيء
ثم بالاخير لف يمين اجباري كان وبرضوو سيد لييين اخر شيء ولف يمين برضو اجباري
وبتجيك الورشه يمينك يا ثاني ورشه او ثالث ورشه (ناسي والله بالضبط)
بتلقاه ان كانه موجود سعودي والعمال عنده هنود او بنغاليه
بس ماشاء الله عليه اتذكر السطحه مشيت فيها 180 على الاندكروزر وفوقها الدباب ولا كني ساحب سطحه
اسف على الاطاله موفق
لشفر عنوان
27/09/2010, 09:26 AM
جزاكم الله الف خير مشكوووووووورين ولا قصرتو بيض الله اوجيهكم
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir