فيه مشكلـه في الماكسيما الله يطيل بأعمآركم وأعمآر شيبآنكم

[سرطوقا]

السسلام عليكم ورحمة الله


حي الله أهل مكشات



عندي تفتفه في سيارتي الماكسيما 2002 تفتفه واذا دعست عليها وانت ماشي مثلا 60 تكتم ثم تدعس مره وحده وش الخمال منه يـ/ الرربع ؟

فيه أيضا سؤال هل يوجد فـ/ الماكسيما صفآي بنزين ؟


جزآكم الله ألف خير وخيرآت

[العتيبي 88]

حيااك ربي يابعدي
على ماأظن منظم هواء والله يعينك أو حساس والمنظم سعره يمكن 1600 والحاسا 400 ريال تقريبا ....

[سرطوقا]

الحساس تو مغيره والببواجي ايضا

ماقصرت ابو عتب ربي يعين على المكسيما :(

[المقيرش]

السلام عليكم
اخوي بقولك وضعي مع المكسيما حسبي الله على من غشني بها برمضان وليلة 27اشتريت 2004طلعت على 19075الف والمكينه بها شويت تفتفه يقول من البواجي رحت اغيرهن لقيت الاول رقم واحد جديد البوجي يعني لا يعمل والباقي هريانات شيكو على الكويل لانه مالها اسلاك بواجي كويل الكتروني لكل بوجي المهم طلع الكويل شغال رحنا من الكهربائي الى الميكانيكا طبعا بالقصيم طلع البلف مقفل تدري كم التكلفه بس فك المكينة وشغل المخرطة وغير ة بتكلف2500اقل شي يعني بعد فك المكينة ممكن يزود التصليح حسب الخلل ونصحني راع الورشة امشي عليه لحد ماتخبط واغير مكينته ب3500 طبعا رحت لاكثر من ورشه مختصه بالمكسما واحد منهم سعودي وعلى فكرة مو اي ورشه يقبل يشتغل بالمكسما رحت لحراج المعارض ثاني يوم واذكر جميع عيوبها تحت المكرفون وتنباع ب16500الف صافي لي وارتاح ظميري اني ماغشت بها احد وخسرت مايقارب ال3500بها وراعيها تدري وش قال لي يوم اتصلت به والله يكلامه انه مايرضي الله ولا رسوله لا وغلط علي بعد وهو شرطها شرط الله لا يسامحه نصيحه فكك من هالنوع من السيارات تراها عله وغثه وبالتوفيق

[سرطوقا]

المقيرش الله يعوضك خير وانا اخوك

ياخوي تبي الجد بيني وبينك انا النيسان طااح من عيني لو يجيني ببلاش :(

الله يعوضنا خير وانا اخوك


شاكر لك مرورك :)

[راعي طويلات]

وعليكم السلام ورحمة الله وبركاته
أخوي سرطوقا غير صفاية البنزين وغير فلتر الهواء تراه مهم ونظف اللهات حقت الثلاجة ومافيه مانع تشيك على طرمبة البنزين وتقيس ضغطها اذا كويس والا غيرها واغلب الظن ان عندك أحد الكويلات منعطب لو تفحصها كمبيوتر ب50 او 100 ريال وتعرف وش علتها
سعر الصفاية 35 وفلتر الهواء 60 وتنظيف اللهات ببخاخ ايسي ديلكو
وليش يطيح من عينك النيسان كل موتر معرض للخراب بغض النظر عن نوعه يعني موتر له 8 سنين تبيه يعطيك مثل موديل السنة
والمكسيما لاتاخذها مجلوده ومكروفه قبلك الين قالت بس خذها جديدة أو اخت الجديدة وعز الله بتكد ولاهيب ناشده
أما تاخذها وتلقى ضعفتها عز الله بتكره عيشتك بسببها هي والا غيرها من المواتر
معي أختها 2001 فاكها وكالة ماشية 473 ألف ولله الحمد ماقد فكيت مكينتها ولاقيرها اللهم كل 200 الف اغير قطع استهلاكية هذا اكبر دليل أن الموتر عملي وصبور صح فيها غلا ببعض القطع بس عمر قطعها دبل القطع للسيارات الثانية الي في فئتها
بالتوفيق وان شاء الله تنحل مشكلتك

[تناهيت]

السلام عليكم
اخوي بقولك وضعي مع المكسيما حسبي الله على من غشني بها برمضان وليلة 27اشتريت 2004طلعت على 19075الف والمكينه بها شويت تفتفه يقول من البواجي رحت اغيرهن لقيت الاول رقم واحد جديد البوجي يعني لا يعمل والباقي هريانات شيكو على الكويل لانه مالها اسلاك بواجي كويل الكتروني لكل بوجي المهم طلع الكويل شغال رحنا من الكهربائي الى الميكانيكا طبعا بالقصيم طلع البلف مقفل تدري كم التكلفه بس فك المكينة وشغل المخرطة وغير ة بتكلف2500اقل شي يعني بعد فك المكينة ممكن يزود التصليح حسب الخلل ونصحني راع الورشة امشي عليه لحد ماتخبط واغير مكينته ب3500 طبعا رحت لاكثر من ورشه مختصه بالمكسما واحد منهم سعودي وعلى فكرة مو اي ورشه يقبل يشتغل بالمكسما رحت لحراج المعارض ثاني يوم واذكر جميع عيوبها تحت المكرفون وتنباع ب16500الف صافي لي وارتاح ظميري اني ماغشت بها احد وخسرت مايقارب ال3500بها وراعيها تدري وش قال لي يوم اتصلت به والله يكلامه انه مايرضي الله ولا رسوله لا وغلط علي بعد وهو شرطها شرط الله لا يسامحه نصيحه فكك من هالنوع من السيارات تراها عله وغثه وبالتوفيق


الله يعوضك خير يا بو عبدالعزيز
ومن ترك شي لله عوضه خير منه

غابت الذمم للأسف

[راعي الشبح]

الماكسيما .. أنواع الوهقات .. كل ما تصلح شي يخرب شي ثاني الله يكون بالعون ..

[على رمشي تمشي]

بسيطه ان شاء الله غير فلتر الهواء اخاف مبطي ماغيرته وتضبط ان شاء الله

[العسيري 2007]

اخوي لا تتعب نفسك المشكلة الا وهي الكويلات واسأل مجرب

[راعي طويلات]

هلا بك أخوي
أنت مختار عدم السماح بتلقي الرسائل الخاصة اضبطها وبتلقى ردي ع الخاص