استفسار لاهل الطيور

[cbr600]

السؤال الاول اذا بشرب الطير الماء من بخاخ الماء لو رش على المنخر هل في مشكله مع علم ان جربت اعطيه بالفنجال ماكو فايده.


السؤال الثانى انا توي مطلع الطير من مربط ماصار لي اسبوع والطير هادى لكن المشكله عند العلف لو اعلفه بايدي او ادعيه من مسافه 10 امتار لان توني بادي معاه دعو انه يبعد عني بالعلف حتى لو قربت له شوي شوي او ان علفته بالدس يعطيني ظهره ويعلف وبعض الاحيان عينه علي . الدعو بمكان مغلق وليس في البر .

بسبب بدايه الدعو

[أبوفرحان]

يفيدونك الشبااب

[ابراهيم شمس]

والله اخي الكريم انا اعاني من نفس المشكلة والاخوان بيفيدونا

[abn_abs]

اخوي بخصوص السوال الاول حسب معرفتي لو ترش الما بالمنخر يمكن يموت الطير لو دخل الماء بالحنجره..
الحل بالصبر ولو تحط لحمه بالفنجال يشوفها وبيحاول ياخذها..طبعا اذا محتاج الطير الماء بيشرب.

السوال الثاني اصبر عليه وعلفه على الدس فتره قليله ودله الطير بالنقل المستمر .. تقبل مروري اخوك ابن عبس.

[بن حريول]

بنسبه طال عمرك على شرب الطير بلفنجال لنه بيتي
لو هو وحش برشاش وبشويش على بوزه ويقعد يشرب بشويش طبعا عشان يتطعم الماء ويشرب

اما بنسبه لدوران الطير امسك علفت الطير بدس لا تخليه ياخذها يعني اكبس عليها وطلع له طرف العلف وثبته بيعلف ووجهه لك ونهمه يعني صح عليه بسمه اكيد لا خذا علفته انه بيكفخ ولاا بيدير ظهره لن توه طالع من مربط الله يجزاك خير ومتعود يعلف بدون مساعده احد
ارجو اني افدتك

[cbr600]

يعطيكم العافيه ولاهنتو جميعأ

[ابوعزيز2007]

والله أفادك ابن حريول