دينمو شواية السنيدي اختربت ,, أين احصل البديل

[طايح حظي]

اخواني عندي الدنمو حق شواية السنيدي خربة لشغلتها يطلع صوت انها شغاله بس ما يفتر عندي شي ، المهم شكلها خربت وودي بدنمو بديل وين ينباع وكم سعره وهل فيه
انواع افضل من المرفق مع شواية السنيدي.

المنطقة : ما عندكم مشكلة الشرقية والرياض

ولكم مني اطيب تحية

[adeeb]

تحصله عند حقين قطع غيار الغسالات والمكانس سعرة تقريبا 50 ريال

[ساكن الصمان]

دنمو الفرن اللي داخل المخصص للشوي وتقبل تحياتي

[الروضة]

أخوي وفقك الله لكل خير
شف حق الفرن الذي في بيتكم إذا ماتستعملون الشوي على الكهرب في البيت تراه يصلح
أو أذهب إلى أقرب محل تصليح أفران وتحصله عند بعشرة ريال وتراه أفضل من حق السنيدي (أيطالي ) 100% أما الذي يباع مع الشوايات صيني
وترى عندي واحد ومكاني في الزلفي

[بواسامه]

شف السنيدي هو اللي ورده
وهو ملزوم بتوفير قطع الغيار له
وان مالقيته مالك الا الترهيم

[باشا]

الصيني صيني !!
افضل شيء تبدله بالإيطالى عند ورش تصليح الافران

[ابومحــ م ـــد]

الاخ طايح حظي اولاً ارجو قبول نصيحتي بصدر رحب ارجو تغيير اسمك باسم مثلاً يازين حظي او اي اسم تراه مناسب لك لان الرسول صلى الله عليه وسلم قال تفائلو بالخير تجدوه 0 وانت باسمك الظاهر انك غير متفائل الله يرزقنا وياك الحظ الزين
بالنسبه لدينمو الشويه اذا انت بالقصيم تلقاه عند المحيميد بشارع المياه ببريده وسعره 35 ريال انا شاري شوايه منه مثل حقة السنيدي بسعر 165 ريال واخذت منه عدد 2 دينمو سبير واذا انت خارج القصيم ان اخدمك عطني عنوانك وجاك هديه الى محلك 00

[MNH]

دنمو الفرن اللي داخل المخصص للشوي وتقبل تحياتي


عزا الله انك جبتها

[طايح حظي]

تحصله عند حقين قطع غيار الغسالات والمكانس سعرة تقريبا 50 ريال


اشكرك اخي العزيز على الإفادة


دنمو الفرن اللي داخل المخصص للشوي وتقبل تحياتي

فكرة حلوة بس شكلك تبي ام احمد تكفخنا هع

بعدين ما نستغني عنها في الفرن

مشكور اخي الكريم على الإفادة


أخوي وفقك الله لكل خير
شف حق الفرن الذي في بيتكم إذا ماتستعملون الشوي على الكهرب في البيت تراه يصلح
أو أذهب إلى أقرب محل تصليح أفران وتحصله عند بعشرة ريال وتراه أفضل من حق السنيدي (أيطالي ) 100% أما الذي يباع مع الشوايات صيني
وترى عندي واحد ومكاني في الزلفي

الله يوفقنا وياك لما يحبه ويرضاه

المشكلة الي في فرن البيت ما استغني عنه

وانا اشاء الله بشوف المحلات الي قلت لي عليها

ومشكور اخي الكريم على الإفادة ومكاني بعيد عنك في الشرقية


شف السنيدي هو اللي ورده
وهو ملزوم بتوفير قطع الغيار له
وان مالقيته مالك الا الترهيم

السنيدي في الرياض بخليه اخر الحلول

ومشكور اخي الكريم على الإفادة



الصيني صيني !!
افضل شيء تبدله بالإيطالى عند ورش تصليح الافران


وان شاء الله بمشي بنصيحتك ونصيحت الأخوان

ومشكور اخي الكريم على النصيحة





الاخ طايح حظي اولاً ارجو قبول نصيحتي بصدر رحب ارجو تغيير اسمك باسم مثلاً يازين حظي او اي اسم تراه مناسب لك لان الرسول صلى الله عليه وسلم قال تفائلو بالخير تجدوه 0 وانت باسمك الظاهر انك غير متفائل الله يرزقنا وياك الحظ الزين




بالنسبه لدينمو الشويه اذا انت بالقصيم تلقاه عند المحيميد بشارع المياه ببريده وسعره 35 ريال انا شاري شوايه منه مثل حقة السنيدي بسعر 165 ريال واخذت منه عدد 2 دينمو سبير واذا انت خارج القصيم ان اخدمك عطني عنوانك وجاك هديه الى محلك 00


هلا بك اخوي ولك مني تحية من اعماق قلبي على النصيحة

بخصوص الأسم جاء ليس لأني انسان غير متفاؤل بل بالعكس

ولكن عند التسجيل باسم (عاشق الترحال) وهو اسمي المعتمد

ولكن للأسف لم يكن شاغر وحاولت بعدة اسماء وباءت

جميع المحاولات بالفشل فقلت خلني افكر في اسم

مستحيل احد يجي في باله وجا هالأسم وكتبته وضبط

طيب نعود لموضوع الدنمو ان شاء الله بشوف عندنا في

الشرقية اول وبخلي الرياض اخر شي

ومشكور اخي الكريم على الهدية واعتبرها اوصلت

والله يرحم والديك


عزا الله انك جبتها

المشكلة لصرت تحتاجها في البيت

شاكر للجميع تعاونهم ومساعدتي في هذا الموضوع

[ZIAD_KSA]

انا من اول يوم خرب الدينمو ورميته
وخليتها يدوي افضل واريح

[الباثفايندر3]

انا خرب علي يشتغل ولا يلف الضاهر انه انفرط واخذت واحد من القناص بالدمام نفس الاول صيني
ياجماعه ما احد يرشدنا اذا فيه افضل من الصيني ويدلنا ع المحل ايظا لاكن شرط يركب ع شواية السنيدي وفقكم الله

[هاوي]

اللي في قطع الافران ايطالي افضل بكثير

[هوازني]

اهلا اخي
لاحظت على بعض الشويات الصينيه محركات تعمل بتردد 50 هرتز والتردد في السعوديه 60 هرتز وهذا اهم الاسباب التي تتلف ملفات المحرك بعد فتره قصيره .
كما ذكر الاخوان الافضل تجده عند محلات بيع قطع الافران او محلات متخصصه اخرى والاهم تكون سرعه دوران المحرك والعزم مناسبه لحجم الشوايه

[ولد وايل]

اهلا اخي
لاحظت على بعض الشويات الصينيه محركات تعمل بتردد 50 هرتز والتردد في السعوديه 60 هرتز وهذا اهم الاسباب التي تتلف ملفات المحرك بعد فتره قصيره .
كما ذكر الاخوان الافضل تجده عند محلات بيع قطع الافران او محلات متخصصه اخرى والاهم تكون سرعه دوران المحرك والعزم مناسبه لحجم الشوايه

كلامك :good::good:

مركز العوشن بالبديعه مخرج 28 يبيع بسعر 25 ريال تردده 60

[عاشق الجنوب]

انا ضاع مني مسمار الشوايه الي يمسك الدينمو مع عمود الشوايه.
لاهنتم الي يعرف محل يبيع المسمار يرسلي رقمه.

[هوازني]

روح للكتبي تحصل جميع انواع المسامير

[وسم الطوال]

http://www.mekshat.com/pix/upload06/images/2013/10/mk244746_img_2524.jpg
http://www.mekshat.com/pix/upload06/images/2013/10/mk244746_img_2526.jpg
http://www.mekshat.com/pix/upload06/images/2013/10/mk244746_img_2522.jpg

فكيته ابي اهندس فيه وخربته .. اللي يقول حق الفرن يركب عليه يطرح لنا صورته

[بن جويان]

الدينمو الي يجي مع الشوايه يكون التروس الي داخله بلاستيك مقوى لنه صيني درجه ثالثه بس أنا لقيت الدينمو الاصلي عند العوشن فالبديعه مخرج 28 طريق المدينه هو صيني بس افضل من الي فيها بكثير وبعدين التروس الي فيه حديد وعملي ×

[zi1398co]

انا البارح شاريت شوايه من عندي السنيدي وسألته عن قطع الغيار وقالي متوفره عندهم

[السيف الاملح]

مشكلة السنيدي انه يدور الربح السريع
للاسف شرية الشواية وثلاث الى اربع شويات وخرب الدينمو

[ذيب المغاره]

بالمناسبه دينمو الشوايه اظنه ١٢ فولت لكن دينمو الفرن ٢٢٠ فولت

[السيف الاملح]

بالمناسبه دينمو الشوايه اظنه 12 فولت لكن دينمو الفرن 220 فولت

وش الحل طيب ...!

[XTERRA -2010]

شفته عند السنيدي الدينمو بالحاله ب60 ريال فيه كميات كبيره معروضة

أرسلت من SM-N9005 الخاص بي باستخدام تاباتوك

[قناص الصحرآء]

تلقاه عند محلات التكييف

[ليوان]

السلام عليكم
فعلا دينمو الشواية 12 فولت
والي في افران االبيوت 220 فولت

من عنده حل غير محول الكهرباء لان المحول غالي

[mmar221]

السلام عليكم ورحمة الله وبركاته
صباح الخير يا اخوان
اخي الكريم انا رأيته امس عند عروق الشمال ببريدة

[اريكسوون]

انا كان عندي نفس الشي ورحت عنده وبدلها لي هو متوفر عنده خذها معك وخليه يعطيك زيها
ولا تنسى تعزمنا على الشوي