استفسار عن اجود انواع الخرازات لأهل الخبره؟؟ [الأرشيف]

مشاهدة النسخة كاملة : استفسار عن اجود انواع الخرازات لأهل الخبره؟؟

السحابة

27/09/2010, 03:16 PM

السلام عليكم ورحمة الله وبركاته
حبيت استفسر يالربع عن اجود انواع الخرازات من ناحيه التحمل والدقة والمسافة :good2: يعني بالعربي ابغى شي استخدام لي وللعمر والله لايهينكم ياشباب البعض يمدح نوع من الخرازات وهو ماجرب غيرها مثل بعض الشباب يمدح البرنو وهو ماجرب غيرها وفيه انواع اخرى لاتقل جوده عنها فاتمنى ياشباب اللي يرد على استفساري يوضح الانواع اللي استخدمها وكم تتراوح اسعارها تقريبا الجديد منها والمستعمل استعمال حشمه(( نظيفه يعني))
واللي عنده جواب الله لايهينكم لايبخل علينا

لاهنتو

F16/a

27/09/2010, 05:02 PM

وعليكم السلام ورحمة الله وبركاته
يا اخي انا غير مجرب ولاكن اهل البنادق يتكلمون ويقولون ان من افضل الانواع
1.البرنو تشكيه
2. تولا
وباقي الالمانيات المشهوره
تمنياتي لك بي التوفيق

أبو مي

27/09/2010, 08:45 PM

عليك بابرنو وبس

الميمووني

27/09/2010, 11:12 PM

اسمع يالذيب اذا انت شاري عليك بالبرنو وحطها على يمناك اسال مجرب
اما اسعارها تتراوح بين 4500 الى 6000
على حسب نظافة الخرازه

السحابة

28/09/2010, 12:16 AM

بيض الله وجيهكم يالربع على هالردود وعلى تفاعلكم معي وانتظر المزيد من اصحاب الخبره في انواع اخرى من الخرازات
الله لايهينكم..

ديوان العرب

28/09/2010, 12:25 AM

اخوي انا بفيدك افضل الخرازات البرنو الجارمني ام خده هاذي مايختلف رميها انا استخدمتها ممتازه جدأ تاخذ طلقه وحده فقط مالها مخزن مشكلتها انها نادره ماتوجدا الان الي متوفر الان التشيكيه على حسب الموديلاة افضل موديل 97انا مجربها ومجرب 2001القديمه افضل شي فيه الان الصينيه الي يجي معها اكثر من مخزن ولا جربتها برمي واذ تبي لك ولزمن البرنو التشيكيه 97ممتازه جدأ ولها زباين كثير

السحابة

30/09/2010, 12:24 AM

بيض الله وجهك اخوي ديوان العرب على هالرد وهالافاده وماقصرت وأنتظر المزيد من الأفاده للي عنده معلومه يفيدني فيها اكثر بخصوص الأنواع الأخرى من الخرازات

طير بيروت

30/09/2010, 01:41 AM

خذ الخرازه الالمانيه بكافه انواعها من واقع تجربه سواء انشز اوغيرها