أستفسار: أريد ثلاجة لحفظ العلاج بالسيارة للرحلات والسفر ؟

[فتى احد]

السلام عليكم ورحمة الله وبركاته

مساء الخير ، تعرفون بعد العمليات اللي صارت لي الحمد لله فالوضع الجديد الآن أحتاج ثلاجة صغيرة للسيارة تشبك على الولاعة بس شرط تكون جودة وماركة معروفة ومجربة وذلك لوضع العلاج فيها بالإضافة لعلبة عصير يعني مابيها كبيرة وضخمة أريدها صغيرة أو وسط هي فقط للعلاج وعلبة عصير واحدة ... أمس رحت محلات القناص بالدمام ولقيت عنده نوع غالي لكن شكلها ماعجبني والجودة حقتها لكم عليها ولونها رمادي مستطيلة وحتى سلكها تعبان بالمرة وناسي كم سعرها لكن تقريبا فوق الألف ريال إن ماخاب ضني ... مدري هل أجد مطلوبي عند محل الرماية بالخبر ولا فيه محلات أخرى أو موقع على الانترنت أطلبها منه من خارج السعودية حيث أنا شغال بالبريد ... ياليت نصائحكم وتجاربكم .

[سرهيد]

السلام عليكم

الله يشفيك ويعظم اجرك آمين

قد تجد طلبك عند محلات الرماية ولا يمنع من المرور على ساكو فقد تجد تشكيلة مناسبة وكذلك محلات العليان

واذا تبي فزعة ابشر بالسعد اشوف لك وارسل صورها

تقبل مودتي

[asdas-15]

الله يشفيك ان شاء الله
والله وانا اخوك شريت ثلاجة زي التكاية حجمها تقريبا 4 او 5 لتر
8 علب مويه صغير
شريتها من عند ساكو قبل 8 شهور صينية وعليها ضمان 6شهور تبريد +سخان
ممتازة ما شفت منها اي شي

بس عذروبها انها ما تبرد بسرعها صرت احط علبة موية بارده عشان تبرد الثلاجة بسرعه

وقيمتها 250 ريال او 350

وشفتها عند القناص بس بدون ضمان

[مروي الظامي]

كفو أخوي ابو عبدالله ما قصرت وبيض الله وجهك
أنا اشهد انك كفيت ووفيت
أخوي فتى أحد انا شايف طلبك عند محل السنيدي اللي في الرياض
اول ماتدخل المعرض عارضينها قدامك
والله يشفيك ويعافيك

[ابوفواز 1400]

بعد الشكر لصاحب الموضوع ولجميع الاعضاء ارجو من لديه معلومه عن هذي الثلاجات اللي تنفع للعلاج وتكون صغيرة وجيده يفدنا

[سرهيد]

كفو أخوي ابو عبدالله ما قصرت وبيض الله وجهك
أنا اشهد انك كفيت ووفيت


هلا بك اخوي مروي

وابركها من ساعة طا لعمرك

اخوي فتى

هذا رابط فيه عرض لثلاجة سيارة اطلع عليه

http://www.mekshat.com/vb/showthread.php?t=337494

تقبل احترامي

[الدافوار]

السلام عليكم ياخوي فيه ثلاجه عند الطمره 18لتر حلوه مره ولا تسرف كهرب وتشبك على الولعه ولا تسرف شحن وسعره غالي شوي وهي تستهل سهره1800

[باشا]

http://www.mekshat.com/pix/upload04/images181/mk166478_black_n_decker_cooler_warmer.jpg
أخي الكريم فتى أحد
كان الله في عونك وأسأل الله أن يجمع لك بين الأجر والعافية وإن شاءالله طهور
هذه الثلاجه أعلاه من شركة :
black_&_decker وهي شركة عالمية معروفة في صناعة العدد الصناعية كالدريلات وشواحن البطاريات والمحولات ويتبع لها هذا المنتج من ثلاجات التبريد وشخصيا جربتها وهي عملية جدا وحجمها مناسب جدا بين المراتب
وتباع لدى المرباع للرحلات بعنيزة وسعرها على ما أعتقد 330 ريال
وفقك الله أخي الكريم

[فتى احد]

السلام عليكم

الله يشفيك ويعظم اجرك آمين

قد تجد طلبك عند محلات الرماية ولا يمنع من المرور على ساكو فقد تجد تشكيلة مناسبة وكذلك محلات العليان

واذا تبي فزعة ابشر بالسعد اشوف لك وارسل صورها

تقبل مودتي



مشكور أخوي سرهيد وافي يالذيب وعساك عالقوة ، والرابط اللي أرسلته هل هذه الثلاجة طيبة وعملية تستاهل ولا ألف وأدور بالسوق أنتظرك ياغالي .

[فتى احد]

السلام عليكم ياخوي فيه ثلاجه عند الطمره 18لتر حلوه مره ولا تسرف كهرب وتشبك على الولعه ولا تسرف شحن وسعره غالي شوي وهي تستهل سهره1800


مشكور أخوي الدافوار ، والطمره هذا وينه بوه لأني أنا من الدمام بالشرقية ! وماهو أسم الثلاجة وهل فيه مقاسات منها .

[فتى احد]

http://www.mekshat.com/pix/upload04/images181/mk166478_black_n_decker_cooler_warmer.jpg
أخي الكريم فتى أحد
كان الله في عونك وأسأل الله أن يجمع لك بين الأجر والعافية وإن شاءالله طهور
هذه الثلاجه أعلاه من شركة :
black_&_decker وهي شركة عالمية معروفة في صناعة العدد الصناعية كالدريلات وشواحن البطاريات والمحولات ويتبع لها هذا المنتج من ثلاجات التبريد وشخصيا جربتها وهي عملية جدا وحجمها مناسب جدا بين المراتب
وتباع لدى المرباع للرحلات بعنيزة وسعرها على ما أعتقد 330 ريال
وفقك الله أخي الكريم


مشكور أخي باشا على المعلومات المفيدة لكن رجاء إذا تقدر تتأكد لي من السعر جديدة بكم أكون شاكر ومقدر جدا لك تعاونك .

[فتى احد]

بعد الشكر لصاحب الموضوع ولجميع الاعضاء ارجو من لديه معلومه عن هذي الثلاجات اللي تنفع للعلاج وتكون صغيرة وجيده يفدنا

إن شاء الله نستفيد جميعا من الموضوع كلنا عندنا ناس عندها سكر وغيره تحتاج ثلاجات على الولاعة لحفظ الادوية وخاصة الانسولين تبع السكر في الكشتات والرحلات الطويلة والتخييم ... وإن شاء الله الأخوان مايقصرون بالموضوع هذا .

[ابوعمر00]

اخوي شف الرابط

http://www.mekshat.com/vb/showthread.php?t=337617

[f 16]

كل الثلاجات الصغار بدون كمبورسر وهذي بحد ذاتة مشكله
يعني تتعبك بالتبريد تبطي عشان تبرد ماله اي سنع

[باشا]

مشكور أخي باشا على المعلومات المفيدة لكن رجاء إذا تقدر تتأكد لي من السعر جديدة بكم أكون شاكر ومقدر جدا لك تعاونك .



سألت المرباع وذكروا لي أن السعر هو 330 ريال كما سبق أن ذكرت لك أخي الفاضل
حافظك ربي ..