تسجيل الدخول

مشاهدة النسخة كاملة : تكفووون .. قير الجمس


بن مانع التميمي
28/09/2010, 12:43 AM
السسلام عليكم

كيفكم ان شاء الله بخير ؟



المهم ياشباب قير الجمس فيه مشكله كهربائيه وبراي 99% انها كهربائيه

الجمس سوبربان 1997 مكينه 454

كنت ماسك خط والقير تماام والمثبت حق السرعه برضوا تماااام

المهم دخلت الديره وخلصت اشغالي وحسيت القير ماعشق رابع !!!

ومسيت الموتر فعلاُ ماعشق رابع!!!! قلت افاااا

المهم وبنفس الوقت خرب المثبت حق السرعه!! ..

يعني اتوقع لها دخل بالسالفه !! ولا وش رايكم :)

يعني خرب المثبت بنفس ماخرب القير وصار مايعشق رابع

المهم السياره الحين خمات تعشق رابع خمات لآ على حسب

والقير سليم 100%

لانه بعض المرات يكون الموتر باااااارد وكل شي بارد ومايعشق

ومرات حااااااااار ويعشق زي الحلاااوه

تكفون عطوني الحل ووش اسوي ؟ ووين اروح

حقين القيور تروح لهم

تقول السلام عليكم .. يرد عليك يقول : غير القير

يعني نصب في نصب

والله لايهينكم

واسف على الاطاله
بن مانع التميمي
28/09/2010, 02:57 AM
للررررررررفع

وينكم ياشباب !
الصيادالمليح
28/09/2010, 04:37 AM
شيك على حساسات القير يمكن تطلع منها وشيك على زيت القير يمكن فيها نقص

وتأكد إن مثبت السرعة مفصول ووديها عند كهربائي أو سوي لها فحص بالكمبيوتر

وربنا يوفقك إن شاء الله
escape_man
28/09/2010, 04:54 AM
مثل ماقال اخوي الصياد

ابداء بالامور الي انت تقدر عليها

شيك زيت القير .. بعدها شيك الاسلاك .. بتشوفها واضحة ورايحة للقير .. يمكن ان احدها منفصل

بعدها ودها لورشة المشعل الي عند مجمع الاتصالات بالمرسلات كانك بالرياض

اطلع مع مخرج 5 جنوب ( طريق الملك عبدالعزيز) ثاني اشارة رح يسار من فوق النفق .. بيجيك محطة

وسطها ورشة المشعل والظاهر انها محطة الدريس .. شغلهم جيد ومجرب
بن مانع التميمي
28/09/2010, 07:15 AM
^^

المشعل وديته له وجربه قال سليم !!

قلت ايه خمات يضبط ويصير يعشق وخمات لا

والحين عاد صدف انه زين وانت تسوقه

والزيت جديد هو والفلتر والحمدلله مافيه روائح ولونه زين

جزاكم الله خير والله يحقق امنياتكم يارب
escape_man
29/09/2010, 01:11 AM
اجل يابوخميس احتمال عندك مشكلة بالكهرب ومهوب من القير

ما اقول الا عسى الله ييسر امرك

عندي فورد قديم وعزيز علي ومابقى كهربائي بالرياض ما تعبث فيه

واضطريت بعدها اشحنه لورشة بالاحساء مختصين بهالنوع من الفورد

لا تحسب انك بالغثى لحالك :)

ربيعك واجد
بن مانع التميمي
29/09/2010, 02:45 AM
^^

الله يعييييين بس

هالجمس من وكالته وهو عندنا والموتر قسم بالله انا اشهد له

بس الحين طلع الشيب بروسنا بسبب ذا المشكله بس !

لان انا متاكد شي بسسسسسيط بس والورش تقول وضب !

يعني القير سليم ليه اوظبه ؟ وهو شد بلاده ومافيه اي مشكله بأذن الله ؟

والله يرفعون الضغط

والله ييسر المشاكل للجميع ان شاء الله

لاهنت يابعدي