الله لايهينكم ردو بكلمتين بس..

[خوي المسلم]

السلام عليكم ورحمه الله وبركاته

سؤالي هو..


.





.


كم يسوى سعر الطير الوكري فرخ وحش..
والسلام عليكم ورحمه الله وبركاته

[سرهيد1]

السلام عليكم

على حسبب الحجم والحلايا يكون السعر ... من 800 ريال والنادر منها 2200 رايل على حد علمي والله تعالى أعلم .

وفي أخواني خير كثير ولن يبخلوا عليك بحول الله

[السويبع]

ماعمري شفت وكريه باغلا من 3000

[خوي المسلم]

السلام عليكم ورحمه الله وبركاته
اخوي سرهيد وفقك الله لردك المفيد ومرورك الكريم

السويبع يعطيك العافيه لمرورك

.

[ولد حايل]

تحيه طيبه للجميع
الوكري الفرخ ( الوحش )
كما تكرم الاخ الكريم سرهيد
حلايا الطير وجبره ومواصفاته وحيويته وريشته
وقبلها سلااااامته من العواريض من مسمار وكسور بالريش وووو...
يكون سعره مناسب لحالته

واما بخصوص سعر الوكري
يوجد وكريه عند صقار بحائل مسيومه بـ ( 9000 ) تسعة الاف ريال وما باع
ولها علوووم طيبه يشهد لها من خاواه
صايده الثلاث (الحباري والارانب والسمقان - الكروان )
ويشهد و يشرط لها باللحوووق الصامل الراهي


هذا ما عهدنا عنها والله العالم

وفق الله الجميع

[لهاب]

السلام عليكم

انا اوافق اخواني بالنسبه للسعر دائما يكون هذي حدوده ما يتعداها .

مع الشكر،،،،،،

[ابو عايد]

السلام عليكم ورحمة الله وبركاته

على حسبب الحجم والحلايا يكون السعر ... من 300 ريال والنادر منها 8000 رايل على حد علمي والله تعالى

وهذه الصور لوكري بيع 2100 والشاري الشاعر الحارثي الي كلمتك عنه يالفيتو

http://www.mekshat.com/pix/upload/images10/mk1748_im1.jpg
http://www.mekshat.com/pix/upload/images10/mk1748_im2.jpg
http://www.mekshat.com/pix/upload/images10/mk1748_im3.jpg

وتقبل تحياتي // العاشق الولهان

[الدكتور00]

السلام عليكم ورحمة الله وبركاته ،،

أخوي ( خوي المسلم ) ..الربع عطوك العلم المفيد ..

وما قصروا معك ..الله يعطيهم العافية ،،

وبعد إذنك بغيت أخوي أبو عايد في كلمتين ..

أخوي الغالي.. الوكري اللي بالصورة كم مقاسه ؟؟

ومن وين شراه راعيه ؟؟ عسى الله يبارك للجميع ..


وسلامتكم ،،،،


أخــــــــــالـدكــتــــــور ــــــــــــوكم

[الدكتور00]

طيب يا الربع شوفوا هالوكري ...

توي بايعه قبل 10 دقايق ،،،،

مقاسه 14*13 ..لكن علموني وش رايكم فيه واعذروني كوني حملت الصورة على موقع آخر لكن مكشات أبى يحملها حتى بعد تصغيرها !!!



http://www.6abib.com/up/uploads/44cca4476d.jpg (http://www.6abib.com/up)


وفمان الله ،،،،،،،،،،

[ابو عايد]

السلام عليكم ورحمة الله وبركاته

الحمد لله على السلامه يا دكتور

الله يبارك لك فيه والله مر علي هالطير بس ماسمته كان عيني على الطير الي بالصوره

وكم طلع عليك به

[الدكتور00]

وعليكم السلام ورحمة الله وبركاته


أخوي أبوعايد .. الله يسلمك يا الغالي ،،

والطير أبشرك بعته بالألفين ومية ..ولو صبرت شوي كان جاتني فيه قيمة فوقها لكني استعجلت ،،

وعسى الله يبارك لراعيه على كل حال ،،

لكن ما قلت لي وش مقاس اللي عرضت صورته أنت ؟؟

وبشر وش اعلومك ؟؟ عساك توفقت بشي إن شاء الله ،،


ودمت في رعاية الله في حلك وترحالك ،،،،



أخــــــــــالـدكــتـــــــور ــــــوك

[الاصفر]

السلام عليكم
ولا قصور بالربع المشاركين بس انا بقول كلمتين مثل ما قلت وهى

انت ونظرتك ==الزين ياخذ حقه

[العنييد]

الوكارى الوحوش ماتتعدى 2500
هذي طيور ديرتنا
و طيور المغرب اغلا شوي
والبيتيات والطيور الفاعله تختلف اسعارها حسب الفعل
وعلى ماقالوا الفعل مسكت ولكل صنف عشاقه