استفسار حول الطريق من جدة الى الكويت

[حياتي البحر]

اخواني الاعزاء

السلام عليكم ورحمة الله وبركاته

اريد ان استفسر واخذ رايكم

ايهما افضل طريق للذهاب الى الكويت منجده

عن طريق الرياض الدمام الخفجي

او المدينة القصيم حفر الباطن

ارجو منكم مساعدتي بخريطة وعدد الكيلومترات

[nashy]

المدينة القصيم = 490 كيلو تقريبا
القصيم الزلفي = 50 كيلو سريع + 40 سايد واحد
الزلفي حفر الباطن= 300 كيلو سايدين
حفر الباطن الرقعي= 90 كيلو سايد واحد
الرقعي السالمي (الكويت) مباشرة

المجموع تقريبا = 970 كيلو تزيد شوي أو تنقص هذا اللي أعرف

[جرير]

الله ييسر دربكم ويحفظكم
حسب كلامك انك من جده الي الكويت
كل الطرق تؤدي الي الكويت
ولكن انا اشوف ان طريق جده الرياض افضل ولو زادة المسافة
ومنها تريح بالرياض ومن الرياض تطلع على
رماح 100ك- شوية 80 ك -الرفيعة80 ك القرية العليا 70 ـ النعيرية - الخفجي - الكويت
ومصحوب بالسلامه
طريق طيب ومختصر. وهالايام الجو معتدل يعني مافيه مشكله خلها تمشية وترا الفروق بالمسافات متقاربه
.بالسلامه

ويمكن الاخوان يعطونك راي اخر

[محمد العايش]

جده - المدينه المنوره - القصيم - الزلفي--- حفر الباطن -- الرقعي - الكويت
منه تصلي في الحرم بالمدينه ومنه تمر على السنيدي وتاخذ مقيضيات ومنه تمر حفر الباطن تدور الطيور
وتاصل بالسلامه

[البهلول]

أعتقد والله أعلم أقرب طريق , من جدة إلى الكويت هو :
, جدة , الطائف , ظلم , عفيف , الدوادمي , شقراء , المجمعة , حفرالباطن , الرقعي .!

ويوجد طريق أخر ويفضل سيره نهاراً ..
جدة الطائف , وبعد القويعية بخمسين كيلو يجيك كبرى لبخة حويته , تأخذ معه شمال , وسبعين كيلو إلى النفود ومنها إلى شقراء ومن شقراء المجمعة ومن المجمعة حفر الباطن .
والأخير يختصر مسافة لا بأس بها وأغلبه سريع .
والله أعلم

[حياتي البحر]

مشكورين جميع والله يبارك فيكم
اخوي جري الطريق اللي تقول عنه قالولي انه قريب بس ما في له خارطه من قوقا لو سمحت

[تشتاق]

اللي اعرف ان اقرب طريق من الغربية للكويت لازم يمر شقراء
ولكن لا اعرف تفاصيل الطريق

واظنه ما قاله أخونا البهلول

[محسن اليامي]

على حسب المنطقه اللي تبيها بالكويت إذا كانت من المناطق الشماليه مثل الجهراء والصليبيه وغيرها تعال من طريق الحفر وإذا كنت تبي المناطق الجنوبيه مثل الأحمدي والفحيحيل والرقه تعال مع طريق الخفجي
وإذا كنت تبي العاصمه فاختر الطريق الأقرب من المملكه

لأن الفرق بعيد شوي بين المناطق الشماليه والجنوبيه

[العتيبي111]

أعتقد والله أعلم أقرب طريق , من جدة إلى الكويت هو :
, جدة , الطائف , ظلم , عفيف , الدوادمي , شقراء , المجمعة , حفرالباطن , الرقعي .!

ويوجد طريق أخر ويفضل سيره نهاراً ..
جدة الطائف , وبعد القويعية بخمسين كيلو يجيك كبرى لبخة حويته , تأخذ معه شمال , وسبعين كيلو إلى النفود ومنها إلى شقراء ومن شقراء المجمعة ومن المجمعة حفر الباطن .
والأخير يختصر مسافة لا بأس بها وأغلبه سريع .
والله أعلم
ارى انه الانسب والله اعلم

[terke mekshat]

الطريق من الرياض للكويت المختصر بالصور في هذا الموضوع لأخونا عسل 2020

http://www.mekshat.com/vb/showthread.php?t=315951

وأنا أنصحك تطلع من المجمعة إلى حفر الباطن ثم الرقعي ثم الكويت.

[حياتي البحر]

اخواني جميعا بارك الله فيكم جميعا

ما قصرتوا والنعم بكم
قررت اسلك طريق الرياض رماح قرية العليا الرفيع

جزاكم الله خير

[جرير]

اخواني جميعا بارك الله فيكم جميعا



ما قصرتوا والنعم بكم
قررت اسلك طريق الرياض رماح قرية العليا الرفيع



جزاكم الله خير



زين ماسويت
وخل مشيك بالنهار واي خدمه او سؤال انا مستعد
على الخاص ..........

[الفنطاس]

الله يكتب لك الخير ويصلك الى موقعك سالم غانم