المساعد الشخصي الرقمي

مشاهدة النسخة كاملة : جيب ربع تويوتا 98 أبيض - مرشوش - كم يسوى ؟؟؟؟؟


مفخرة فورد
28/09/2010, 11:37 AM
السلام عليكم
جيب ربع تويوتا موديل 98 اللون أبيض مرشوش , الماكينة القير الدبل بحالة ممتازة الاستمارة تحتاج تجديد وكذلك يحتاج فحص دوري
كم يسوى ياشباب ؟
نسا نيس
28/09/2010, 12:28 PM
وعليكم السلام
ياخي والله ما ادري عن اسعارها واللذي بدو لي انك تريد شراء الجيب
ونا مثلك ادور جيب من هذا الموديل اذ شفت الجيب وما نااسبك ممكن تعطيني خبر انا ادور والله
واتمنى لك التوفيييق
مفخرة فورد
28/09/2010, 04:11 PM
بالتوفيق اخي نسانيس
مشكلتي هالاسعار ماعرف لها و اتمنى اللي عنده علم عن سعره يفيدنا خاصة لما يكون مرشوش بالكامل .
الـسـاطـع
28/09/2010, 05:58 PM
فيه واحد من الربع عنده ربع 98 مثل مواصفات الجيب الي انت ذكرته فيه رفرف يمين وبعض الخدوش
في البدي لاكن محركاته والدبل والعضلات ممتازه شد بلدها
انسام منه 41000 وما باع

هذا والله اعلم
المقيرش
30/09/2010, 02:33 AM
السلام عليكم
اخوي خذ الهرج من رجل باع واشترى نفس الجيوب الربع واحد موديل 2000جايه قلبه بعته بعد ماسويت له شنبروظبطته ب29000الف بالصيف الي فات اوله
2-عام 1420شريت لي ربع نظيف جدا 97بس البدي لك عليه جايه قلبت نفود من معارض بريدة ب32500كديته 3سنين وبعتهب27000الف اتوقع كان ماني ناسي
3-واحد من الربع شريت له هالايام من بريدة ربع 98قالب ومحركاته نظيفة طبعا قلبت نفود وظبط زين بالحراج ب27200الف
وبالله التوفيق ونصيحه المرة الثانيه لا بغيت تعرف الاقيام الله لا يهينك اطلع للمعارض وقيم بنفسك ترا عرض مواقع النت مبالغ فيه جدا وانتبه وسوقهن تلقاه ببريدة والشرقية لان الشركات تاخذة بالشرقية وتنزله تالف بمزادات ياخذونه التشاليح والناس الي تعرف تعدل وتلفق به ويجي احد ياخذه مايدري شسالفة مثل حقين الجيوب الي ياخذونه مزاد ويقولك موتر حكومي كان يحسب انه مدحه مايدري انه مايطلعونه مزاد الى اذا تلف واتضح عدم فائدته وانا كنت ماسك تموين بالشماليه الغربيه وابخص بالمزادات وعندنا كان موديلات قديمة مرة ماطلعنه مزاد لانه لم يقف انتفاعه وتعمل مابعد تعطلت اوتلفت تلف كلي يجيب تجديدة بالكامل بسعر يجوز انه يفوق سعره الحالي وبالتوفيق اخوي
قناص*07
30/09/2010, 02:45 AM
شوال اللي راح بايع 98 ابيض نظيف على شرط الشرط ورده
ممشاه 430000كم
بعته بـ 49500 ريال بتبوك
وفي 97 معروض بـ 60000 ريال ماشي 204000كم
السياره حسب نظافتها
ان كانت الرشه بدون سمكره ولا جاه قلبات او صدمات فلا تزيد عن 35000 ريال شرط ان يكون شد بلاد وبدون ترهيمات وتواليف والرشه وكاله

وال 98 عيبه جلد البلوف ويخلط زيت مع الماء ويبين في الرديتر تلقى مثل الشحم على غطى الرديتر

هذا وسلامتك
المقيرش
01/10/2010, 03:20 AM
السلام عليكم
اخوي ال97 وال98 لا يختلف محركاتهم عن بعض والكل يعرف ذلك وشكرا
اياسم
01/10/2010, 06:03 AM
اخوي المقيرش بغيت رقمك الله لايهينك لأستشارتك
المقيرش
01/10/2010, 03:18 PM
ابشر اخوي برسله لك على الخاص
اياسم
02/10/2010, 12:29 AM
ابشر اخوي برسله لك على الخاص


اخوي الغالي ماوصلني الى الان اي شيء
راعي المجهم
02/10/2010, 03:56 AM
بايعن واحد 98 محركاته نظيييييييييفة لكن مرشوش رشة وكالة

يقول صاحبه الاول لتغير اللون من ابيض لبيج

شريته قبل سنتين بــ 40 الف ريال

وبعته في شهر 7 إلي راح بــ 37 ألف ريال ولا يزال بنظاااافته