معي 75 الف وابي بها باترول وش تجيب ؟؟

[محمد699]

السلام عليكم

كيف الحال

الله لا يهينكم انا معي 75 الف وودي بباترول بابين 2005 وفوق وش رايكم وش تجيب ووين القا رخاص

مريت معارض بريده ولقيتهن غويليات شوي

وجزاكم الله خير

[كاشخ 24 ساعه]

اتوقع تجيب لك 2008 بالراحه

بس احرص على النظيف واللى ممشاه قليل

[مرير الشوق]

اذا تبي فل كامل ومكينة فتك

ان شاء الله تجيب لك 2005 نظيف

ومعارض الشرقيه ارخص من الرياض والقصيم

وبالتوفيق لك

[نسا نيس]

تجيب لك 2006 نضيييييييييييييف فل كامل اذا الله اراد
وبارك الله لك انشاء الله بالتووفيق

[isdt]

اتوقع اخوي تجيب لك 2004 نظييف اما 2005 النظيف 80 الف وعليه ...

وانا انصحك بـ 2004 لأنه اخف نفس من 2005 ولا فرق انا مجربهن كلهن...

والله يوفقك اخوي ...

[ابو محمد سوبر]

خل عنك كلامهم تراه السيارت مرتفعه واتوقع لو تطيحلك بشي من برا الموقع ابركلك
لأن كل اللي يقولون لك الكلام هذا شريطيه طع شوري بس ورح الحراج احسن
اخوي isdt (http://www.mekshat.com/vb/member.php?u=93130) هو اقرب واحد للحقيقه

[محمد699]

جزاكم الله خير

انا ودي ب2005 سفاري 2 قير تماتيك تتوقعون القا نظيف ب75 ؟؟

[بريداوي اصليm]

مالظاهر تجيب لك تماتيك 2005 ونظيف
لأن قرب الشتاء

[بريداوي اصليm]

الله يوفقك وإن شاء الله
تطق الي براسك

[مخاوي الذيابه]

جزاكم الله خير

انا ودي ب2005 سفاري 2 قير تماتيك تتوقعون القا نظيف ب75 ؟؟

عليك بمعارض الدمام ...إن شاء الله تلقى طلبك ...

وإذا ودك اسألك .. ارسلي رقمك على الخاص...

وترانا بالخدمه ..

[محمد699]

الله يسلمكم ان شاء الله

مخاوي الذيابه ما اقدر ارسل على الخاص لكن ذا رقمي ان خبرت شي عطنا الو الله لا يهينك 0547135484

[راعي طويلات]

اتوقع تجيب لك 2008 بالراحه

بس احرص على النظيف واللى ممشاه قليل
^
^
اتوقع تجيب له بطل الدروب :d
أخوي دراهمك بتجيب لك 2003 او 2004 نظيف
2005 وفوق ممكن تحصل الون ولاهو بسوبر وجايه حقة من الاستخدام بهالقيمة
وانتبه واحرص لاتطيح الا على النظيف لو زادت قيمته لوتاخذه اقدم موديل
لاتفرح برخصه ويطيح نصفه وتتخوبر فيه

[قرم العيال]

75 تجيب لك موديل 2004 وتحت

[كاشخ 24 ساعه]

هذا عنده ۲۰۰۸ حاده ب ۷٥ يعني بفلوسك اللي معك

رقم الجوال 0562648319

[majeds]

خذلك باترول ربع سلق 2007 من 55 الى 65 حسب النظافه والباقي خله مصاريف الرحلات ههههههه

[مرير الشوق]

خذ العلم اللي يجمد على الشوارب هههه

قبل اسبوع اشترى واحد من الشباب

سفاري فتك 2006 لؤلؤي فل كامل بدون دف لوك نظيف مشاء الله عليه توماتيك ماشي حول 180

شراهـ 75 الف الله يوفقه ويعطيه من خيره ويكفيه شرهـ

وللعلم شراه من هنا بالموقع بمكشات

وياصل الـ 80 إلى 82 الف بعد شهر تقريباً

لكن اذا تبي بالقيمه اللي معك .. شد حيلك اللحين قبل الوسم يدخل

وبالتوفيق لك

[راعي السلقه]

وصيلك احد .. ولا خذلك اجازه اسبوع وفرفر بالمعارض والحراجات بس لازم تاخذ معك احد خبره لاجل ماتوقع بين الشريطيه ..

انصحك ماتجي القصيم ..صحيح المعارض مليانه باترول بس جاء الشتاء وغلت المواتر ..

[ALBDRANE]

هذا عنده ۲۰۰۸ حاده ب ۷٥ يعني بفلوسك اللي معك

رقم الجوال 0562648319


السلام عليكم
معليش يالحبيب عندنا أسعار الفتكات 2008 أربع أبواب سياحي مكروف ممكن تحصله 75 الف ريال

لاكن مواصفات فل نضيف زد عليها 20000 الف
75 الف قيمة السوبر 2004
الكلام شي والواقع شي

[قايد الدمعه]

تجيب لك سفاري 2 ، 2005 .. ويكون ممشاه فوق الـ 200 ألف ..

[ابونقاء]

السلام عليكم ورحمة الله وبركاته....
جزاك الله الف خير اخوي كاشخ..
وفعلا السياره اللي ذكرها اخوي كاشخ...موجوده وانا صاحب السياره..

السياره موديل 2008جي ال في...الموتر نضيف ..وللعم الموتر قطري ومو مجمرك..

الرقم بس للتذكير...0562648319

واشكرك مره ثانيه اخوي كاشخ...تحياتي

[تمياط]

اخوي فيه باترول عند اخوي عارضه للبيع موديل 2006 ديزل لونه عنابي بابين

يبي فيه 60 الف الجيب جايه رفرف

وقزاز كهرب ومكيف ورا وقدام والجيب اخو الجديد ماشي 250الف

[ابوحمد7]

انا خابر لك واحد 2005
http://www.mstaml.com/section/item.php?i=978735

[weeeeeeb]

والله يـ انتم مبالغين !!

بمعارض الدمام ارخص

وش اللي 2005 ماشي حول 180 سفاري بـ 81 ؟

واحد من الشباب جايب له واحد من الامارات

سوبر سفاري فل اوووووووبشن ماشي حول 130الف

موديل 2005

وقف عليه الموتر كاااااامل مع كل شي ب74

روح الامارات وتبي تلقى لك اللي يصلح لك وتبي تلقى نظاف وتبي تلقى معدومات

لاقين واحد بالامارات قبل اسبوعين 2006 سوبر سفاري قير عادي جايه رفرفين قدام

بـ 73

للمره الثانيه

انصصصصصصصصصحك بالامارات واترك عنك هالاسعار المبالغ فيها اجل 75 ماتجيب 2005 :d

[a.s.q.]

ما قصر راعي طويلات انا اوافقه الرئي
والله يرزقك بالي تبيه