شباب القصيم الفزعه لاهنتوا بيض الله وجيهكم ضروري

[فارس شمال]

السلام عليكم ورحمة الله

اليوم حصلتلي مشكله بالسياره وانا طالع من الرياض لتبوك وذلك بسبب وفاة عمي رحمة الله عليه

معي هونداي سواناتا 2003 توماتيك وانا ماشي بالسياره مسكت طريق حايل ونطلق على العكس الامامي الحمدلله خرب ونا مومسرع وسترها الله
والحمدلله كنت شاري العكوس من اول هداني الله لشريتها
المهم لقيت جنبي صناعيه الي ورى المعارض وبعد مفاوضات لقيتلي اثنين هنود او بنقاليه

قالوا بنغيرلك اياها وفكو العكس المكسور وحاولو يركبو الجديد ولاعرفوله وخربولي العكس الجديد والمسننات حقت ماصوره العكس

اذا احد عنده خبره فيهم هل تنخرط المسننات من جديد ووين في ورشه ممتازه يسونها لي

لاني توهقت والله

الحين ماخذلي شقه مدري وين بالقصيم ومن بكره ابطلع اشوف السياره

اذا احد عنده نصيحه بالامر هذا لايبخلي علي بيض الله وجهه لاني مدري عن اي شي بالقصيم ..

[hally]

ياليت تعلمنا وين مكانك بالضبط علشان نخدمك

[فارس شمال]

الي اعرفه مسكت طريق حايل ووقفت عند محطه وطق العكس وواحد سحبني ورا المعارض فيه ورش

[فارس شمال]

لاهنت انا الحين واحد وداني واخذت شقه بشقق الدبيخي .. مدري وينها عن الورشه بس اخذت رقم الهندي الي عنده السياره

[فارس شمال]

لاهنتم والله

[hally]

الي اعرفه مسكت طريق حايل ووقفت عند محطه وطق العكس وواحد سحبني ورا المعارض فيه ورش
الله أعلم والله ماأدري

[hally]

؟؟.........

[hally]

؟؟..........

[hally]

؟؟........

[فارس شمال]

,والله ياطيب انت اخبر والله مدري ههههههههههه اانا يوم خلص الدائري ومسكت طريق حايل في محطه على اليمين .. وفي وراها معارض كبيره وورى المعارض في ورش شارع صغير

[فارس شمال]

انا كنت ماشي على الدايري فرقت مع الكبري الي يروح لحايل وقدام كان طريق المدينه

ومشيت شوي في محطه يمين صارت المشكله سحبني واحد وصلنا لجسر راح يمين مشينا مسافه لقينا معارض وقصينا المعارض ... ولقينا مجموعه ورش هناك

[فارس شمال]

في احد متخصص بالعكوس ابي اشيل العكس واوديه عنده

[hally]

؟؟........

[بارق الريف]

السلام عليكم ورحمة الله وبركاته ..

حياك الله أخوي فارس شمال في القصيم وفي بريدة خصوصاً

منورة بريدة بقدومك يالغالي ..

أنت الآن في بريدة في فندق الدبيخي طريق الملك عبدالعزيز

الحمد لله على سلامتك وماصار إلا كل خير

تحياتي..

[hally]

,والله ياطيب انت اخبر والله مدري ههههههههههه اانا يوم خلص الدائري ومسكت طريق حايل في محطه على اليمين .. وفي وراها معارض كبيره وورى المعارض في ورش شارع صغير


انا كنت ماشي على الدايري فرقت مع الكبري الي يروح لحايل وقدام كان طريق المدينه

ومشيت شوي في محطه يمين صارت المشكله سحبني واحد وصلنا لجسر راح يمين مشينا مسافه لقينا معارض وقصينا المعارض ... ولقينا مجموعه ورش هناك


في احد متخصص بالعكوس ابي اشيل العكس واوديه عنده
أجل والله ماأقدر أفيدك باللحاله هذي لعل يجي أحد أخبر مني ويفيدك
المعذرة،،،،

[فارس شمال]

جزاك الله خير اخوي والله انك ماقصرت وعساها بميزان حسناتك .... الله يجزاك الجنه

اخوي بارق الريف بيض وجهك واعرف اهل القصيم اهل فزعات ورجال

واتشرف اني اكون بمدينتكم والنعم فيها وبهلها

[بارق الريف]

الصناعية اللي وديت سيارتك له ماهي بمضبوطة

عندك صناعية السليم بتقاطع طريق الملك فهد مع شارع الأربعين

فيها كل خير من ورش على سنع ومخارط ومحلات قطع غيار

وماهي بعيدة من موقعك

تحياتي..

[دل البحار]

عضم الله اجركم ورحم موتاكم

[بارق الريف]

0555135759
ناصر الشقيران

هذا رقم رجال صاحب مخرطة بالصناعية استفسر منه ممكن يفيدك


0552418200
0505145902
وهده أرقام سطحات إذا احتجتهن

تحياتي..

[فارس شمال]

الله يجزاك خير اخوي دل البحار

اخوي الريف ان شاء الله من اصبح افلح ... وكان ودي لو احد يعرف مخرطه متخصصه بالاشياء هذي

لان الهنود خربولي العكس وسعره جديد حول ال 1000 ريال والله يعين بس

[فارس شمال]

جزاك الله كل خير اخوي بارق الريف وجعلك الجنه بكره ابتصل عليهم ان شاء الله

[بارق الريف]

وإذا بغيت وكالة هونداي >> وإن شاء الله ماتحتاجه

تراه قريبة منك مرررة بنفس الشارع

تحياتي..

[hally]

نسيت أقولك
أحسن الله عزاءكم ورحم الله ميتكم وجبر الله مصيبتكم
جزاك الله خير يادل البحار فتحتلنا باب خير

[بارق الريف]

أخوي فارس

هذا رقم جوالي أتصل علي بكرا متى ما بعيت

0557377232

إذا أشكل عليك أي شيء دق علي

تحياتي..

[فارس شمال]

جزاك الله خير وبيض الله وجهك اخوي اكيد ماتقصر والله يكتبلكم اجوركم

اخوي hally جزاك الله خير وكتب الله اجرك واجر كل من وقف معي ولو بدعوه طيبه

[بارق الريف]

هذا وصف بقوقل إيرث

http://img20.imageshack.us/img20/4287/11959914.jpg

أتمنى أني أكون أفدتك

تحياتي..

[بارق الريف]

أخوي فارس

أكرر لك إذا بغيت أي شيء لا يردك إلا الجوال

والله لو ماوراك عزاء كان ماخليك تعدى الدائري

تضيف عندنا وبعده يكون خير

الله ييسر لك ويعينك ويحسن عزاك

وتصبح على خير يالغالي

تحياتي..

[فارس شمال]

الله لايهينك بكره بكلم الرجال وبستفسر منه وبشوف العلم جزاك الله كل خير وجعلك انت ووالديك وكل من يعز عليك والجميع مثوانا جنه الفردوس

[بارق الريف]

آآآآمين الله يجزاك خير

وماسوينا إلا الواجب يالغالي

والله يساعدك يابعدي

تحياتي..

[فارس شمال]

الله يجزاك كل خير اخوي واذا وقفت الامور معي صدقني ادري ان لي اخو عزيز ومايقصر موجود

[بارق الريف]

أجل تامر شي يالغالي

تصبح على خير

تحياتي..

[فارس شمال]

تلاقي من الله كل خير

[تناهيت]

أحسن الله عزاك وعظم الله اجركم

اسال الله ان يرحم موتاكم وموتى المسلمين

لعل في الأمر خير اخوي فارس الشمال والخيرة فيما اختارها الله لك ......



هذي دفعت بلاء احمد الله واشكره عليها

الأخ بارق الريف بيض الله وجهك وماقصرت ..........<وهذي فعايل الرجال ميب غريبه عليكم ياهل القصيم


تحياتي

[فارس شمال]

جزاكم الله خير وانا الان بتبوك وصلت بالسلامه ولله الحمد وبيض الله وجيهكم فزعلي واحد من اخوياي لقيته هناك


مشكورين

[ساحووق]

الحمد لله على السلامه

والله العضيم ماشفت الموضوع الا هالحين ولاحرام بالله ماتروح لين تاكل ماجوبك ولا على الاقل تقهوا عندي ..

وانا بالرس لكن قريب من بريده

[فارس شمال]

الله لايهينك لاكن ضروف العزا هي الي حاستني من الاول

جزاك الله خير وكثر من امثالك واعتبرني تقهويت عندك واكرمك الله

المشكله يوم رحت اليوم الصباح اكتشفت ان البنقاليه مكسرين مسننات العكوس وخربولي عكسين كل واحد بقيمه 190 ريال بطريقه تقهر والله وديتها صناعيه سليم وواحد سوا المسننات بشكل مو مره وشريتلي عكس ثالث لاكنها مشت ولله الحمد

[فارس شمال]

اخي تناهيت جزاك الله خير وعسا الله يخفف مصابنا ولايحرمك غالي

[تناهيت]

الحمد لله على السلامة

وان شاء الله اموركم طيبه