المساعد الشخصي الرقمي

مشاهدة النسخة كاملة : يا أهل الباترول


مبارك البجادي
30/09/2010, 10:50 AM
السلام عليكم .
أريد افضل ورشة( قير ودبل ) للباترول بالرياض وذلك للتشييك على الدبل في الباترول . عندي مشكلة كبيرة بالدبل .
أرجو من الجميع ومن يعرف اخصائيين قيور و( دبل ) الا يبخل بأي معلومة ( اسم الورشة ووصفها وفي اي صناعية بالرياض ) وفق الله الجميع .
عواد الشمري2
30/09/2010, 10:53 AM
وعليك السلام .....
القصيم وحايل قريبات لك وشغل مايحتاج ورخاص لا يلعبونبه عندكم
Abu Muthana
30/09/2010, 11:33 AM
اي والله تم ابي انزل موضوع

تكفوووون يالربع ابي افضل ورشة بالرياض انا من خارج الرياض وصار عندي خلل بالقير وانا امشي
صار الخامس يخرفش ويقرشع ولا عاد يمشي اما النمر الثانيه تمشي حملته يوم الاربعاء للوكالة بالرياض قالو
يحتاج توضيب ونصحني احد الاخوة باخراجه وذلك بعد ما قالولي يبي يلف عليك تسعة الاف الي عشرة بغت تجيني جله مير ربك ستر المهم ما اطلول عليكم ورشة ابي اركب ترس خامس بس ولا تنصحوني بتوضيبة كامل ؟؟؟
زيزوم الاكحل
30/09/2010, 01:09 PM
فيه ورشه فيها فني قيرات خبرتة 30 سنه في القيرات والورشه فيها فنيين فلبيينين ممتازين انا بعد ما تعبت من التردد على الورش طحت عليها شفها على طريق خريص قبل مدينة التدريب تقاطع الشيخ جابر مع خريص وانت باتجاه الشرق بعد دوم للاجنحة الفندقيه اسمها مركز الفاخرية .
Abu Muthana
30/09/2010, 03:30 PM
طيب متخصصين في البترول ولا كل ابو كلش
والله لا يهينك على المعلومة والي مجرب وعده خبر لا يخلينا
هااااوي البر
30/09/2010, 04:48 PM
عندك ورشه في الصناعيه القديمه مخرج17
ورشه بن مرضاح على شارع
الجمعيه تخصصهم جيوب
وانا مجربهم شغلهم ممتاز جدا
مبارك البجادي
02/10/2010, 12:55 PM
جزاكم الله خير يا زيزوم ويا هاوي البر وما قصرتوا
أبوضيف الله
03/10/2010, 04:17 AM
السلام عليكم

ورشة ابوصالح تخصص باتروول كل المواتر الي عنده باتروول الرجال خبير ونفس الوقت نصووح
الصناعية القديمة ولك رسالة على الخاص فيها رقم الرجال
مبارك البجادي
03/10/2010, 11:21 AM
الله يجزاك الجنة اخوي ابو ضيف الله ومشكور