ما خاب من استشار .. تجميع عدة كشتة مثالية

[وين القطة؟]

السلام عليكم ورحمة الله وبركاته


كيف حالكم يا اخوان ؟


أخوكم في الله يرغب في تجميع عدة متكاملة وشاملة من وإلى ..


بصراحة ما عمري دخلت في أمور العزبة ..
طلعاتي للبر مجرد أشتري مقاضي أكل واحطها عند الشقردية وهم ما يقصرون طبعاً بالتعاون مع بعض كلنا ..
لكن مسألة عزبة وعدة ما لي أي خبرة فيها !


توني شاري سيارة جيب اكسبلورر وهي اللي شجعتني أسوي مثل ما يسوون الكشاتة


كنت أغار من بعض الربع والزملاء اللي ما شاء الله فالينها هم وعيالهم أو ربعهم وودي أسوي مثلهم ..
ولكن كانت سياراتي اللي كنت استعملها ما تساعد ..
مهيب حجة صراحة .. أي سيارة ممكن تأدي الغرض ..
لكن هالسيارة الجديدة خلتني أصمل أكثر واتشجع ..


بصراحة كنت ظالم لعيالي كل هالسنين .. ما يعرفون شي اسمه بر وسعة صدر وودي أعوضهم


لذلك انتخيكم ولا أستغني عن نصايحكم في إعداد كل ما يلزم وضروري لطلعة بر لعائلة مكونة من الأب والأم وثلاث أطفال..
والمحلات اللي أقدر القى فيها كل شيء بأسعار مناسبة ..


شاكر ومقدر تعاونكم

[Hagaanaf]

رح لمحلات البريه بشرق الرياض قريباً من الحياله وأولاد علي ، هناك ابو صالح وابو يزيد يبي يخرفون مخباتك ولكن يبي يحملون على رأسك عده يحبه قلبك
أنا كل ما أقدر اقوله لك عليك بالزين واصحى اتغالاه

[العاذر]

هلا بك اخوي
هذا الموضوع يفيدك بشكل عام


مع قدوم موسم البر والمكشات نصائح وفوائد للكشاته (http://www.mekshat.com/vb/showthread.php?t=333696)


ولي عودة لموضوعك بإذن الله
والتفصيل في اختيار العزبة

[سرهيد]

السلام عليكم

مرحبا الف اخي الكريم

بس الله يهديك كل هالمدة وظالم عيالك عن البر ، يقولون البر بريرة لك ولمن يصحبك .

الامر يطول ، ويحكم الامر حاجتك فيما تريد ، واجزم انك مع الوقت ستحدد ما تريد

باختصار شديد

بما انك تكشت بالعائلة فمن الامور المهمة التي اريد ان اقولها قبل ان اعطيك ما تحتاج ، احرص على الاماكن الونيسة ، لانها ترغب العيال معك ..

حضر اغارضهم معهم وخاصة الاطفال ، من سياكل وآلعاب ، علشان ما يملون .

احرص على اخذ شنطة اسعاف قبل كل شيء ، واتمنى ان لا يتم استخدامها ولكن قد تتمنى وجودها لك او لغيرك لا قدر الله .

احرص على اخذ الحيطة والتاكد من سلامة الاستبنة ووجود منفاخ هواء .

فانت لست وحدك بل معك عائلة والامر مختلف جدا عنه لو كنت لوحدك او مع شباب .

الغالب في الكشتات العائلة انها حزت عصير فاحرص على عزبة الشاي والقهوة وخلها لوحده في شنطة مستقلة .

ضع لك شنطة اخرى للطبخ اذا كنت ناوي تطبخ .

احرص على الاواني والاغراض الاصلية ولو كانت غالية ، لانها هي من يبقى معك .

واختم نصحائي وهذا الكلام لي وللجميع بان نجعل المكان خير مما كان بالحفاظ عليه وعلى نظافته .

تقبل مودتي

[موراكوت99]

مشكور على الموضوع وابو عبد الله فدنا

[وين القطة؟]

رح لمحلات البريه بشرق الرياض قريباً من الحياله وأولاد علي ، هناك ابو صالح وابو يزيد يبي يخرفون مخباتك ولكن يبي يحملون على رأسك عده يحبه قلبك

أنا كل ما أقدر اقوله لك عليك بالزين واصحى اتغالاه


جزاك الله خير يالغالي

أنا ناوي أروح لهالمحلات لكن كنت أبي أكون على بينة ودراية قبل

والنعم باللي ذكرتهم .. أمر عليهم بإذن الله بعد طلوع الراتب

:heart:

[وين القطة؟]

هلا بك اخوي

هذا الموضوع يفيدك بشكل عام


مع قدوم موسم البر والمكشات نصائح وفوائد للكشاته (http://www.mekshat.com/vb/showthread.php?t=333696)


ولي عودة لموضوعك بإذن الله

والتفصيل في اختيار العزبة



عشت يالغالي وبيض الله وجهك

موضوعك هذا ثروة لا تقدر بثمن

قرأته حرف حرف واستوعبته ونسخت كل النصائح في ملف وورد

لا عدمناك :heart:

[وين القطة؟]

السلام عليكم

مرحبا الف اخي الكريم

بس الله يهديك كل هالمدة وظالم عيالك عن البر ، يقولون البر بريرة لك ولمن يصحبك .

الامر يطول ، ويحكم الامر حاجتك فيما تريد ، واجزم انك مع الوقت ستحدد ما تريد

باختصار شديد

بما انك تكشت بالعائلة فمن الامور المهمة التي اريد ان اقولها قبل ان اعطيك ما تحتاج ، احرص على الاماكن الونيسة ، لانها ترغب العيال معك ..

حضر اغارضهم معهم وخاصة الاطفال ، من سياكل وآلعاب ، علشان ما يملون .

احرص على اخذ شنطة اسعاف قبل كل شيء ، واتمنى ان لا يتم استخدامها ولكن قد تتمنى وجودها لك او لغيرك لا قدر الله .

احرص على اخذ الحيطة والتاكد من سلامة الاستبنة ووجود منفاخ هواء .

فانت لست وحدك بل معك عائلة والامر مختلف جدا عنه لو كنت لوحدك او مع شباب .

الغالب في الكشتات العائلة انها حزت عصير فاحرص على عزبة الشاي والقهوة وخلها لوحده في شنطة مستقلة .

ضع لك شنطة اخرى للطبخ اذا كنت ناوي تطبخ .

احرص على الاواني والاغراض الاصلية ولو كانت غالية ، لانها هي من يبقى معك .

واختم نصحائي وهذا الكلام لي وللجميع بان نجعل المكان خير مما كان بالحفاظ عليه وعلى نظافته .

تقبل مودتي




الغالي سرهيد هنا ..؟؟؟؟ :heart::heart:


حيا الله هالطلة ..

أحد رموز الإنترنت والساحة العربية تحديداً واللي لا يمكن أحد ينساهم وينسى فضائلهم الجمة

كيف حالك أبو عبدالله ؟

أنا كنت مشكك في أنك هو .. لكن لما ذكر الأخ موراكوت كنيتك تأكدت .. إلا كاني مشبه :D

عموماً إن كنت هو أو لم تكن .. بيض الله وجهك دنيا وآخرة

نصائحك سأضعها نصب عينيّ إن شاء الله

كل الود :heart:

[وين القطة؟]

مشكور على الموضوع وابو عبد الله فدنا




العفو يالغالي وشاكر مرورك

وأبو عبدالله والاخوان ما يقصرون وهذا عهدنا بـ ( مكشــــــــــــات ) :good:

[كم كيلو باقي]

شف ياذيبان
شوري عليك ترتب اغراضك بهالطريقة

1- دافور ( حجم متوسط ورأس أصلي ماهو صيني .. وتاخذ له جراب على مقاسة اما من السنيدي أو اي محل ثاني )

2- عزبة شاهي وقهوة ( وتحتوي على شنطة بيالات وفناجيل .. ابريقين ودلتين .. شاهي وقهوة وهيل ومسمار وسكر وليف للدلة .. بيوز (جمع بيز) ..

3- جركل ماء .. وأنصحك تهج عن الكبار بتذبحك بالشيل والحط .. خذ لك 2 من ابو 10 لتر واذا بغيت تكشت عبهن وركبهن والايام العادية نزلهن برا السيارة .

4- عزبة طبخ .. واحرص يكون داخليتها بلاستيك ثقيل ومخيط صح .. وأشتر اغراض الطبخ اول ثم اشتر العزبة .. عشان تعرف المقاس المناسب لك ( الكاتم وانصحك بـحجم 8لتر مناسب لعددكم وقدر ثاني صغير لتنقيع الرز.. قطاعة وسكاكين ومغرفة وملاعق .. ملح وبهارات .. مقلى أو صاجة .. صحن تبسي وصحنين صغار .. وزود اللي تحتاجة .. ) حط الكاتم بالعزبة وحط باقي الأشياء الصغيرة داخلة لأجل توفر مساحة أكبر

5- انصحك تاخذ معك شبك شوي وحافظة .. لأن غالبا الاطفال يحبون المشوي .. وبعض البقالات تبيع دجاج الوطنية المبهر يجي مقطع .. الكيسه بـ10 ريال ( الكيسة تكفي واحد وزيادة تقريبا ) ومعها علبتين كتشب ومايونيز وجبن شرايح
ولا خذ من البرقر المجمد ( بس انتبه بدون بقسماط ) وخذ معه اكياس خبز برقر

6- فرشة والكراسي الأرضية مثل اللي عند السنيدي

7- بالنسبة لغسيل المواعين وذا .. أما انك تغسلها بالبر اذا انت راعي رواقة .. ولا تجيب معك كيس كبير او سفرة وتحط المواعين المستعملة فيها .. واذا رجعت البيت تنغسل وتترتب من جديد

وحط ببالك أن العزبة مايمكن تكمل بيوم وليلة .. يبي لك تكشت بها وكل مرة تعرف الأشياء الناقصة وتزودها .. وكلها كشتتين بالكثير ويطلع عندك أحلا وأكمل عزبة والكامل وجه الله

واهم شيء للدقرش خذ معهم العاب الرمل .. وصلح لهم مسابقات بسيطة .. سباق .. كورة .. وفيه لعبة رهيبة كان عمي الله يخليه يلعبني اياها يووم كنت صغير يحفر حفرة دائرية بالأرض وأوقف بعيد عنها ( 10 امتار تقريبا ) وارمي الكورة واحاول اطيحها بالحفرة .. وكل مرة أطيح الكورة يعطيني ريال والحسااابة بتحسب :d

فااالكم سعة الصدر ومكاشيت الوناسة يآآآآرب

[اسير الغضا]

الموضوع هذا يفيدك ان شاء الله
http://mekshat.com/vb/showthread.php?t=20203

[عاشق السيل]

أنا مستعد أروح معك لمحل البرية أو برق الحيا وأعلمك وش تاخذ بالضبط ومالك إلا اللي يرضيك وبدون تكاليف باهضة !!!

إذا أنت جازم عطني رسالة خاصة وأبشر بعزك ...

[العاذر]

ممكن تستفيد من بعض اواني المنزل خاصة القديمه اللتي لاتستخدم وماخذه مكان في المستودع

لان البعض يجددون الاواني المنزليه وتبقى القديمه ؟؟

وتفضل :
1-عزبة الشاي والقهوة تكون منفصلة عن الطبخ
2-لا تشتري جاهز لانه رديئ
3-لا تكثر على نفسك في البداية وخذ من البيت تجريبي ثم اصمل على شئ محدد في النهاية
4- خذ الأصلي ومحلات الرحلات ما يوردون اصلي تقريبا ومحلات الاواني الكبيرة فيها الاصلي
5-خفيف واصلي وضروري وصغير قاعدة مهمة واظنك قريتها في موضوعي في التوقيع
6-المعاميل انصحك بشنطة صغيرة مستقله
7-بيكون عندك ثلاث شنط : للشاي +الطبخ+المعاميل
8-الموقد انت ومزاجك وموضوووووعه طويل يحتاج تفصيل
9-الفرش ما يحتاج نتكلم عنه .. سهل
10-اي سؤال جميع من شارك في موضوعك جاهزين وانا منهم للإجاااااابة

[العرندس909]

رح برق الحيا

وراح تطلع بعزبة كاملة ومحترمة

البرية يعيبهم أسعارهم

[وين القطة؟]

شف ياذيبان
شوري عليك ترتب اغراضك بهالطريقة

1- دافور ( حجم متوسط ورأس أصلي ماهو صيني .. وتاخذ له جراب على مقاسة اما من السنيدي أو اي محل ثاني )

2- عزبة شاهي وقهوة ( وتحتوي على شنطة بيالات وفناجيل .. ابريقين ودلتين .. شاهي وقهوة وهيل ومسمار وسكر وليف للدلة .. بيوز (جمع بيز) ..

3- جركل ماء .. وأنصحك تهج عن الكبار بتذبحك بالشيل والحط .. خذ لك 2 من ابو 10 لتر واذا بغيت تكشت عبهن وركبهن والايام العادية نزلهن برا السيارة .

4- عزبة طبخ .. واحرص يكون داخليتها بلاستيك ثقيل ومخيط صح .. وأشتر اغراض الطبخ اول ثم اشتر العزبة .. عشان تعرف المقاس المناسب لك ( الكاتم وانصحك بـحجم 8لتر مناسب لعددكم وقدر ثاني صغير لتنقيع الرز.. قطاعة وسكاكين ومغرفة وملاعق .. ملح وبهارات .. مقلى أو صاجة .. صحن تبسي وصحنين صغار .. وزود اللي تحتاجة .. ) حط الكاتم بالعزبة وحط باقي الأشياء الصغيرة داخلة لأجل توفر مساحة أكبر

5- انصحك تاخذ معك شبك شوي وحافظة .. لأن غالبا الاطفال يحبون المشوي .. وبعض البقالات تبيع دجاج الوطنية المبهر يجي مقطع .. الكيسه بـ10 ريال ( الكيسة تكفي واحد وزيادة تقريبا ) ومعها علبتين كتشب ومايونيز وجبن شرايح
ولا خذ من البرقر المجمد ( بس انتبه بدون بقسماط ) وخذ معه اكياس خبز برقر

6- فرشة والكراسي الأرضية مثل اللي عند السنيدي

7- بالنسبة لغسيل المواعين وذا .. أما انك تغسلها بالبر اذا انت راعي رواقة .. ولا تجيب معك كيس كبير او سفرة وتحط المواعين المستعملة فيها .. واذا رجعت البيت تنغسل وتترتب من جديد

وحط ببالك أن العزبة مايمكن تكمل بيوم وليلة .. يبي لك تكشت بها وكل مرة تعرف الأشياء الناقصة وتزودها .. وكلها كشتتين بالكثير ويطلع عندك أحلا وأكمل عزبة والكامل وجه الله

واهم شيء للدقرش خذ معهم العاب الرمل .. وصلح لهم مسابقات بسيطة .. سباق .. كورة .. وفيه لعبة رهيبة كان عمي الله يخليه يلعبني اياها يووم كنت صغير يحفر حفرة دائرية بالأرض وأوقف بعيد عنها ( 10 امتار تقريبا ) وارمي الكورة واحاول اطيحها بالحفرة .. وكل مرة أطيح الكورة يعطيني ريال والحسااابة بتحسب :d

فااالكم سعة الصدر ومكاشيت الوناسة يآآآآرب


الغالي "كم كيلو باقي" ..

اللسان وحروف الكيبورد تعجز عن شكرك

نصائح ذهبية متكاملة هي ما كنت أتطلع إليه وأكثر :good:

ربما أعود فيما بعد لمناقشة بعضها بناءً على ما سأقوم به لاحقاً

لك كل التحية والتقدير

[وين القطة؟]

الموضوع هذا يفيدك ان شاء الله
http://mekshat.com/vb/showthread.php?t=20203


والله ان هذا المنتدى كنز عظيم !

ألف شكر لك عزيزي أسير وبارك الله فيك


أنا مستعد أروح معك لمحل البرية أو برق الحيا وأعلمك وش تاخذ بالضبط ومالك إلا اللي يرضيك وبدون تكاليف باهضة !!!

إذا أنت جازم عطني رسالة خاصة وأبشر بعزك ...


كفو وستين كفو

الله لا يخلينا منك ومن أعضاء هذا المنتدى الرائع ويجمل حالكم



ممكن تستفيد من بعض اواني المنزل خاصة القديمه اللتي لاتستخدم وماخذه مكان في المستودع

لان البعض يجددون الاواني المنزليه وتبقى القديمه ؟؟


الله يذكرك بالشهادة يالغالي

والله ما أدري كيف فاتتني هالنقطة !

عندي في بيتي وبيت الأهل مواعين قومة وقعده !!

يمكن أوفر ثلاثة أرباع حاجياتي منها بكل سهولة !

بيض الله وجهك



رح برق الحيا

وراح تطلع بعزبة كاملة ومحترمة

البرية يعيبهم أسعارهم


شكراً يالغالي

بإذن اللي ما تنام عينه ومع نزول الراتب بعد 3 أيام باكون هناك

يمكن أطلع لهم بكرة لمجرد الاستكشاف وتحديد المتطلبات

***

كل الشكر والتقدير والامتنان لكل من شارك وساعد

اسأل الله أن يسعدكم ويوفقكم لكل ما فيه خير

أحد الزملاء من العاشقين للبر والقنص دائم الذكر لهذا المنتدى وكنا نعيره من باب المزح بأنه ما يعرف في النت الا (مكشات) .. ما عمري شفته يشتغل على النت الا في شاشته هالمنتدى :) .. لكن الآن فقط عرفت ليش .. الله يلوم من لامه ..

أطيب تحية وتقدير لكل القائمين على هذا الصرح والأعضاء الكرام

[العاذر]

ممكن تستفيد من بعض اواني المنزل خاصة القديمه اللتي لاتستخدم وماخذه مكان في المستودع

لان البعض يجددون الاواني المنزليه وتبقى القديمه ؟؟

وتفضل :
1-عزبة الشاي والقهوة تكون منفصلة عن الطبخ
2-لا تشتري جاهز لانه رديئ
3-لا تكثر على نفسك في البداية وخذ من البيت تجريبي ثم اصمل على شئ محدد في النهاية
4- خذ الأصلي ومحلات الرحلات ما يوردون اصلي تقريبا ومحلات الاواني الكبيرة فيها الاصلي
5-خفيف واصلي وضروري وصغير قاعدة مهمة واظنك قريتها في موضوعي في التوقيع
6-المعاميل انصحك بشنطة صغيرة مستقله
7-بيكون عندك ثلاث شنط : للشاي +الطبخ+المعاميل
8-الموقد انت ومزاجك وموضوووووعه طويل يحتاج تفصيل
9-الفرش ما يحتاج نتكلم عنه .. سهل
10-اي سؤال جميع من شارك في موضوعك جاهزين وانا منهم للإجاااااابة

http://www.mekshat.com/vb/images/misc/progress.gif

[سرهيد]

الغالي سرهيد هنا ..؟؟؟؟ :heart::heart:



حيا الله هالطلة ..


أحد رموز الإنترنت والساحة العربية تحديداً واللي لا يمكن أحد ينساهم وينسى فضائلهم الجمة


كيف حالك أبو عبدالله ؟


أنا كنت مشكك في أنك هو .. لكن لما ذكر الأخ موراكوت كنيتك تأكدت .. إلا كاني مشبه :d


عموماً إن كنت هو أو لم تكن .. بيض الله وجهك دنيا وآخرة


نصائحك سأضعها نصب عينيّ إن شاء الله



كل الود :heart:


هلا وغلا

الا هو انا حميد بعينه راعي الساحات :):):)

ومشكور على هذا الثناء العطر منك طال عمرك

بس عساك من ربعنا في الساحة الله يذكر ايامها بالخير

وعلى العموم ابشر بالسعد لو تبي اروح ناخذ لك اغراضك حبة حبة ، تأمر امر

وتقبل احترامي

[سرهيد]

واهم شيء للدقرش


هلا وغلا باخوي كم كيلو باقي

واضح من الاسم انك وسيع صدر طال عمرك وخاصة سالفة الدقرش :):):):) هذي يبي لها شرح :):):)

الله يسعدك قل آمين

[وين القطة؟]

ممكن تستفيد من بعض اواني المنزل خاصة القديمه اللتي لاتستخدم وماخذه مكان في المستودع

لان البعض يجددون الاواني المنزليه وتبقى القديمه ؟؟

وتفضل :
1-عزبة الشاي والقهوة تكون منفصلة عن الطبخ
2-لا تشتري جاهز لانه رديئ
3-لا تكثر على نفسك في البداية وخذ من البيت تجريبي ثم اصمل على شئ محدد في النهاية
4- خذ الأصلي ومحلات الرحلات ما يوردون اصلي تقريبا ومحلات الاواني الكبيرة فيها الاصلي
5-خفيف واصلي وضروري وصغير قاعدة مهمة واظنك قريتها في موضوعي في التوقيع
6-المعاميل انصحك بشنطة صغيرة مستقله
7-بيكون عندك ثلاث شنط : للشاي +الطبخ+المعاميل
8-الموقد انت ومزاجك وموضوووووعه طويل يحتاج تفصيل
9-الفرش ما يحتاج نتكلم عنه .. سهل
10-اي سؤال جميع من شارك في موضوعك جاهزين وانا منهم للإجاااااابة


http://www.mekshat.com/vb/images/misc/progress.gif



ياجعلك ووالديك في الجنة


غير قادر على رد جمايلك يالعاذر


لكن لك دعوة في ظهر الغيب أدعوها لك ولكل اللي ما قصروا معي



هلا وغلا

الا هو انا حميد بعينه راعي الساحات :):):)

ومشكور على هذا الثناء العطر منك طال عمرك

بس عساك من ربعنا في الساحة الله يذكر ايامها بالخير

وعلى العموم ابشر بالسعد لو تبي اروح ناخذ لك اغراضك حبة حبة ، تأمر امر

وتقبل احترامي


هلا وغلا أبو عبدالله


الله الله .. من ربعكم أيام الساحة في عز عزها من عام 2000 إلى أن حصل ما حصل


الساعة المباركة والله يبارك في هالمنتدى اللي خلاني أشوف يوزرك المتميز دوماً


ما يامر عليك عدو ..
ما عندي شك انك ما راح تقصر وهذا خبري فيك إنسان محب للخير ومساعدة الآخرين ..
أقولها من قدامك ومن وراء ظهرك والله يشهد على محبتي لك في الله.


كل المودة


هلا وغلا باخوي كم كيلو باقي

واضح من الاسم انك وسيع صدر طال عمرك وخاصة سالفة الدقرش :):):):) هذي يبي لها شرح :):):)

الله يسعدك قل آمين


أفا .. ما تعرف مصطلح الدقرش يابو عبدالله ؟ :)


الدقرش = الأطفال ;)

[جبل خزة]

حبيبي الاخوان ما قصروا كفوا ووفوا

بس رايي انك تشتري شنطتين فاضيتين

وحده صغيرة للقهوة والشاهي والثانية للطبخ

وتنسق أغراضك من الزايد في بيتكم أو تروح للسبالة و لا تروح لغيرها واشتر مواعينك الزينة منها

ونصيحة لاتشتري مواعينك من محلات الرحلات أغراضهم رديئة جدا .

فيه اضافة جديدة ، اذا كنت من اهل الرحلات الطويلة خل مع لستك إضافي او اثنين ورقعة تيبولس .

[سرهيد]

ياجعلك ووالديك في الجنة





غير قادر على رد جمايلك يالعاذر


لكن لك دعوة في ظهر الغيب أدعوها لك ولكل اللي ما قصروا معي





هلا وغلا أبو عبدالله


الله الله .. من ربعكم أيام الساحة في عز عزها من عام 2000 إلى أن حصل ما حصل


الساعة المباركة والله يبارك في هالمنتدى اللي خلاني أشوف يوزرك المتميز دوماً


ما يامر عليك عدو ..
ما عندي شك انك ما راح تقصر وهذا خبري فيك إنسان محب للخير ومساعدة الآخرين ..
أقولها من قدامك ومن وراء ظهرك والله يشهد على محبتي لك في الله.


كل المودة




أفا .. ما تعرف مصطلح الدقرش يابو عبدالله ؟ :)



الدقرش = الأطفال ;)


ما دامك من الربع ، اجل اكيد انت من العويد حقين الانترنت :):)

واقسم لك اني اسعد عندما اجد احد من الربع ، لأن علومهم علوم طيبة ، بس سبحان الله ما فيه شيء يقعد على حاله ، ويصدق قول النبي صلى الله عليه وسلم ( حق على الله ما ارتفع شيء الا وضعه ) ... وهذا الكلام ينطبق على الساحة فقد وصلت قمتها وعلوها على عرش المواقع بدون منازع ، ثم تهاوت وسقطت ولم يعد لها اي صوت ... سبحان الله العظيم

وكلامك شهادة وتاج على صدري افتخر فيه وهذا منة وفضل من الله على هذا التصور عن سرهيد من ذيك الأيام ، ولا زال العهد به كما تظنون ان شاء الله

اما سالفة الدقرش اعرفها بس ابي اللي ما يعرفها يتابع علشان نسمع الشرح من صاحب الكلمة طال عمرك ... ووش الواحد بليا دقرش طال عمرك :)

وعلى فكرة ان كنت من محبي الدبات 5 رطل جتك وحدة بريموس هدية وتراه فدى رجليك ... ما دامك من ربع الساحات ربعي الاولين الله يذكر ايامك بالخير .. تاريخ الساحة لا يمكن ان انساه ابدا ...

لك رسالة على الخاص

تقبل مودتي

[ابو نايف التميمي]

ماشاء الله الاخوان ماقصرو واعطوك المفيد

.. انصحك ماتبالغ في التجهيزات.. كل ماصارت العزبه كبيره كل ماصار نقلها متعب وممل

انا عندي عزبتين وحده للقهوه والثانيه للطبخ.. وهذا نظامي مبطي

هالسنه قررت اني اصغر حجم العزب واستغني عن بعض المواعين الزايده..والصراحه ندمت اني ماطبقتها مبطي.. صارت العزب صغيره وخفيفه ... وماتاخذ حيز في السياره ومع ذلك كامله والكامله وجهه سبحانه
بالنسبه للجلسه فيه فرشات جاهزه في المحلات على حسب المساحه الي تبيها والمويه بما ان معك اطفال فبيلعبون بالمويه وانا اشوف انك تشتري خزان جاهز الي ورا المرتبه وفيه مقاسات جاهزه للسيارتك علشان تضمن ان المويه تجلس معك حتى نهاية الكشته.. وزي ماقالو الاخوان الصغار يحبون الشوي فلاتحرمهم

[عزالصديق]

الشباب ماقصرو بس انا ابي انصحك اذا انسجمت مع عيالك لاتنسى اللمبه وتسحب عليك البطاريه ثم توهق انت وعيالك في البر كل ربع ساعه شغل السياره حتى لو تكون دقة السلف قويه كرر تشغيل السياره

[اسير الغضا]

اهم شي حط حالات الطواري بعين الاعتبار تعلق غراز بطاريه واشياء كثيره

[اسير الغضا]

الموضوع هذا فيدك بأي شي تبحث عنه بالمنتدى وبحكم احتوائه للمعلومات
http://mekshat.com/vb/showthread.php?t=336966

[وين القطة؟]

السلام عليكم ورحمة الله وبركاته


أعتذر على التأخير بالرد لظروف خارجة عن إرادتي



حبيبي الاخوان ما قصروا كفوا ووفوا

بس رايي انك تشتري شنطتين فاضيتين

وحده صغيرة للقهوة والشاهي والثانية للطبخ

وتنسق أغراضك من الزايد في بيتكم أو تروح للسبالة و لا تروح لغيرها واشتر مواعينك الزينة منها

ونصيحة لاتشتري مواعينك من محلات الرحلات أغراضهم رديئة جدا .

فيه اضافة جديدة ، اذا كنت من اهل الرحلات الطويلة خل مع لستك إضافي او اثنين ورقعة تيبولس .


وهو كذلك عزيزي جبل خزة


شاكر ومقدر تعاونك والله يحفظك ويرعاك


ما دامك من الربع ، اجل اكيد انت من العويد حقين الانترنت :):)

واقسم لك اني اسعد عندما اجد احد من الربع ، لأن علومهم علوم طيبة ، بس سبحان الله ما فيه شيء يقعد على حاله ، ويصدق قول النبي صلى الله عليه وسلم ( حق على الله ما ارتفع شيء الا وضعه ) ... وهذا الكلام ينطبق على الساحة فقد وصلت قمتها وعلوها على عرش المواقع بدون منازع ، ثم تهاوت وسقطت ولم يعد لها اي صوت ... سبحان الله العظيم

وكلامك شهادة وتاج على صدري افتخر فيه وهذا منة وفضل من الله على هذا التصور عن سرهيد من ذيك الأيام ، ولا زال العهد به كما تظنون ان شاء الله

اما سالفة الدقرش اعرفها بس ابي اللي ما يعرفها يتابع علشان نسمع الشرح من صاحب الكلمة طال عمرك ... ووش الواحد بليا دقرش طال عمرك :)

وعلى فكرة ان كنت من محبي الدبات 5 رطل جتك وحدة بريموس هدية وتراه فدى رجليك ... ما دامك من ربع الساحات ربعي الاولين الله يذكر ايامك بالخير .. تاريخ الساحة لا يمكن ان انساه ابدا ...

لك رسالة على الخاص

تقبل مودتي


هلا وغلا أبو عبدالله


صحيح .. من عويد الإنترنت بس القلب شباب :)


الساحة العربية كانت صرحاً من من خيال وجمال وسعة بال .. فهوت!


عوامل كثيرة ساهمت في هذا السقوط لا داعي لذكرها !


والله يابو عبدالله كانت تلك الساحات بطيبة وثقافة وجدية أغلب أعضاءها متنفساً لكن دوام المحال من المحال!


بالنسبة للهدية اعتبرها وصلت لبى قلبك .. لا خلا ولا عدم
هديتي الكبرى ويعلم الله اني صادق هي اني شفت يوزرك وشميت عبق تلك الأيام الخوالي


كل الود



ماشاء الله الاخوان ماقصرو واعطوك المفيد

.. انصحك ماتبالغ في التجهيزات.. كل ماصارت العزبه كبيره كل ماصار نقلها متعب وممل

انا عندي عزبتين وحده للقهوه والثانيه للطبخ.. وهذا نظامي مبطي

هالسنه قررت اني اصغر حجم العزب واستغني عن بعض المواعين الزايده..والصراحه ندمت اني ماطبقتها مبطي.. صارت العزب صغيره وخفيفه ... وماتاخذ حيز في السياره ومع ذلك كامله والكامله وجهه سبحانه
بالنسبه للجلسه فيه فرشات جاهزه في المحلات على حسب المساحه الي تبيها والمويه بما ان معك اطفال فبيلعبون بالمويه وانا اشوف انك تشتري خزان جاهز الي ورا المرتبه وفيه مقاسات جاهزه للسيارتك علشان تضمن ان المويه تجلس معك حتى نهاية الكشته.. وزي ماقالو الاخوان الصغار يحبون الشوي فلاتحرمهم


بيض الله وجهك أخوي أبو راشد


نصائحك مقدرة وعلى العين والراس


مسألة فصل العزبتين محسوم أمرها كما هو أمر تخفيفهما


لا أخفيك اني من فرط الحماس كدت أن أتهور وأشتري كل ما يخطر على البال ومالم يخطر


لكن هذه ميزة الاستشارة بمثل هذه الأمور .. وبالفعل ما خاب من استشار مكشات وأهلها



الشباب ماقصرو بس انا ابي انصحك اذا انسجمت مع عيالك لاتنسى اللمبه وتسحب عليك البطاريه ثم توهق انت وعيالك في البر كل ربع ساعه شغل السياره حتى لو تكون دقة السلف قويه كرر تشغيل السياره


جزاك الله خير على هذا التنويه عزيز عز الصديق


كنت أفكر في ترهيم بطارية إضافية حسب ما قرأت هنا ..

ولكن نصحني أحد الإخوة بأنه وما دامت السيارة جديدة وتحت الضمان فربما يتسبب هذا الأمر في مشكلة مع الوكالة !



اهم شي حط حالات الطواري بعين الاعتبار تعلق غراز بطاريه واشياء كثيره


الموضوع هذا فيدك بأي شي تبحث عنه بالمنتدى وبحكم احتوائه للمعلومات
http://mekshat.com/vb/showthread.php?t=336966


العزيز أسير الغضا


جعلك الله أسيراً لعبادته وطاعته والفوز بجناته


أشكر لك هذا التفاعل المستمر لا حرمك الله الأجر

[راعي المقانيص]

اخي الغالي وين القطه

اذا انت من اهل الرياض ياغالي ابشر بعزك اتواعد انا واياك يوم تكون فيه فاضي ونطلع لأحد المحلات المخصصه لتجهيزات الرحلات وباذن الله تعالى ماتطلع الا وانت مكمل اغراضك من اولها الى اخرها ماينقص منها حتى لو الملعقه ان شاء الله ولا ابي منك الا الدعاء بظهر الغيب لي ولوالدي

وراسلني على الخاص اذا لك رغبه اتواعد انا وياك

[اصيل نجد]

اخوي وين القطه احرص على شنطه اسعاف انشاء الله ماتحتاجها بس انت عارف الاطفال الله يصلحهم والشي الثاني ماطور هواء ابو جمل وحط معه رقع تيوبلس وسكروب رقع وبالنسبه للشنطه العزبه صراحه الشباب ماشاء الله افادوك وماعندي اكثر مما قالو حفضك الله انت واسرتك تحياتي لك

[يا سلام سلم]

يا سلام ،،

الشباب ما قصروا معك عطوك المفيد ،،

لكن انا لازم ادلوا بدلوي بما اني احسن واحد في العالم يروح للبر ،،;)

عندي كم ملاحظة ،، لا تعتمدها علطول اسال الشباب عنها وترا كل شي قابل للنقاش :

* اولا : لا تكثر اغراض ترا طلعت البر حلاتها بالمطرسة والحوسة وترا احسن شي بالبر مش حالك اهم شي لا ينقص شي ولا يزيد شي يبهذلك ويدبل كبدك ،،

ثانيا : لا تغرك حركات محلات الكشاته ،، حاطين كل شي له جراب ،،
الملقاط له جراب والدافور والقدر والمراكب والمناقل والحطب و ..... و ...... الى اخره وكل شي له جراب وشنطة حتى الرجاجيل لهم شناط ،،

انا بصراحة طلعت مع واحد من الشباب حالته ميؤوس منها كل اسبوع يمر محل رحلات ،،

ويلقط من (( القراشيع )) ويشري من ذالشناط ،،

واذا كشتنا وجينا نمشي الله لا يوريك ،، ساعة ونص يرتب اغراضة وعزبته ،،

ولا تسمع الا اصوات السحابات (( زووووووووط .. زووووووووط ))

لذلك انا احذرك من التكلف ومن استغلال محلات الكشاته ..

ثالثا : مطبخ بيت امك ومطبخ بيتك لا تعداها ترا فيها اشاء ثمينه ومهمه ،، نذكر امثله .

* علب القزاز حقت المربى والجبن السائل الكبير وما شابهها ::
هذي سلمك الله مهمه ومفيدة واحسن سبع مرات من العلب البلاستيكيه خاصة في الاشياء اللي تفقد ريحتها مثل الهيل :good: والعويدي ( المسمار ) والبهار والزنجبيل ...

وازيدك من الاشعار بعض المواد الحارة مثل الهيل والمسمار تسبب تأكل للعلب لبلاستيكيه مما يؤثر على الطعم وقد يسبب اضرار ..

** القدور :: هي جمع قدر والحقيقة ان كل مطبخ لازم تلقا فيه قدور زايدة عن اللزوم ولا يبونها وبعض المرات تكون حقت احد الجيران ولا ترون منهو وتروح عليه الايام وتنسونه :p:p:D ،،
لذلك جمرك المطبخ وخذ لك الاتي :
قدرين ومقلاة ( اوما مقلاة :D) تاوة والقط سكين خضرة وسكين لحم وشف لك قطاعة بلاستيك قديمه وملعقة خشب مشلوخ نصها محد يبيها وتبسي ( صحن ) معفوط شوي

شبك شوي مربط باسيام اكل عليه الدهر وشريتوا بدالة

غضارة ( او طاسة ماء ) :good: مضروب جنبها بساكتون هوائية ،، هذي لا تنساها لان لها مزاج ثاني في الشرب ،،

### الحقيقة الاشياء كثيرة لكن لا تكلف عمرك لان تسعين بالمية من العزبة موجود بالبيت ،، باستثنا شنطة العزبة والدافور ،،

لذلك اشتر الشنطة وبعدين جبها للبيت وعبها وبعدين شف وشو الناقص ،،

يا عيوني الكلام يطول وانا اشغلني ابو خالد صديقي وبروح له اللحين :p
،،

اي استفسار انا حاظر
ارسلي عالخاص ،،

سلام ،،،،،،،

[النوبل]

يا سلام ،،



الشباب ما قصروا معك عطوك المفيد ،،


لكن انا لازم ادلوا بدلوي بما اني احسن واحد في العالم يروح للبر ،،;)


عندي كم ملاحظة ،، لا تعتمدها علطول اسال الشباب عنها وترا كل شي قابل للنقاش :


* اولا : لا تكثر اغراض ترا طلعت البر حلاتها بالمطرسة والحوسة وترا احسن شي بالبر مش حالك اهم شي لا ينقص شي ولا يزيد شي يبهذلك ويدبل كبدك ،،


ثانيا : لا تغرك حركات محلات الكشاته ،، حاطين كل شي له جراب ،،
الملقاط له جراب والدافور والقدر والمراكب والمناقل والحطب و ..... و ...... الى اخره وكل شي له جراب وشنطة حتى الرجاجيل لهم شناط ،،


انا بصراحة طلعت مع واحد من الشباب حالته ميؤوس منها كل اسبوع يمر محل رحلات ،،


ويلقط من (( القراشيع )) ويشري من ذالشناط ،،


واذا كشتنا وجينا نمشي الله لا يوريك ،، ساعة ونص يرتب اغراضة وعزبته ،،


ولا تسمع الا اصوات السحابات (( زووووووووط .. زووووووووط ))


لذلك انا احذرك من التكلف ومن استغلال محلات الكشاته ..


ثالثا : مطبخ بيت امك ومطبخ بيتك لا تعداها ترا فيها اشاء ثمينه ومهمه ،، نذكر امثله .


* علب القزاز حقت المربى والجبن السائل الكبير وما شابهها ::
هذي سلمك الله مهمه ومفيدة واحسن سبع مرات من العلب البلاستيكيه خاصة في الاشياء اللي تفقد ريحتها مثل الهيل :good: والعويدي ( المسمار ) والبهار والزنجبيل ...


وازيدك من الاشعار بعض المواد الحارة مثل الهيل والمسمار تسبب تأكل للعلب لبلاستيكيه مما يؤثر على الطعم وقد يسبب اضرار ..


** القدور :: هي جمع قدر والحقيقة ان كل مطبخ لازم تلقا فيه قدور زايدة عن اللزوم ولا يبونها وبعض المرات تكون حقت احد الجيران ولا ترون منهو وتروح عليه الايام وتنسونه :p:p:D ،،
لذلك جمرك المطبخ وخذ لك الاتي :
قدرين ومقلاة ( اوما مقلاة :D) تاوة والقط سكين خضرة وسكين لحم وشف لك قطاعة بلاستيك قديمه وملعقة خشب مشلوخ نصها محد يبيها وتبسي ( صحن ) معفوط شوي


شبك شوي مربط باسيام اكل عليه الدهر وشريتوا بدالة


غضارة ( او طاسة ماء ) :good: مضروب جنبها بساكتون هوائية ،، هذي لا تنساها لان لها مزاج ثاني في الشرب ،،


### الحقيقة الاشياء كثيرة لكن لا تكلف عمرك لان تسعين بالمية من العزبة موجود بالبيت ،، باستثنا شنطة العزبة والدافور ،،


لذلك اشتر الشنطة وبعدين جبها للبيت وعبها وبعدين شف وشو الناقص ،،


يا عيوني الكلام يطول وانا اشغلني ابو خالد صديقي وبروح له اللحين :p
،،


اي استفسار انا حاظر
ارسلي عالخاص ،،


سلام ،،،،،،،









ياسلام سلم

عين العقل والصواب

[اكزت]

الله يوفقك لما يحب ويرضى ،، عز الله أن مافيه احسن من طلعتك بعيالك ،، وانه ينشرح صدرك لي شفتهم مستانسين ،، الله يسعدكم دنيا وآخره ،، والشباب ما قصروا عطوك الزبده وما بعد كلامهم كلام

[مشعل العيسى]

أنا مستعد أروح معك لمحل البرية أو برق الحيا وأعلمك وش تاخذ بالضبط ومالك إلا اللي يرضيك وبدون تكاليف باهضة !!!

إذا أنت جازم عطني رسالة خاصة وأبشر بعزك ...


بيض الله وجهك ورحم الله والديك واسعدك بالدنيا والاخره ...
الحقيقة ما خليت لنا شي نكتبه وكثر الله من امثالك ...

[شلة قنوص]

الاخوان بيض الله وجيههم ماقصرو كفو والله برجال مكشات
بس عندي ملاحظه بسيطه لا تنسي التصوير ونقل كشتاتك هنا بالموقع:good2:
واهم شي صورة العزبه:D

[دهران]

يامرحباً بالبر واهل البر

تصدق عاد إني أفرح إلى شفت واحد وده يكشت ويطلع ويوسع صدره وصدر عياله

قل آمين عسى الله يوفقك

أخوي الحبيب خذها من أخوك نصيحة

( لا تشيله كله وتطرحه كله )

يعني لا تحاول توفر عزبة البر كاملة من اول شي وتحمل نفسك فوق طاقتها وبعدين تتركها كلها مثل ما يسوون أغلب الشباب

يعني أنا أشور عليك مثلاً خل بدايتك بعزبة وحدة خلها للشاهي والقهوة ودويفير صغير يسد لزومك وخلك كل ما طرى على بالك بيالة شاهي خذ الصغار ورح في أدنى مكان فيه براحة .... شب ضوك وصلح قهوتك وشاهيك وخل شغلك مرتب أول بأول وإذا خلصت رجع كل شي زي ما كان

بهالطريقة بتلقى نفسك تميل بقوة للطلعات والشبة والعلوم الغانمة , وبتلقى نفسك عقب شهور إلا انت معك عزبتين وحدة للقهوة ووحدة للطبخ , وبتلقاك تدور الفرصة بس اللي تطلع وتروح توسع صدرك في البر ومعك اغراضك وأشغالك كلها

جرب تاخذ الموضوع خطوة خطوة وذمني وأمدحني

الله يوفقك

[يا سلام سلم]

ياسلام سلم

عين العقل والصواب










يالنوبل ،،،

عين التواضع منك ،،

وعين الشرف لي ،،،

اشكرك على الاشادة ،،

[وين القطة؟]

الإخوة الكرام


السلام عليكم ورحمة الله وبركاته


في البدء أعتذر أشد الإعتذار على التأخر في الرد وشكر من ساهم في مساعدتي


بارك الله فيكم أجمعين وجمعنا وإياكم في جنانه مع الشهداء والصديقين


أبشركم أنني بدأت بعد الإتكال على الله ثم السير وفق ما وجهتموني إليه في تجهيز العزبة ولم يخلو الأمر من مسألة الأخذ والرد في بعض الحاجيات ولكن أصبح عندي تصور كامل عن كل ما من شأنه الإيفاء بمتطلباتي .. فلكم الدعاء والشكر الجزيل ،،


اخي الغالي وين القطه

اذا انت من اهل الرياض ياغالي ابشر بعزك اتواعد انا واياك يوم تكون فيه فاضي ونطلع لأحد المحلات المخصصه لتجهيزات الرحلات وباذن الله تعالى ماتطلع الا وانت مكمل اغراضك من اولها الى اخرها ماينقص منها حتى لو الملعقه ان شاء الله ولا ابي منك الا الدعاء بظهر الغيب لي ولوالدي

وراسلني على الخاص اذا لك رغبه اتواعد انا وياك


ما قصرت يابعدي .. جعل عمرك طويل


لك ولوالديك دعوة حتى لو لم يتم ما أشرت إليه ..


يكفيني شهامتك :good:


اخوي وين القطه احرص على شنطه اسعاف انشاء الله ماتحتاجها بس انت عارف الاطفال الله يصلحهم والشي الثاني ماطور هواء ابو جمل وحط معه رقع تيوبلس وسكروب رقع وبالنسبه للشنطه العزبه صراحه الشباب ماشاء الله افادوك وماعندي اكثر مما قالو حفضك الله انت واسرتك تحياتي لك


الأصيل ابن الأصول


لمحتين ذهبيتين لا أملك تجاه من أشار إليها إلا الدعاء له بأن يوفقه ويسعده


كل الود




يا سلام ،،




الشباب ما قصروا معك عطوك المفيد ،،


لكن انا لازم ادلوا بدلوي بما اني احسن واحد في العالم يروح للبر ،،;)


عندي كم ملاحظة ،، لا تعتمدها علطول اسال الشباب عنها وترا كل شي قابل للنقاش :


* اولا : لا تكثر اغراض ترا طلعت البر حلاتها بالمطرسة والحوسة وترا احسن شي بالبر مش حالك اهم شي لا ينقص شي ولا يزيد شي يبهذلك ويدبل كبدك ،،


ثانيا : لا تغرك حركات محلات الكشاته ،، حاطين كل شي له جراب ،،
الملقاط له جراب والدافور والقدر والمراكب والمناقل والحطب و ..... و ...... الى اخره وكل شي له جراب وشنطة حتى الرجاجيل لهم شناط ،،


انا بصراحة طلعت مع واحد من الشباب حالته ميؤوس منها كل اسبوع يمر محل رحلات ،،


ويلقط من (( القراشيع )) ويشري من ذالشناط ،،


واذا كشتنا وجينا نمشي الله لا يوريك ،، ساعة ونص يرتب اغراضة وعزبته ،،


ولا تسمع الا اصوات السحابات (( زووووووووط .. زووووووووط ))


لذلك انا احذرك من التكلف ومن استغلال محلات الكشاته ..


ثالثا : مطبخ بيت امك ومطبخ بيتك لا تعداها ترا فيها اشاء ثمينه ومهمه ،، نذكر امثله .


* علب القزاز حقت المربى والجبن السائل الكبير وما شابهها ::
هذي سلمك الله مهمه ومفيدة واحسن سبع مرات من العلب البلاستيكيه خاصة في الاشياء اللي تفقد ريحتها مثل الهيل :good: والعويدي ( المسمار ) والبهار والزنجبيل ...


وازيدك من الاشعار بعض المواد الحارة مثل الهيل والمسمار تسبب تأكل للعلب لبلاستيكيه مما يؤثر على الطعم وقد يسبب اضرار ..


** القدور :: هي جمع قدر والحقيقة ان كل مطبخ لازم تلقا فيه قدور زايدة عن اللزوم ولا يبونها وبعض المرات تكون حقت احد الجيران ولا ترون منهو وتروح عليه الايام وتنسونه :p:p:D ،،
لذلك جمرك المطبخ وخذ لك الاتي :
قدرين ومقلاة ( اوما مقلاة :D) تاوة والقط سكين خضرة وسكين لحم وشف لك قطاعة بلاستيك قديمه وملعقة خشب مشلوخ نصها محد يبيها وتبسي ( صحن ) معفوط شوي


شبك شوي مربط باسيام اكل عليه الدهر وشريتوا بدالة


غضارة ( او طاسة ماء ) :good: مضروب جنبها بساكتون هوائية ،، هذي لا تنساها لان لها مزاج ثاني في الشرب ،،


### الحقيقة الاشياء كثيرة لكن لا تكلف عمرك لان تسعين بالمية من العزبة موجود بالبيت ،، باستثنا شنطة العزبة والدافور ،،


لذلك اشتر الشنطة وبعدين جبها للبيت وعبها وبعدين شف وشو الناقص ،،


يا عيوني الكلام يطول وانا اشغلني ابو خالد صديقي وبروح له اللحين :p
،،


اي استفسار انا حاظر
ارسلي عالخاص ،،


سلام ،،،،،،،




ياسلام سلم


اسم على مسمى وينطبق عليه " قول وفعل " ..


أثر فيّ تكبدك عناء كتابة ردك الطويل المليء بالفائدة وبأسلوب مبسط ومحبب للنفس


ربي يوفقك ويستر عليك ويجعل حياتك سعادة وسرور


ودي وتقديري





ياسلام سلم




عين العقل والصواب



أنا اشهد


شاكر مرورك أخي النوبل


الله يوفقك لما يحب ويرضى ،، عز الله أن مافيه احسن من طلعتك بعيالك ،، وانه ينشرح صدرك لي شفتهم مستانسين ،، الله يسعدكم دنيا وآخره ،، والشباب ما قصروا عطوك الزبده وما بعد كلامهم كلام


ويسعدك ويوفقك يارب اخي اكزت


عندما ترى السعادة على محيا الأطفال لا يعدلها سعادة والله يشهد


كنت أرى هذه السعادة في وجوههم من خلال الملاهي والألعاب الحديثة سواء في البيت أو في مدن الألعاب .. ولكن سعادة الكشتة غير .. وأيم الله غير :)


بيض الله وجهك ورحم الله والديك واسعدك بالدنيا والاخره ...
الحقيقة ما خليت لنا شي نكتبه وكثر الله من امثالك ...


أنا اشهد ان عاشق وكل الاخوان ما قصروا وبيض الله وجيههم دنيا وآخرة


شاكر مرورك أخي مشعل





الاخوان بيض الله وجيههم ماقصرو كفو والله برجال مكشات




بس عندي ملاحظه بسيطه لا تنسي التصوير ونقل كشتاتك هنا بالموقع:good2:

واهم شي صورة العزبه:D



ولا يهمك اخوي شلة القنص


الكاميرا موجودة ولكن خلنا نطلع كم طلعة "تدريب" وعقب ما ندخل في البروفيشنال اصور لكم :)


شاكر مرورك العطر





يامرحباً بالبر واهل البر




تصدق عاد إني أفرح إلى شفت واحد وده يكشت ويطلع ويوسع صدره وصدر عياله


قل آمين عسى الله يوفقك


أخوي الحبيب خذها من أخوك نصيحة


( لا تشيله كله وتطرحه كله )


يعني لا تحاول توفر عزبة البر كاملة من اول شي وتحمل نفسك فوق طاقتها وبعدين تتركها كلها مثل ما يسوون أغلب الشباب


يعني أنا أشور عليك مثلاً خل بدايتك بعزبة وحدة خلها للشاهي والقهوة ودويفير صغير يسد لزومك وخلك كل ما طرى على بالك بيالة شاهي خذ الصغار ورح في أدنى مكان فيه براحة .... شب ضوك وصلح قهوتك وشاهيك وخل شغلك مرتب أول بأول وإذا خلصت رجع كل شي زي ما كان


بهالطريقة بتلقى نفسك تميل بقوة للطلعات والشبة والعلوم الغانمة , وبتلقى نفسك عقب شهور إلا انت معك عزبتين وحدة للقهوة ووحدة للطبخ , وبتلقاك تدور الفرصة بس اللي تطلع وتروح توسع صدرك في البر ومعك اغراضك وأشغالك كلها


جرب تاخذ الموضوع خطوة خطوة وذمني وأمدحني


الله يوفقك




المهلي ما يولي ..
الله يوفقك ويسعدك يارب اخوي الكريم دهران


نصائحك على العين والراس وقد بدأت في تطبيقها بعد تجميع ما تيسر لي تجميعه من العزبة وطلعت بعيالي أمس الأول وفليناها .. والله ما شفت سعادة الملاهي والألعاب مثل ما شفتها في البر .. رغم أن الطلعة لمدة قصيرة ومحدودة وافتقدت للكثير من الأمور!
الطلعات العائلية تحمل الكثير من الفوائد ليس أقلها توفير المال الذي يذهب سدى في الملاهي .. والبعد عن أجواء الصخب والإزعاج والتوتر إلى حيث الهدوء والطبيعة وأرض الله الواسعة الرحبة .. إلى محاولة ترسيخ وتطبيق التوجيه النبوي الكريم (اخشوشنوا فإن النعمة لا تدوم) ..
وبالمناسبة أنا ميال جداً لطلعات البر والنفاه والعلوم الطيبة .. واستمتع بها أيما استمتاع مع الزملاء والأقارب إذا حصلت .. لكن لم أكن أعطي لعائلتي ذات الأمر ربما لغفلة مني أو تكاسل او عدم توفر السيارة المناسبة .. أو حتى "شيلة همّ" الأطفال (برد .. خوف من الإصابات.. الخ).


أكرر شكري وتقديري لتشريفك وتوجيهك





يالنوبل ،،،


عين التواضع منك ،،


وعين الشرف لي ،،،


اشكرك على الاشادة ،،




تستاهل اخوي ياسلام سلم وأكثر


كل الشرف أن أحظى بردودك مع ردود كل الأحبة الذين أخجلوني بحماسهم وتمنياتهم لي وردود فعلهم الطيبة تجاهي ..
واسأل الله أن يكرمهم ويسعدهم وينفعنا بعلمهم وعملهم.


للجميع كل التحية والتقدير ،،

[salmansa]

جزاكم الله خير

واشكر صاحب الموضوع والفائدة عمت الجميع

[راع المذنب]

الله الله بالزين والأصلي ترى الزين ثمنه به

[jgjc]

يعطيك العافيه على الموضوع

[المهاجر انا]

نصيحة منتجات السنيدي رح خذ من محل السنيدي بين مخرج 11و12 وانت رايح جنوب ارخص من المحلات الموجوده فيها والباقي الله يعينك

[أحمدالخيل]

الله يعطيك خير السيارة ويكفيك شرها
والسنيدي أأفضل محل لك
موفق باذن الله

[عسعس الليل]

اخوي
عزالله الشباب ماقصرو بفزعتهم يوم انتخيتهم
واعجبني عاشق السيل بفزعته وقولته انه يروح معك شخصيا ويعلمك وش الاغراض اللازمه للعزبه
من ناحيه اخرى حبيت اقولك تحصل في بعض محلات بيع لوازم الكشتات عزب مجهزه سوا عزبة طبخ او عزبة قهوه
والنوعيه هذي الجاهزه لك عليها ماتفي بالغرض لان اغلب مكوناتها مو اصليه حقة تمشية حال
انصحك تشتري شنطة العزبه فارغه وان تكون بلاستيك مو حديد لان الحديد بتكون ثقيله عليك
واذا شنطة ( صندوق ) العزبه خذ معك ام العيال لانها ابخص واعرف بالاشياء التي تفي بغرض عدد العائله سوى من قدر ضغط او صحون وسكاكين وملاعق وملاس وذراية دافور ودافور وملقاط وفرامة بصل يدويه اسهل واريح بحكم انها عزبه عائليه وانا عن نفسي كونت عزبه تصل قيمتها 650 ريال
متكامله والكامل وجه الله سبحانه
وانصحك تاخذ معك ورقه وقلم وتسجل اذا باقي ماشتريت او جهزة العزبه

* شنطة عزبه صندوق بلاستك متوسطة الحجم
* دافور اصلي متوسط الحجم
* ذراية دافور ( عن الهواء )
* ملقاط نار
* قدر ضغط اصلي متوسط الحجم حسب العائله
* ثلاث صحون كبير ووسط وصغير
* سكاكين + ملاس + مغراف + فرامة بصل يدويه +
* قدرين حسب افراد العائله
* شنطه صغيره فيها 4 علب تحفظ البهارت = بهارت + ملح + فلفل احمر مطحون + ليمون اسود ودارسين وورق غار

انتهينا من عزبة الطبخ
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
عزبة القهوه

*دلتين رسلان = دلة مطباخه ودلة مبهاره
*شنطه صغيره لحفظ الكاسات والفناجيل
* فناجيل قهوه + كاسات شاهي
*علب يوضع فيها القهوه والهيل والشاهي والسكر وتفضل ان تكون معدن او بليتين لحفظ النكهه
* خلبة دله + شخال يدوي للحاجه
* بيز يدوي العدد حسب المزاج ويفضل 2
* حافظة للتمر
* سطل بلاستيك لغسيل الكاسات والفناجيل
* طوفريه او صحن بلاستيك لتصفيف الكاسات والفنجايل بعد الغسيل

النهاية
ـــــــــــــــــــــــــــــــــ
انا فصلة لك العزبتين كل وحده على حده وانت لك الاختيار في جمعهم في شنطه وحده او تفريقهم بشنطتين
والله يديم لك الوناسه انت وعيالك واهل بيتك
والله يحفطكم

[ابوصالح77]

فادوك الإخوان
يا علها مبروكة وعون على الطاعة .