القرم
20/08/2005, 08:27 AM
حصل (حمد) من سكان القصيم على ترقية كان يطالب بها من زمن، ولما أعيد تصنيفه نقص من راتبه اكثر من خمسمائة ريال، وهي التي كانت تبقى له من بعد القروض وعلف بعارينه، فخرج الى "الطرقة" وهي المكان الذي فيه بعارينه مهموما تلف الحيرة عالمة المكلوم. وخلال هذه اللحظات مد تيس رأسه من شبكه وله ثغاء كأنه ثكلى او بكاء يتيم، إلتفت له (حمد) وقال له: أدري وش تبي بس منين اجيب لك شين تاكله؟؟
ثم أنشد:-
يا عبيد قرب لي من الرمث غـــــــمرين.......... مع جلةٍ والغاز لا عاد تطـــــــريه
الغاز صار ابعد علينا مـن الصــــــــــين.......... لانيب لا يمه ولاني بشــــــــــاريه
ترفيعةٍ حطت على الفقر فقــــــــــــــرين.......... رصيدنا تيس عسى القوم تقــــنية
يالتيس لا تثــغي..بي الي يكــــــــــــــفين.......... انته وانا كلٍ همومه تكفــــــــــــيه
عندي خبر وش مطلبك يا اصفر ا لعين.......... تبي شعير تدهمه بس مافـــــــــــيه
إن شبعك تبن العام زين علــــــــــى زين.......... والا اطلب الي هالمخاليق ترجيه
وسلامتكم
ثم أنشد:-
يا عبيد قرب لي من الرمث غـــــــمرين.......... مع جلةٍ والغاز لا عاد تطـــــــريه
الغاز صار ابعد علينا مـن الصــــــــــين.......... لانيب لا يمه ولاني بشــــــــــاريه
ترفيعةٍ حطت على الفقر فقــــــــــــــرين.......... رصيدنا تيس عسى القوم تقــــنية
يالتيس لا تثــغي..بي الي يكــــــــــــــفين.......... انته وانا كلٍ همومه تكفــــــــــــيه
عندي خبر وش مطلبك يا اصفر ا لعين.......... تبي شعير تدهمه بس مافـــــــــــيه
إن شبعك تبن العام زين علــــــــــى زين.......... والا اطلب الي هالمخاليق ترجيه
وسلامتكم