الفحل ذمة يا جماعة الخير

[رويسان]

بسم الله الرحمن الرحيم
الفحل ذمة ياجماعة الخيروذمة يعني مايطلق على اي فحل كلمة فحل الاذا كان من ساس طيب يعني الاب من سلالة طيبة وكذلك الأم بعض الناس حلالة وسط اودون شوي ويجي عندة قعودفيه بعض صفات الجمال ويقول هذا فحل مع العلم ان أمه ردية وابوة ردي ويوهق الناس في تربيتة ونتاجة الغير مناسب وبعد ذلك يبيعه للقصاب يعني مانقول فحل الا أذاكان امة طيبة وبوة طيب ومتسلس من سلالة طيبة كذا أنشاءالله مايخلف الهقوه0 الله الله بالمشاركات الجيدة المفيدةفي هذا الموضوع

[راعي-gx97]

أنا معاك 100 %
بيض الله وجهك على هذا الكلام والنية الطيبة أسأل الله لك التوفيق دنيا وأخرة ..

[راعي-gx97]

أنا معاك 100 %
بيض الله وجهك على هذا الكلام والنية الطيبة أسأل الله لك التوفيق دنيا وأخرة ..

[بازار شريف]

ليش ياخوي بعض البل ساسها طيب وكل المواصفات الزينه فيها ومن مراح واحد النياق والفحل
وتجيب انتاج ردي وبعضها الشكل مقبول وتلقح على بعير طيب وتجيب انتاج فاخر الرازق الله سبحانه
الاتؤمنون بان الله هو الرزاق

[خذ العلم]

السلام عليكم

اخي رويسان لاتورط الناس الله يخليك لي

وش الفايده من الساس الطيب اذا الانتاج صفر ؟

كان اجدر تقول الشكل والساس ارجوو تقبل وجهت نظري

تحياتي ... خذ العلم

[رويسان]

ليش ياخوي بعض البل ساسها طيب وكل المواصفات الزينه فيها ومن مراح واحد النياق والفحل
وتجيب انتاج ردي وبعضها الشكل مقبول وتلقح على بعير طيب وتجيب انتاج فاخر الرازق الله سبحانه
الاتؤمنون بان الله هو الرزاق
أمنا بالله وكفرنا بغيره يخوي لوكل الابل تجيب انتاج طيب في كل ولادة كان الناس اكتفت من زمان بالزين بس هناك نسب وتناسب يعني الطيب يجي نسبة انتاجة من الطيب اعلى والردي يحجي نسبة انتاجة من الردي اعلى والفحل المقبول الشكل أذا كان من ساس طيب لابد يطرح طيب باذن الله يعني مايخلف الهقوه والعكس صحيح مع الردي الي ساسة ردي نسبة انتاجة من الردي أعلى 0وفي السابق أذا قال الرجال هذا فحل يدخل في مضمون الكلمة ان ابوه طيب ومة طيبة ويكون في ذمتة0وشكرك على مرورك الطيب على الموضوع

[رويسان]

السلام عليكم



اخي رويسان لاتورط الناس الله يخليك لي


وش الفايده من الساس الطيب اذا الانتاج صفر ؟


كان اجدر تقول الشكل والساس ارجوو تقبل وجهت نظري



تحياتي ... خذ العلم

بارك الله فيك على الملاحظة الجيدة والمقصود با لساس الطيب المواصفات الجيدة من شكل وغيرة في امهاته 0

[قاصد الصمان]

الله يجزاك خير
(فحل) الابل (فحل) سواء كان انتاجه طيب او ردي
القعود تطلق عليه ما دامه توه صغير ما بعد ضرب
لكن
انت تقصد ان الواحد لايبالغ في مدحه( فحل) عنده او عند غيره
وهو مايستاهل هالمدح كون انتاجه عادي
ويوهق الناس تروح له من اجل تضرب عليه والنتيجة لاشي ،،

[خالد1العتيبي]

لاهنت واصبت في ماتقوول.

[السنافي الحر]

كلامك في محلة ويا ليت كلن يفرق بينهن

ويعطيك العافية على التوضيح

[مجاهيم]

مشكوووور
كلها فحول مدام أنها للضراب...ولكن فحول الهداد والانتاج غير وحنا مانسمع من شيبانا الا ((عندي فحل للبيع أو وماعندكم فحل للبيع أو...)) بس مايقصدون بها الفحول اللي عليها الكلام والفحول اللي عليها الكلام تعد على الاصابع في الجزيرة العربية...وعند البيع والمشترى وعند اللي يبي الانتاج الطيب لابد من التوضيح وتصفية النية والنصح للمسلمين...

[بازار شريف]

أمنا بالله وكفرنا بغيره يخوي لوكل الابل تجيب انتاج طيب في كل ولادة كان الناس اكتفت من زمان بالزين بس هناك نسب وتناسب يعني الطيب يجي نسبة انتاجة من الطيب اعلى والردي يحجي نسبة انتاجة من الردي اعلى والفحل المقبول الشكل أذا كان من ساس طيب لابد يطرح طيب باذن الله يعني مايخلف الهقوه والعكس صحيح مع الردي الي ساسة ردي نسبة انتاجة من الردي أعلى 0وفي السابق أذا قال الرجال هذا فحل يدخل في مضمون الكلمة ان ابوه طيب ومة طيبة ويكون في ذمتة0وشكرك على مرورك الطيب على الموضوع
هلابك اخوي رويسان
ايش رايك بالفحل اللي بتوقيعي بالامانه وبدون مجامله

[الحارثى محمد]

كل بعير ملقح للنياق اسمه فحل
والفحل يطلق على الذكور المسيطره او القادره على تلقيح اكبر عدد من الاناث
وسلامتكم

[بيت طين]

وش المطلوب بالضبط

الفحل ماعليك من امه ولا ابوه

الفحل عطا من الله لو تشريه من تحت امه وابوه مشهور

اهم شي الساس والمعمق الطيب ولا الاشكال ياما اشكال مافيها خير مثل بعض الرياجيل

تشوفه والي هرج قلت ليته ساكت..