لا تبخل علي بالشور في الهايلوكس الدبل

[ابمهيوسا]

أنا ناوي على الهايلوكس الدبل 2011

ودي بالقير التماتيك أريح لي وأبي شوركم الله لايهينكم

[جيب شراع]

اذا كانك راعي بر ودايم تطلع للبران

فمالك الا القير العادي

اما اذا كنت راعي ديرة وطلعاتك للبر قليلة فخذ تماتيك

[سرطوقا]

قير عايدي ولا تشاور ، اذا جيت تبيعه من اللي يرغبه نادر

وبعدين القير العايدي يدوم معك بارك الله فيك

مووفق

[عرق الأرطى]

غير العادي لا تدرو

[حزوبر]

السلام عليكم
يا اخي اتركك من فتاوي إلي ما جربو التماتيك
انا ولله الحمد والمنة املك هايلكس دبل غمارتين 2008 تماتيك
يا اخي موتر بر ومدينه، ولن تندم عند شرائه
ومثلك عارف الأن الجيوب اكثرها قير تماتيك، وما سمعنا احد اشتكى من الجيوب الجدد
بالنسبة لقيره وماكينته، مثل الفوشنر بالضبط
واتمنى يكون في ال 2011 سته سرندل، ياهو بيطلع موتر صح
اتمنى انه اذا نزل في الخليج 6 سرندل تاخذ خليجي قير تماتيك 6 سرندل دبل

[فهد33]

البر أفضل له القير العادي أنا معي جيب تماتيك باترول وماشوفه زين إلا بالديرة .. وأنت أبخص بحالك

[ذهب صافي]

السلام عليكم
يا اخي اتركك من فتاوي إلي ما جربو التماتيك
انا ولله الحمد والمنة املك هايلكس دبل غمارتين 2008 تماتيك
يا اخي موتر بر ومدينه، ولن تندم عند شرائه
ومثلك عارف الأن الجيوب اكثرها قير تماتيك، وما سمعنا احد اشتكى من الجيوب الجدد
بالنسبة لقيره وماكينته، مثل الفوشنر بالضبط
واتمنى يكون في ال 2011 سته سرندل، ياهو بيطلع موتر صح
اتمنى انه اذا نزل في الخليج 6 سرندل تاخذ خليجي قير تماتيك 6 سرندل دبل


كفيت وفيت يا خزوبر عز الله ان الهايلوكس التماتيك الدبل إنه موتر نشيط وعزم ونفسه طويل جداً في الهلاش ونفسه خفيفه ووذف (( ماشاء الله ))

القير التماتيك أغلى من العادي ونصيحه رح للبازعي

الناس كلها أتجهت للماتيك لانه بدا يفرض نفسه بالسوق والناس تبي القوه والراحه

[فهد الدلبحي]

هلا وغلا


انا معي هايلوكس 2010


واذا تبي نصيحه لا تاخذ الا قير عادي

فيه واحد اعرفه معه 2009 قير تماتيك يقول والله ماتسوا ريال واحد واذا تبي النصيحه خذ عايدي

[Riyadh City]

الرجال سألكم وتوهق واحد يقول خذ وواحد لا تاخذ

خذها مني وأنا أخوك ,, أنت ما سألت عن القير التماتيك الا إنك تدور الراحه أولاً وثانياً واضح أن طلعاتك للبر خفيفه
والا لو كنت راعي طلعات مستمره كان أتجهت للعادي دايركت ,,
بناء على ما سبق توكل على الله وخذ التماتيك لأن محركات الهايلكس هي محركات الفوتشنر وما خبرنا أحد يشتكي من قير الفورتشنر التماتيك ...

بالتوفيق

[بليزر]

انا شريت 2009 جديد دبل اتماتيك الحقيقه موتر يطربك ديره وبر والله يوفقك

[ابو ملقاط]

للاسف الهايلكس الدبل خرطي
قلي ليش
1- ثقيل الموتر
2- اذا غرزت وعشقت الدبل الخفيف يطفى ليش؟ مافيه عزم لانه 4 سلندر( تكفى لوانه 6سلتدر)
3- تحس انه احطبه اذا ثولث لازم يرتفع احد الكفرات في الهواء
ولا يقارن بالهايلكس العايدي الي بدون دبل خفة نفس ونشاط
وسلامتك