اللي عنده حل بالنسبه للكهرباء الزايده لا يبخل

[مسعطر]

مساء الخير
ياجماعه عندي صوت فالسياره مابقى احد مامريت عليه وكل شي سويته مافاد
صوت اذا السياره شغاله يطلع طرطره
فالايكوم والمسجل وجهاز المارشال اذا شغال
اذا طفيت السياره راح الصوت
انذكر لي جهاز يعتبر حل للكهرباء الزايده
اللي يعرف الجهاز او عنده لا يبخل علي
واكون لكم من الشاكرين

[محمد-الرس]

كهرباء زائدة أو ساكنة كلهم نفس الشي ... هذي حلها بأنك توصل سلك من الجهاز للأرض ويسمى تأريض جرب بسيارتك اذا كنت رايح للبر أو شي ...المشكلة أنك بسيارة لو أنك بالبيت كان خفت المشكلة .

[سلطان الدوحه]

هذا اخوي محمد قالك في طريقتين الولى ممكن من كثر الاستخدام او من سبب اخر عندك مشكله بالسياره والكهرب فيها فتلاحظ ان صوت السياره يطلع عندك بالسماعه او شي مشابه في فلتر للجهاز يباع فمحل دار البوصله مفيد لتنظيم الكهرباء والحل الثاني تأكد من شخص كهربائي يشيك لك التهريب بالسياره كامله ...(طبعآ في كل الحالات استخدم التأريض بسلك خارجي في سطح السياره )

[مسعطر]

الله يبيض وجيهكم
دار البوصله ذا وينه
الخبر موجود او الدمام
وطريقه السلك فالارض مافهمتها
ومثل ماقلتوا الصوت يطلع بالسماعه بس مجرد اطفي الصوره ماعاد يطلع صوت
ياليت الافاده بوضوح

[سلطان الدوحه]

خذ الحل .. روح حق كهربائي فنان وهو بيسويها لك وانت تعلم منه ..

[alkatem]

فـــالك طيب .....
http://www.mekshat.com/vb/showthread.php?t=4264

هذا الربط بيفيدك اكثر فيه صورة طريقه تركيب سلك من الجهاز لسيارة يسحب الكهربه الزائدة من جهازك .

[مسعطر]

بيض الله وجيهكم
وعز الله انكم افدوتني جزاكم الله خير
اربها تضبط بس

[مسعطر]

ياجماعه صوت تاريض
وفلتر
ونفس الشي
والله العظيم انه جنني ذا الموتر كل شي سويته
ماباقي الا الدينمو توقعون ان الضرر منها

[سيف خنذف]

اتوقع انه من الدينمو ... لأن الصوت مايطلع الا اذا شغلت السياره . والديمنو مايعمل الا بعمل المحرك !

اذاً اتوقع من الدنميو .. او يكون عندك تهريب كهرب .

عموماً شيك على فيوز السياره .. ترا بعض المرات يعطب فيوز لكن ماتحس به ولا يفرق عليك الموتر الا في الأمور الي انت ذكرت .

اعمل مايلي :

1- شيك على الفيوز .
2- شيك على الدينمو .

واذا كانت القاعده مغناطيس حقت الأريل ضع الأريل على الأرض واضغط الريشه وشف هو يطلع الصوت ولا لا !
لأن يمكن يكون الصوت بسبب ان القاعده تلامس بودي السياره والمعروف ان بودي السياره يعتبر - سالب .

اذا ذهبت المشكله فعرف تماماً ان المشكله عندك من تأريض السياره أو مايسمى ب - سالب السياره

جرب وشوف قبل التعب والخساير !


شكراً

[duzazms]

ودي اظيف بعض النقاط غير اللي اذكروها الشباب وهي كالتالي

1- التاكد من اسلاك البواجي لا يوجد بها تهريب كهرباء.
2- التاكد من سلك البطارية غير مرتخي.
3- التاكد من سلك التاريض بين المكينة والهيكل مربوطة بسلك مرن نحاسي مثال
http://i.ehow.com/images/a04/le/fi/remove-car-radio-static-1.3-800X800.jpg

4- التاكد من جميع اسلاك التاريض موصلة بفحصها بالفولتج ميتر

اتمنى اني قدرت اخدمك

ابوريان

[مسعطر]

الله يعطيكم العافيه
ويبيض وجيهكم

[القطاوي490]

اخوي انا بعد عندي نفس المشكلة

ركبت ثلاجة الرماية واذا شغلتها طلع صوت مراوح الثلاجه بالايكوم واذا كانت الثلاجة طافيه مافيه اي مشكلة

[alkatem]

مدري اشك انه من الجهاز اذا كان تجاري !!

لأن واحد من اخويانا عنده نفس مشكله معسطر ,
بدل الجهاز واختفى الصوت
والجهاز اللي عنده قبل تجاري ومشيك عليه .

[مسعطر]

مرحبتين يالكاتم
المشكله اني بدلت الجهاز
والله لو اعلمك وش سويت ان تمسك راسك
لكن لابد ان له حل
باقي الدينمو ان شاء الله انها منها ونفتك

[النسرالعالي]

في الغالب ان الصوت اللي يطلع على شكل وشوشه يكون سببه السماعات تكون قديمه او ان الشمس اعطبت
الطبقه العازله للمغناطيس والحل غير السماعات ولابد ان تعرف قدرت السماعات ( كم وات ) 300 وات وكثر
او واعلى

[مسعطر]

مشكور يالنسر العالي
على المعلومه

[adool900]

ها بشر وش صار

[عطيب الشوق]

السلام عليكم ورحمة الله وبركاته


غير بواجي الموتر وما جاك عندي بإذن الله يروح الصوت

تحياتي لك
ابوسعد

[حزم نجد]

بواجي ومكينه ودينمو !!

مشكلة الكهرب تكون من سماعت الجهاز او من كيبل الاريل يكون فيه التماس او جرح بسيط

تفقد كيبل الاريل وركب سماعات خارجية

وبالتوفيق