دبل الباترول ؟؟؟

[بيتر بن عدوان]

سلام عليكم ورحمة الله وبركاته

لو سمحتوو الدبل عندي فيه طقطقه يعني جنزير وش الحل معاه ؟؟؟؟ انا بالقصيم هل تنصحونن بالصمعاني ؟؟؟؟ ارجو الرد بمل لديهم خبره

[اكليل الجبل]

والله انا كان عندي صوت طقطقة ورحت للمهندس ابو فلب (فلبيني) ممتاز بتبوك قال هذا الجنزير وشريتة ب 1000 ريال وغيرتة والحمد لله مية مية

[وليد 5]

وعليكم السلام
اني عندي صوت طقطقه بالدبل وركبت جنزير بس بعد فتره طلع الصوت مره ثانيه ولا صلحته موديل 98
الصمعاني والهبياش مافيه احد مثلهم

[برايدوي عنيد]

هلابك اخووي ...

الجنزير اذا خرب وركبت وكاله بعد فتره راح يرجع .

الحل انك تشري دبل كامل من التشليح حق 97 تماتيك ياباني وتفلشه وتاخذ جنزيره وراح يضبط معك .

طبعا عندك ورشه ابوسليمان الهبيش بخضيراء يصلحه وشغله ممتاز طبعا نفس المشكله وانا مجربه .

وكذلك ورشه ابو عبدالله الصمعاني شغلهم ممتاز بعد .

تقبل مروري ...

[بيتر بن عدوان]

مشكوووورين وماقصرتوو للجميع بس انا انشالله بشتغل عند الصمعاني
لو سمحتوو تعرفون كم يكلف ؟؟؟؟؟

[صلفان.نجد]

الله يسامحك, بالقصيم وتسأل عن صيانة باترول , اكثر الميكانيكيين البارعين من الكوادر السعوديه من اهل القصيم (الله يكثرهم).والصمعاني ممتاز.

[الغريب 2000]

اخوي بيترنصيحة لك اذا ركبت الجنزير لازم بعده فرار المعروف بالمفصلات عند السليماني باالغرابي وقيمته 600 وبالنسبة للجنزير قيمتة 500 ريال في صناعية النسيم ورشة الطائر وتقبل تحياتي

[بيتر بن عدوان]

سلام عليكم

اخواني تشليح من تشاليح بريده عرض علي تغيير الدبل بواحد مستعمل شغال ب 1000 ريال وش رايكم ياربع اركب جنزير من التشليح ولا اركب دبل كامل ؟؟؟؟؟

[ربع النسيان]

كم موديله ... ومتى طلع الصوت

[شلشكو]

طلع علي الصوت بالسفاري موديل 92 وغيرت الجنزير 800 ريال قطع غيار وشغل يد على ما اذكر 400 ريال والحمد لله الين بعت الموتر والشغل مضبوط (( اكثر من سنتين ))
بالرياض ورشه النشوان الفني كارلوس صناعيه الشفا

http://img101.herosh.com/2010/03/24/349696881.jpg (http://www.herosh.com)