طريقة بسيطة لصنع الل............ (ادخل منت خسران ) .

[قناص شقراء]

بسم الله الرحمن الرحيم

السلام عليكم ورحمة الله وبركاته
حبيت اني في هذا الموضوع اني أعلمكم (مسوي فاهم ) طريقة صنع اللبن وهي طريقة سهلة جدا جدا
وما تكلفك أكثر من 5 ريال بصدق وفي هالطريقة عدة مزايا : منها :
1 - تصلحه بيدك والشي اذا صلحته بيدك له طعم غير (ولو انه مطاريس) .
2 - تتأكد من مصدرة ونظافته وغيرها من المزايا ...............
المهم تحتاج الى :
حليب +بيالة لبن فقط
مرحال الإعداد :

1 - تصب بيلة اللبن على الحليب .
2- تتركه لمدة 24 ساعة في حرارة الغرفة . (لترويب اللبن)
3- تاخذه و تقعد تخضه بكل ما أعطاك الخالق من قوة (واذا كنت تبي تروح للبر والا شي علقة بالصدام وازهله)
4- تصفي اللبن في ماعون و الا شي فيبقا بالصفاية( الزبد) وتراها ما يحتاج مع التمر ياسلاااااااااااااام
5- اشرب الين تصيبك التخمة (امزح معكم لا تصدقون) اشرب كفايتك لا اكثر و لا اقل ...........

وعليكم السلام ورحمة الله وبركاته ....... وجربوها و عطوني رايكم فيها و شكراً .........


أخوكم : راعي الهواوي .

[صوعان]

طيب الخطوه رقم ثنين نتركه في الغرفه مكشوف ولا مغطى
لاني سمعت ناس قالو خله مكشوف عشان يروب بسرعه وناس قالو لا
ونبي منك اذا انت مجرب تعلمنا وش احسن حليب
والله يجزاك خير

[أبو فراس]

السلام عليكم ورحمة الله وبركاته

شكرا على الطريقة ولكن وش مقدار الحليب

واي نوع الحليب

وهل الحليب يكون بارد ام فاتر

[قناص شقراء]

أخوي
صوعان
أبو فراس
بالنسبة أنه مغطى والا مكشوف تخليه مكشوف ..
الحليب أي نوع من الحليب الطبيعي والا اللي في البقالات ترى كلهن واحد

و على العموم شكراً لمرورك يا أخي الكريم
صوعان

أبو فراس
أخوك : راعي الهواوي ...

[غيّام]

راعي الهواوي يعطيك الف عافيه
واصل ابداعاتك

[بدر الجديد]

كم مقدار الحليب يعني نحط علبة نيدو مجفف او حليب مراعي كم لتر ......... وضح
مع الف شكر

[ابو وليم]

مشكور على الطريقة ويعطيك الف عافية

[قناص شقراء]

أخواني :
غيام : مشكور على المرور و يعطيك ألف عافية .
بدر الجديد : حليب بودرة أو طويل الأجل ما ينفع المراعي ما فيه أحسن منه والمقدار على حسب كفايتك وشكراً على مرورك .
أبو وليم : الله يعافيك وشكراً على مرورك .


أخوكم راعي الهواوي .